濃姐石磨腸粉

營業中

休息中

雖然住咗佐敦多年，冇幾耐之前先發現呢間食肆，不過第一次經過嗰陣就嚟閂門，所以立下心腸要專登再嚟買佢啲腸粉返屋企（佢只有外賣冇堂食）。第一次買咗叉燒腸粉，第二三次買咗生菜豬肉腸粉加蛋，咁多次買份量都充足，第三次買甚至比第二次嗰陣份量好似多咗啲，所以食得都好滿足。味道係好好嘅，有米香，腸粉又拉得薄，餡料都算足，亦新鮮。感覺上亦都好健康，唔覺得油膩。但係我發覺個靈魂在於個豉油，食落應該係用乾蔥之類嘅嘢爆過同埋加左啲糖，味道好香，係普通豉油媲美唔到嘅。😋😋😋其實有餡嘅腸粉真係乜嘢其他醬都唔使。淨係用佢嘅豉油已經好好食。近中午來已經有少少排隊嘅情況，所以要買就預咗要等一陣，始終即叫即拉。為咗環保，我見啲熟客都有帶自己嘅食物盒上嚟，等我下次都咁樣做先。仲有一定要留意佢收得比較早，有時會早過寫嘅收工時間，真係好想食晏少少嘅人就要留意吓佢嘅社文平台，或者打個電話佢會穩陣啲。

佐敦呢間石磨腸粉一直都好想試，見佢話石磨米漿，好少地方有，好吸引！之前想買嘅時候佢冇開舖，今日終於有機會試吓！🍴免治牛肉腸粉 $28一盒有三條腸粉，牛肉碎唔算多，分佈唔平均，食唔到牛肉味，腸粉皮好香米味，係好難得有米味！但略厭唔夠滑，一夾就碎曬，皮太薄，豉油有啲怪味，好似煮燶咗，苦苦哋。🍴鮮蝦腸粉 $25蝦仁份量唔多，一條兩三粒，但爽口。🍴生菜豬肉腸粉 $25生菜份量好足，但豬肉就比較少，生菜食落爽口清甜，OK的！推薦指數: 6/10總括而言，非常普通，三個腸粉我會覺得生菜豬肉比較好食，但係咪值得去試？我就覺得冇嘢想食，咁啱想食腸粉就去試吓，佢哋嘅腸粉好重米味，好香，價錢都合理嘅，但略厭唔夠滑同一夾就散，豉油唔好食好苦。

買少見少嘅石磨腸粉，大熱天想搵嘢食，正常都去有冷氣有得坐嘅地方。但見到石磨腸粉，就忍不住想試下，叫咗個生菜豬肉腸+蛋，等左10分鐘到，然後取餐到前面球場坐黎食。滿滿一盒，夾起真係絲質咁，食落又薄又綿又滑😍 真係可以媲美食開嘅鳳鳴同富粥，夠多生菜又有蛋香，雖然豬肉唔係肉碎又唔係肉片，但味道幾好😆自家製既燒賣加辣油，雖然同我想像有啲出入，好似食緊牛肉🥴 但都ok既。一句而言，腸粉口感好好，而且好抵食，支持香港人小店呀！❤️💪🏼

食左好幾次 今次第一次有舊類似膠嘅物體怕怕！比起雞蛋腸 牛肉腸會好食啲！因為牛牛襯個腸粉會比較滑！ 完～完～完～～～～～～～～～～～～～～～～～～～～～～～～～～～～《

老婆聽聞這裡的腸粉唔錯，而且是即叫即拉，據説每日也有相當數量的捧場客，作為腸粉Fans的我當然要試真啲、睇真啲啦。店子非常細，不設堂食是完全能理解。見到好些啜核的名稱如：亂九咁拉腸粉、催淚蛋腸粉、扮晒蟹粉腸、嗅荽腸粉等。無堂食，但又想即時食；對面的運動塲就啱晒啦。叉燒腸呈半透明狀，隱約見到內裡的叉燒及葱花，滑溜中帶煙韌，而且分量非常之多，細食的朋友可能一盒已非常滿足了。對我來說，當然要加添其它選項了，另點了魚蛋、豬肉燒賣及奶茶；魚蛋爽彈但味道偏淡，如配少許辣汁同吃應該會更惹味，燒賣有肉香；但個人還是較喜歡魚肉燒賣多一點。奶茶如預期中一樣，不過不失。#叉燒腸粉 $25#奶茶 $5#白魚蛋(6粒) $15#豬肉燒賣(6粒) $15濃姐石磨腸粉地址: 佐敦上海街62號AVA 62地下5號舖電話: 66842983

