澳門咖喱王新鮮腩

營業中

休息中

之前幫襯過澳門咖喱嘅美食，都覺得質素非常之高。今次特登為咗佢個招牌新菜色而再嚟試菜。上次已經試過佢川醬乾炒牛河炒得好有水準。今次就係特登試佢個獲獎王中皇雪花牛頸脊川醬炒河。我仔一向鍾意食牛肉，但係一般牛肉佢有比較難咀嚼，今次呢碟牛頸脊乾炒牛河真係冇得頂！牛肉選取極上嘅牛頸脊，食落夠牛味又軟滑！一點炒牛河起碼有十幾塊牛頸脊，所以佢貴得有價值！另外叫咗個下午茶餐嘅咖喱牛腩，加錢配左印度薄餅，都係果句，新鮮牛腩一食就食得出！另外叫咗番茄濃湯墨魚丸河，呢間墨魚丸幾靚，個番茄湯頭味道香濃。　　

星期日放假，下午同老公去佐敦道裕華買嘢，之後去左同事介紹的澳門咖哩王新鮮腩食晚餐，說那兒的咖喱好好味，今晚就同老公試試！澳門炒飯，飯炒得粒粒分明又不油膩，有魚乾和蝦乾等，味道香中帶微辣，好味！澳門咖哩薯仔雞扒飯，侍應說咖哩是店家自家製的，用30多種香料磨碎秘製而成，所以味道與別不同，特別香濃，雞扒和薯仔都好入味！口水雞例牌，雞肉鮮嫩入味，麻辣香的辣汁夠惹味！紅豆冰，紅豆林甜，冰凍好飲。鴛鴦紅豆冰，加入鴛鴦，味道香濃。

在佐敦白加士街新開了一間＂澳門咖喱王生牛腩＂門口直望入去有一塊「港澳第一腩」的牌匾，又聞到陣陣咖喱的香味，一於入去試一試先😋清湯蘿蔔湯底清甜濃而不鹹，蘿蔔炆的時間剛好，索晒清湯的味道，美味無窮澳門咖喱薯仔招牌牛腩飯$59當然要試試鋪頭的招牌菜，牛腩入味柔軟嫩滑，牛腩厚身有質感，配上香濃的咖喱汁下飯一流👍🏻川醬乾炒牛河$69跟平時的乾炒牛河有點不同，用川醬炒更加惹味微微辛辣，河粉炒得分明夠鑊氣，而且一點都不肥膩👏🏻薄餅$30見到美味的咖喱汁忍不住額外叫多份薄餅，薄餅配上另外一種味道的咖喱汁，這款咖喱汁比較清爽薄身有水果味，有少許酸酸味味令人更加開胃😊奶茶紅豆冰奶茶紅豆冰甜味適中紅豆大大粒夠腍😋檸檬利賓納利賓納溝檸檬原來咁好飲，正！

招牌清湯牛腩 ($128+30)想加$30要其他部位，但店員話每樣都得返好少，所以就幫我每款加少少，有牛坑腩、爽腩及崩沙腩。原來佢哋用嘅係閹牛，所以口感鬆化軟腍，牛味更濃。牛坑腩係牛肋骨之間嘅肉，旁邊連住少少軟膏，入口更滑溜；爽腩連一塊薄薄嘅筋膜，食落千絲萬縷；崩沙腩即係牛嘅橫膈膜，少肉。我自己最鍾意食爽腩，肥瘦適中有肉又有軟膏，口感最特別！下面有好多白蘿蔔，盡吸牛肉精華，超級入味鮮甜！ 獨創即煎酒糟肉餅飯 ($49)用本地豬肉手剁而成，口感嫩滑彈牙，煎得香脆；加咗酒糟所以好有酒味，不過又唔會覺得好勁；撈白飯食一流！香港仔魚蛋河 ($35)店員話冇哩特別，所以轉咗個無味精鮮茄湯底俾我。雖然看似奇怪，但個湯飲落的確好清甜，就算成碗飲晒都冇口乾嘅感覺！店子雖然細，而且係走茶餐廳style，但坐得舒適而且食物質素高！食得過！

