潮庭 (將軍澳中心)

營業中

休息中

唔係第一次黎呢間飲茶，之前試過食過幾次，都覺得點心幾好錯，質素幾好。但由於呢間星期六日既點心全部係正價計，所以我地都唔算成日黎，因為正價計都幾貴。我地兩個人叫左６個點心。煎蘿蔔糕沙律明蝦角炸雲吞黑松露素餃鳳爪上湯鮮竹卷幾乎每一樣都幾好食，特別係黑松露素餃同上湯鮮竹卷，比其他地方都好食（黑松露素餃內係淮山的料，暫時未見過其他地方有）。不過酒樓人手的明顯不足，無論是加水定埋單，都要等好耐，而且傳點心既姐姐服務求其，一Ｄ都唔似係收咁貴既酒樓服務。

<潮庭>平時飲茶食黎食去都係蝦餃燒賣腸粉哩 d例牌野，吾想咁悶，早排同 Mummy去左美心集團嘅潮庭食 lunch。潮庭係食潮洲野，所以飲茶都會有啲潮式點心。但由於 Mummy好細食，我地只係叫左炸油粿， 糯米卷同一隻 Bb鴿😂炸油粿好好味，雖然係炸，但吾會好油，甜度亦適中，夠 Qq, 煙煙靭靭, 口感非常好❤️。糯米卷中規中距，標準味道，冇咩特別。反而隻 Bb鴿就比較失色👎👎鴿肉冇味又油，味道偏淡，完全吾合格。三樣野兩個人食左 Hkd140幾，屬於中價。

中式點心一向都唔係莉莉子喜愛既食物，今日下午放假與家人一同到popcorn食飯，黎到一間名為「潮庭」既中式酒樓。由於莉莉子對中式餐廳認識唔深，屋企人話我知原來係美心集團旗下餐廳黎🤔🤔不過莉莉子當然唔會理會係咪大集團啦，最緊要好食就得😋😋莉莉子點了好多款點心，當中經典既燒賣大大粒好好食，大家睇到既話，會見到蟹子一粒粒，蝦肉好多好彈牙😋🥰🥰特別要介紹下個韭黃鮮蝦腸粉。侍應姐姐將碟韭黃鮮蝦腸粉放上枱，莉莉子已經忍唔住要影相打卡，好靚呀，粉紅色既粉皮，包住紫菜、韭黃同鮮蝦肉，咬落去爽口嫁，唔知以為自己食緊紫菜脆卷😂😂😂整體呢間「潮庭」點心質素非常好，不得不佩服集團品質既控制下，野食真係唔錯😋😋

美心一向俾人感覺整潔，不只餐廳內部，食具等，以至接侍員及執枱、清潔阿姐外型髮式制服都比其它同類優勝。食物賣相又有水準，但為成本，有些實質的用料減少，你可能不覺，只要食得乾淨，味道中等，坐得舒適，價錢中等，已受歡迎。迷你鹵水小四併$68，如未食過伯樂潮洲的鹵水（價錢貴1倍），你可接受，鵝肉靱，帶咸，少了某樣香料。瑤柱蠔仔肉碎粥$50，無冬菜， 瑤柱碎 ，今次蠔欠鮮味。潮洲粉果$31，少咗韮菜，味ok。

12 月份食得太多西餐, 間中都想食下中菜, 飲茶是首選。這兒是美心集團旗下的中菜之一, 味道及價錢不算最好, 但質素幾好, 起碼比同集團的翠園更好!我老媽晚餐偏愛翠園, 但我覺得麻麻。回歸正題, 屋企人最愛這的蝦餃, 因為足料, 所以點左兩籠。蝦餃粒粒圓潤飽滿, 皮是爽口又薄薄的, 內裡全是爽口又甜的蝦肉, 而非一般酒樓的肥豬肉比例, 吃得出沒有肥膏, 沒有一口的油淋淋。其他點心, 如綿花雞, 鳳爪, 燒賣也出色! 燒賣也是蝦肉爽甜, 不帶肥膏。忘了影蠔仔肉碎粥, 很多蠔肉也是超正的。在這兒飲茶每次也不會失望! By the way, 鐵觀音又濃又香, 每次必點的。餐後還有功夫茶, 但要問侍應, 唔問就無架喇。

