潮福蒸氣石鍋

同朋友去完西灣河文娛中心後，要醫下個肚，行過隔離條街見到食蒸海鲜嘅潮福蒸氣石鍋酒家。見到門口介紹嘅Menu好吸引，一於試試，上到去見到差不多座無虛席。行過見到擺著各色各樣琳琅滿目嘅海鮮，😳嘩！好大嘅蟶子。我哋兩個點左個蒸氣石鍋任飲任食，重有專人服務睇時間。呢個餐原來每人有三種定食、有四款自選海鮮、粥底三選一款，另外每人送一盅滋潤燉湯，姬崧茸燉螺肉同埋唐排燉冬瓜，好夠熱又好清甜同滋潤。生猛龍蝦好大隻，有好多蒜茸鋪喺面，服務員控制火候恰到好處。食落感覺肉質鮮甜又彈牙。我哋揀咗個蘇格蘭蟶子皇，聖子好大隻，足足有只碟咁長。生猛鮮鮑魚好肉好厚，估唔到食落好夠霖同嫩滑。今次食過呢間朝福嘅海鮮先知道啲海鮮原來咁新鮮，服務員態度又非常殷勤，下次又要嚟試另一種海鮮定食火鍋放題。…查看更多

食火鍋就經常𠺢啦，朋友話去食蒸氣鍋, 咁咪友試下囉，去到坐底真係唔見個鍋，淨係見到個塔。原來蒸氣石鍋係將啲海鮮飯放喺石鍋上面再用組織成嘅荅佢咁絕蒸熟佢嘅，蒸出來的海鮮原汁原味好鮮甜同打邊爐完全唔一樣。我地今次嚟le 一間係有任食套餐嘅，有固定每人一份海鮮每人一份乳鴿乳鴿每人一個燉湯。另外仲有啲任食嘅海鮮同埋配料俾你任點，仲有任飲嘅Drink List.呢度啲海鮮好新鮮，龍蝦夠大隻，燉湯好好飲但又唔似落咗味精，最後仲有個粥底，個足底吸收晒海鮮入面嘅鮮味，鮮甜好食。價錢亦唔算好貴。今次之後我會比較喜歡蒸氣石鍋多個火鍋了😃。…查看更多

我成日都去潮福打邊爐，但係就係未試過蒸氣石煱，成日見到隔離枱都食，所以今日就特登嚟試下睇下同火鍋有咩唔同。本身個套餐已經包左燉湯，龍蝦、貝殻拼盆同乳鴿，食完你到已經飽了一半，仲有個Menu可以無限次任點裏面嘅嘢食嚟蒸，蒸完海鮮嘅精華落晒下面個粥底度，食埋個粥你點會唔飽呀。飲品都有個List 任飲嘅，價錢係視乎時間同星期幾去的有不同，但最貴加一後加埋其他收費4佰幾蚊左右，但海鮮夠新鮮，又食得夠飽都值得，但記住如果想去食最少要2位起呀。…查看更多

同媽媽係西灣河睇完戲之後就去搵嘢食，行過見到間酒家門口個牌好吸引有定食嘅火鍋放題價錢一啲都唔貴，魚缸啲海鮮有好生猛，於是就上咗去2樓，睇到有啲滕織嘅帽咁嘅嘢係枱面，原來呢啲就係蒸氣石鍋於是我兩個就試試。有好多調味料各式各樣任選擇。粥底有三款，我哋揀咗滑雞淮山粥底。有送滋潤燉湯每人一盅，唔單止熱辣辣，湯味重好濃郁。定食三款之中，其中一款係媽媽最喜歡又最欣賞嘅脆皮乳鴿，皮脆有肉，肉質嫩滑，又醃得好入味，真係食過返尋味😋貝殼盛盤可以嘗試唔同種類嘅貝殼。海鮮有九款，可揀四款，象拔蚌有碗仔咁大,同埋的蟶子王足足有隻筷子咁長，面頭鋪滿好多蒜蓉，一齊放入口，零舍有一番風味😋可以任食嘅姬崧茸蒸雞同污糟雞好有口感又肉質嫩滑。和牛片同和牛粒好夠霖。有我至愛嘅糯米雞，真係好袖珍，一啖一口，糯米夠煙靭，好有口感。覺得呢間潮福蒸氣石鍋海鮮酒家唔單止海鮮生猛又夠新鮮，服務員態度一流👍下次有機會又拉大隊過嚟食先得。…查看更多

