澳葡牛奶餐室

營業中

休息中

又發現到深水埗CP值高既小店, 而且仲係主打澳門葡國菜, 睇佢既格局本身以為係普通冰室, 點知食落好有驚喜。巨人豬扒包 $36講起澳門, 冇理由唔食豬扒包, 果然冇令我失望。淨係塊豬扒已經夠哂睇頭, 大塊到要切開先順利食到個包! 入面夾左生菜同蕃茄, 麵包烘到表面微脆, 一啖咬落去, 成口都係個感覺好滿足, 豬扒亦好香, 出色!咖哩豬扒飯 $56咖哩顏色望落以為淡口, 點知入口出奇既濃香, 如果加埋辣應該仲正! 豬扒一樣出色, 又厚又大塊, 口感易咬唔會韌!炸馬介休球 $33以為係蜆介鯪魚球D friend, 點知原來入面係綿滑既薯蓉, 表皮薄而香脆, 薯味濃郁, 而且即炸起超熱辣辣!金沙雞翼 $26好好好好食!好多餐廳都會整到蛋黃還蛋黃, 雞翼還雞翼, 依個真係必點, 佢既咸蛋黃融入到外皮, 鬆脆得黎亦食到蛋黃既金沙口感, 雞肉JUICY嫩滑, 味道一流!飲品方面亦都高質, 美祿鮮奶同埋宇治金時鮮奶, 兩者都做得濃郁兼質感濃厚, 就算加左冰都唔會溝淡哂!最後食埋個味道香甜既雙皮奶, 樣樣野都好好食, 真係值得回頭既一間平民店!

澳門去唔到～～食番澳葡野補返數😆深水埗汝洲街好多食肆，呢間坐滿哂人，外面又企滿等外賣嘅，睇嚟有保證😌餐廳裝潢簡潔明亮，主打澳葡美食，豬扒包、葡式焗飯，仲有葡撻、木糠布甸、雙皮奶🤤氹仔咖喱魷魚麵 $46皇牌推介～～ 咖喱汁又多又香濃，唔辣，魷魚爽脆鮮甜，哦麵吸哂醬汁好好味😋葡汁雞皇焗飯 $56即叫即焗，熱騰騰🔥 上面加咗芝士，配醬汁好香，配料有洋蔥、青椒、甘荀、雞蛋、薯仔🥔，雞件厚身多肉又嫩滑，真係好豐富🥰瑞士雞翼 $26雞翼甜甜地好入味，而且保持嫩滑碟豆花鮮奶 $12藍色💙嘅碟豆花好搶眼，奶味香濃

葡汁雞皇焗飯 $56超多汁，雞肉焗完都好肉嫩，飯面放左芝士，增加口感巨人豬扒包 $36抵食豬扒包，好大塊香茅豬扒，仲要塊豬扒一啲都唔薄金沙雞翼 $26雞翼外脆內軟，雞肉好滑，亦好重嘅牛油香，冇油溢味瑞士雞味 $26雞翼好大隻，雞翼好入味蝶豆花鮮奶 $12如果選用完全透明的杯，見到蝶豆花的藍色同鮮奶混合的漸變色，效果會仲靚華田鮮奶 $24牛奶作為主角配上華田，由頂飲到底會品嚐到牛奶味，慢慢帶小小華田味，有啲勾起兒時回憶凍正宗雙皮奶 $26香濃牛奶香，雙皮奶口感嫩滑，一吸就入左食道，雙皮奶亦係舖頭招牌之一，推薦一試凍杏汁燉奶 $28杏汁味重，燉奶好滑葡撻 $12葡撻好多層脆皮，入口鬆軟

勁耐冇去過澳門 唯有喺香港搵下好味嘅澳門菜頂住檔先🤣 見到呢間環境都好似幾舒適 就入去試試佢 果然冇令我失望首先係咖哩牛坑腩飯 佢嘅咖哩明顯唔係日式果種味 唔係印度果種香料 亦唔係葡汁果種好甜嘅椰香味 而真係有少許葡汁feel亦有咖哩嘅香味 mix得比例剛剛好 係澳門先會食到嘅味道然後配左杯冰鎮奶茶 好處就係keep住冰凍 但唔會因為冰水溶落去淡左 而佢無論係奶味定茶味都好香濃 所以話 一間餐廳嘅質素 睇杯奶茶咖啡就知道另外試左一下焗豬扒飯 都係周圍都有得食嘅菜式 但佢扒真心厚肉 而且芝士可以做到拉絲 所以都係有驚喜最後要提澳門菜甜品嘅招牌 雙皮奶同燉奶 除左好滑同奶香味極重之外 杏汁燉奶嘅杏仁味都好出 比起我之前去澳門當地食嘅更為出色😍

