濠餐廳

營業中

休息中

勁～～多～～野～～食！！！每樣試啲，每樣都食得晒，夾得落碟冇一樣係覺得唔好食要棄碟，最後唔覺意食滯咗，攤左兩日咩都唔想做🤰🏻濠餐廳四月重開，座位裝飾得勁親子，都幾好坐，小童食自助餐仲有得免費玩夾公仔機。侍應反應夠快，收吉碟都好有速度。冷盤有好多選擇，有凍蜆，青口，翡翠螺，小龍蝦，凍蝦，長蟹腳，特別喜歡佢有龍蝦。海鮮都新鮮，肉質好彈牙少少鹹味完全唔腥。當晚刺身有六款，三文魚夠肥，甜蝦都幾大隻，八爪魚好好肉唔韌，即叫即切，重點係唔洗排隊。**另外仲有壽司卷物同冷麵任拎**食完海鮮都已經八分飽，夾啲沙律菜同芝士同餅乾埋位傾下計，飲杯咖啡休息下。飲品方面有多款韓國樂天罐裝凍飲，同有幾部咖啡機，朱古力咖啡好飲，飲左兩杯，冇落糖。芝士有四款，有我最愛嘅軟芝士，夾餅乾食。沙律菜種類唔算多，但佢有罐頭蜜柑同埋西柚粒揀，水果有蘋果西菠蘿，配埋再食少少熟火腿同煙三文魚。熟食都有試左少少，不得不提泳池旁個池畔燒烤，有燒蠔，燒龍蝦，燒菠蘿，仲有啲扒類，揀完卑廚師即場燒，唔中意食肉肉的我都被個鵝肝多士馴服了，其他室外熟食仲有烤牛烤羊架，但好快被人食哂。**碳水化合物愛好者可以叫叻沙食**最後食甜品，甜品選擇應有

為左慰勞兩位小主子，特登book左沙田麗豪酒店食好評如潮嘅池畔燒烤自助餐，一齊食餐好～呢個濠餐廳嘅buffet我地食得相當滿足！食物款式相當多，多到我都未試齊各款食物就已經飽到上心口，我最鍾意佢係池畔即叫即烤海鮮，有烤生蠔、帶子、龍蝦，仲有美國斧頭扒配紅酒汁、香煎鴨肝、豬仔脾、燒菠蘿，好好食啊~~凍食海鮮都有好多款，如龍蝦、鱈場蟹腳、大蝦、海螺，啱晒海鮮控嘅我。至於甜品控嘅家人一樣感到相當滿足！因為新推嘅莓果饗宴，有齊多款雜莓朱古力甜品，款款精緻～如雜莓軟心朱古力蛋糕、士多啤梨藍莓芝士蛋糕、3.6 牛乳朱古力布甸等，仲齊集3款雪糕品牌唔同口味雪糕任食，真係多一個胃都唔夠裝！呢一餐Buffet從多款食物選擇，到味道水準，以致池畔環境等，我真心覺得唔錯！池畔BBQ令我仿如置身泰國，大有渡假美食之旅feel，心思思想再book多一次啊！

