潮庭 (新都會廣場)

營業中

休息中

新嘅一年，最大嘅喜訊莫過於有新生命嘅誕生，仲要係老友嘅BB出世。所以朝早就約晒大家一齊去探佢同啊嫂，仲有BB。咁去之前梗係要醫肚同埋傾下買咩去探佢地好。見呢度裝修完就過黎睇下質素有無變先。由排隊攞籌到入座，足足一個鐘。估唔到咁旺場，明明之前唔是咁的。一坐低，照舊送上一碟腌菜。味道依然好食，雲耳，青瓜，咸菜都腌得啱啱好，咸甜酸平衡。係一道出色嘅開胃菜。之後其他點心陸續上枱，馬拉糕是飲茶必點的，因為微甜嘅鬆軟蒸糕，係本人至愛。燒賣千篇一律係正常茶樓水準，無甚特別。反而係呢個香芋飽，芋頭餡香，滑，甜。算係水準之作。蝦餃皮薄，入口彈牙。香煎粉粿，入面嘅韮菜餡依然香濃，調味恰到好處。但油煎差左少少，太油淋淋了。奶皇煎堆仔。炸得香口不油膩，不過個餡就甜左啲了，一粒已覺''流''。最後再點左碟香滑腸粉，呢個已經係老友之間嘅共識，如果有人仲未食飽嘅就會點呢樣呢度嘅腸粉唔知點解，一條已經令人滿足的了，可能佢夠普通、平凡。臨埋單前我地幾個都走開左令侍應姐姐以為我地已結帳離開，並開始執枱。點知見誤會左就送上幾杯功夫茶，話係送嘅。其實係我地令佢搞錯嘅，我地唔好意思就真。

飲茶文化在香港一直盛行, 從沒減退, 當大家無頭緒食乜既時候, 去飲茶不失為一個好提意。潮庭是香港某大飲食集團旗下酒樓, 連酒樓式都比大集團攻佔了, 仲要係用不同名字,防不勝防, 香港…唉! 就黎間間啲食物都一式一樣。菠蘿叉燒包菠蘿包皮鬆化, 叉燒餡美味, 不死鹹。鮮蝦腸腸粉有點黏口, 漿漿地口, don’t like.蓮藕餅口感同食味真係食唔出有蓮藕係度, 只係食到猪肉。素餃好一般臘腸卷用美x臘腸, 油香惹味, 好食。

美國運通咭即將到期，把握機會用盡餐飲優惠。上一次食潮式凍蟹已經係兩三年前，今晚決定去拾回舌尖上的回憶。首先前菜亦是主菜：凍蟹。兩個人食飯，都唔叫太大隻，十八両重。賣相四肢健全，切開都排滿一大碟。蟹身肉厚，拆蟹亦乾淨。不過似乎蟹身未完全解凍，肉質未至於唔新鮮，不過缺少花蟹的鮮味。諗返起點菜是部長拿到枱前時，蟹是用保鮮紙包裹。我還問蟹唔係游水既？！到大酒樓點海鮮時，拍板前應先望一望合唔合眼緣食完蟹，就食下其他菜式。先有玫瑰焗盧魚。賣相一流，充滿光澤，份量亦夠晒大份。肉身滑溜，油份足夠，都沒有什麼可以批評。神奇既係，每次我想點既時候，通常都話賣晒。今次係部長返轉頭話有得賣，但要等相當長時間，言下之意，應該要從冰箱拿出來解凍。這不是批評，反而是讚美，未打折賣一份$65，你都不會相信是游水。但雪藏既都做到完美質素，佩服！佩服！中菜有鑊氣，份量亦足夠。最後來一客鵝肉菜粒炒飯。鵝肉粒味濃嫩口，砂窩保溫食到中段仍是溫暖既。不過太飽，食到一半，另一半明天辦公室繼續努力全單信用咭折扣半價，每位410。

環境舒適，食物也不錯，服務員的招呼好，勤快又有禮貎。煎蘿蔔糕保持温，不是冷的，鮮蝦腸粉，鮮蝦爽脆，莧菜蝦餃很鮮味，皮很Q！馬拉糕甜度適中，還帶點紅糖味。紅棗糕很特别，它有九層，可一層層撕開吃，紅棗味也很突出

因有AE card, 在美心食肆兩人有半價，咁凍天氣，我哋叫左兩個蟲草花響螺燉雞湯，原價$78一盅，現在$36,抵到爛。另外，叫左潮式鵝片、蠔蛒、糖醋麵，每碟都好大碟，好好味- D鵝肉唔鞋，魯水好夠味；金黃煎蛋包住D蠔仔，依然好有肉汁，好新鮮；食潮洲嘢點可以唔叫糖醋麵呢？果然金黃香脆，做煎得好好。食到捧住個肚。個麵食唔哂，只好打包。食左咁多嘢，只係食左$360，好抵，雖然AE咭要比年費,但對我尼講都係抵嘅，因我同Honey 成日兩個出街食飯。見到佢個歺費，好多其他嘢都想食，等我下次再試，到時再update 下大家啦！