之前從未食過蒸氣火鍋，今次朋友介紹就book左潮福蒸氣火鍋，見到食評個個都大讚，即刻要試一試先，一出地鐵站行2分鐘就到，方便又就腳，侍應們個個招呼周到，讚讚讚。放工過來十分肚餓，即刻落order點左龍蝦，蠔，鮑魚，貴妃蚌，每位顧客仲有燉湯同乳鴿。先來一碟小食：麻中帶辣麻辣雲耳，酸酸甜甜酸蘿蔔，爽脆青瓜，越食越開胃湯：姬松茸燉雞湯，濃濃既鮮雞味，滋補養顏乳鴿：熱辣辣，皮脆肉嫩，正戲肉係海鮮：每樣海鮮都有專人幫你計時，分碟送出，每樣海鮮蒸煮時間剛剛好，又嫩又多汁，食到舔舔脷，貝類：好鮮好甜又冇沙，每隻都洗得好乾淨蟶子&貴妃蚌：啖啖肉，配埋蒜蓉粉絲好好味，貴妃蚌有我隻手掌咁大鮑魚：鮑魚配蟲草花，爽口彈牙，無得彈龍蝦：最愛既龍蝦鮮嫩多汁，又爽口，我想再order多一隻蠔：第一次食蒸蠔，好大好大，大過我個拳頭，蒸完都冇縮水，又爽又脆，連朋友唔鍾意食蠔都讚食完海鮮已經飽左7成，之後就點左少少肉類同菜類，蒸菜都係第一次試，蒸肉原來可以咁鮮嫩，最後食埋個淮山瑤柱粥，真係飽到要抱住個肚走，哈…查看更多

蒸氣海鮮鍋最緊要係食材新鮮，唔海鮮蒸完都唔好食啦，潮福一向俾我感覺係ok嘅，除咗有套餐外仲有個任飲任食，算係價錢平理又食得過嘅餐廳。為咗要飲啤酒又有好嘢食今次都係揀任食嘅海鮮餐，一埋位除啤酒外個餐仲有個乳鴿俾我送酒個乳鴿肉質夠嫩又juicy不過每人得半隻我唔多夠喉個蒸海鮮鍋先放米同埋淮山做個粥底，跟住再放個架上去，會有人幫我哋蒸同分好D食物，我哋只負責坐底吹水，食同埋飲爽到無朋友。食完D海鮮只飽到一半再order 牛肉同埋牛柳粒，係個就一般可能蒸唔夠打邊爐好食不過個雞好食喎夠味外都食到雞嘅甜味仲叫埋手打肉食每款都試吓啦，蝦丸同墨丸都ok,仲可以叫埋馬拉糕同埋薑汁紅棗糕做甜品，依個都係俾埋個蒸籠你自己係個鍋度蒸埋，食埋就剛剛好飲飽食醉…查看更多

近日愛上蒸海鮮偷佢無打邊爐咁油膩之外就係可以食到海鮮嘅原汁原味去到始祖食蒸海鮮嘅潮褔裝修跟一般酒店差唔多， 侍應態度不能稱得上好有禮貌但絕對親切， 全程用餐都主動同協助蒸海鮮時間，如果全程自己動手應該忙個不停。晚上8：30後個任飲任食海鮮餐價錢仲會優惠D，任飲除咗汽水，啤酒，啤酒牌子有嘉士伯，朝日，並唔係俾D平價同淡味嘅啤酒仲有竹庶茅根水。開餐前有個燉湯俾我滋潤吓，先蒸3款嘅貝殼類味道清甜又唔會蒸到過灑火個聖子皇有個粉絲同葱花粒一併蒸，個粉絲唔駛再點豉油都夠灑味，龍蝦就只放葱花粒蒸熟後仲有少少蝦膏味道相當唔錯一之後再食大元貝同貴妃都ok,食完海鮮再落咗少少手打丸試，墨魚味道較彈牙，蔬菜都ok…因為我要留肚食個精華就係最尾個粥真係鮮味到爆食飽飽後仲要行個轉先可以返屋企休息…查看更多

