漢興茶檔

營業中

休息中

呢間響晒朵，被譽為全港最好食既咸牛肉炒蛋，難得閒日唔洗番工可以有緣去試食，門口排晒長龍，最正咁岩係獨食即刻有位比我入去✌️坐低見到差唔多陣一大半人都食咸牛肉炒蛋同公仔麵，於是有樣學樣試食下😎蛋牛例牌咸牛肉一食就知番唔到轉頭，終於明白點解咁出名，味道唔會太咸，夾起亦唔會太散，仲可以用多士夾埋一齊食，唔會太dry.豬扒公仔麵個麵底唔會好淋，有少少硬身，岩我個人口味，豬扒亦都出乎意料地出色，唔會太硬，下次想試埋個雞翼。

我好鍾意食蛋牛治，一向都食開深水埗好出名果間，但只要發現到新嘅好評蛋牛治，我都會去試下。今次就試漢興嘅蛋牛多士，佢同平時蛋牛治唔同嘅就係包同餡係分開嘅，蛋牛煎成圓餅形，四邊就放左烘到香脆嘅多士。咁樣嘅好處係由頭食到尾個多士都一定係脆，不過就有d麻煩，要不斷放d蛋牛上多士度。另外仲食左碗豬扒麵，豬扒入味夠淋，同麵分開上，所以麵嘅湯唔會整淡豬扒。然後杯凍奶茶麵係好飲嘅，夠香濃夠滑。依間野星期日係唔開架，最食就要避開喇！

今日，男朋友嚷著話要食漢興既下午茶！男朋友説這間茶檔在粉嶺十分有名，由上午五時開店，但只開到下午三時，上次因爲遲了五分鐘都食唔到，真係有生意唔休做，十分招積！不過食完，又發現人地又真係招積得起喎！漢興茶檔同一般茶檔裝潢一樣，圓枱摺櫈，衛生情況可接受，只係間中有一兩隻蒼蠅飛過。我們點了一杯奶茶和例牌蛋咸牛肉配多士。例牌咸牛肉配多士即叫即做！多士烘過脆卜卜，內𥚃塗滿煉奶，香甜夠邪惡，咸牛肉炒蛋熱辣辣，牛肉咸香惹味，炒蛋嫩滑，無論夾著多士食又或者就咁食，都一樣美味！奶茶奶茶係漢興又一招牌，茶味香濃，口感滑溜，唯已經點了少甜少冰，但仍覺得有點太甜。menu

星期一至五 3點前真係唔退休都過唔到黎食😂以前返學係附近成日都食到到出黎做野真係要SL嗰日先會黎到😂😂😂適逢轉工時間當然要同男友食返次漢興啦其實特別就唔係好特別但就真係自己既童年回憶囉雞翼唔大隻但炸得好香好滑由於出前一丁同其他粉都都同價唔洗好似平時咁額外加錢所以由細到大食漢興都係獨孤一味跟出前一丁今次都唔例外可惜今次一丁略嫌味粉唔夠如果唔係病病地飲埋支細可樂就一流男友叫左西多同埋茶走兩樣都無乜值得著墨既地方但可以再食到漢興好滿足

喺閒日放假，加上食到「時間限定」的美食，絕對係雙重幸福。一心一意嚟食蛋鹹牛肉加多士，店員提醒食物製作需時，要耐心等候。左望右望，除咗呢款多士，好多人都食緊公仔麵跟豬扒雞翼。凍奶茶搶先上枱，茶色深而味濃，唔會越飲越啖。主角個賣相真係好可愛，充滿藝術風，大廚將蛋鹹牛變成圓碌碌漢堡扒，而且相當厚身。呢塊厚切蛋牛扒入口即溶，但又會食到少少質感，惹味得嚟唔過鹹，配埋三角多士一齊食最正。飛邊多士烘得外脆內軟，見到搽咗勁多牛油係有窒一窒架，反正個人都肥晒，食咗先算。任性的代價係肚滿腸肥，不過會大滿足。呢種幸福感同上次喺桂林街食蛋牛治，真係兩個世界。講返轉頭，呢份蛋牛多士屬「時間限定」，因為舖頭只係開周一至周五，下午三時就收工。好羨慕附近的街坊呢！

漢興係聯和墟一間茶檔，佢好巴閉淨係開一至五，所以返工嘅都唔係咁易食到。之前見平日得閒就去食個下午茶。 佢出名嘅係公仔麵，仲要係出前一丁，平時嘅茶餐廳叫出前一丁多數要加錢，佢就福麵同出前一丁同價，都叫做賣點之一哈哈。所以好多人都唔執輸叫番個丁麵包括我。 講番佢個麵，出前一丁煮嘅時間係幾好，唔會太霖或太硬，我叫左嘅雞翼有少少燶，同埋佢個豬扒係少少比較硬。 我地仲叫左個咸牛肉多，佢個咸牛肉蛋係幾好食值得一試。 如果大家喺平日經過聯和墟可以一去。

隱世常餐位於粉嶺聯和墟內的小舖，狹窄得只有十多張細檯，每張細檯竟可以坐六人，沒有珍饈百味頂級佳餚，門口卻是排著長長人龍靜靜等候入座，想必是一份真誠打動民心！簡單的一碗出前一丁竟有點童年回憶，是夜半煮湯麵回憶及味道，點解會咁好食，是水與火喉控制太棒了外層香脆內層肉質嫩滑還帶肉汁Amazing 😍😍真材實料沒有愉工減料想必是留住忠誠食客的條件，鹹牛肉炒蛋多士，是份量十足的，味道鹹香軟熟，多士香脆恰當，太滿足了一碗雞翼麵都只收 $21 抵食這就是我們香港特色代表真心好食大家必須記得營業時間，這店舖只營業到下午3:00

