澳門咖喱王新鮮腩

營業中

休息中

川醬干炒牛河69平日對干炒牛河愛不䆁手的小妹，一見是必食獲獎🏆即時兩眼發光。吃起來既不油，色水靚，河粉比較幼，更入味，而牛肉亦足料，吃起來味道豐富到位。口水雞98例雞皮不肥厚，雞肉不死實，辣油雖然姣好，辣味卻是點到即止。清湯蘿蔔金錢肚98例大大碗，真材實料，肉稔軟，蘿蔔清甜。18凍朱古力向店員要求了少冰後，味道更香濃，不會喝到粉狀的不均勻。18凍西洋菜蜜甜甜的味道，潤喉清新。紫菜新鮮牛腩湯19湯頭原汁原味，再添上紫菜更有口感。食後感：地方簡單企理，食物品種多，一時三刻三心兩意不知要點哪一款才好唷！

這家店就在家的對面，從裝修開始，就諗是開什麼類型的食肆呢？終於看見招牌了。 非常之搶眼的招牌，原來是澳門咖哩餐廳。 佐敦也很少有這類的餐廳。今天下午比較清閒，所以拉埋老公二人去吃午餐連下午茶。 打正招牌做咖哩，當然要叫咖哩吃看見有咖哩牛脷 在其他咖哩店很少見到有牛脷做咖哩的吃法，本身也很喜歡吃牛脷 😄所以就選擇了這款。看見份量嚇了一大跳 ，這個份量可以三四個人吃， 牛脷也是厚切，煮得非常之軟腍入味，雖然咖哩味道濃郁但也蓋不過牛脷的香味😋。薄餅用來沾咖哩汁吃一流👍。老公叫了豬排公仔麵，我也嚐了几口，豬排有少許咖哩香味。跟餐還有火腿奄列和半個脆豬包一杯飲品，很飽的一個餐☺。咖哩終於吃不完，打包回家當晚餐。

老婆最鍾意食咖喱牛腩呢啲濃味嘅食物，所以朋友推介我哋去佐敦白加士街一間澳門咖喱王新鮮牛腩專門店。去到見到佢喺門口大大隻字話自己係百分百用新鮮牛肉，真係要去試吓！雖然係茶餐廳格局，但係裝潢有啲浮誇，好友澳門餐廳嘅特色。星期日中午時分，全場滿座，我哋只需等左5分鐘就有位。為咗滿足老婆食牛腩的願望，但係阿仔又可以食得到嘅辣度，我哋叫咗個印度皇室雜菜咖喱牛腩，仲要將牛腩轉左崩沙腩。新鮮牛腩一食就知，爽口林滑，牛香十足。雖然呢個咖喱汁香甜清新，蔬果味令到佢嘅微辣剛剛好，不過老婆話下次一定要自己叫一個正宗勁辣嘅咖喱牛腩。得獎川汁乾炒牛河，呢個真係好味到冇得頂，係師傅功力夠先炒到咁乾身香口！而且啲新鮮牛肉唔係一般茶餐廳醃到淋一淋冇晒味果d，果然係得獎名菜。手打牛筋丸墨魚丸河都唔錯！紅豆冰同咖啡紅豆冰非常之正，啲紅豆大大粒，仲煲得好夠淋。

今日同老公出佐敦嘉賓大廈，取身體檢查報告後，途中經過見到間新開小店「澳門咖喱王新鮮腩」就食埋中午飯才回家啦！選擇困難症發作😂，餐牌上有不同種類招牌牛腩飯選擇👍先來一碟《必食獲獎川醬干炒牛河》＄69 ，落單時可以點🌶微辣、小辣、中辣、大辣，我選了小辣。急不及待品嚐😋，河粉乾爽厚薄適中，吃落熱辣辣👍，牛肉食材新鮮，冇雪味，纖維細軟，牛味濃郁，十分有鑊氣🌟再來碟《皇室印度健康蔬果咖哩金錢肚飯》＄59，吃落咖哩清香味道，用蔬果蓉加咖哩，有另一番風味😋😋再來《招牌清湯牛腩》＄55，牛腩是新鮮，食到牛腩肉質鮮嫩，沒有肉渣，原來食材是很重要的🌟🌟最後來《全港獨創即煎酒糟肉餅》食落層次分明，外面有焦香味，𥚃面肉汁配料豐富，味道一流👍👍整體來說食料用心❤️細心造出特式菜😍😍

