濃記車仔麵

營業中

休息中

一向呢間車仔都好受黃大仙街坊歡迎，成間鋪都幾乾淨企理，出餐嘅時間都好快，一路嗌野食，一路睇住佢整。除左啲位比較狹窄之外，坐得唔太舒服，但係野食上面價錢合理，經過黃大仙都可以試吓！可能覺得佢嘅豬頸肉，麻辣雞丁，同埋咖喱魷魚做得都幾出色，啲豬頭肉口感啱啱好，又好香口，如果唔食得辣嘅就唔建議叫雞丁啦，個雞丁吸曬啲汁，都幾細嫩～個陣晏晝一點，我哋叫雞丁嘅時候已經係最後一份，就睇得出佢幾受歡迎！😋可惜個麵餅比較細，男仔叫一個麵餅就好難會食得飽

真心一般，建議去隔籬嗰間味源車仔麵食，啲面好淋，份量又少。態度又差。，食完趕你走，又唔係話特別好食，冇下次，啲餸又少，落單係咁催你，真心麻麻哋，食過一次就夠，差評

三餸一杯熱奶茶+4餸拎走收$109。現場價錢牌寫住三餸套餐包飲品47。咁應該係47+57+3=$108，差了$1再少左杯野飲。就算當我錯，唔記得叫野飲，次次都唔會問，可以執海關

慈雲山濃記車仔麵～3餸1麵底+飲品=$47佢有辣汁同沙嗲醬（唔辣）可以加，加左辣汁，湯底夠味ok既！不過有食食下有條短短地既頭髮😖有時當然好難避免，但衛生情況確實要加強一下！今次叫左蘿蔔，豬紅，豬腸，可惜豬腸超級*銀*咬唔到，其他味道都入味！凍檸茶夠甜正！我覺得凍檸茶要夠甜先好飲，出面好多都好淡又唔甜！最緊要店員有禮貌，有禮貌的店真係藉得介紹同埋都會再去👍🏻👍🏻不過上網睇原來都收好早4:30pm，同埋逢星期一放假。

食過返尋味今次嚟到黃大仙呢間車仔麵，午餐時間已經大排長龍，三餸嘅車仔麵加咗價而家係$47，之前$45有三餸🥹不過味道依然好味。嗌咗雞腎➕菜心➕豬腳嘅組合，麵就揀咗河粉，排隊係先揀面類，跟住再去揀想要嘅配菜，最後揀返飲品就可以俾錢，一氣呵成。而最人性化嘅係可以比顧客自己加調味料，調味料有包括沙嗲醬同咖喱醬，另外有辣菜譜同埋蔥花可以自己加。不過辣菜譜真係偏辣，如果唔食得辣嘅人士要小心啦🥵咁樣三餸嘅車仔麵再加埋有嘢飲，嚟講都算好抵，配菜嘅味道亦都唔錯，個人比較鍾意豬油渣，所以最後加配左碟豬油炸，雖然比較偏肥，但耐唔耐食一次都幾過癮，推介住喺黃大仙嘅人可以過嚟試一試👍🏻

黃大仙算係車仔麵檔比較多嘅餐廳，呢間喺眾多車仔麵中脫穎而出。首先因為佢個價錢唔貴，車仔麵嘅餸有好多款可以揀，再嚟就係佢嘅味道都中上，$45有三餸仲包嘢飲🥰三餸車仔麵平日好多人喺度排隊，買嘢時候要喺門口揀定自己要食嘅餸，入到去首先同姨講要咩面，要咩菜/送，跟住再講嘢飲，可以自己加沙嗲醬，辣蘿蔔，蔥，份量自己控制跟住拎住啲嘢去坐低，就會有姨姨攞返杯嘢飲俾你。就算加埋排隊嘅時間，最後食到嗰碗麵都會喺20分鐘之內，速度都算快🥳平時諗唔到食咩 可以試吓嚟呢度食呢間車仔麵👍🏻