小弟一向都好鐘意食蒸氣鍋, 最底果鍋粥真係令人回味無窮而潮福係蒸氣鍋處理一向都好出色, 所以今晚有朋友約食飯, 就揀好潮福食餐好!今次去位於西灣河既D間潮福, 出地鐵站等1分鐘就好, 好方便入到去其實都唔洗揀, 必定係食D個SET除左食海鮮, 仲有好多其他食物, 而呢D食物仲係任食任點!啤酒汽水超多選擇一邊填想食咩, 一邊食潮福既前菜, 其中木耳又爽口, 又開胃!食海鮮前, 梗係要飲返啖靚湯黎清清喉嚨先, 清甜呀!另外, 等食海鮮前, 仲有乳鴿陪你一齊等, 味道好正, 啖啖肉終於開波食海鮮, 首先出場就係龍蝦, 龍蝦大大地, 超多肉, 味道鮮甜第二個出場就係龍躉肉, 老實講, 平時真係比較少機會食到, D到食到真開心, 冇咩骨之餘啖啖肉, 魚皮又彈牙鮑魚都係一個我好期待既項目, D隻鮑魚大隻得黎又彈牙, 又鮮甜貴妃蚌真係一個唔錯的選擇, 又蒜蓉粉絲去蒸, 味道真係不得之了食完一大堆海鮮後, 唔可以咁快飽! 我地就叫左牛肉食, 係任食店黎講, D個牛真係算好靚, 超有牛味, 我地叫左三次!另外蒸雞同埋丸都係一個唔錯的選擇黎, 潮福係比較平凡既食材上, 都處理得唔錯係食粥之前, 馬拉糕呢D甜點都係唔可以錯過的到最後食粥啦, D個粥真係出面街冇可能食到, 味道鮮甜, 集左百家精華之所在, 而且粥都夠晒綿, 超美味的句號總結, 潮福=美味+服務好+價錢合理, 我相信好快就會有下一次!…查看更多

係香港想食又好食又抵食既海鮮, 我馬上諗起潮福今晚朋友約我係西灣河D邊食飯, 我就SUGGEST食潮福, 佢都話之前食過好正, 於是我地收左工就潮福等!上到黎已經有好多尋鮮既同道開緊餐了揀好食咩後, 馬上就有乳鴿上枱, 又夠厚肉, 肉汁又多, 冇令人失望當然仲有潮福既招牌靚湯, 超清甜好快就有貝類大盛食啦, 包括有蜆, 花甲, 東風螺, 冇沙之餘夠鮮甜第一個重點出現, 就係大大隻既龍蝦, 輕輕一拉, 厚厚既肉就拉到出黎, 啖啖美味既肉大滿足龍躉件: 厚肉魚肉配上濃濃既骨膠源, 一個字, 補!蟶子皇: 鮮甜彈牙, 蒜蓉吊起鮮味但又唔會搶左蟶子既鮮味, 高明!鮑魚: 大大隻, 但又一D都唔韌, 又濃鮑魚味貴妃蚌: 又係唔可以錯過既海鮮, 好彈牙, 唔洗點豉油都夠晒味, 必試!!!食完海鮮後就當然要進入任食環節, D丸好彈牙, 味道又好；而雞又夠晒鮮甜食左咁多海鮮同肉當然要食下D菜啦, 夠晒健康食到點鮑都好, 潮福既馬拉糕同埋彊油糕都一定唔可以錯過的最後係底既粥係集百家精華之所在, 又綿又鮮, 個粥實在太美味, 點飽都要食晒佢!總結來說, 黎潮福食海鮮, 一定唔會令我地失望, 已經開始期待下次再黎食過!…查看更多

耐唔耐就想食下唔同口味, 襯天氣仲涼，今次ENCORE食蒸汽火鍋當然揀服務好好的潮福例牌揀任食任飲餐, 有指定款式和任食部分 指定部分的海鮮可以揀多款 好抵食De先來燉湯 個湯好濃, 仲濃過屋企煲, 好好飲乳鴿每個人有半隻 剛剛好例牌的貝殼拼盤, 有貝有螺有蜆一人半邊龍蝦同鮑魚一齊蒸兩樣都係啖啖肉幾款蒸海鮮都有粉絲底, 最鍾意就係食粉絲蒸海鮮, 今次嗌左帶子, 象拔蚌仔, 貴妃蚌, 同埋鮑魚加埋本身個餐有的龍蝦, 足足有4樣海鮮!!!食完海鮮, 就食下任食部分和牛粒+ 和牛片唔韌有牛味雞同芋頭一齊食都幾夾最後食埋一大窩粥, 滿足又飽肚…查看更多

前幾排無啦啦天氣轉涼, 果然係未到五月都唔好收冬天衫難得轉涼, 就帶親人黎食蒸汽鍋暖暖身家人見到頂帽嚇左一跳食住前菜等野食黎先黎個乳鴿, 熱辣辣, 脆卜卜店員逐樣逐樣咁SERVE, 仲要分哂碟, 認真好服務家人就坐係到等食...貝殼拚盤好多款龍蝦大大隻, 鮑魚幾厚肉自己混埋醬仲開心象拔蚌仔加粉絲幾鮮味, 家人都忍唔住讚大大隻帶子放落口之後就到任食紙出場O既時間蒸菜蒸牛粒手打丸 + 豬頸肉雞+ 芋頭馬拉糕+ 荷葉飯最後食埋個淮山雞粥, 又飽又暖身!…查看更多

