濠餐廳

營業中

休息中

係12月24號前一日係openrice訂左2人位,到24號餐廳打黎comfirm話會安排係泳池旁同8:30就座.到個夜去到只見好多人亂七八糟係門口等完全無人招呼.唯有跟大隊咁等,8點半等到9點先逐個安排入去坐,到我已經9點1-2點知無我地既record要等所有人入哂先安排其他我地入去.入到去野食唔係特別好,又唔多選擇,地方細但十分多人.絕對不會再來.

昨晚到了這自助餐廳，希望有一個滿意的晚餐。可能係節目期間，所以 稍為多人。收費仍然是近$500元一位。員工明顯不足夠支援這數目的顧客。海鮮食物清盤後很久都不加添。芝士盤竟沒有芝士刀，要用一茶匙 cut 芝士。在各海鮮吧， 壽司吧 及茶水吧全塲均無 檸檬供應。 檯面食完碗碟又無人收取。 燒烤食物 燒焦了很多。帶子又不足夠。 食物質素全部一般。 龍蝦湯有半隻龍蝦味道尚好。 甜品款式很多及供應足夠。 還好有某個信用卡有65折。整體這個晚餐不太好。

今次去主要因爲Facebook coupon, 大人有七折，帶埋小朋友差唔多半價，十分抵食。侍應見到有小朋友安排左靠窗位置，望到泳池景，非常好feel。食物方面Buffet line 算幾多選擇，而且夠新鮮，甜品有我至愛Apple crumble。整體來說十分滿意，會再黎。

1. 預約20位買一送一優惠自助餐，職員提示需要是住客才能有資格，於是就預訂酒店兩晚。2. 使用時要求結帳，職員才告訴一間房只能優惠12位，其他人要正價，還聲稱接受預訂時沒有義務解釋優惠詳情，是顧客沒有看清楚優惠細則。真的氣憤，簡直是有意欺騙及隱瞞。3. 預約時應該提示優惠詳情，進入餐廳時亦有義務解釋優惠詳情，點解到了結帳才突然有義務解釋呢？4. 不同的職員分別過來查詢及討論，超過30分鐘騷擾客人不能進餐後....無奈之下接受了職員的付款安排，只是不想浪費時間。5. 處理後，職員還笑著問候: 今天是食物如何啊？真的更加氣憤，一群朋友的心情被破壞了，時間被浪費了，還問食物如何?真的不知道他是想要什麼結果啊～6. 對客人服務細心周到才能成為好酒店的。

味家星期六在富豪酒店吃了頓豐富的開sem飯喔haha~ 【熱食】龍蝦質地比想像中好，肉質彈牙且頗大舊，配上龍蝦湯是保守沒驚喜但又確是令人滿意的。推介:3燒牛肉就別有太大期望了，肉質: 鞋，韌味道: 牛肉本身味道不重，主要鹹味來自自己外加的燒汁。暖暖的燉雞湯，沒味精味，有輕微藥膳的香氣，唯獨雞肉有點鞋了…多款印度咖哩，包括牛，羊，雞，蔬菜……【凍食】多款cold cut，味饒最愛煙三文魚，加上檸檬汁，放在沙律菜上，旁邊再放點蜜瓜，哈蜜瓜，西瓜……是在吃得又累又膩時用來清清舌頭的不二之選喔~【甜品】好了好了，自助餐當然要瘋狂吃甜品囉！！！吃自助餐吃到中後段，便聽到一連串搖鈴聲，燈光也調暗了。味饒湊湊熱鬧，慶幸自己手痕帶了相機。餐廳中間已有不少人圍觀，味饒小心翼翼鑽到夠前的位置。原來是有廚師現場為預先澆上酒的雪山點火。我趕緊用相機尋找最好的燈光和角度，希望能為這意外驚喜，火焰雪山，留下最美的一刻。還沒回得過神，其他食客早已秒速排隊。我當然為…食不甘後人，迅速飛奔到隊尾。本想為味爸味媽味哥哥都各拿一份（先假設味饒是有三頭六臂的為食豬🐖），但原來每位食客只限拿一份。也是的，畢竟是限量供應，總要為