竟然搵到間少有嘅平靚正澳葡茶餐廳，雖然種類冇澳門茶餐廳咁多，但係樣樣都整得好唔錯，而且好抵食，好多街坊幫襯。巨人豬扒包，$36一定要介紹呢個豬扒包，好好味，而且真係同個名一樣勁大個，我個人認為好味過幾年前去澳門食嗰隻🤣佢嘅豬扒好香，仲加左好多汁，所以食落好juicy，包又夠脆，做下午茶一流。芝士蕃茄豬扒飯，$56包野飲焗飯都整得好好味，豬扒好嫩，又夠多芝士，加埋蕃茄汁，點食都唔厭。吉列大蝦蛋盖飯，$62包野飲吉列大蝦炸得好脆，不過層蛋太簿，如果係厚蛋嘅話，會更好味。香煎魚餅配馬介休醬，$33未食過咁嘅配搭，都幾特別，似腐乳醬，不過唔會好鹹。炸馬介休球，$33呢個球嘅口感好好，入面似薯蓉，炸得好香，不過鹹咗啲，同老細反映咗，希望下次去食冇咁鹹☺️金莎雞翼，$26鹹蛋黃嘅味夠濃夠香☺️邪惡但係好味，而且勁抵。甜品: 杏汁燉奶，正宗雙皮奶其實想試薑汁燉奶，不過賣晒，最後一碗雙皮奶俾我哋搶到🤣好多人入嚟都會買個飯再加個燉奶，兩款味道都好唔錯，甜野就係好味☺️另外都值得一提，佢都幾多特飲，我揀咗宇治金時鮮奶，要咗唔甜嘅，靠下面層甜甜嘅紅豆，已經足夠甜。朋友杯華田鮮奶都唔會好甜，好飲。

行完西九諗緊食乜，行行下見到依間茶餐廳門口有雙皮奶又有葡撻，睇真啲個名發現佢係主打澳門野食，我都幾掛住澳門葡撻，就入去試下🤣-💕巨人豬扒包配薯條 $42👅好味指數：8.8/10必食❗️見到佢個size，真係對得住個名咖😂 仲大塊過個包😍，豬扒係香茅豬扒，煎得好香好重香茅味，食落好juicy，一咬即爆汁，肉質嫩滑彈牙‼️配料仲有蕃茄生菜同蕃茄醬，一路食豬扒同醬都係咁流汁岀黎🤤仲要個包外皮有輕脆感，內裏鬆軟🥺薯條🍟用番茶餐廳既厚切曲型薯條，真係冇得輸☺️雖然我影相影耐左冇咁熱，但都外脆內軟😍-💕 咖哩雞扒飯 $56👅好味指數：8.5/10必食❗️又係勁巨型既雞扒😍又大又勁厚肉，外皮煎得香脆到有聲，肉質鮮嫩多汁😍入面仲有油脂雞油🤤，咁厚肉又大塊都煎得咁好其實真係好難❗️咖哩好重椰奶味，如果咖哩味再重番啲就完美了☺️-💕 香熟魚餅配馬介休醬 $33👅好味指數：6.8/10有3大塊既魚餅，煎得幾香，配馬介休醬，有澳門既味道🤣。-💕 瑞士雞翼 $26👅好味指數：6.8/10雞翼有4隻，皮滑肉鮮嫩。-💕 正宗雙皮奶 $26👅好味指數：7/10個日冇左薑汁味簡🥺就簡番原味同熱既，熱既果然奶香味濃啲，食落滑嘟嘟🤤-

澳葡牛奶餐室Macau Portugal Milk Restaurant深水埗汝州街278號地舖食過翻尋味, 極高的CP值餐廳, 不用拘泥盡情點同狂食都所費無幾。可以說深水埗果然是平民美食戈天堂。過澳門都必食豬扒包$38 巨人豬扒包比澳門出品更正, 勁多豬扒肉,再夾埋氐菜蕃茄, 比澳門好食因為唔乾身唔會食到損嘴。每一個飯都SIZE十足, 我以為去左挑戰大胃王呀。飯類五十幾蚊左右, 款式口味又多, 對第一次來食架我真係會有選擇困難症出現$56 咖哩牛坑腩飯，港式咖哩有埋薯仔，汁好撈飯。是鹹蛋黃雞翼呀, 26 金莎雞翼一客有4隻$12 EGG TART$26 雙皮奶(凍食熱食同價)深水埗真係平民美食攻堂, 我雖然住淘島但都會專登去食野兼行街同買電腦相關架野。

