澳門氹仔葡式餐館

營業中

休息中

人生第一次食葡國菜嘅體驗星期日去咗澳門🇲🇴，行完大三巴，食完小食後，就去咗搵正餐食見到葡富軒個餐牌幾吸引，就膽粗粗入咗去試嗌咗三樣龍蝦濃湯葡式經典椰汁非洲雞炙烤馬介休 龍蝦湯 🦐🍤湯呈現出誘人的橙紅色，有濃郁的海鮮香。龍蝦肉肉質非常鮮嫩多汁，還有一些香脆的麵包丁和香菜，湯的層次感好夠。葡式經典椰汁非洲雞🐓雞肉外表金黃酥脆，內裡保留了肉質的鮮嫩多汁。💦雞肉上有香脆的碎堅果，增多了口感。炙烤馬介休🐟（葡式鹹鱈魚）外表烤得金黃酥脆，魚皮的焦糖色，燒得好靚。魚肉鮮嫩多汁，盤底還有一層清淡的醬汁，與魚肉和蔬菜搭配得恰到好處。呢三樣嘢食，值得一試

葡式炸馬介休球 $88香口夠脆，咸香得黎夠惹味🤩辣酒煮花螺 $118雖然辣左少少，但係螺肉夠入味，都好食😁咖喱牛腩煲 $118呢個唔辣，咖哩味好香，配蒜茸包食一流👍🏻炭燒牛仔骨 $120燒得夠香，無過熟，仲有肉汁😋葡式紅酒燴牛尾 $128啲汁好香，送飯好得！炭燒豬手片 $88燒沙甸魚 $56

朋友推薦這餐廳，話食物高質。餐廳雖然沒有特式裝修，也有點殘舊，但是食物質素相當高，推薦脆皮乳豬炒飯，鮮味咖哩炒蟹和牛煵，野味烤豬頸肉和牛仔骨，好味的蒜蓉蒸開邊蝦，有鑊氣炒飯，豬油渣炒菜。價錢平，碟頭大，CP值很高。

話說個日落雨啦,咁我就叫外賣食,食椒鹽豬扒炒公仔麵,就52蚊,點知落左單差唔多1個半鐘先送到黎,問個外賣仔咩事啦,佢話打唔到比我其實之前都試過2,3次架啦,咁就似係落單條友寫錯我電話,最後係我打番比個外賣仔先搵到我咁個公仔麵就軟硬適中,但好似就炒得唔均勻咁成個麵有小小乾,但豬扒幾入味既但52蚊覺得可以係第2度食得再好小小既

見好天又公眾假期就決定到郊區吸收下新鮮空氣, 預啱下午茶時間，就喺附近搵間茶餐廳食個tea先🤗 呢間茶餐廳出面有幾個免費泊車位, 都算方便揸車人士🤓 室外有幾張枱，但太熱呀，所以我哋坐入面， 入面好暗嘅， 啲枱櫈都好有郊區茶餐廳感覺🤣叫咗三個茶餐 (其實係餐牌上面嘅食物加$6有杯凍飲或者熱飲)🍴😅 三樣嘢都不過不失啦，反正冇特別期望， 所以唔會失望😆餐蛋治烘底，回鍋肉公仔麵+雞翼，炸雞翼+春卷。 係春捲個樣冇咁討好，裏面冇乜味，反而回鍋肉公仔麵就好夠味，係啲麵淋咗啲🤔阿姐都幾有禮貌👏🏼 佢哋仲有隻貓店主添🐱

晚市小菜，4個餸$370，都算抵食，最主要有鑊氣，外賣整好仲會打電話通知啲餸都算大碟..............................