今日係附近見工，又search 到呢間黃店，就試一試啦。我本身就好鐘意食呢啲櫃桶腸粉。平日唔多人，落單唔洗5 分鐘拎得。可惜冇得堂食，主做街坊生意。唔係住附近或附近返工，真係食得好唔方便。我點左蝦腸同埋豬肉腸，諗住食兩個做lunch. 原來一份都幾多下，食兩份好飽。腸粉好滑，滑到可以啜入口。而且做到好薄身，啲皺摺就可以做到好細好多，可以掛起好多豉油，腸粉唔會冇味。但又唔會一夾就斷開。粉漿味道唔錯，唔會酸。美中不足嘅係豉油。如果係蒜蓉豉油會更加好食。

石磨腸粉一直是我的最愛，口感比一般腸粉嫩滑。今日朋友推介位於佐敦的濃姐石磨腸粉，一於試下。這間小店只做外賣，不設堂食。腸粉是用自家制米漿做，即叫即蒸，由於今日較平日多人，大概要等15分鐘。今次點了黯然銷魂腸粉$30，由於即蒸，新鮮熱辣辣。腸粉夠薄，而且幼滑，腸粉吸收了豉油，內裡加上蔥花進食，香口，不太咸。餡料較為豐富，黯然銷魂腸粉，必有蛋及叉燒。包在腸粉內裡的不是蛋花，而是全隻煎蛋，這都是第一次見。叉燒切得碎，方便進食。價錢超值，份量大，可一試。👍🏻

呢間石磨腸粉食咗好多好多次！！雖然喺腸粉舖，但是我每次都會叫兩餸蒸米線，外加一份腸粉，對我來講，蒸米線先喺主角，健康又好食！唔係話腸粉唔好食，但係我認為蒸米線更勝一籌！每一次，啲同事通常叫一份，我都會叫兩份野食，每次食完都超級飽！兩餸蒸米線可以叫唔同嘅餸，可以自由配搭，而且仲係好平，想試多啲唔同嘢，再加其他料都只係加5蚊，抵到爆！而且唔會因為你叫得料多，其中每一份嘅份量就會少啲。佢其實每一個餸嘅份量都幾多，其他計算唔到，但係蝦喺可以十隻左右，定喺多過，唔記得了！所以其實每一次都唔會悶，而且啲嘢食喺新鮮，蝦一定彈牙！腸粉就喺睇我當刻想食咩就叫咩，而且唔少名都好得意，例如扮曬蟹腸粉之類！我幾乎食過曬，亂9咁拉腸粉啲料喺多到爆！唔信你叫一次就知！當時兩盒食完喺懷疑人生！而且佢嘅蔬菜腸粉都係，啲菜喺滿嘅！超級健康！佢嘅腸粉好好食，喺我食過最好食嘅腸粉之一，之前細個食過嘅腸粉已經唔見曬，但係佢依家係度！本人喺好食到係度做打手，全公司同事都食過，都話好食！仲試過佢哋嘅自家製大菜糕，都係好好食，可以當飯後甜品，天然又健康，而且又唔會喺果啲好甜嘅甜品，好快就會不知不覺間食完！

係依附近返工, 出去附近買hair clay, 咁岩行我出黎當然睇下附近有咩食啦 濃姐石磨腸粉 即係大陸果種櫃桶腸粉 近1,2年香港開左唔少  佐係油尖旺貴租地區開就比較少見 價錢10分親民叫左2合 X燒腸 $25粟米腸 $15味道正常 , 腸粉好難會驚為天人但食到有米香 (未落醬油前) 平價之選, 親民價錢 絕對有下次

揸車經過過幾次，今日終於試咗！叫咗一份叉燒腸粉同埋一份蔥花腸粉，即叫即製，啲腸粉真係好薄好滑，餡料都好足，啲腸粉皮吸晒啲汁，非常入味！真係好耐冇食過咁好味嘅腸粉！This has got to be one of the best Cheung Fun (steamed rice noodles) in town! The crepe is super thin, light and silky, mine was filled with generous amount of barbecue pork, cooked to perfection, the sauce that comes with it took it to next level. Definitely give it a go if you haven’t tried already !