今日嚟深水埗做嘢，收工本來打算行過去西九龍中心搵食，途經汝州街，見到路口新開咗間「澳葡牛奶餐室」。在門外駐足細看，食物相片很吸引，餐牌選項亦非常豐富，反正已有很久沒吃過澳葡菜，即時轉軚，一於改喺呢度用餐。餐廳裝潢以經典的藍白色為主調，襯上一室簡約隨意嘅設計，格局好 Cosy。先嚟一客芝士番茄豬扒飯 ($56)  塊豬扒好厚身，肉質很鬆軟，而且醃得夠晒入味。茄醬嘅酸甜度亦啱啱好，配上融化嘅芝士同金黃的蛋炒飯，惹味又香濃。小食點咗三款，當中包括有巨人豬扒包 ($36)、香炸韭菜餃 ($28) 同 香煎魚餅配馬介休醬 ($33)。件豬扒勁巨型，入口啖啖肉，咬下還帶有肉汁。餐包烤焗過，內裡塗上了牛油，入口外香脆、內軟熟，配埋生菜同番茄片，滋味滿分！韭菜餃一客有 5 隻，隻隻嘅外形都好飽滿，餡料脹卜卜，而且炸得非常香口，韭菜嫩綠多汁，食完真係令人齒頰留香。魚餅新鮮煎起，熱辣辣、香噴噴，入口魚味十足，既煙韌又彈牙，配鹹香嘅馬介休醬吃，相得益彰。飲品點咗冰鎮奶茶 (跟餐+$12) 同 宇治金時鮮奶 ($24)。奶茶嘅質感好順滑，甜度亦十分適中，奶厚茶濃。杯宇治金時亦唔失禮，勁足料，底層鋪滿綿密嘅紅豆

以前嘅我好怕去茶餐廳🙈 因為環境擠逼節奏又太急速食都食得唔安樂，但近呢幾年愈開愈多靚裝冰室，伙記態度仲愈黎愈有禮貌，令我漸漸成為茶記座上客😙今晚就同朋友黎左呢間特色香港crossover澳門既餐室，我地叫左幾樣野share～⭐️咖喱雞扒飯💰5️⃣6️⃣雞扒好大塊，肉質嫩滑👍咖哩帶微辣，薯仔炆得夠淋～(見附近幾檯都係叫咖哩，應該係招牌菜🫢)⭐️蔥油豬扒飯 💰5️⃣3️⃣呢間嘅蔥油同平時食開既有啲唔同，佢有埋紅蔥頭喺裏面，食落更香更有口感😀豬扒食到幾突出既香茅味，偏薄身肉質淋滑😋⭐️瑞士雞翼 💰2️⃣6️⃣好上色夠晒入味，食落鹹鹹甜甜地，抵食👍⭐️葡撻💰1️⃣2️⃣酥皮超有層次！中間幾香滑，唔會太甜，如果再熱啲就perfect啦😁⭐️蜂蜜柚子茶 💰0️⃣跟餐唔駛加錢，足料甜度剛剛好👍

外出用餐無限loops嘅節奏😆😆好耐都冇食過燉奶甜品🍮突然心血來潮又喺深水埗附近，於是就去咗呢間澳牛餐室，順便食埋個下午茶餐🥣巨人豬扒包加薯條🍟話明係巨人豬扒包，當然好巨型啦，真係好大份喎，大份又香脆嘅豬扒加埋蕃茄生菜同麵包🥯真係Juice又清新可口。薯條熱辣辣，啱啱炸出嚟非常好味😋蔥油豬扒撈丁豬扒大件爽脆又Juice配埋香噴噴嘅蔥油撈埋公仔麵口感味十足。金沙雞翼加牛油粟米🌽熱辣辣嘅酥皮一咬落去非常爽脆啲汁都滴埋出嚟，雞翼食完一隻有一隻真係停唔到口。飽滿彈牙嘅粟米粒配牛油非常好味😋香炸韭菜餃非常可口嘅小食，外脆內軟，韭菜香味濃郁。杏仁燉奶香味濃郁嘅杏仁燉鮮奶口感好creamy。薑汁撞奶濃濃嘅薑味配埋撞奶，呢個招牌甜品絕對唔會令你失望。

經過見到有澳門豬扒包，突然好想食，random 入去試試，超有驚喜！！❤️巨人豬扒包 超大個巨人豬扒包，非常正宗既野澳門豬扒包，包面又香又脆，超大塊豬扒，醃得又香又惹味🧡氹仔咖喱魷魚麵 好香既咖喱汁，撈麵食好好味～魷魚份量又多又新鮮爽口，唔怪得之寫住係招牌咖喱魷魚麵啦💛瑞士雞翼 雞翼比起一般雞翼明明顯大隻d，好濃瑞士汁味，撈麵食一定好正!!💚冰鎮奶茶 奶茶好香好滑，奶味同茶味比倒岩岩好💙宇治金時鮮奶 紅豆+抹茶呢個組合幾時都咁好味價錢好親民，味道又好味，下次再想食豬扒包應該會特登再黎食🤤