成日路經沙田麗豪酒店都好想試入面「濠餐廳」食自助晚餐，咁岩Openrice 有6折優惠，每人都係幾百蚊，有得坐poolside，仲有即席燒烤，超級多野食，包括燒原隻香草乳豬，燒牛肉，燒帶子等。最估唔到係佢D星馬菜式，海南雞飯皮滑肉嫩，個飯充滿雞油嘅香味，好似真係去左星加坡食咁。作為一個甜魔，當然唔可以錯過甜品區啦，甜品嘅款式種類超多，賣相又吸引，仲有雲糕任裝，起碼食左三轉。咁嘅價錢可以好舒服睇住靚景享受美食，都圍本啦。值得一試！

昨晚我和朋友訂了晚上8:00後吃自助餐價錢是＄268另外加人，當我們堹單時侍應話我後們8:00之前入去做回正價＇但我們明我明8:00後才入去，所以向經理投拆，經理話我們可能早了入去，但我們堅持沒有，唯有看ＣＣＴＶ才決定怎樣做，最後做回8:00後價錢，不過我會繼續投訴，大家以不要再幫襯這間酒店，以免收欺騙．

,甜品款式多左,但質素未能提升,太甜,唔適合長者。熱食款式太少,咖哩味道,水準下跌。沙拉醬補充不足.內部環境光猛左,比從前舒適.自助式飲品,可惜無左涷飲.驚喜地方係服務員態度質素提升,良好.

係沙田行完街，諗唔到食乜嘢就去試吓麗豪酒店呢間野全場加埋我哋得30個人都冇不過人少少嘅好處就係冇人同你爭嘢食但係更大嘅壞處就係啲嘢食好耐都唔會換我覺得好好笑嘅係壽司師傅做做吓嘢走咗去對面甜品部拎隻杯畢左杯楊枝甘露自己飲成件事好茶餐廳侍應態度非常好因為全部都做咗好多年我睇得出個個都起碼40歲以上值得一讚嘅係出面燉湯好好飲留意番我講嘅係出面拎住燉湯仲要推開嗰度玻璃門少啲技巧都會倒瀉

今晚我們去咗沙田麗豪酒店嘅「濠餐廳」食自助晚餐！他們今期嘅主題係燒烤！所以有燒原隻乳豬、燒牛肉、燒鯖魚、開邊凍龍蝦、長腳蟹、刺身壽司、中式燉湯同多款特色甜品等等等等⋯⋯燒原隻乳豬燒得外皮超級香脆，肉質相當軟滑，令人回味無窮！係本人嘅必食推介！燒牛肉嘅肉質非常嫩滑，牛肉味相當濃郁！本人一向都鍾意食厚切，而切牛肉嘅師傅都幾有禮咁達到我嘅要求！值得一讚！開邊凍龍蝦嘅肉質極之新鮮同爽滑彈牙，味道非常鮮甜，而且可以選擇加芝士燒！長腳蟹嘅肉質相當鮮味彈牙，味道唔會好鹹！甜品嘅款式種類超多，賣相極之精緻吸引，士多啤梨朱古力蛋糕嘅士多啤梨好香甜新鮮，朱古力蛋糕非常香甜軟滑，味道好濃郁！熱香餅係新鮮即叫即做，餅質相當香滑鬆軟！另有現場表演燃點火焰雪山雪糕，真係非常特色同有氣氛！

第一次寫食評，哈哈。上星期去左沙田同個朋友去左麗豪食自助餐，以前未去過，試下都好。人唔算多，比起之前去其他酒店算人少，可能唔多就腳啦。首先，當然試下刺身先啦，。。。um...款式唔算多，食落口感覺一般，可能本人唔多愛食生野，一塊起兩塊止。拎左碟凍豆腐，但加上吞拿魚碎，好似格格不入甘。轉去食下熱野先，咖哩ok,夠香，加埋塊薄餅唔錯仲有個西班牙海鮮炒飯，睇落唔錯，食落去就覺得淡左少少。韓式鍋真係唔得，係食鍋裡面的午餐肉粒最好食，炸雞比較ok,食左2件，其他熱食都ok，但無咩特別..算啦沙田區可以接受既。中段以為有表演，原來係火焰雪山。。。。。。。。最後甜品，反而好吸引，可能係門口位，一入來就見到，比較欣賞彩色macaron,藍莓芝士餅，仲有流心芝士撻，正可惜雪糕唔係H記