住市區，難得山長水遠入元朗，今日揀左飲呢間萄國菜，好彩冇令我地失望炸馬介休球，好味過我係澳門食！咖哩海鮮，個咖哩汁正，送飯真係一流，不過都係咖哩雞得我歡心d蒜蓉包，就咁食已經好好味，好香蒜蓉香，唔使點將食都好正，點埋我地叫嘅咖喱仲正

今日黎到元朗既澳門氹仔葡式餐館食野。因為人數都唔少所以叫左好多個菜。除左室內呢度仲有戶外枱，方便一班煙民。好，坐低，叫野食，蒜蓉包配咖喱醬，蒜蓉包岩岩焗起好脆口，加埋自製既咖哩汁簡直無得彈。豬油渣辣椒乾炒椰菜，豬油渣係用細粒脆卜卜嗰隻，加埋少少辣椒香，淨呢個菜都可以食到一碗飯。葡國海鮮焗飯，本身好少食焗飯，怕要等好耐，但今次人多，可以吹下水等下食下其他野先，一上枱真係好香，我地坊間食到既葡汁都係淺黃色，呢個深黃色之餘仲有少少咖哩feel,由於我未食過正宗葡汁，所以唔知呢個算唔算正宗，但係好好味既，海鮮碼亦都好足。馬介休球附上沙律醬，同泰式辣醬。味道好濃，粉皮岩岩好唔會太厚，可以一試燒風鱔

叫左外賣響村出面士多等，等左成45分鐘未到就打去催。個聽電話既勁搞笑，黎都無黎到話打左幾次電話黎無人聽，要轉頭先再送。問佢幾耐先送，答唔知，要得閒先。仲要cut埋線

實在太好味，所以連續兩個星期六都去食，今次試唔同既野食。豬骨煲，舊舊骨都好大舊，食乾淨周圍既膠原，再將d骨髓吸哂出黎，好有營養，裏面仲有粟米，紅蘿蔔，白蘿蔔，腐皮，個湯熬成奶白色，飲番一碗，所有材料既精華盡收肚中。咖哩雞煲，雞件嫩滑，啖啖肉，再用蒜茸包，蘸上濃烈既咖哩汁，第一口脆卜卜，第二口鬆化，令人食指大動。紅燒乳鴿，略為細隻，斬成四件，但皮燒得好靚，肉質厚，配啤酒一流。最後又有送糖水，南瓜西米露，今次煮得好味好多，甜得清新。

揸車去到呢間元朗錦綉花園的葡式餐廳，非常期待食餐好味既晚飯，果然冇揀錯。之前食過豬骨煲，好濃郁，今次叫咗個奇味雞煲，辣味非常足夠，雞切到一口大小，夠哂嫩滑，食落啱啱好。我地叫咗自家手打蝦滑同鵝腸，加埋附送既生菜、芽菜、豆卜，加湯之後，就開始打邊爐。蝦滑好新鮮，熟咗浮上面，即刻夾黎食，爽口彈牙。鵝腸都唔輸蝕，不過我地淥耐咗少少，變得有d「韌」。食到飽飽地，見到隔離枱叫咗個小食，估唔到晚飯時間都有得食，我地跟住叫咗一件，豬扒包。豬扒超級大塊，煎得香脆，夾係塗咗少少蒜茸既包裏面，每一啖咬落去，都係味蕾既享受。叫埋杯椰香雪泡，涼浸浸。最後埋單時，伙記話有糖水食，每人有一碗，不過就麻麻地，太甜了。

工作遲了開飯，到時已經是下午茶時候，泊低車，餐廳好大，藤椅木桌，門口都有幾張枱，呢排天氣清涼，坐門口都唔會好熱！呢啲叫做風味！但街景是對著馬路，熙來攘往！雖然唔熱，但較大塵同餐牌較油膩！不過方便同事呼吸，所以都係坐外面，叫兩個炒粉飯分享！店員都好落力介紹！叫了：澳門炒米：之前食過兩次，因為個名其他地方無，但兩次出現個結果好唔同，一次有加豉油炒，一次就無，店員話要落單時講明叫廚師加色炒！咁有豉油嗰次好味啲！今次就叫加色炒，但個店員又唔係好明，要解釋一輪先明！佢亦唔係無心做，只係唔明！今次炒出來就唔係咁好味，材料似星米，蔬菜爽脆，蝦仁火腿都唔錯，份量亦多，雖然有加色，（豉油）但米粉帶燶味，而且偏咸（可能呢個廚師唔係之前嗰個）所以味道一般！咸魚雞粒炒飯：好簡單嘅材料，夠鑊氣！飯粒粒粒分明兼乾身，生菜絲爽脆，雞粒淋身唔嚡，咸魚雖然見唔到，但味道滲透晒入飯粒！好味！一個好味，一個一般！而餐飲揀咗加錢飲罐裝可口可樂，罐裝一定夠氣，不過唔算凍！餐廁所都幾窄，而且無掛鉤，唔太方便！幸好乾淨，而且有大量廁紙供應！唔錯！服務：店員努力招待，有介紹食物，我們想改少許都可以！只要佢明嘅話！