今天來到將軍澳潮庭，因過了優惠時段，所以不用排隊，今次叫了雪山叉燒包、鮮蝦腐皮卷、XO 醬炒腸粉和潮州炒粗麵，叉燒包剛出爐，熱辣辣皮脆，叉燒多肉汁，腐皮卷同樣炸至金黃，十分香口，蝦肉新鮮，炒腸粉配以XO醬和蛋絲，簡直絕配，我太太最怕吃到炒河粉或麵加入的茨汁，潮州炒粗麵勝在不加茨汁，所以是她的至愛，今次的點心和炒麵的水準很高，值得讃許！將軍澳有多間酒樓，但水準都是一般，唯獨潮庭平日已很多顧客光臨，假日等位至少兩個鐘。

鹵水食品出色 周末準六時開餐，人少易揾位。普洱茶香濃易入口，鹵水鵝片，豬大腸十分入味，軟滑又唔鹹，配以豆腐片，完全没有肥滯感覺。脆皮炸子鷄幾有水準，皮脆肉滑，潮式甜品如炸油粿都幾好食，招呼都唔錯。

位於將軍澳中心的【潮庭】已經開業一段時間，筆者都到訪了三次，印象不差……因為美心集團出品，一向質素穩穩定定。美心出品除食物質素穩定外，室內環境設計同樣花了不少心思。【潮庭】室內環境寬敞，提供不少舒適坐位。因此星期五晚上附近食店都要排隊，但【潮庭】地方大可以好快安排入座。【潮庭】乃潮州菜館，門口應該要掛滿鵝隻吸引客人。【潮庭】因在商場內，唯有把掛鵝位置向內部移動。當然吸晴度減低不少，晚上更加只留下兩隻鵝。【滷水鵝片 $138】鵝片份量比預期中多。 鵝肉柔嫩，但欠些彈性; 有鵝味而且不帶腥膻，可是油香未夠。師傅刀功都可以; 鵝片完整，連皮連肉，略嫌不過大小不太均一。滷水比較清香淡雅，不油膩，不霸道。鵝片下放了布包豆腐，硬而無味……可望但不可嘗。【煎蠔烙 $108】傳統做法以薯粉鴨蛋混合蠔仔煎成，口感煙韌濕潤，有食店為了迎合港人口味，以生粉麵粉代替薯粉油炸而成。筆者比較喜歡傳統做法，【潮庭】沿用傳統做法， 四邊煎得鬆脆香口; 沒有過多粉漿，能清楚看到裡面的蠔仔。 另外食店改良傳統做法令內裏不太濕滑，但保持煙韌彈牙口感。沾點魚露，更能提升鮮味。【椒鹽九肚魚 $65】九肚魚肉質滑嫩，烹飪時稍一用

今天偷懶唔煮飯，和老公好少去嘅將軍澳揾食，見水牌都有好多食肆，花多眼亂，最後决定食潮洲菜。去到完全唔使等位，即刻入座。點了黄魚羹，豆醬鷄，榆耳素菜，味道幾好，只是有點咸，但老公就完全啱味。最後因有点AE咭，所以有半價，老公話下次再要食過。

將軍澳的一區已經給美心集團包起了，基本上都是他的餐廳！這間潮庭都算是不錯，價錢也不是很貴！有AE白金卡，恒生enjoy卡更抵！想補可以叫個中湯喝下，正立即滋潤晒最欣賞的是他那個西蘭花炒帶子，嘩帶子大大粒，D味道很好而且很新鮮,肉質鮮甜很juice，又彈牙這個肯定是新鮮帶子來的！食潮州野肯定要叫個鵝片試下啦，可是很失望，因為食第二次都係甘硬，太有「趙」口，根本很難咬開另外那個小黃魚也不錯，煎得很香獨欠椒鹽