假期價錢$5xx，但食物與服務不值，而且連最基本的三文魚刺身都無。食物質素麻麻，款式不多。未知是否員工人數不足或是什麼，回收碟較慢，不止一檯客將碟疊高或直接放至回收餐車。燉湯同偏皮乳豬最為搶手，燉湯頭一輪質素唔錯，係蟲草花燉雞，第二輪就沒有標明而且顏色已較淺刺身選擇不多，有赤蝦，發泡膠口感不甜蛋，“鱲“魚.有西班牙炒飯，但沒有味道口感亦較乾身甜品選擇都可以但沒有試全部，當中朱古力旦卷最為出色，其餘可試可不試

自助餐一份我係小弟最愛，所以今日去沙田做嘢，正諗緊食乜咩好個陣時就諗到不如去食自助餐 ，於是我就上網睇下有冇邊間自助餐係有靚又正嘅。但係發現其實選擇都唔係好多，成個沙田區大概只有三四間酒店，係我揀個時竟然發現我揀嘅間餐廳竟然係有鵝肝。 係有鵝肝＋鵝肝＋鵝肝因為好重要所以要講三次真係估唔到三百幾自助餐竟然會有鵝肝食。 於是直接打個電話竟然今日都有位，所以就訂左今日食啦～一去到就發現其實都幾full下，所以我諗我訂到其實都幾幸運。 講番嘢食先，佢亦都包括左一般自助餐應該有嘅嘢食，就好似日本魚生，中式炒粉麵飯等等，日本魚生都幾新鮮，炒粉麵返就有一定味道。 （即係普普通通LO）最欣賞係佢嘅長腳蟹，真係好大隻，可以媲美到我一隻手指，長腳蟹肉又好實淨，好過其他自助餐廳 。當然最欣賞嘅就梗係我期待左好耐嘅鵝肝啦，佢係即煎嘅，所以都好入口即溶香脆，不過要等耐啲啲，但多士就比較諗啦，可能因為放得比較耐，唔係即刻焗嘅。不過如果淨係計囉塊鵝肝就一流呀。到自助餐最後仲有甜品表演。整體評價8\10都算抵食

香港人幾乎冇咩可能會嚟食自助早餐，嚟得嘅大概只會係遊客。當然，我就係例外。八點前有自斟任飲咖啡或茶。環境簡潔乾淨企理。標題絕非偷懶，呢度嘅自助早餐特色正是有四種蛋。除咗炒蛋、烚蛋，仲有一種pizza味有薯仔餡嘅蛋之外，就係照片中有專人炒作嘅炒蛋，餡料可選擇芝士、蘑菇、粟米青豆蘿蔔粒等等。呢個專人炒蛋亦係我覺得唯一好食嘅。至於其他？親！您懂的！

來到的時候，見到在座有人已經在吃甜品，What? 唔係已經食飽打算走喇嘛?馬上出去攞嘢食。這裡最吸引我眼球的，正是在游泳池旁的幾個檔，原來是燒烤。當中有中式的燒乳豬，也有牛扒腸仔等，仲有梗係唔少得燒牛肉啦！最喜歡燒乳豬，皮脆肉嫩，拿一大碟回來，大家夾呀夾，不消一會已經清碟。又回到基本步。冷盤以及刺身壽司，呢度都有齊。我除了跟平時一樣吃很多Cold Cut之外，也嚐了些刺身，個人比較喜歡三文魚，覺得比吞拿好些少。去到海鮮類，蝦、螺、小龍蝦、青口、帶子，以致麵包蟹乜乜乜，各試了丁點，大致都可以，種類唔少。以咁既價錢，吃到咁多既海鮮，收貨了吧！吃完一輪海鮮過後，循例都整少少熱葷食吓，叫做試過丫嘛。魚肉起碼唔會太嚡口，西班牙海鮮飯好足料，還有中西湯品，適合平時缺少湯水的朋友，想不到更有印度風味美食。呢度既甜品選擇都唔算少，各式各樣的蛋糕，以及慕絲等，色彩繽紛。拿了件撻，一般般，可以不理。黑森林蛋糕、草莓慕絲等，則正常得多。個人認為，最好吃的，是自制窩夫，唔知係朋友手勢好，還是咩原因，成品鬆脆好吃，伴以雪糕，真想Encore。大家風花雪月一番，又是愉快的一個晚上，下次再聚，會是何時?