澳門咖喱王新鮮腩

營業中

休息中

老婆最鍾意食咖喱牛腩呢啲濃味嘅食物，所以朋友推介我哋去佐敦白加士街一間澳門咖喱王新鮮牛腩專門店。去到見到佢喺門口大大隻字話自己係百分百用新鮮牛肉，真係要去試吓！雖然係茶餐廳格局，但係裝潢有啲浮誇，好友澳門餐廳嘅特色。星期日中午時分，全場滿座，我哋只需等左5分鐘就有位。為咗滿足老婆食牛腩的願望，但係阿仔又可以食得到嘅辣度，我哋叫咗個印度皇室雜菜咖喱牛腩，仲要將牛腩轉左崩沙腩。新鮮牛腩一食就知，爽口林滑，牛香十足。雖然呢個咖喱汁香甜清新，蔬果味令到佢嘅微辣剛剛好，不過老婆話下次一定要自己叫一個正宗勁辣嘅咖喱牛腩。得獎川汁乾炒牛河，呢個真係好味到冇得頂，係師傅功力夠先炒到咁乾身香口！而且啲新鮮牛肉唔係一般茶餐廳醃到淋一淋冇晒味果d，果然係得獎名菜。手打牛筋丸墨魚丸河都唔錯！紅豆冰同咖啡紅豆冰非常之正，啲紅豆大大粒，仲煲得好夠淋。