📍養生清淡蒸麵 -- 濃姐石磨腸粉👩🏻‍🍳話說想試濃姐好耐，不過之前好難就到時間過去😕前排咁啱去開佐敦，終於買到黎試😍本身想試腸粉，後來見到呢到竟然有蒸麵賣😍小編覺得幾特別就買黎試下，遲啲一定會再去幫襯腸粉💛-----------⭐特色蒸淮山麵（$30）麵底可以簡米粉，米線，公仔麵，淮山麵等等🙊小編就要咗特別啲嘅淮山麵😍配菜有超多樣（可以睇下後面嘅相）可以揀一到四款，價錢由$20至$35不等，小編要咗雞蛋粟米同雜菜😋麵係即叫即蒸，拎到手仲係熱辣辣😍淮山麵份量好多，食落味道清淡，健康唔油膩😆加埋少少豉油調味啱啱好👍雞蛋係半熟，有蛋汁流出可以撈埋啲麵，好正😍整體黎講好養生，好適合阿婆口味嘅小編😹重口味人士可能就未必啱食啦哈哈😂😂------------賣相：6.8/10味道：7.7/10性價比：7.2/10回頭率：8/10------------店舖資料名稱：濃姐石磨腸粉地址：佐敦上海街62號AVA 62地下5號舖前往方法：佐敦站c2出口

今日終於食到上個星期就想試既腸粉店！(撞正佢休息左幾日)睇佢面書既評論，講到d腸粉好早就會賣晒，我都驚驚地3點幾去買會失望而回！還好去到只係話豬潤賣晒，腸粉我一早諗好叫雞肉絲，然後再叫多個蒸麵就揀左叉燒+肥牛+蛋麵(麵可選：蛋麵、公仔麵、淮山麵)買到返去打開黎睇見到份量咁多心諗GG了..食唔食得晒呢😂結果我梗係食得晒喇！因為好食！個雞肉絲腸加埋佢個豉油，絕呀！腸粉好薄好滑、雞肉絲足料！至於個蒸麵，一樣係加上佢比既豉油撈黎食既！叉燒一d都唔慳家，食落係好野黎！肥牛就正正常常！咁樣既蒸麵我第一次食，又幾得意，感覺上又幾健康咁！總結：濃姐腸粉值得大家支持！

呢日行過佐敦，本身想食澳牛，行到門口先知佢無開呀⋯⋯⋯⋯⋯⋯⋯⋯⋯⋯之後就係附近搵野食！！！周圍行行下，我發現左呢間即製腸粉店，我見佢唔係廣東式腸粉又未食過，所以就試下。先叫左個蔥花腸粉堂食，真係即叫即製ga!😋😋真係新鮮好味！！個腸粉皮好軟好香呀😍😍😍雖然地方細細。但都好企理，乾淨！！之後再買多個外賣义燒腸粉回家同屋企人食😋有心機製作，聽老闆話連個粉漿都係自己磨，呢啲小店要支持下！！

我真係呢度嘅常客嚟㗎！佢價錢親民得來份量真係好多，平時就會同男朋友share一個面之後一人一碟腸粉，咁樣嘅話食完之後大家都會超級飽🤣.I really come to this place so often 😆 for the price and the portion sizes this place is really a gem 😆 usually i share one steam noodles and 2 steam rice roll with my boyfriend 😋 usually pretty full after that!. 《兩餸·蒸麵》芝士蒸淮山麵加半熟太陽蛋 $28其實之前已經試過幾次呢個蒸麵㗎啦，但忍唔住再介紹多一次俾大家！我覺得我鍾意食呢個面嘅原因有好幾個，一來佢夠特別，二來呢個價錢來講食得飽肚真係好抵🤩不過之前試過一次打包返屋企食，啲面即刻變到好乾，加上我每次都會加芝士，乾咗之後就會變咗一個麵餅咁。所以建議大家喺嗰度熱辣辣即刻食～.《鮮蝦粟米石磨腸粉》$30 😋😋😋《肥牛石磨腸粉》$30 😋😋😋呢度嘅石磨腸粉食落好薄好滑，師傅手勢真係好好～加上佢

佐敦的一間小型腸粉店, 有好多款腸粉, 即叫即拉, 仲要係古法皺皮腸粉呀我叫咗普通版雞蛋腸粉, 要加蔥的話有亂X咁放催淚 蛋粉腸另外一個叫咗义燒腸粉 加蛋, 唔好比外貌呃咗！好大份的腸粉 好香好滑！雖然係2夫婦經營的小店, 但係拉出黎的腸粉係超水準的, 仲好食過茶樓嗰啲我嗰日係星期六5點左右去, 都有好多街坊幫襯, 有啲仲專登過黎食, 回頭率:10/10Overall: 一定會番去再食, 堂食有3-4個位, 唔介意迫都可以企到1-2個人的