漢堡王

營業中

休息中

講開BK就長篇大論了,由八十年代與老麥,肯德基三雄鼎立,到最後敗走香港,一別差不多二十年.這段期間,每一次外遊,無論在加拿大高速公路,台北中正機場,曼谷Emporium商場,甚至在英國利物浦Lime Street火車站的BK分店,統統有殺錯無放過.失去的,才是最美好,人就是如此犯賤.年前BK低調回歸,選址在不能直行直入的機場禁區內,第二間分店落在山頂,仍然同普羅大眾,保持一段似近還遠的微妙距離.與M小姐吃罷乏味的Eating Plus之後,肚皮依舊空虛,上樓上同其放浪多年的"好朋友"重聚.平日的山頂,風和日麗,人流稀少.坐在狹窄的觀景位,享受一下微風.最愛的Whopper,所謂炭燒牛肉,我實在吃不出,肉質還很乾.肉味亦不夠濃,不過,點計都好過老麥好多.其他的番茄,生菜,甚至麵包,也不算特別新鮮.為何在外國會好吃那麼多?唔要薯條要洋荵圈,又是沒有甚麼味道,友人的薯條,反而薯味濃郁.她不吃牛,要個鱈魚堡,感覺如何?(都過得去啦.)友人沒有我對BK那麼感情豐富,所以就是如此簡單.難怪當馬鞍山漢堡將會大興土木,BK繼續用距離感,去令大家繼續感覺物以罕為貴,彌補自身的不足.與友人的話題由漢堡包,

Burger King 在山頂重新開業後，今天經過試了。三個人叫了兩個兒童餐，飲品加薯條加個雞柳(四條)，另一個是加個包。雞柳瘦瘦的，有甜酸醬或燒烤醬，相比麥樂雞，後者好吃很多。薯條都是普普的薯條，並不是肥薯條，差不多成三十元個餐，不太值。

今日同老婆去左食個6號餐($40) 和蘑菇cheese堡餐($51)，嘩~!使唔使咁貴呀!!!個包/薯條同M記冇乜分別, 這個價錢絕對可以找到更好吃的,不必要食這間burger king.

繼mos同triple o後...最後一站就係burger king~為了將3間一比高下...專程於聖誕節(25號)放工後到山頂走一趟, 誓要食盡burger shop約7時半左右到達...眼見店內人山人海, 排隊排到去尖沙咀,想找個位堂食都唔易最後俾我等到係走廊既餐桌...望住維港既夜景,品嘗美食...樂事也~食物如下:包(唔記得叩咩名,餡料:牛肉x2, 煙肉, 生洋蔥, 蕃茄, 沙律醬, 芝士)牛肉係炭燒味,幾香幾有牛肉味,不過就真係太乾身了...芝士夠味,唔會食左都唔覺~本來兩片牛肉會有d滯, 不過有生洋蔥"o拿"下口,清下味覺,呢個配搭真係好正~不過太厚同太飽,最後飛走左個包面先食得晒~薯條:硬+脆...空心,感覺似食個殼~飲品:雀檸, 超大柸~兩個人都飲唔晒雞翼:炸粉好厚,又硬,難咬~加上辣味係"梗"果隻,唔夠大眾化,最最最緊要...係d肉乾晒...又乾又硬...m記果d仲好食~ 真係失敗!!個人黎講,最鐘意加左生洋蔥,如果d牛肉有返d肉汁,個包同m記冇乜分別總括黎講係比m記好少少,但係價錢就貴多多~~食食下, 原來維港放煙花,邊食邊睇,都算係咁不過坐戶外睇下風景,補返數啦~

今日去食之前就對佢抱好大expectation，諗住以後唔使再等到要坐飛機先至有得食burger king。點知希望愈大，失望愈大。要咗客double cheese華堡，味道其實都算唔錯，不過好似機場嗰間好味啲，個牛肉好似乾咗少少，炭燒都可以唔使咁乾嘅。薯條就唔錯，好彩唔算鹹。杯汽水...唔知係唔係因為個餐賣40蚊所以要俾杯大汽水你等你覺得值啲...真係飲唔哂...洋蔥圈就好唔錯，有時覺得呢啲細細個嘅onion rings仲好食過大嘅。唔知點解我覺得機場嗰間好味啲...

由於我不吃牛,所以叫左個魚柳包餐(我唔記得lee個魚柳包餐的名喇) 再加多個12蚊有四件的雞柳.雞柳係十個唔得, 唔熱,唔香, 十分唔好食個包就普通, 無咩特別, 最最好食係個薯條, 外脆, 內裡就好似薯蓉咁~最得係lee樣, 下次去可以就食薯條, 最多試埋個雞包~

