潮東廊

營業中

休息中

想讚一讚個鮮魷蒸肉餅整得好好食👍🏻👍🏻味道勁鮮 啲白飯粒粒分明乾身 勁好送飯已經叫左勁多次呢個餸之前試過梅菜扣肉覺得太油同埋啲肉太乾😶‍🌫️覺得可以改善下其他都幾好食 啲份量都好大份另外今日試左魚蛋米線啲魚蛋好軟好蛋牙好好食😳不過米線有少少碎整體都係好食既👍🏻平時叫開外賣無咩點體驗過環境同埋服務有機會會去店鋪體驗👍🏻見到好多人留負評好難食我又唔覺🥶想平反下覺得至少合格😾😾😾

呢間嘢以前去食過已經知道好難食， 裝修完 而家第一次去食叫咗個乾炒三絲河， 啲河粉 畀佢切短，幾條河粉黐埋一齊炒， 加上炒嘅時候火候唔夠亦炒得唔夠耐啲河粉都未散開 黐埋一嚿， 口感好似食緊一團麵粉咁， 人生都係第一次食咁難食嘅炒河， 永遠都唔會再幫襯。

This place is absolutely unacceptable. 13:50 in the afternoon, ordered food, food was delivered within 2 minutes, and of course the food is cold. Can you guess why? Because they cook the food once and for all for whole lunch perioed window!!乾炒牛河, 凍既 蒸魚, 凍既,好明顯係一早整定一大堆, 有客叫就上落完單, D野食60秒就上左難食同離譜到一個點

今日午餐係呢間到買左xo醬炒肉片河試下等左大概10分鐘到，就攞到個餐，幾快手但原來快手係有原因點解咁快手？原來係D肉片就咁烚熟後同河粉炒埋個肉片完全無味道，得烚肉味，好難食…而且d肉好鞋，烚得太耐然後，我係叫xo醬炒肉片河，無用到xo醬只係普通豉油炒河味道仲要咁都收我65蚊一盒變左我只食個河粉，d肉完全食唔落口，無味食左一半就無食了唔怪之得無人排隊買佢因為真心難食，同埋呢間野唔識煮野食我唔會再幫襯了

唔平下午茶時間 腩河奶茶46 大元腩河瘦到啊媽都唔認得 勁鞋 有少少牛味, 真係少少河粉都算滑 奶茶唔錯D 員工對自己d 野食 有無得寫都唔知叫肥腩河（食左好多年） 今次佢話無得咁寫 都係得牛腩, 廚房都係得果d, 問第二個人答既野一樣。但以前係可以係張單寫到明 肥D 咁之後叫佢照寫 廚房識睇 最後得出瘦到乜咁既腩呢到不嬲無服務 個收銀啊嬸個樣永遠好似殺左佢全家咁 差到一個點如果唔係無野食 都唔會揀佢 E 家連肥腩都無 d 腩鞋過鞋底以後請都唔會黎唔知點解無得post 相*

一個朝早最重要就係早餐諗住外賣個早餐返屋企食 因為男朋友同朋友揀呢間 就叫佢順手買個外賣 樓下拎上屋企都無5分鐘 打開個麵一啲湯都無 啲麵脹晒 完全唔知食梗乜…本身都無預咗佢好好食 但都唔係差成咁掛…

第一次來，已經冇乜期望，食後覺得⋯⋯，下次會試另一間。點了一D非常普通的下午茶餐，就係：飛碟併沙津；豬扒芝士撈丁；凍檸茶；凍黑啡。呢餐之後沒有食慾，唔係好醒胃咁囉⋯

工作需要黎到呢條村食下午茶時段朋友食左吉列豬扒芝士撈丁名稱相當吸引黎到見到有2塊豬扒!! 好似都唔錯wo仲要唔係薄切 普通炸起都有1cm厚架！但個麵賣相唔得上台時時候我仲以為未撈芝士有一pat 醬係個麵隔離原來係點吉列豬既沙律醬Ok 試食個重點芝士撈麵真係搞唔掂芝士好蘇 唔係香口既芝士痴住d麵凝結晒一粒粒好似用芝士粉開出黎甘個豬扒我就無試啦我食左雞脾沙律個雞脾死咸 沙律就普通茶記既罐頭生果囉飲品：凍檸茶，杯茶無味

中午時間到逸東食晏，是但搵咗間茶餐廳，叫咗一碟咖喱🐔飯，初時食個飯都冇大問題，只係食到配料（例如，洋蔥、青椒等等……）係唔熟，而雞呢，每舊都有少少紅，都算。再食之下，有一舊竟然係透明添。再找侍應理論，她竟然話已經熟咗，未熟係紅色的。最衰冇影低舊生雞，淨係影低咗張單。成碟飯可以講全部都係生嘅。而我兩個同事食嘅係咖喱牛腩同XO醬豬頸肉炒河，喱兩碟都係佢地星期三精選嘅食物，所以落單後五分鐘都唔駛，就已經送到上枱。 逐樣講，咖喱牛腩好韌，冇一舊食到。而碟炒河，未至於凍，暖暖地。總結，咁貴食佢=搵笨。