之前同朋友都想試佢哋旺角嘅分店，但係上網睇好似無咗任食套餐，於是就決定試吓西灣河呢間入到去唔算好多人，可能仲早啦，坐底後先嚟咗幾個小食開吓胃先之後就有專人放啲雞件同米落個鍋入面，話最尾會變雞粥，都幾特別跟住嚟咗兩個燉湯，好夠味，飲落應該無味精再之後就每人上咗半隻乳鴿同龍蝦食完再上咗幾款海鮮，有蜆、螺、鮑魚，蟶子、帶子同象拔蚌仔食完啲海鮮其實都已經飽飽哋，之後嘅嘢食就係任點嘅，有牛，丸同菜等等，我哋order咗一轉已經夠晒飽，之後仲食埋個雞粥，真係豐富到不得了，總括呢餐十分抵食，海鮮又夠新鮮，好味！…查看更多

上月家人生日指定想吃皇帝蟹，搜尋香港數家有提供皇帝蟹的餐廳，最後選擇潮福。皇帝蟹的產地包括美國、加拿大、日本、韓國及俄羅斯等，尤以阿拉斯加水域的出品最佳。這個時候食的是俄羅斯蟹，品種上相對鮮味會弱一點，所以帶著沒有多大期望的心態去吃。上一次吃皇帝蟹加蒸氣窩任食，這一次用了買一送一的皇帝蟹券，點了幾款小菜，享受平日的家庭樂。燒鵝半隻(約$148)份量比想像中多，上枱時熱辣辣。夾起來看到皮和肉之間有份量適中的肥脂，一口咬下去時，肥脂溢出濃郁的鵝油，令鵝肉層次更出眾。唯鵝皮略為不夠脆。孖寶餐($218)海蜇乳豬海蜇夠爽帶辣，讚!乳豬唔夠熱、太碎枝竹火腩炒龍躉驚喜之作，足夠熱度的油炸龍躉，令魚肉更鎖水，粉漿夠薄可突出魚的鮮味。枝竹夠軟，師傅打了一個很好的茨，令原先沒味道的枝竹味道更佳。皇帝蟹($1688，買一送一，3斤半一隻)可選擇原隻或切件，即場看到師傅在魚池中取出，大約20分鐘左右蒸煮出來。肉質新鮮，雖然不及日本等美味，但肉質的結構和火侯掌握得宜，美味之作。放眼看到九成的客人都是食蒸氣窩，每樣食物都是在客廳蒸煮。看似閒著的小菜師傅其實才是酒樓最珍貴的資本。…查看更多

已經有一段時間冇黎潮福食嘢⋯⋯正值新年約埋成班親戚喺呢度團拜，因為呢度出名價錢相宜、食物質素高。最緊要係呢度可以成班人高談闊論、開開心心、嘻哈大笑都唔會比職員或者其他食客歧視。哈哈～嚟得呢度梗係食新式嘅蒸氣火鍋啦。最鍾意係呢度個套餐除咗可以食新鮮生猛嘅海鮮之外，仲有每人一盅新鮮燉湯同埋乳鴿，啱晒啲唔食海鮮嘅朋友。海鮮新鮮唔再講，佢連乳鴿都整得好出色。乳鴿皮脆內嫩，肉汁鮮甜，值得推介。另外，佢啲嘢飲都好特別。我最鍾意係竹庶茅根，飲得出新鮮煲出嚟，同埋本身竹庶嘅鮮甜配合蒸氣火鍋非常之match。…查看更多

呢排唔知點解成韙都要過海,今日仲要去到西灣河, 同個同事行到地鐵附近,大家都嗌肚餓, 跟住去搵食啦,近近地有間蒸海鮮,見到佢係一個價錢又有龍蝦,乳鴿,聖子,盅頭湯,就決定一試啦!!上到去先知仲有個粥底, 首先就叫我哋食咗海鮮先, 但基本上我哋知唔知都冇所謂嘅, 因為全程有人幫我哋蒸, 食一款就夾一款, 食完一款有換碟, 搞到個人都唔好意思, 真係好抵讚。啲海鮮樣樣都好新鮮, 睇相就知流曬口水,仲要嘢飲都任飲由於佢續樣幫我地整,相就續樣影 都post唔晒上黎一開頭就黎乳鴿仲有湯。。。呢啲海解每人一份既 , 款或自己揀其他野食任叫,但飽到傻啦已經最後有個粥兩個人埋單$788, 飽到行唔郁…查看更多