位於沙田麗豪酒店的濠餐廳，最近重新推出 深受大眾歡迎的 池畔燒烤風味自助晚餐! 口碑不錯的自助餐載譽歸來，馬上找媽媽一齊來酒店試試啦! 沙田麗豪酒店給予人動靜皆宜的感覺，設在城門河旁，環境清靜舒適，有遠離塵囂的感覺。它同時鄰近沙田市中心，想購物和逛街，感受熱鬧氣氛? 同樣沒問題哦! 成人$568 +  ( 預訂可享低至 7 折優惠 )小童$298 + ( 預訂可享低至 7 折優惠 )濠餐廳的地方非常寬敞，擺放食物的區域和用餐處都有整齊規劃。食物種類繁多，海鮮區有龍蝦、鱈場蟹腳、大蝦、加拿大海螺、青口 和 小龍蝦，海鮮質素不錯，食物補充得快，想吃多多也沒問題。 刺身則有三文魚、吞拿魚、鯛魚、墨魚和甜蝦，還有各款不時轉款的壽司。五款沙律包括: 意粉、南瓜、薯仔、冬菇沙律等等，另外亦有冷盤芝士火腿和煙三文魚哦! 我最愛南瓜沙律，軟糯甘甜，有益又好吃呀~ 琳琅滿目的熱葷，包含世界各地的菜式，有港式叉燒、油雞、馬來沙嗲串燒、印度咖喱雜菜、港式咖喱牛腩、咕嚕肉、羊𣕧、鴨胸、黑松露薯蓉等等，可以一次過享受各國美食。而當中的油雞最值得推介，雞肉滑嫩可口，調味得宜，我吃了好幾塊呀。是日重點，必定是池畔香

想吃BBQ但又懶得自己動手，BBQ自助餐就可讓我這個終極懶人大飽口福，位於沙田的麗豪酒店池畔燒烤自助餐再度回歸，引領味蕾嚐遍海陸盛宴。濠餐廳環境寬敞，倚伴酒店泳池，氣氛悠閒自在，店員勤快收碟執拾。戶外用餐區的露天雅座可以飽覽開揚泳池夜景，醉人景色盡入眼簾。加上這裡的客路都是以家庭客為主，所以亦設有不少可愛打卡位讓小朋友影相留念。全晚冰鎮海鮮源源不絕地供應，款式包括龍蝦、鱈場蟹腳、大蝦、加拿大海螺、螯蝦及藍青口等等。自助餐勝在花款多，同枱食飯也可各自「修行」，大堆頭的海鮮吧可以回本之餘又可食盡海上鮮。戶外燒烤區通風良好，不會燒到煙霧瀰漫，也可避免食客身上沾上陣陣燒烤味。燒烤區食材多不勝數，包括龍蝦鉗、蠔、螯蝦、青口、大蝦、魷魚、帶子、秋刀魚、倉魚、雞扒、豬頸肉、香腸、菠蘿、薯仔、菇類及蔬菜等。食物都是現場即燒，廚師全程忙於燒烤以作添補，因此讓燒物保持熱盪溫度，風味十足。多款熱辣辣的燒烤美食，香氣四溢，教人垂涎，調味不重，牽引出食材的原始鮮味。油脂豐腴的鴨肝煎得表皮香脆並帶有焦香，內裡卻是軟綿順口，即焗新鮮生蠔可以過足蠔癮，我自己就最喜歡燒帶子，味甜富彈性。倉魚燒得外焦內嫩，火候和時間都控

大家千奇唔好誤會酒店自助餐就一定好食 貴就一定架喇富豪酒店 濠餐廳 其實小妹我無要求但呢間太恐怖最鍾意係佢既煙三文魚同芝士撻芝士撻個曲奇餅好脆暖笠笠芝士好軟身好濃味 切片芝士同餅乾都好穩陣🤣🤣然後 啲魚生係無味又肉質太梅神奇既係 火腿（拌沙律）個啲好似食左膠咁 沾左汁都無味雞肉腸竟然無任何口感 質感好霉啊😭壽司🍣種類甚少 仲要如圖咁個賣相有啲趕客🤦🏻‍♀️🤦🏻‍♀️有待改善折左$218 原價$298 加一

我訂左6月19號係度食自助餐慶祝父親節！點知晏晝一個電話打黎話個爐壞左要我地取消？有無咁過份啊？父親節前夕度度都咁多人 完全book唔到第二間 大拿拿一間酒店 竟然可以咁處理？我真係希望貴公司檢討一下問題！