早2日途經佐敦見到一間新開的專食新鮮牛腩餐廳，我同老公當然立即決定入去試一試先啦！餐廳裝修好有澳門茶餐廳感覺，有少少懷舊feel 。餐牌除咗牛腩之外仲有其他小菜，不過我倆當然想食各款不同口味的牛腩啦！而且仲可以加錢轉牛坑腩，爽腩等等其他特別部位。澳門咖喱薯仔招牌牛腩飯-加錢轉牛坑腩咖喱香濃又唔太辣，牛坑腩肉質比較爽口，牛味濃郁，配飯一流。麻辣牛腩飯牛腩鮮嫩多汁，肉質鮮美，麻辣味非常惹味，令人胃口大開。招牌清湯牛腩清湯清甜而且充滿牛香，牛腩軟淋嫩滑，而且底下蘿蔔清甜美味，我最愛果然都係清湯腩，又清甜又滋味，而且份量亦非常多，十分抵食。

<好正既牛腩呀😍🐂>清湯腩 其實好多間都好好味 有 d就態度太差 有 d就太貴😂今日俾我發現呢間 澳門咖哩王 有各式既港澳特式野食 尤其係關於牛既野食勁正 因為佢用新鮮牛腩整 淨係呢點都冇得輸😍🍴招牌牛腩飯 55 蚊 轉牛坑腩 加9 蚊牛坑腩係牛既前胸位 口感好爽滑 中間有好多彈牙牛筋 肉味都幾濃下 😍 佢個湯底充滿牛香 加 d葱調味更正 🐂我自己就鍾意 加 d自製辣椒油🌶夠哂惹味 帶出新鮮牛腩既香味😃🍴川醬干炒牛河 69 蚊🐮🌶中辣同平時用油炒既乾炒牛河唔同 😌 佢係用四川醬整 所以唔會太油 充滿辣香 而且醬汁有哂甜辣酸既香味 夠哂入味 而且仲有椰菜 葱花 蘿蔔🌿🥕 芝麻等等 夠哂香 佢既牛河 係比較幼身 有少少似炒貴刁河粉嗰類 而牛肉係比較 厚切 好有口感牛肉味濃 正 😍中辣對一般人黎講都辣辣地 建議唔食得辣既朋友可以點少辣 就好夠 😈☕凍啡少甜 18 蚊雖然係茶記咖啡 但一 d都唔 hea飲得出係即磨咖啡 夠香滑 十分唔錯Score 平均分 <8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene

放工經過佐敦，要食飯就隨意揀咗呢一間食牛腩嘅餐廳。因為我都幾鍾意食牛腩嘅。揀咗招牌清湯牛腩飯$55 ，加$9可以轉坑腩。首先講吓個牛腩煮到好淋，我叫咗半肥瘦，佢比我嘅亦都係肥瘦均勻，牛腩好滑黐住啲肥膏好好味，而個湯就好清甜而且帶有一陣嘅藥材味，同平時食開嘅牛腩飯嘅牛腩汁好唔同，而啲飯就好乾身煮得好好有好有咬口。唔係好夠飽之後就話叫咗呢一個嘅薄餅加咖喱汁$30 ，而個汁就係健康蔬果咖喱，我都係第一次試，個汁甜甜地大有一陣濃郁嘅果香味，有啲似熱情果咁嘅味食落都幾清新，如果薄餅就好薄好乾身好脆， 配埋個咖喱汁就一流。

這天朋友等我下班, 知道我那天在尖沙咀放工, 專程來等我一道走去相隔一個九龍公園的這家清湯腩吃牛. 店內的格局與一般的清湯腩或茶餐廳近似. 來到清湯腩店, 第一道自然是點清湯腩. 上桌的清湯腩顏色與肉質紋理很像义燒, 墊底的自然是用上蘿白. 入口的清湯腩, 肉質鬆化而肥瘦均勻, 入味清新. 牛肉清湯亦清澈而牛味十足. 最後的蘿白吸滿牛肉清湯, 美味非常. 干炒牛河, 是每個月必然吃到一次的食物. 用川醬炒的則是第一次試. 川醬的味道帶點辛辣香, 比平常的牛河更惹味. 牛肉質素自然無話可說的好. 可惜用上的河粉是幼身的河粉, 火候上較易控制但口感稍遜. 牛河外點的一份澳門咖喱, 朋友說著想特別一點的組合, 便點了咖喱薯仔牛坑腩配薄餅. 這裡的薄餅用的是薄身的薄餅, 最適合包著牛腩直接食用. 意想不到地這個咖喱的味道相當濃郁, 與牛腩十分配合. 最後的這一碗蕃茄濃湯誠意十足, 用上牛肉清湯, 不加味精, 出來的湯鮮甜味滿分, 而且價格是驚人的$6. 比一杯熱檸水更便宜. 