呢間餐廳開左好耐，今日朝早諗唔到食咩又唔想食連鎖餐廳，行過見到呢間，睇左一下餐牌，見價錢都個理，就入左去試下。我一個人入到餐廳，侍應叫我隨便坐，示意叫我去大圓枱搭枱（如果大家想係疫情下去幫襯嘅話就要留意番大圓枱無隔板分隔的👎🏻，要同其他唔識嘅人共用餐桌👎🏻）咁我叫左個早餐A-仿鮑魚片火腿米線配火腿炒蛋，飲凍啡 （$32+3凍飲）我一心以為早餐係跟方包，但睇真d餐牌要加2蚊先有多士😅大家要留意番 （一般茶記都係加2蚊由方包轉多士）食物質素一般，份量偏少......同埋好多烏蠅同蚊，地舖茶記有烏蠅都算，但呢間係商場1樓嘅舖頭都有烏蠅同蚊，真係接受唔到。同埋呢間茶記無提供tissue ，要俾$3買。（我問完個伙記有無tissue,佢同我講要俾錢買，但下一秒就俾tissue俾熟客，仲要大大聲講「一張夠唔夠，俾多張你」，方死人全場聽唔到，呢個感覺好差。）👎🏻👎🏻👎🏻👎🏻👎🏻👎🏻👎🏻

東涌居民有時不想煮就唯有出去吃，而逸東商場的選擇不多。晚市一家三口一共點了三道小炒，價錢以東涌來說算是可以接受，而每道菜的份量也足夠三個人吃。啫啫雞煲的味道偏咸，雞肉肉質滑，雞件份量都多。味道就一般般而欖菜炒四季豆則發揮應有水準，味道不錯。椰菜炒回鍋肉的味道也是偏咸，整道菜感覺很油。價錢方面，不同其他茶餐廳一樣晚市會送例湯和白飯。如果要加白飲或飲品都是跟正價加錢

呢間野裝修完之後d野係有所改善，不過好睇彩數，有時老闆心情唔好，你碟滷水鵝會肥膏多過肉有時佢心情好就會斬靚d,好似咁樣不過價錢貴份糧少呢個宗旨係唔會變既。魚香茄子煲無魚香得肉香，不過ok幾好味既鼓汁蒸唔知係唔係倉魚，鼓汁今日咸左少少，都係水凖唔太稱定，不過條魚係新鮮既，所以救返道菜！咕嚕肉always my favourite,但睇圖都知咩料，好硬之餘無乜肉食，麵包糠多過肉，比較乾身，洋蔥又生又辣，不太好吃。東涌食飯沒有物超所值這回事的，臨走嗰陣因為有人等枱，個服務員見我地停曬手佢走埋嚟問我係咪就走，大佬食飽坐陣消化都要啦，仲要係我岩岩先放低對筷子佢就好似趕客咁。。。都算，比錢果陣我比500，咁咪找130蚊囉，個收銀側側膊找30蚊比我仲大大聲問我仲咩（我企係度等佢找返100）我話係咪要找130先岩？佢竟然話返我：岀聲吖嘛！痴線自己找錯錢反而係個客唔岩，果然係悪曬！條友唔係第一次找錯錢嫁喇，都唔知係咪專登，次次食完比錢都口黑面黑街坊還街坊吖，都係客嚟嫁！

撈麵唔跟湯，學哂金銘D衰嘢熱飲加5蚊，凍0菜加8蚊，汽水加10蚊，食水深到極味道可以有3.5/5星但服務都係咁尸米 老闆娘同收銀個FD由一開始就係黑口黑面，好似D人由裝修前到裝修後都差佢錢咁，雖然唔係話一定要笑住招呼你，但都唔洗黑面講嘢串串貢要食唔食，唔食罷就咁掛⋯鬼叫逸東無得揀⋯唯有係度發洩吓啦⋯希望逸東有多D競爭力引入啦⋯（雖然東涌已經無哂娛樂得返D飲食係賺到錢）外賣想拎調味料都唔會有另外嘅小兜比你裝，自己叫人加落去，我又唔係一個人食點控制到個份量環保人士最愛✨

我同太太之前光顧兩次，每次都花費約300多元，但都覺得食物不錯。今晚再與太太前往，但冇有卡座，店員亞嬸要求我們坐大圓枱。我們看見珠簾後有約六張空置卡座，我太太要求入內坐，但被拒絕，並指示我們坐一張約一呎濶的枱，因為我們起碼叫3-4個餸而枱面太細，我們要求再被拒絕。當時大堂內都有數張卡座都衹是坐兩人。事後我太太致電投訴，但經理說若要坐卡座便要外出輪候，及態度囂張傲慢。我衹是認為他們甚至經理都不懂彈性處理，寧願讓坐位空置，都要得失客人，不懂做生意。老板請著佢地真不好彩。我們以後也不會再去。

這夜以為要食自己點知車爸爸忽然早收，那便到商場的潮東廊打個冷，以前叫東成時潮州嘢算不錯，幾年冇試唔知有冇退步！以往韮菜豬紅最耍家，今次重溫真有點失望，豬紅質感實實的而且不夠入味，還幸韮菜嫩口挽回面子！ 再來攞命菜大腸拼鵝腸一大碟，大腸肥美甘香好邪惡，鵝腸肥膏不多但勝在夠爽脆，底下的豆卜索盡香氣比兩位主角來得更迷人。 最後我點了砂鍋魚頭煲，魚頭重口味到一個點，可幸配料豆腐和火腩鹹度正常，不過煲底白菜嚴重出水，弄得成件事好失敗！下次還是去東昇樓飲夜茶好了！！