成日去食，因為實在太平，味道又好，性價比好高! 每次去到都一定係食鹹牛肉蛋治，豬扒，雞翼出前一丁!!! 其實好多地方都有出前一丁，但呢間既特別吸引我，因為真係連好普通既野食都整得好好。麵煮到剛剛好，好彈又唔會好硬身，而且佢既鹹牛肉蛋同平時個d唔同，屬於比較碎，唔係一大塊肉，令到整體好嫩滑，又唔會覺得太鹹。真係好平，只有得閒都會去食

遠道由屯門到訪，當然要一嘗其招牌菜式。從其他食評看出，鹹牛肉蛋餅配麵較為馳名，於是希望一嘗。但到了方知早晨時段未有此配搭。原以為失望而回，但冷靜一下，卻想出新配搭，就是先點了鹹牛肉蛋餅配多士，再點一個淨麵，合起來也只是$32，但嚐到多種滋味與配搭。味道亦不遜色，蛋餅並不老，十分嫩滑，配合鹹牛肉的香，有種飽滿感。而配搭多士更是多食多滋味，足足切了四小件，令我單嚐牛油多士的香脆，也可夾進蛋餅而增加口感。另外這裡的麵食配搭亦自由，福麵與出前一定並不用加錢，點了一個淨福，味精不算太厲害，也可放進蛋餅去添加滋味，這多種滋味合起來只是普通早餐的價錢，算是頗值的，味道雖並不特別出色，但蛋餅的製作特別且香，也為一天的行程好好剪綵吧!

這次是看到有人介紹突意去吃的！點了一個鹹牛肉蛋拼多士，一個腿蛋公仔麵，一枝大玻璃瓶可樂！1.鹹牛肉蛋真的沒得輸，牛肉不會太熟不會太生剛剛好，配埋蛋包圍好軟滑。2.腿蛋麵雖然好普通，但全店都是用岀前一丁（餐廳版）3.大玻璃瓶可樂，勝在價錢夠親民少有，8蚊而已！總結：價錢親民，但要食就要早點，因為店收下午3點！

每次入粉嶺，作為超中意食咸牛肉的我每次早餐一定會光顧哩一間小店。先黎一支大可樂，$8 。再來咸牛肉蛋麵，麵以及咸牛肉蛋分開另上，令蛋餅唔會浸到好淋。咸牛肉蛋餅用料十足，一咬下去，咸牛肉味十分突出，再加蛋，不會太乾太油，配合得十分好。 麵選擇用出前一丁，恰到好處，不會太淋或太硬。再來一份咸牛肉蛋多士。多士外脆內軟，新鮮熱烘烘，再配上小小牛油十分香。之後叫了份3隻炸雞翼。不算太油，不會炸得太燶。總括而言，整個小店雖然賣普通食物，但十分出色，店內服務也很好，有''人情味的感覺''。

平，令，正。出前一丁,福麵,米,通粉,同價。出前一丁煮到剛好絕對唔系淋哂,個湯熱到出哂煙,我諗出面無幾多間做到,鹹牛肉蛋外脆內剛熟,雞翼好香脆,全部食物都超熱辣口。當我食到出哂汗又要抹下鼻水,發現無帶紙巾,我:唔該要包紙巾,阿姨:呢度無得賣紙巾,比幾格紙巾你喇。隔離枱學生阿姨話雞翼賣哂,佢就諗左超耐都唔知食咩好,阿姨耐心推介又等待學生的order,全部侍應姐姐都好好人有人情味👏🏽簡單但有心的出品,令人食得開心又窩心。

2017.02.15 😊這間家庭式小店是有點串串地🙇居然一反常態 假期都在休息難得放平日 當然要試下期待已久的粉嶺名物啦 🤠鹹牛肉蛋麵 $22(可自選出前一丁 福麵 米粉 通粉)平日多數去茶餐廳食 都係食出前一丁今次難得有福麵 當然要揀啦煎鹹牛肉蛋同麵是分開上的🍳分量俾想像中細份但勝在夠厚身 如果可以煎得更香脆相信會更好食 但整體黎講係不錯的漢興茶檔 💌粉嶺聯和墟聯興街3號地下B室Mon-Fri: 0500-1500

20160830--住近了聯和墟，上openrice看看有甚麼值得一試的食肆，漢興是其中一間，數次經過也是中午過後，每次也是下閘關門了。是日十一時多，我和家人見未拉閘，馬上進去試試傳說好吃的出前一丁麵。二人點了:雞翼出前一丁--出前一丁煮得爽口彈牙，用心烹調的做法，但雞翼就令人失望，細細隻、瘦瘦的，味道未能帶來驚喜。咸牛肉蛋出前一丁--家人點的咸牛肉，我是不吃牛的，但聞到陣陣牛味，眼見牛肉大大件，份量很多，賣相總比我的細碼雞翼討好，可能事前給他太大期望，心裹對它有了要求。家人的評語也不是很高。凍奶茶和凍檸茶味道一般，價錢倒是尚算便宜。出前一丁真的很好吃，有機會想再來試試豬扒的味道，雞翼就不會再點了。

終於“經”粉嶺嘞又想起漢興嘅鹹牛肉蛋佢係“厚切”類，足料之餘又唔會太鹹。而且唔太乾又唔多油。另外，出前一丁又煮得剛好熟。煎豬扒鹹咗少少。肉質够彈性，冇雪藏味只有香茅味。都可以的。