星期日去完米埔觀鳥，出返黎都已經2點幾，夠鐘食下午茶！由於唔太熟元朗既關係，我地一行四人決定一邊揸住架車一邊搵野食，見岩就停低食，結果就起回旋處見到呢間澳門餐廳好吸引就入左黎喇！黎到澳門餐廳點會唔點豬扒包喎，雖然有D貴，要＄34 連飲品，不過食完就覺得好值！因為塊扒勁大塊，大過個包，突晒出黎，而且超juicy，肉質鬆得黎又帶點口感，一定唔係果D急凍到乾晒既豬扒。而個包又脆又暖，感覺好正，唯一唔好既係塊豬扒係連骨既，所以食之前要用刀切左條骨先食得，不過都OK 既！另外我地都有叫到一個豬扒麵，同樣都係好正好大碗，塊豬扒覆蓋晒成個碗面，要食下面既麵就要移開塊豬扒先，而且湯底好清，食完都唔覺油膩！間餐廳其實好大間，差唔多可以放十張8-12人既table，但係我地3點鐘去到都係得返一兩張table 剩ja,而且好多都係住係錦繡既人，可想然之間餐廳都真係幾受歡迎架！

星期六晚(6-Jun)跟老婆來到氹仔餐館晚飯，原本想「鋸扒」食西餐，但看到餐牌，便改變主意。餐廳都算大，可能是新界地方，空間感多很多，不像市區的餐廳，枱櫈都排列到密質質，連行走的通道都沒有。餐廳裝修一定算不上一流，很有街坊feel，也有點舊式茶餐廳風格，但衛生程度就不錯。我們要了燒羊扒、芝士焗海鮮伊麵及BB燒乳鴿，兩個人相信可以應付，其實還有很多菜色可以選擇，不過要等下次了。BB 燒乳鴿味道很好，果然係這裡的招牌菜。芝士焗海鮮伊麵也不錯，大蝦及青口都新鮮，但炸班塊就咸了點，整體都算OK.燒羊扒雖然制作比較簡單，但要燒到火喉適中，都要落點心機。服務方面，整體都幾好。還有，飯後有甜品送呢，不過我們真的飽了，下次記得預留空間。兩個人晚餐消費連加一 $210.泊車就最方便，餐廳前後都可以泊車，加晒分。

地方好大, 但裝修非常普通, 做街坊生意, 門口可以泊車, 所以不時會黎幫襯豬骨煲, 非常足料, 有十幾舊大豬骨, 配以粟米, 蘿白等, 煲成奶白色既湯水, 我飲左3碗 。 豬骨湯有豐富骨膠原, 飲多D皮膚都滑D!紅酒燴牛尾, 每次黎都必叫, 牛尾好入味, 用此汁撈飯, 必吃上一大碗咖喱豬軟骨, 好重香料, 非常惹味, 但豬軟骨偏硬, 小妹鍾意炆冧D既口感燒牛仔骨及大蝦, 即叫即燒, 熱辣辣, 燒既時間把握得好, 唔需要點醬汁已好好味 BB乳鴿, 都係即刻燒, 皮脆肉嫩, 但肉就較少燒豬手, 半肥瘦, 送酒一流, 如果塊皮脆D仲正蒜茸飽, 即烘, 好香蒜茸味, 單食已好好味, 亦可點紅酒燴牛尾汁/ 咖喱豬軟骨汁份量都算多, 價錢都公道, 食左咁多野, 埋單都唔駛$500, 仲有木瓜燉雪耳糖水, 抵!