係將軍澳做完event,好肚餓，甘就求其揾地方醫肚！好耐無食潮洲野，一心諗住去食下滷水野，點知一入去望下餐牌，佢不單有滷水野，仲有d special d 既菜式，甘好la 就叫其他啦。素菜煲要叫個菜食下，又唔想普通叫炒菜，叫左個菜煲，佢個湯底係用魚淆，好鮮美，平時酒樓係用雞湯開既味精湯，哩個可以飲埋！ Good 豆醬焗大蝦煲一拎黎枱已經沙沙聲，一開煲蓋勁勁香，另外d 枱望哂過黎，睇下我地食咩，吱吱喳喳，好似食鐵板餐甘家鄉炒面线炒得剛剛好，完全唔油，食完個碟係無油淨低係碟

星期日放假當然要二人世界一下，我地一早就用apps拎定位，等咗兩個幾鐘終於有位！好彩有拎位apps，唔係都唔知要企喺門口等幾耐。今次得兩個人，所以只叫了五款點心。椒鹽魷魚鬚、家鄉炒蘿蔔糕、蒸排骨、百花釀節瓜、鮮蝦腐皮卷。腐皮卷同蘿蔔糕都幾好食，腐皮卷新鮮炸起，好香口！一見到碟魷魚鬚，我倆都呆了點解炸到咁嘅？仲要一啲椒鹽味都無，只係就咁炸，仲要$58百花釀節瓜上個魚肉無味，節瓜就好硬，平時啲酒樓蒸到好淋

之前飲過早茶覺得點心不錯，之後再光顧，同樣是早茶，今次叫的雞絲粉卷竟有酸縮臭味，即時吐出，上湯鮮竹卷林到好似爛咁，以上兩碟點心相信是隔夜的點心，其他點心如雪山义燒包，芋角，春卷也不夠熱向員工反映，她只是立刻取回有問題食物（臭雞絲粉卷）回廚房，出來再話幫我取消便算，上次晚飯鵝片有人體毛髮也是立即收回，換番兩片鵝片了事，如果再有下次我一定會call食環署，不會讓他們毁滅證據，咁大個集團竟然做到咁，真係令人失望

星期日訂了枱到將軍澳潮庭食晚餐， 好耐都冇食潮州野了， 好期待啊！酒樓入面地方比較狹窄， 侍應安排了我們八個人坐比較細小的枱。潮州必食當然係鹵水鵝片，鵝片肥瘦適中鹵得好入味！ 酒香紅炆肋骨肉質夠腍。豆腐釀鯪魚肉煲， 清清地。魚蛋素菜煲， 魚蛋非常彈牙。酥炸蝦球， 雖然佢上枱嘅時候好似有啲求其， 賣相不討好， 但食落夠鬆化， 仲有大大粒蝦肉， 酸酸甜甜夠野味。薑蔥鴨肉絲麵， 呢一碟簡直無得輸， 麵嘅質地有咬口再配埋香蔥一起食， 帶出陣陣嘅薑蔥香味。煎蠔餅， 賣相普通但係第一啖咬落去嘅時候已經聞到蛋香。芋茸香酥鴨， 同平時食嘅芋角差唔多，冇乜特別。總括嚟講場內比較窄，當我哋埋單走嘅時候出面仲有好多人等緊位， 食物質素可以 & 服務ok!

因父親節當日不在港，一家四口訂了節日前一晚慶祝。 六時到，餐館如常分兩輪，所以𣊬間餐館己滿座。最大賣點是餐館沒有強迫客人叫套餐，因父母有點㨂擇，點菜比較方便。我們叫了走地士家雞、欖菜肉碎四季豆、酒香紅炆肋骨、魚蛋素菜煲及潮州煎伊麵。每樣菜式都份量好，沒有欺場。走地士家雞肉質嫩滑，比較上星期我在某餐館吃的馳名雞還好，價錢便宜些而份量卻大些，酒香紅炆肋骨煮得入味，肉炆得夠腍。 因為叫了飯，最後潮州煎伊麵到來時大家已經很飽了。整體來說，滿意度和上次一樣很好，很高興在將軍澳有一間比較好的中菜館，服務員招呼亦很好，希望他們的水準能維持高水平。