濃記車仔麵

營業中

休息中

車仔麵可算是每個香港人的回憶，想必大家的學生年代在lunch time 的時候，必定試過食碗車仔麵，回想起就覺得十分青啦！但是隨著鋪租昂貴上升，不少老鋪已經不存在啦，想搵間有質素的車仔麵真的是有點困難呢！今次就在友人的介紹下，到了位於黃大仙區的車仔麵店試一試啦！！三餸麵連一杯凍/熱飲品我選擇了腐皮卷、酸齋及韮菜餃配上沙嗲汁！酸齋十分入味，有點像齋鋪的質素呢！沙嗲汁也十分惹味，為清淡的湯底加來不少分數！韮菜餃也皮薄料多，用料十足！此車仔麵店是近來食過最好的，怪不得到了午餐時間要大排長龍！有機會可再光顧呢！

香港特色美食之一 車仔麵 ，永遠都個受歡迎。貪佢夠快 夠抵食 夠親民價就可以食到自己想食野餸。😎今日路經見到呢間車仔麵檔，好多人食。又幾大間舖頭，唔會話坐到好逼。就入去黎一個快食先 🤣見d客人好多都係學生黎食，一定好夠平。價錢都係廿幾錢就有一碗，三個餸。又真係幾平喎。都幾多選擇。你諗到想食d咩，佢都有。花多眼亂，要係排隊既時候就要揀好，如果未諗好，下一個又輪到你既時候，真係好緊張！🤣👐好彩我都係限時之內揀得到姐！😀揀左紅腸 炸花枝丸，雞翼。 配油麵另外配上沙嗲汁。夠哂正！佢既湯底好夠味，而且有d辣辣地。d麵唔會食落無味。 都幾惹味！d餸既質素唔會差。花枝丸炸得又幾好味！好彈牙！呢個價錢，食物質素又唔差。抵哂！

暫別之後。都一直懷念住呢個味道。。終於都番黎啦！濃記車仔麵。。。！終於入咗舖啦！有冷氣又夠光猛！環接寬敞感覺幾舒服，終於一年四季都去食！車仔餸一如既往咁多選擇，本人推介豬腸因為有肥瘦。你可以提出要求，老闆娘同姐姐們都會盡力滿足你！當然唔止咁少。仲有花枝丸好食！佢嘅秘製豬扒同雞亦都好味架！食到辣嘅朋友。大家唔好唔記得要享用佢地辣菜甫同辣汁！！係靈魂所在！！仲有就係佢地係用老火湯底架，所以湯頭本已夠味，青葱愛好者係可以自己加葱架！正到冇朋友吖！！！！

濃記以前係開係高小小，主打咖哩汁但而家搬左，唔知係有冇轉到手新店地方闊落，有冷氣，夏天都唔怕食到身水身汗$36三送面連野飲唯獨是雞翼、豬扒、豬頸肉呢三樣野係要另加3蚊 換言之如果你叫雞翼豬扒豬頸肉河粉=$45覺得有啲唔抵！之前都唔洗加既！

朋友推介用心制造嘅車仔麵~濃記，真係咁好味？ 等我試下先。車仔麵嘅餸選擇多，想食嘅太多，但個胃就得咁小，咁今次脆脆地叫5個餸先啦，米線，菜，蘿蔔，酸齋，豬紅，豬手，盛惠45蚊。蘿蔔超甜無渣，酸齋夠味唔會一味酸，豬手炆得好冧入味，豬紅好夠味出面食唔到呢種童年嘅味道。大大碗，大胃王都夠食。再特別讚下湯底，真材實料，不含味精，食咗完全唔會口乾仲有濃記嘅阿姐們都好親切有禮貌，舖頭係新裝修，好乾淨企理，店員仲就不時同人客傾計，應該係幫襯開嘅熟客，食嘢之餘，多了一份人情味，唔係度度搵到㗎。

黃大仙及慈雲山一帶有不少的車仔麵餐廳，有些是開了很久的，有些就是新進駐的！一向有勇氣挑戰新餐廳的我，就決定lunch time 相約同事一起去試一試啦！！😆😆地方十分寬敞，坐得十分舒適，要排隊選擇好車仔餸及飲品後先付款，而且侍應還回幫你將食物送上你的坐位，十分貼心！餐廳主打湯底用上老火湯三餸車仔麵餐要$36，價錢可以接受！今次選擇了～炸花枝丸、酸齋及豬頸肉并加上了沙嗲汁！ 花枝丸外脆內軟；酸齋十分開胃醒神；豬頸肉十分入味，但需另加$3，只有三片，有點不值！味道哥算是十分不錯的車仔麵，加上沙嗲汁份外惹味，雖然選擇豬頸肉、雞亦、豬排等需要額外加錢，但我仍會繼續光顧！

本人十分喜愛食車仔麵，奈何搵一間好食的一點也不容易！濃記車仔麵雖然開左一段很短的時間，我已經是第二次光顧啦，可見我十分掛念它的味道！😆😆😆今天工作比較忙碌，叫同事幫手買外賣返公司做午餐，誰知道外賣的車仔麵同樣味道也十分不錯呢！🤣我叫了三個車仔餸😊😊連飲品$39分別是炸花枝丸、豬頸肉及酸齋配上米粉！花枝丸炸得不會過火，丸內仍保持軟棉棉的但也不是只有麵粉的感覺！酸齋味道剛剛好，色澤漂亮，十分開胃！米粉外賣也沒有發脹，已經是十分難得！加上沙嗲醬汁真的是萬分惹味香濃！這將會是我一去再去的車仔麵餐廳！👏🏼👏🏼

人氣至旺既車仔麵回顧黃大仙，由街邊檔口仔變入舖仔。環景超級光猛整潔，坐位寬闊有冷氣食材系咪真系咁堅？可以保持咁強？好！就去試一試先店主大大隻字在鏡面牆上貼上採用老火湯底 讚~ 是日自選車仔下午茶 雞中翼：岩岩整起香噴噴，煎得隻雞翼脹卜卜又好鬼金黃好吸引雖然浸住湯但咬落雞皮仲有d脆脆哋 so good~~豆腐卜：嘩。。勁正吸埋d湯汁，超級好食唐生菜：好鮮甜新鮮，吸埋本身湯底鮮味米粉底：米粉幼身唔系鞋十十個d，好好食總括黎講，完全可以好似去日本食拉麵咁，食晒碗麵後飲埋d湯都得呀 真系無味精，食完一d口喝感覺都無

我自問好好食麵，食盡香港所謂大多數車仔麵，什麼十大都食過，呢間好食既原因係因為湯底，胡椒湯底，又多餸，每個餸都係老闆親自處理，招牌有咖哩魷魚，豬頸肉，豬皮，滷大腸，就連來貨既豬紅都好正！！有興趣既朋友仔，嚟試下！我每星期六日都會去食，因為年幾年休息，轉手俾年輕夫妻做住先，都keep到水準，所以我都等待佢回歸。什麼文X，cwb什麼什麼，每次去都一係未開，又唔好食，只用醬汁滷汁做湯，又貴又排隊排好耐，人多自然水準變差！