在遠處已被那特大招牌所吸引，難道是來自＂澳門＂的＂過江龍＂名店？站在門外先來＂研究＂一下餐牌上的菜式，看見餐牌標榜使用新鮮牛腩，即管嘗試新鮮牛的味道…走進店裡已經聞到誘人的牛腩香氣，我心裡暗喜，這次大概沒有選擇錯誤，我點選了＂澳門咖喱薯仔招牌牛腩飯＂。澳門咖喱薯仔招牌牛腩飯＄59，先來咬一口牛腩，半肥半瘦，夾雜著油脂，牛腩肉質條理分明，有嚼勁，肉味鮮甜醇厚，吃得出是使用新鮮牛腩烹煮出來的成果，味道可口美味；來一口白飯，伴著咖喱汁一起來吃，陣陣咖喱香味，辣度不過份，吃罷辣味才慢慢滲出來，而且咖哩汁是加入了洋蔥、甘筍等炆煮而成，帶有蔬菜天然的香甜味，非常剌激食慾。新鮮的食材，配上精煮的醬汁，簡單的滋味。

是晚7 點幾喺佐敦做完野，就同埋同事去左揾野食，見到呢間sell澳門風味清湯腩，又同同事走去食下！鋪頭除了主打清湯腩外，其他茶餐廳美食選擇都唔少！老闆推介兩款餐廳既招牌菜，我哋都有叫嚟食！餐廳環境唔錯，幾光猛，冷氣充足，坐位都幾闊落，茶餐廳嚟講算幾好！落完單，老闆拎左碗茄味十足既例蕃茄湯俾我哋飲，強調無味精，酸酸甜甜，幾開胃！咖哩牛腩飯首先送到，香濃既咖哩味，令牛腩既味道更出色，咖哩味入晒牛腩入面，而且炆得軟腍，食多幾件都唔覺膩！牛腩大大件啖啖肉，咖哩同牛腩有放埋一齊炆，先有咁入味同軟稔既效果！唔係一般快餐咁加幾滴辣椒油咁跟住出場既係招牌清湯牛腩飯，唔講唔知佢哋用既係閹牛，食落比其他清湯牛更腍,牛味更香濃，肉質相對地滑，個清湯做得幾甜，用嚟送飯一流，而蘿蔔更是精華所在，無根係基本，索晒d腩汁又甜又稔，真係想食多兩舊！而另一個招牌菜都跟住出場，就係川醬干炒牛河，賣相已經吸引，碟底無油，加入左唔同既蔬菜絲，顏色比一般既干炒牛河吸引！呢d蔬菜絲更令呢碟干炒牛河增添唔少口感！ 係從來都未出現過喺干炒牛河既口感！川醬令牛河多了一重辣味，令牛河變等更香更惹味！牛肉就唔駛多講，好食，爽口！食過咁多

開完會同朋友去了附近食飯，經過這間咖喱牛腩店，見佢企企理理而且幾多人食，應該都不差既。白灼牛栢葉：以蘿蔔墊底，放上以薑一起灼熟的黑栢葉，黑栢葉切得很幼細，不過略嫌有點韌，蘿蔔清甜入味，湯底是炆牛腩的湯，有濃郁的肉香。雲呑麵：麵質爽口，雲呑不時平常所見的廣東雲呑，反而是肉雲呑，味道比較普通。咖哩牛腩配薄餅：牛腩是新鮮貨，切成幼條，炆到很腍且不油膩，牛肉味濃郁，還配上入口即溶的薯仔，咖哩帶點微辣但香料味十足惹味，配上鬆脆的印度薄餅。奶茶紅豆冰：紅豆細細粒煲到很腍，奶茶幼滑有茶香，一杯飲品兩種享受。整體咖哩牛腩質素不俗，而清湯很甜，下次可以試下清湯腩。

今日行經佐敦見到這間以咖喱牛腩為主的餐廳，餐廳應該是新開不久，裝修光猛乾淨。晚餐都是幾十蚊起，除了有咖喱牛腩，還有清湯腩及炒粉飯。上湯蘿蔔每次食牛腩都一定會點這個蘿蔔，加上現在蘿蔔開始當造，味道清甜無渣，而且吸收了牛肉香味，炆得又腍，湯底清甜無味精。澳門咖喱薯仔招牌牛坑腩先點了一個例牌的咖哩牛坑腩，咖哩裏面有香料味道，辣味就一般，個人覺得比較輕微，坑腩炆得很腍很入味，最主要的是餐廳的所有食材都是新鮮，不是急凍貨，所以牛肉味很濃郁，不會有雪氣味，薯仔炆到很腍，配薄餅或送飯簡直一流。澳門脆豬扒包豬扒包焗至麵包帶脆，中間夾著番茄、生菜及豬扒，豬扒肉質腍，又不會煎得太乾，美中不足是比較薄。咖啡紅豆冰廿蚊杯又不算貴，咖啡味幾香而且又不會過甜，紅豆煲到很腍。