.#foodie #hk #hkfoodie #HTB美食推介【黃大仙沙嗲車仔麵｜🍖無味精胡椒豬骨老火湯底】🐨三餸粉麵套餐 $44推薦度：⭐️⭐️⭐👉胡椒豬骨老火湯底加沙嗲汁胡椒豬骨湯底唔夠好濃味，味道偏淡，唔會搶咗啲餸嘅味道，因為冇味精所以就咁飲都唔會要係咁補水～唔辣佢會俾少少沙嗲汁，成功吊味👍🏻👉咖喱魚蛋魚肉好香，彈牙可口～👉豬頸肉 +$3煮得好腍，咬落好軟熟，仲要醃過好香沙嗲味，加錢都值得叫☺️👉魚肉腐皮卷外面炸到薄脆，入邊保持到魚肉嘅鮮味，浸埋沙嗲湯底食，又有另一番風味！👉辣菜甫車仔麵嘅亮點之一，落咗少少櫻花蝦炒香，保持到爽口，麻辣香好惹味...👉幼麵麵質彈牙，口感算屬於中上，但份量就比較少🥲——☼——☼——☼——☼——☼——濃記車仔麵 📍地址：黃大仙鳳凰新村鳴鳯街14號地舖🐨推薦度：😋😋😋/5 💰人均價格：$50或以下🪸環境：👾👾🗣️服務：👍🏻👍🏻👍🏻📸食物打卡度：💡🛠️分類：#HTB黃大仙 #HTB車仔麵 .#黃大仙美食 #黃大仙 #車仔麵 #胡椒豬骨 #湯底 #豬頸肉 #魚肉腐皮卷 #咖喱魚蛋 #辣菜甫 #美食推介

黃大仙～老火湯車仔麵家庭式經營、街坊好味推介👍特式好味餸👉豬紅 （有口感唔會無味）👉白腸 （唔太肥有腸味）👉雞腳 （原隻淋度適中）👉冬菇 （厚肉菇味濃）👉西洋菜 （爽脆無渣）👉幼麵 （份量足夠飽）👉湯底 （豬骨老火湯）必加👇♦️菜甫♦️沙嗲汁♦️咖喱汁♦️辣椒醬環境：⭐⭐⭐⭐味道：⭐⭐⭐⭐⭐服務：⭐⭐⭐⭐⭐ ✨友善有禮貌✨👍：唔洗自己揾位，座位舒服🚨唯一美中星期六日比較多人等位濃記車仔麵🏡地址：濃記車仔麵黃大仙鳳凰新村鳴鳯街14號地舖🕝營業時間：星期一休息星期二至日07：10-16：30

一想食車仔麵 就會諗起呢間 車仔麵黎講覺得好乾淨企理既餐廳有好多唔同餸可以揀 豬紅夠入味 酸齋夠開胃 豬頸肉烤得唔錯 最唔可以錯過既係佢既沙嗲汁 即刻為個麵提升左對味蕾既滿足感 仲可以加多少少佢個菜脯 提升少少辣味

今日一早同朋友上鳳凰新村食呢間車仔麵，原因係朋友推介覺得好正☺️ 今次一試，果然冇介紹錯🥰同一般車仔都一樣，一入門口就先揀麵底同食咩餸，我今次揀左蘿蔔，牛肚同午餐肉，河粉底，店員會問要唔要辣，唔辣就沙嗲汁，辣既就咖哩汁，我揀左辣既，之後再加埋店家自製既菜甫，冇得輸👍🏼👍🏼 牛肚好淋，唔會咬得好辛苦，蘿蔔一樣好入味，至於午餐肉就正正常常😂😂 我朋友就叫左白腸，鳳爪同韭菜餃，個韭菜餃好足料，皮又夠薄。鳳爪都好淋好夠味，佢一樣加左菜甫，簡直為碗麵錦上添花，宜家講起又想食啦🤤😋有野食又點可以冇野飲，我地分別叫左凍檸茶同熱咖啡，檸茶茶底好香濃，夠甜之餘又唔會蓋過個茶味👍🏼

三餸面 必食沙嗲汁 識食一定咁叫 滷水牛肚 肥膏少 食得健康D🤭炸蝦條 彈牙惹味 再配自家韮菜豬肉餃 大大隻啖啖韮菜香味 濃記精髓就係再加上辣菜甫嘞 每啖食起來爽口又辣辣 再加啖湯 正呀