一大清早同P爸媽去完車公爺還神後，指定節目 - 飲茶。爸媽都是潮州人，今天選了去美心旗下的潮庭。之前同阿 J 來過食午餐，覺得整體食物水準不錯，款式選擇都幾多，今次又看看點心如何。先來XO炒醬蘿蔔糕($48) - 料多蘿蔔亦甜，糕身不會太腍。炸芋絲春卷($29) - 新鮮炸起，夠哂熱，表層不會過厚。冰鎮豬手粒($55) - 豬手夠肥夠大隻多肉，經冰鎮後無論皮同肉都充滿彈性，味道亦好，推介。白灼魷魚、牛柏葉、生菜($35) - 另一推介食物，魷魚新鮮，牛柏葉爽口，生菜夠多，配埋沙嗲醬同辣椒豉油食，正！水晶鮮蝦餃($35) - P 爸飲茶例叫食物，皮薄蝦味鮮，不錯。蟹籽篜燒賣($33) - 我兒時最喜愛的食物，這裡做得普普通通，豬肉肥瘦尚算適中。山竹牛肉球($29) - 體積正常，証明沒有用過多水溝牛肉去發大。味道可以。蒜蓉蒸鮮魷($33) - 鮮魷爽口入味，特別一讚係份量超多，我直頭覺得唔小心放多左一倍魷魚俾我地。香菇雞包仔($29) - P媽鍾情的食物，包身鬆軟，雞內餡料亦一般。川芎燉魚頭($33) - 川芎味夠濃，魚頭夠滑，P媽話這湯驅頭風一流。叫下叫下原來都叫咗幾多嘢食，每人平均都

今日行開新都會，又想飲茶，見人又吾多，而且又美心集團，估會有品質保證。一入到去感覺環境吾錯，知食落質素好一般 煎藕餅，一上枱已經感覺好油，食落超油，好在肉都夠味，蓮藕咬入去都爽噿，但食完一次下次吾會想再叫 鳳爪蒸排骨不過不失，排骨好夠味，吾會好咸，ok好食 紅棗味比較重，但咬落好軟身，如果硬少少會比較好XO 醬炒蘿白糕，XO醬味道吾重，完全冇辣味，反而蘿白糕比較吸引，因為用比較硬身蘿白糕，炒落吾會令蘿白糕甘易散開，而且食落好多蘿白，所以我比較鍾意咬落既口感，但食落就吾夠味雞絲卷，每件都有蝦肉加雞肉，食落好配口，而且皮吾算太厚，但一夾皮同肉完全分開，所以皮同肉係分開食食後感覺：間茶樓只有裝修吸引，食完點心水準好一般。

潮庭新出了一本匯豐信用卡85折餐牌，有多款選擇。是晚點了五款，韭菜豬紅的汁同一般的不用，是較杰身，令豬紅容易沾上汁料，所以很濃味，韭菜很嫩，不痴牙。涼拌沙薑豬肚尖，以為涼拌是凍食，原來是暖的，淡淡沙薑味，都算幾好，底部大量咸脆花生，送啤酒一流。脆皮鹽焗雞和紅燒乳鴿，皮焗得很脆，雞和乳鴿肉都嫩滑，亦不會太鹹。最後是蠔仔肉碎粥，蠔仔多，雖然分辨不出新鮮與否，但一點腥味都沒有，方魚很香。

閒時都會陪父母到潮庭喝早茶扮演一下乖乖女的角色。這次難得兩老想試試晚餐，唯有捨命陪君子。普遍來說，價格都比一般的中菜館貴一點，選擇不太多。芝士龍蝦伊麵每次只要想到要煮龍蝦伊麵，就被繁複的程序嚇到，還是到外面吃比較好，雖然比較貴。龍蝦肉彈牙爽口，芝士牛油香味濃郁，伊麵吸收了龍蝦的汁和芝士的味道，更加入味了。但是伊麵吃一兩口就好，太膩，多吃其他就吃不下了。砂鍋豆醬雞上餐是新鮮滾熱辣，聞起來味道咸香，可惜吃起來雞肉肉質鬆散，油炸後顯得略乾，味道一般。西蘭花帶子珊瑚蚌帶子和珊瑚蚌份量較多，而且滑漏不會韌，可惜鮮味略為淡。三小拼這個出餐形式有點像下午茶，顯得這個拼盤高級不少。第一層是蝦球，酸酸甜甜，蝦肉彈牙，非常開胃。第二層是鹵水鵝片，比較咸，蓋過了鵝肉的鮮味。底層是海蜇，口感爽脆，味道沒有。哈哈！總結來說，還是不錯的，父母也吃得開心。不得一讚，男侍應的服務非常好，又細心。