最近公司要用大量檢測棒，一於去深水埗睇吓有冇得平，買咗少少公司用品之後搵個地方坐低食晚餐。見到間冰室食澳葡，即刻諗起澳門葡國，門口仲有葡撻小食，室內裝修都充滿澳門特色，有興趣一試！巨人豬扒包 $36去澳門梗係食豬扒包啦！巨人食嘅豬扒包原來真係好大塊豬扒，惹味的香茅味，大大塊豬扒多肉汁，包烤得外脆內軟，一啖咬落去整體感覺好味道。金沙雞翼$26最鍾意食雞翼，金沙唔係賭場係鹹蛋黃，雞翼外脆肉滑，金沙充滿鹹香，必食推介！香煎魚餅 配馬介休醬 $33好耐都冇食過阿媽整香煎魚餅，呢度可以回味呀！ 配馬介休醬 澳門特色🇲🇴推介人氣小食，賣晒就冇㗎啦！芝士番茄豬扒飯 ＄56抵食飽肚之選，金黃色的芝士鋪滿面，番茄🍅清新健康，豬扒好食，飯有炒底值得一讚！ 咖喱雞扒飯＄56咖喱味夠香辣辛口，雞扒又大大件，好厚的層次感。凍鴛鴦 & 宇治金時鮮奶 套餐加配特色餐飲更加抵，綠茶紅豆鮮奶🫘質素很好，顏色賣相又有層次感！出爐葡撻 $12 食得出有好多層酥皮的出爐葡撻 ，酥脆可口，葡撻好出色。杏汁燉奶(凍/熱）$28正宗雙皮奶（凍/熱）$26真係去澳門一定食嘅甜品🥥全晚都好有旅行嘅感覺，完美！

今日難得去開深水埗買野，之前上網搵定呢間有澳門菜同葡國菜嘅餐廳就去試下啦。我地叫左主菜有香煎豬扒牛奶濃湯意粉同咖哩雞扒飯。兩份嘅扒都好大份，食落好厚身。意粉好爽口，牛奶味重啲更好。咖哩都幾入味，飯太多到食唔晒。小食就有香煎魚餅配馬介仁醬，香炸韭菜餃同瑞士雞翼。魚餅都好大片，個醬都幾濃味。個韭菜餃都好大粒，食落好香好足料。而個雞翼就夠實淨，可以更入味就更好。飲品就分別叫左宇治金時鮮奶同紅豆冰。兩杯都好大杯，唔會太甜，紅豆都多。可惜葡撻賣晒，唔係都想一試。

又發掘到深水埗小眾嘅特色冰室，今次呢間係澳葡牛奶冰室，餐牌上嘅嘢可以話係非常多元化同好多選擇，而且基本上每一樣都係好大份，啱晒大胃王。我今次一行四人點咗幾樣主菜加小食，加加埋埋成枱滿晒，大致上點鐘嘅食物有。。。$28 香炸韭菜餃$36巨人豬扒包$26金沙雞翼$56芝士蕃茄豬扒飯$53蔥油豬扒飯$62吉列大蝦蛋蓋飯配照燒汁$26 瑞士雞翼$56 咖喱豬扒飯$33 香煎魚餅配馬介休醬$12 經典忌廉鮮奶$12 蝶豆花師奶$12 宇治金時鮮奶其中我最鍾意食嘅係佢嘅香炸韭菜餃痛吉列大蝦蛋蓋飯配照燒汁，佢韭菜餃揸得啱啱好，而且裏面有好多韭菜，加埋茄汁一齊食感覺好香韭菜味，我鍾意！ 我覺得佢嘅吉列大蝦好大隻，配埋個蛋賣相好靚，幾有日本feel，另外我個人覺得佢歌蔥油豬扒飯其實個醬汁好好味，但係如果用嚟撈飯食嘅話就唔夠，對於我呢啲比較重口味嘅人來講醬汁多少少用嚟撈飯就更好啦！

近幾年，香港的茶餐廳冰室開到成行成市，大部份都是食港式的茶餐，今日行過深水埗見到呢間 澳葡牛奶餐室，裏面好光猛睇嚟新開張，決定入去試一試。今天四人同行點餐如下芝士蕃茄豬扒飯-蕃茄味濃郁加埋菠蘿更好蔥油豬扒飯-蔥油好香濃吉列大蝦蛋蓋飯配照燒汁-吉列大蝦炸得啱啱好咖喱豬扒飯芝士雞翼金沙雞翼巨人豬扒包-真係超巨型睇相就見到。香炸韭菜餃香煎魚餅配馬介休醬-馬介休醬就鹹咗少少四杯特色飲品蝶豆花鮮奶 - 特別推介，味道清清地又唔會太甜好特別。經典美祿鮮奶忌廉鮮奶宇治金時鮮奶四個人買單四百零蚊性價比ok.