偶然便會有想吃車仔麵的念頭，喜歡傳統的車仔麵口味，而近年的新派車仔麵以包裝以致裝修作招來，但論味道還是傳統的最好。今天外賣光顧的濃記，看來就是傳統的一種，在戶戶送評價甚高，說是黃大仙比較名氣的車仔麵店，可以一試。首先十分欣賞包裝方面，無論是麵底或是湯底，甚至醬料都是獨立包裝的，飲品亦包得十分嚴實，確保不會倒瀉。四餸車仔麵($78）車仔麵餸料向來不同價位，加上外送的關係，價錢自是不便宜。驚喜的是可以選混醬，即是不辣的沙嗲汁和微辣的咖哩汁。沙爹汁甜甜的不辣，咖哩汁就像港式魚蛋的味道，微辣十分刺激，文迪比較喜歡咖哩汁。還附送一份辣菜脯，勁辣的辣菜脯，對於愛吃辣的我來說正合我意！湯底是自家製的豬骨湯底，是比較獨特雖然味道不算濃郁，勝在比一般車仔麵店健康。油麵是文迪喜歡的配搭，這油麵吃起來有點像拉麵口感偏稔，如能爽身一些變更好。菜心苗口感爽嫩，果然是童叟無欺。雞翼是炸的不是鹵水最初感到失望，但吃一口脆感十足，原來是新鮮即炸的雞翼，即是挽回不少分數。韮菜餃包得靚仔，是自家做的？味道不差只是肉末有點鬆散。對手打蝦籽魚滑，雖然確是手打無添加，但份量較少味道也沒有很特別。欣賞濃記車仔麵的咖哩汁很有港式風

讚1 環境好企理2 滷水大腸係好味既 入味唔死韌 湯底亦都好 食落去無乜味精感 辣醬係辣中有少少甜果種 相當開胃 彈1 價錢以呢區消費黎講都算貴2 蘿蔔係有好多渣 自製韭菜餃既餡好死實

今朝六點就起身專登同男朋友出咗黃大仙食早餐然後送佢返工我先再去返工😴呢間車仔麵佢話係附近幾間之中質素比較好但價錢亦略貴一點～$42三餸麵包冷熱飲，但唔少肉類既餸都要另加$3，例如豬肚/雞翼/豬腸/牛腩等等⭐️沙爹汁 魚肚 豬頸肉 蘿蔔 油麵  熱齋啡 💰4️⃣8️⃣蘿蔔唔夠淋有少許渣👎🏻 魚肚爽彈厚身👍 豬頸肉燒得幾香味道唔錯👍 油麵清爽彈牙，同平時食既油麵唔同，呢個似上海拉麵多啲    沙嗲湯底一般，唔夠香（魚肚同豬頸肉各自加咗$3，住宅舊區黎講價錢略貴）⭐️沙爹汁 酸菜 生菜 蝦卷 幼麵 凍檸茶 💰4️⃣2️⃣蝦卷彈牙足料👍酸菜比起街市買嗰啲甜酸菜多咗重甜味同香味，幾好食，似係有加工過或者自家醃製～生菜就正常落完單店員會棒埋碗麵同飲品去你張檯，同男友閒談之間奇怪點解埋單要$90，店員聽到仲好詳細咁解釋😅整體覺得餸比湯底出色，都可以一試😀

呢間野本身我幾年前去係唔洗排隊、結果我介紹咗我家姐食、本身我話呢間車仔麵好好食尤其係沙嗲、沙嗲係好好食、我家姐本身都唔信、話我講得好誇張、我帶佢第一次食、佢即時上引要個個星期日都去食一次、d服務員姐姐對我同家姐都幾客氣、記得我哋每星期日都必定到、我從幾時前食到而家要排隊😂所以如果住黃大仙區唔去試一下真係會走寶、但而家疫情嚴重所以叫外賣、估唔到外賣拎返屋企味精都幾好、當然緊係唔夠現場食咁好啦、但的確可以幾試