熱食、日式菜和海鮮種類多元化，海鮮一放出來就好快清光，外面還有燒食物，但吸引力不大，反而裡面比較吸引。甜品區種類同樣多，外觀精美，味道不錯。我最鍾意這個榴槤雪糕球，榴槤味超正。最後不知道為什麼會送上小鮑魚給我們，細細粒擺放精美，兩啖就吃完了。自助餐就是選擇多，還可以讓人吃到飽，味道不錯，補充食物也算快(除了海鮮類)。

大年初三去食dinner buffet, 食物選擇少，又不添加，印度薄餅7：00已經吉晒但無添過，龍蝦又細又無味，仲有少少腥味，長腳蟹腳又喊又瘦！未去過甘差的buffet, 食唔飽，仲要收我$588一位，中哂伏。

2019年除夕黎左呢到食buffet同倒數，之前睇食評咁多負皮都咪話唔驚，因為已經full pay左冇得改，所以只可以抱住平常心不期望咁去食，進餐時間係2200-0030，早左少少2135已經到左，職員都好禮貌咁叫我地出面等等未咁快，唯有排住隊咁等，好快就出現人龍，未到10點就安排入座同可以出去拎食物啦，海鮮有大約6-7款，係有生蠔嘅，不過我去到時唔見有，出過去幾次都冇，但就係見有食客係拎到嘅，所以應該係手慢冇啦～海鮮有長腳蟹、螺、蝦、蜆、青口、小龍蝦、半邊龍蝦，都唔少選擇呀，前菜有我鍾意嘅煙三文魚，火灸三文魚、冷麵、沙律、芝士，仲有刺身、壽司、熱食有牛肋骨、豬腳薑、霸王雞、豬仔骨、三文魚、菜、咖哩薄餅等等十幾款，湯有中西兩款戶外仲有燒烤、火雞、切肉、喇沙/椰子雞粉麵。而甜品好多選擇，蛋糕都最少4-5個，我最愛提拉米蘇，葡撻，芝士撻，朱古力噴泉，仲有m字d字雪糕，同其他品牌雪糕，中式甜品有紅棗雪耳木瓜糖水同豆腐花，飲品有一大個櫃放左韓式飲料，唔想飲凍飲有咖啡機，除左咖啡仲有鴛鴦，美綠，朱古力最surprise係突然有叮叮聲有職員推架餐車出黎，原來有火焰雪糕，大家即刻排隊睇表演，完左後即

因為男朋友有coupon, 可以以$98享用原價$298+10%的lunch buffet, 真係好唔好都去試下啦~ 因為之前有試過呢間酒店的中菜廳飲宴，所以對這間酒店的餐飲完全不抱任何期望…… 就本嘗試時的心情去到。一去到餐廳已經坐滿了人， 仔細看原來有很多人都是跟旅行團來到的， 食物都算豐富而且多種類。海鮮有長腳蟹、螺、青口、蝦和龍蝦鉗等等， 都算驚喜！ 而且海鮮都算高質，長腳蟹有海水味但不會太鹹，而且蟹肉都能夠一條條整條拿出來，不會雪到又硬又乾！熟食的種類都豐富，除咗炸物，還有關東煮、餃子、清酒煮蜆、粟米魚柳、炒粉麵、中西湯、 印度咖哩等等。還有沙律吧和麵包corner，也有多款刺身。這間餐廳的特色是有池畔即燒bbq的櫃檯，可以到露天地方享用即燒的bbq美食，例如羊架、 秋刀魚、雞扒、脆皮腸 、燒蔬菜等等， 甜品種類有十分多，還有dreyer's雪糕提供！個人推介的是芝士蛋糕和芝士撻！還有綠茶士多啤梨泡芙也是不錯的選擇！甜品是不錯的，可以每款都試下！飲品的選擇有十分豐富除咗韓國飲品的雪櫃外還有很多即沖 的機器可以用除了鮮榨果汁還有美祿，日式柑桔玄米茶，咖啡奶茶等等。只是人比較多，

