漢堡王

營業中

休息中

車仔麵一早就落左格, 見又到四點幾, 不如食個tea喇, 難得兩口子拍住拖咁上山頂, 咁兩個人都從來未黎呢度食過野, 於是乎咪豁出去試下囉!入到去地方唔算好大, 環境光猛, 而且都好多人下, 好難先搵到位, 於是乎單邊高都照坐, 睇左一陣先決定到食咩!我要左一個小華堡, 同埋一個甚麼雞排堡餐加大, 加大就係薯條同汽水囉! 薯條都幾大條下, 炸得都幾脆又唔會太硬, 我就覺得好味過麥記好多而且份量足好多; 小華堡就走左洋蔥, 個包份量好大下, 裡面有牛肉, 蕃茄, 青瓜同埋d醬汁, 個包就好鬆軟, 牛肉好香好有牛肉味, 蕃茄好大塊好多汁, 青瓜反而唔多不過酸酸地配埋d醬汁, 好好味, 呢個包有d似麥記個至尊漢堡, 不過佢大個好多, 食左好耐都食唔完; 雞排堡個樣好似熱狗咁長長地, 個size都幾大, 不過塊雞肉就比較乾身同埋幾鞋下, 呢個反而差d, 唔係咁吸引, 我諗佢個魚柳包會幾好味! 價錢都幾貴, 好彩今次有coupon, 唔使咁貴, 埋單$29, 佢最平一個包都要$19, 一杯汽水都要$12, 你都咪話唔貴, 不過師傅覺得如果摩斯漢堡都做得住, 咁多人排隊話, 咁呢間野絕對好過摩斯

難得上山頂,點名要食burger king點了一客華堡套餐加大與男友一起吃,漢堡包真的很大,如果一個人吃一定吃不下一整個它的漢堡比M記的當然好食十倍,因為有肉味且多汁,但相比moss burger & triple o, 我覺得後兩者較佳最欣賞是它的薯條,內脆外軟,剛買回來吃時是熱到"辣"口的,但因坐在冷氣風口位,不消一回便把薯條吹凍了,但依然脆口, 雖然吃下去的感覺有點像M記薯條, 都是幼長形薯條,不過薯條內是軟軟的,像薯蓉般~good~

7-4-2007 1211去完老板屋企「攪機」後，順便飛的上去十年如一日都唔會去既山頂食飽。今次叫個辣牛肉飽套餐，辣味係來自少少黑椒及紅辣椒，理應味道應該不錯，但味道有講不出的奇怪，到而家都諗唔到原因。還有，最大問題係包裡的料子少於個麵包，幸好仲食得飽，行番落去時唔駛再食野。咁樣又要重新估計其價值。

之前一直都是吃雙層芝士孖堡，但原來魚柳包都很好味，比麥記好十倍，真的有魚柳味。而且套餐只是34元，叫做很便宜，抵食！10元4隻的雞翼就比較辣，唔合胃口。套餐雖然加2元可加大，但唔加大的套餐其實已很大份量，除非想變肥仔、肥女，不然都是不要加大好。略嫌餐廳面積不夠大，假日很多人，坐露天地方又太大風，吹晒紙巾去隔離檯；而且有太陽時會好曬，應該加番把太陽傘嘛！

星期六上山頂行，行行下肚哦，走去burger king叫個４號餐兩蚊加大再加十蚊有四隻雞翼合共52蚊，嘩！好好味呀，好食過而家麥記個至尊漢堡，薯條都正。可能無咁多分店會覺得好味。唔係麥記咁濫。

我就住半山既....咁山頂o個間Burger king我都一個星期食一至3次D食物好多元化,又夠真材實料...行埋去就嗌5號餐可樂走冰加大碼都係$57(最貴o個個餐,最好味個餐,最鍾意個餐)多汁牛肉加帶少少辣既洋蔥Apple Pie 係新鮮整既(正, 推介)從食左BURGER KING 之後,我發誓除左冇錢外, 我唔食mC dONALD唔好係人多,好彩機場開左第3間, o個間少人D

多年來Burger King 的華堡都是太乾身.不夠汁.在家拎塊肉夾個bun 就得啦. 洋蔥圈是賣點....不過水準不定.唔熱,唔香.貴- 預料到...香港老闆搶錢嘛.薯條外脆內軟,好吃.比不上麥記.