我是平日上山頂食的，因為印象中以前這間burger是好好食的。走到入去，見到一個餐平均都要約$40，有些更要$50。但相對於山頂來說，是可以接受的。最後，好像叫了一個雙層芝士漢堡餐，$40，再加大$2，共$42。己經是平日，汽水是加了大，但薯條竟然忘記了，服務尚算可以，都立即幫我更換。以室內計，裝飾還算ok，但既然有室外露天坐位，當然要試試啦！點知，一開門，迎面而來的勁風，險些就把食物吹翻了。加上這些食物都比較輕，真係不太合適在室外進食。個漢堡算做不過不失，但做不到令人回味的感覺。薯條當食第一、二條的時候，好像找回真正薯條的感覺，不像老麥的那樣，但食多幾條，又發覺不外如是。假若以下午來計，這個價錢絕對可以找到更好吃的，不必要食這間burger king。

今日去左食個2號餐，都幾好食既，個汽水真係好大杯，我呢個薯條怪就梗係要食下個薯條啦，都好食，不過如果熱d就好喇。冇想像中咁多人食，好快就搵到位同買到野食，冇mos burger咁瘋狂喎，可能之前曾經有過啦，唔同d既

在閒日的中午, 山頂難得不會太多人光顧了久違的Burger King選了1號華堡套餐加大, 盛惠$42華堡配菜幾好及新鮮,塊牛肉係好過麥記,但肉汁欠奉, 和外地Burger King有距離更不能和Triple O's 相比薯條就令人失望了竟和麥記差不多, 只是冇麥記炸得咁乾稍比麥記好些少, 但談不上有薯味和Triple O's 比更加冇得鬥總括而言, 如此價錢只是略勝麥記一籌加上地點偏遠, 相信短期內冇下次了

上山為了下山, 由山頂下去灣仔.上山也為了這一大包.但吃過這一大包之後動不了...包,當然好吃薯,不夠香脆人,不比麥記好

難得來到山頂, 緊係要來食嘩!! 真係估唔到咁大個架!! 真係食到我幾乎嘔!叫左個華堡, 同一個double cheese華堡..同女朋友食, 杯可樂叫左一個加大, 點知佢兩個都同我加大左... 可樂大杯到唔想飲..個飽比m記個d好食至於個薯條炸乾身少少冇咁油, 都ok!有一個就轉左做洋葱圈, ok好食.. 好大陣洋洋葱味..真係好飽... 重質重量!

全港只此一間，緊係要黎試試。叫o左個華堡餐加大，嘩！每一樣都好大件，個飽仲大個我隻手。材料方面落足晒料，不過味道都只不過好過麥記少少，但份量就比麥記大好多好多喇。

論價錢唔算好貴, 但論質素好過麥記好多!至少感覺係比較新鮮!所以男友話佢應該同麥記黎一場生死鬥! 兩個人食佢一個餐都夠!(唔太大食既) 薯條炸得幾乾身, 料夠新鮮,雖然同3個O (另一間漢堡包專門店) 冇得鬥,但已經算唔錯。

今日同男友特登上山頂食Burger King，結果好失望。寫左3張意見咭。叫左個Double Whopper with Cheese & Bacon加大再加hot pie，結果除左個coke light係正常之外，其他都... ...首先個burger底太薄，吸唔到汁，結果稀稀的醬汁加蕃茄的水浸穿左個包裝紙，食食下個底漏汁滴晒d茄水出來，好嘔心。真係未試過食burger食到咁狼狽-.-"個薯條無burger king的內外皆脆的特色，是內軟外脆的麥記薯條，失敗!!!蘋果批好燶，出去再換都係燶，佢地話係standard，叫我男友等6分鐘下一批特登炸得無咁燶俾我。等6分鐘唔緊要，最怕佢加料，換個無咁燶了事。d職員都spot唔到d客，送親burger俾客都要周圍搵，行均全場，睇下邊個個餐少左個burger。其實佢地係要認得d客，再唔係咪俾個牌個客，方便佢搵囉... ...都係機場的好少少，山頂都係唔會再試啦

無事不登山頂，對上一次來大概是八年前，當時是走馬看花燈的遊遍凌宵閣，手信買了不少，這旅遊景點，懂欣賞的大概只有鬼佬而已。數年間，全城高呼F&B，驚人的轉變下連帶山頂面貌亦得翻上幾翻，凌宵閣添上不少新面孔，Bubba Gump、天一、巨八等，食物平平卻能盡吃無敵海景。是日沒有閒情逸志談談情看風景，就與同事到Burger衝忙的趕個lunch。數凌宵閣最削的環境位，非Burger無他，當然來吃鬼佬餐，看的是分量而非環境或質素。叫了個Whopper餐，包大薯條及汽水，落了order後拿著薯條汽水坐著等侍應送上Whopper，算是港式的半快餐服務吧。Whopper不過是生菜配洋蔥加件薄薄一片漢堡而成，賣相與分量不見突出，漢堡是blend過的肉碎做的，用火山石烤過，滲著碳燒味道，配埋生菜及至愛的洋蔥，唔算好味，但總好過老麥mass production下的漢堡，當然論分量的話，以鬼佬快餐的標準是不及格的。快快手的吃完後，問鬼佬同事覺得點，用唔鹹唔淡的中文道：「Tripble's O好好多」，原來在鬼佬眼中，好吃與否是用量來釐定的，怪不得老上海的蟹粉小籠包不好、麥奀的雲吞麵亦不好，就連九記的牛腩伊都