佐敦白加士街好多野食唔同類既店都有今日突然想食咖哩就試下澳門咖哩王叫左個咖哩羊腩花鵰醉雞泡飯咖哩薄餅咖哩羊腩味道好濃郁羊腩份量好多煮得好淋好嫩 羊味適中有啖啖肉既腩位又有連骨上既位岩哂大家唔同口味因為個人反而鐘意啜骨位覺得仲入味為左羊咖哩，叫左rotiRoti本身都有跟個咖哩汁係有加蔬果既好好味！又甜甜地酸酸地好有層次天氣轉冷食羊保暖想食埋熱辣辣泡飯花鵰醉雞味真係未試過佢味道岩岩好估唔到泡飯同花鵰酒味咁夾食完覺得好滋潤醉雞都好滑 好滿足

佐敦參加完活動直接就地解決午飯，去了最旺的路段尋找，基本整個十字路口滿滿也是餐廳。朋友想吃咖哩，所以最後我們選擇了價錢較便宜而又要咖哩命名的「澳門咖哩新鮮腩」。餐廳食品種類挺多，由咖哩、河粉類、港式常餐至碟頭飯都有選擇。我們叫了一款麵食及兩款廚師推薦。沙嗲牛肉麵說實在，很久沒吃到湯頭滿滿沙嗲味的牛肉麵了，有種兒時回憶感。麵質彈牙，夾起吊掛沙嗲湯汁，味道香濃，牛肉較薄較大塊，不像別家餐廳以梳打粉把牛肉醃製弄得很軟很腍，牛味較香較有口感。清湯蘿蔔牛脷湯底清甜更能突顯蘿蔔及牛脷的鮮味，蘿蔔炆至很腍，咬下無筋，味道清甜香口。牛脷厚度適中，咬下牛味濃郁，質感軟熟。澳門咖哩薯仔配爽腩 轉薄餅咖哩配薄餅相信是很多人喜歡的配搭。咖哩入口微辣，濃稠度適中，是適合配飯及配薄飯的密度，不會太汁狀，也不會太稠。薄餅即叫即煎，入口微脆。爽腩很入味，咬下腍中帶爽。

準備晚餐期間石油氣突然用光了，餸菜唯有留待第二天才處理。今晚就在附近食飯吧。澳門咖哩王是美食雲集的白加士街內的其中一間茶餐廳，之前經過都見到有不少食客光顧，一於試試。＊＊＊＊＊＊＊＊＊＊＊澳門咖哩王雖然是一間茶記，但店內都乾淨企理，牆壁鋪上磚仔，帶點懷舊感覺。食店主打牛腩，所以菜單內大部份食物都跟牛有關，所有食品加$4都可加配冷熱飲，番茄湯加$6，不設加一，只是繁忙時間晚上6點和星期六日紅日加$7，價錢都合理。無味精鮮茄濃湯(跟餐加$6)鮮茄濃湯味道確是幾香濃，入面亦有番茄各蔬菜，質地不會太水汪汪，飲完也不覺口渴，這$6絕對抵加！澳門炒飯($69+7)澳門炒飯我們點了小辣，飯炒得夠乾身，不會太多油，份量都夠多。必食獲獎川醬干炒牛河($69+7)干炒牛河我們點了中辣，辣勁十足，我最喜歡是它用上薄河粉而非平時干炒牛河常用的厚身河粉。河粉又薄又夠滑。平時看十大邪惡粉麵，干炒牛河都會上三甲，這個干炒牛河比平時見到的油量較少，即使明知邪惡，但罪惡感都沒有那麼重。牛肉夠腍又夠大塊，不會太碎濕濕影響口感。澳門咖哩薯仔招牌牛腩拼薄餅($59+9+10)食店既然出名食牛腩，怎可以不試。這裡的咖哩牛腩飯可