話說12月頭呀Boo就見到平安夜Buffet做緊early bird加埋一都唔洗$350/1位‼️，講到有鵝肝、龍蝦🦞、燉湯、海膽手卷、生蠔咁就梗係狗衝啦🐶，點知就中哂伏喇，真係唔應該貪平🤦🏻‍♀️首先第二場係8:30開始，去到搭正8:30先開始安排入座都合情合理既，但係呢個年代仲要印哂所有booking出黎，遂個客係嗰10幾張紙度揾番個電話出黎真係慢到喊😭排係中間偏後隊既Momo Boo去到9點05度先坐到係張枱度😕然後個場好大🤓所有人都係度搶野食咁，大部分野食(特別係壽司/海鮮)放低前已經有圍住既人等緊，唔洗兩秒就清哂😀有次呀Boo以為好叻攞到個岩岩攞出黎既燉蛋，點知都係凍既🙈大部分野食一打開都係得番啲餸頭餸尾咁😅同埋都係凍既😀最盞鬼係佢個半露天BBQ Area🔥有啲串燒/湯麵/即切雞牛咁🍢 幾個攤位加埋就只得2個staff，每round燒到既野食亦只有3-4人份量，無哂就要再等佢即場燒🌝 Momo同Boo足足等左大半個鐘，係大半個鐘先攞到幾串雞串、2塊薄切牛同埋火雞😩 不過就叫做終於食到啲熱野😀至於説好的鵝肝、龍蝦🦞、燉湯、海膽手卷...只食到鵝肝😶、龍蝦🦞就有客都投訴無但職員就好堅

因爲有幾張 Cash Voucher 又指定要係濠餐廳 , 所以黎一試 我地安排係4人抬近泳池 , 另外一邊比較多大抬, 都會比較嘈 .. .6點鍾開始入座 , 未算人多 食物都普普通通試個刺身 , 有驚喜 個豉油咸到誇張 一定唔係日本豉油冷盤有龍蝦, 長脚蟹,青口, 蝦 etc ... 龍蝦唔需要試 完全無味 見過有人講咖喱好味 , 但係我睇就覺得好水, 好稀 飲品係一大推唔同既韓國罐裝飲品 ... 麻麻 情願自己去冲咖啡 去到中段會發現 野食開始fill得唔夠快 , 到最後竟然係甜品救番餐飯 唔係擺出黎既蛋糕/葡塔  etc .. 反而係雪糕有幾款應該係香港製造既小品牌 ,但係味道都唔錯 埋單時候 問我地係用咩優惠 , 睇黎大部分人都係用會員/優惠卷等等 同時會見但有客人坳點解兩樣優惠唔可以一齊用等等 見staff都唔係幾識解釋 , 搞左好耐 ..全部單都hold住嗮 ..總括黎講, 一定一定唔會用正價黎食 完全唔值 想係沙田食自助餐有好多其他選擇 

呢個自助餐真係食到一肚火！完全係垃圾！整個自助餐菜色種類非常少，而且味道很差！首先海鮮部分，海鮮種類只有5-6種，但所供應嘅海鮮完全唔新鮮!龍蝦又梅又鹹又唔新鮮、蟹腳一啲唔新鮮、一啲就鹹到苦！熟食方面，得8-9款菜，而且菜色同味道都好普通，連街邊茶餐廳味道都好過佢！壽司同刺身質素差，食物完全唔新鮮，食落完全冇味。 講真，咁樣質素嘅自助餐都要4、5百蚊一個，我真係建議大家如果要食嘅，出翻去食放題都好好多！

had relatives staying over so they had the buffet for buy one get one..anyway the food choices were limited not fresh, no appetizingOnly good thing was the unlimited selection of canned drinks and they had every half hour a special “surprise” with limited quantities - I picked up birds spit

坦白說，味道平平，但價錢實惠，因此性價比亦算高。 冷盤及甜品不是太多選擇，但熱葷選擇亦算多，本人較欣賞是印度咖哩，因味道較濃郁，薄餅很脆，用來點咖哩是一絕的配搭。