BURGER KING 係我咁多間香港BURGER SHOP最鍾意既一間! 好鍾意華堡塊牛肉好夠肉味, 好好食, 而且好多汁, 次次都多到流晒出黎!! 不過個辣華堡一d都唔辣..... 另外個雞包都係麻麻地!! 都係華堡最好~ 其次覺得洋蔥圈好似唔太脆.... 冇0係泰國食咁好味! 不過0係山頂食係另有一番風味既!!

話說想食ｂｕｒｇｅｒ　ｋｉｎｇ好耐，難得山頂有就緊係食喇！買左個小華堡餐\同ｆｄ　ｓｈａｒｅ喇～仲轉左薯圈同加大左ｔｉｍ！佢\話要等喇，佢\叫我地搵位坐住等．．．等左成１０分鐘都唔見包．．咁我去問喇．．個經理係咁話唔好意思．．個職員唔記得左．．話整過一陣拎比我．．．再等多一陣．．拎到黎，，個餐\係冇加大過．．．．．．ｄ野仲要凍哂．．．食左一陣．．我同朋友都唔想食．．寧願去ｍｃ記食包薯仔好過～

十幾年前好鍾意食burger king，因為鍾意佢d薯條夠脆，個包夠大又有菜。後來香港burger king執左，依家香港得機場同山頂有得食，真可惜。星期日同老婆行山頂，下午時份來到重溫舊夢。叫左個whopper jr餐，再加一個spicy whopper jr.包。幾好啦，汽水好大杯，兩個人分剛剛好。薯條仍然夠脆，加埋佢d粗粒黑椒，好夠味。個包塊牛肉都幾有肉味，但spicy whopper jr.真係一d都唔辡。唔知有無得加辡呢？

We ordered 2 Whopper meal, went big, and we could not finish the drink...The buns (bread) was made local, but it tasted more or less the most as in US. Then in addition, I liked the onion ring in BK. Not a full piece of opion, but it's more crispy.Mac, BK, and Wendy, these are some of the most selling fast food chain stores in US. Next time when you go to US, try this...1. Order a regular softdrink and ask for a refill, most of the time even if you buy a small drink unless they specify it, it ca

上星期到Burger King買左一個Whopper Jr.套餐, 除左牛肉偏'鞋'之外其他都OK... 而薯條有D膿...服務方面, 態度認真麻麻, 落order時已經唔耐煩, 叫她比杯滾水, 即時黑面!是次每人消費約$30元

Burger King 的king size只出現在某幾款包咋Whopper乃其一, 除份量大之外, 餡料又多另近日試過機場翔天廊新開的Burger King其新出的Mushroom Burger同樣又大又好食, 多mushroom多juice, 很rich的感覺且新張期間有20% Off, 值得一試!!

唔食....就唔心息...今日終於食左burger king ...double cheese burger ...感覺只屬一般...cheese 唔夠多...beef 太dry, 唔夠juicy...同m就比.... quality差不多....size 都差不多... ..不過$$$$$$$$$$$ 就差好遠........都係既.....未食過......係唔心息ga ma...haha

星期六專程上山頂的Burger King 吃lunch. 很久沒有吃了, 要了一個Whopper 套餐加大, 另單要一個Whopper, 算抵的. Whopper 味道總算還是差不多. 不過牛肉看上去不是很juicy. 洋蔥味很濃. 算是過得去.兩個人喝一杯可樂都仲剩餘半杯.本人非常愛吃薯條, 但這裡的薯條還是差了點, 像是加了粉讓薯條脆一點, 但卻失了原味.至於服務便有待改善了. 幫我落單的小姐服務態度本已不友善, 當我說要改order 時, 她的臉色顯得不耐煩. 當日一點多抵達山頂, 沒有甚麼人, 在室外的一張檯坐下來, 又遇著近來難得的天晴兼清朗, 俯瞰香港九龍的景色, 雖然一邊在嗟嘆香港的轉變, 到底感覺還是輕鬆舒服.整體來說, 這麼遠的路程, 這樣的服務態度, 這樣的薯條... 為了Whopper, 偶爾一次也無防.