以為可以食到澳門美食，點知冇樣得。服務員態度奇差。食物上枱冇餐紙，問佢就指指個牌"紙巾每包3元" 。清茶或水欠奉。紅酒牛尾D牛尾凍嘅！叫牛腩如果唔加價錢就冇招牌清湯腩。結果……

今天去完裕華國貨的超市買東西，天氣麻麻，下著毛毛細雨，想吃一些辣辣的食物作晚餐，於是便過了對面馬路的澳門咖喱王新鮮腩，食一個咖喱飯！進了店舖，裝修很明亮，門口掛了很多明星的合照，原來這店的總店在牛頭角。我們三個人點了“澳門咖喱薯仔招牌牛腩飯” ($59)，“獨創即煎酒糟肉餅飯”($49) 和“川醬干炒牛河”($69)。 飲品點了奶茶紅豆冰和凍檸茶。“澳門咖喱薯仔招牌牛腩飯”的辣是香而不辣，適合港人的口味，牛腩很淋，沒有肥肉，我喜歡呢！“獨創即煎酒糟肉餅飯”的肉餅原來是即叫即煎，所以也要等上一些時間。肉餅配上自家的有豉油，很夾，另外肉餅也煎得很香！“川醬干炒牛河”很特別，食下去真的有麻辣的味道，有點辣！牛肉不會老，並且牛肉的分量相對也不少哦！

這星期剛從外地回港，每天每餐都大魚大肉，吃的不是烤就是炸，真的很想念簡單的食物，朋友知道以後就跟我說在佐敦有家剛開不久的特色茶餐廳，今天晚上帶我去吃好讓腸胃不用再受苦。門面醒目燈光足，裡面雖然不算大但整齊，沒有一般茶餐廳給人骯髒的觀感。甫坐下，友人滔滔不絕推介數款他光顧時的必點食物，老實說在茶餐廳用餐其實也吃不了多少，聽他說沙嗲牛肉麵是其中一道必吃的，看看餐牌原來點常餐的話45塊還有配餐包和火腿炒蛋，我當然不會錯過。先來的是我的沙嗲牛肉麵，下單是店員說原來他們的麵是可以轉生麵的，這個非常特別，因為在其他茶餐廳幾乎沒有遇過有生麵的，本人最愛吃生麵，這個麵質煮得剛好，彈牙爽口，沙嗲牛肉也挺足料，要比較的話分別在於一般是配泡麵，最大問題就是越吃麵質越發脹，每次吃後都有一種飽到撐住的感覺，配生麵就感覺比較輕盈，而且聽說湯底是沒有味精的。餐包是烤到脆身的，抹上一層薄薄的牛油，香氣四溢，火腿炒蛋薄身，太厚的話一定吃不完，雖然薄，但蛋身是滑的，配牛油餐包在常餐裡這個份量剛剛好。朋友的咖哩牛腩飯也來了，既然是馳名菜式我當然也要試一試。店家的咖哩辣度適中，味道非常非常濃郁，不是一般貨色或者是混和了很多水

佐敦搵餐廳快食，見到呢間茶餐廳標榜無味精，港澳第一腩，就試一試。招牌清湯牛腩河- 牛腩似是牛坑腩，腩肉中爽着少許肥膏和牛筋，炆得時間很夠，蘿蔔、牛腩肉炆得又淋又入味，筋膏部分有入口即溶感覺。河粉十分薄滑，吸引了牛肉清湯，很順口，我們很快清了一整碗。招牌清湯牛腩飯- 食完牛腩河，覺得牛腩正，所以加一個牛腩飯。牛腩依然是炆得好淋好入味，配上淋甜蘿蔔，湯汁撈飯一流。川醬干炒牛河- 我地叫了小辣，很有鑊氣，炒得不油。牛肉片都大塊足料，醬汁兜得勻循，每條河粉都上色掛上川醬，十分惹味。澳門炒飯- 即是蝦醬炒飯，飯炒得粒粒分明，有很多大蝦米干，加上蛋塊椰菜絲，香口惹味有鑊氣。飲品方面，我哋叫咗紅豆冰同埋杏仁霜。紅豆冰足料，有好多紅豆，紅豆細細粒煲得好粉。杏仁霜香濃，飲完好滋潤。