漁川米線 (沙咀道)

營業中

休息中

又到星期六啦！又係賴生望穿秋水久違既拍拖日，唔知點解，就算係無化妝既屈小姐，都係咁靚女既！(睇尼賴生係時候驗驗眼啦) 係佢由小巴落車果一瞬間，賴生既世界又由黑白色變成七彩繽紛！今日好好天呀，所以賴生就挾持左自稱胖胖子既屈小姐去行元荃古道⋯係行之前，當然要餵飽左屈小姐先行啦（傳說胖胖子餓親的話，連身邊既人都食嫁）為左可以達到食好西+無咁肥+(懶)健康既效果，賴生約左屈小姐係荃灣漁川米線食Early Lunch!一黎可以滿足到愛食魚既我地，二黎可以滿足到(聲稱)減緊肥既我地 （偷偷地講你地知⋯減肥同食魚其實都係屈小姐傳染賴生嫁）由於我地2個都好懶，加上成條魚放係碗米線面好似好殘忍咁（君子遠庖?!）所以我地冇叫到原條東星班米線⋯我地叫左⋯⋯屈小姐之選 ： 三文魚扒蕃茄魚湯米線 （4星）$50+5- 三文魚扒輕輕煎過，外皮帶少脆，啖啖肉，好大舊好正！最重要係即叫即整！- 米線既配料有豆卜，芽菜同蔥，吸晒d湯食落好juicy好有味道- 可惜既係蕃茄魚湯2頭唔到岸⋯蕃茄味得少少，但冇乜魚湯味 （轉湯+5蚊嫁！）賴生之選 ： 酸辣魚湯招牌米線 （4.5星）$50+5- 招牌米線有2大舊鲩魚腩，2舊魚

有位愛食既朋友向我極力推介此小店，而愛好食魚既我梗係即刻去試啦小店雖然較噏耷，座位又逼，但勝在鋪頭姐姐都親切友善。鮮鯇魚腩湯米線附加一個碟儲魚骨，果然周到。有2大舊魚腩，鯇魚腩不算太多細骨，肉質及湯頭都夠鮮味既。朋友雖然唔鐘意食魚，但都有其他選擇既，鮮蠔仔、素鮑片、紫菜火腿米線。反而覺得呢碗既湯底更為鮮甜，仲有濃郁既紫菜味整體味道不錯，湯底無加味精，但米線太腍啦，而且豆腐卜則不夠腍同入味，否則就perfect!不過只需$40-$50咁抵食，算係咁啦

今日lunch第一次去食. 叫個馬友米線. 一上到枱. 見到條馬友煎香晒，已覺得唔對路. 心諗，如果條魚係新鮮. 點使煎香口黎食. 馬友係食佢魚肉幼滑同油香. 一食之下，條魚果然唔係好新鮮. 靠香口黎蓋過有少少唔新鮮既梅味. 中晒伏. 再食個米線，一咬就散. 唔掂. 再下左d胡椒係個湯到. 胡椒用左d平價貨. 完全冇胡椒味再飲個湯，好普通. 飲唔到魚既鮮甜味. 再差既係，過左十幾分後口渴. 我唔多信個湯冇味精. 下次唔會再幫陳了...

有天帶埋小朋友（3歲）一起去吃中午，我和小朋友坐半邊卡位，那個老闆娘幫我落單，我落了碗3送米線在加7元可有杯凍檸茶，老闆娘對我說，你杯凍檸茶我收要正價，我問點解？次次都是7元，他說你今次坐了我2個位和叫一碗米線，所以要收正價，等說：是否小朋友也要食碗米線呢？我真激氣，打開門做生意，這老闆娘真現實，所以不會在幫襯

一直想在尋找有水準的魚湯小店，希望到荃灣區覓食不用再傷腦筋，從網上食評看到此人氣小店，就專誠試一試。今次選了招牌的鮮茄三文魚湯飯、心機孖寶還有油菜同鮮茄墨丸魚腐魚湯米線：這湯飯賣相不錯，三文魚是預煎再放上湯面，因吃到魚肉裡面是涼的，上枱時已聞到三文魚獨有的油腥味，豆卜沒有煮透，湯味只有少量蕃茄味道，吃不到魚湯味道或少得被蕃茄味蓋過了；三文魚吃著就沒有腥味也煎得不乾鮮茄魚湯是預設的，同三文魚湯飯的湯底是同一味道，墨丸不彈牙，魚腐不算香口，整體味道配搭還算可以吧⋯⋯應是手打墨魚餅跟炸蝦卷，是即炸的，手打墨魚餅有咬口，炸蝦卷沒吃到蝦味，因為即炸所以夠熱同香口。沒有拍照的是灼菜芯，因爲差不多吃完枱上食物時，發現菜芯沒到，追問才見到做出來，幸好菜芯是白灼無油加上蠔油，也帶出菜的甜味落單前有段小插曲是侍應失誤倒跌水杯水，水濺到一食客半邊大腿牛仔褲，侍應都很盡心同很快處理，食客很快走了；我們吃飯途中又見有些上錯單情況，感覺服務不算熟練。雖然，這家店有很多讚賞，或許是我點的東西不夠招牌食品，下次想吃魚湯時，我還是另找合適自己口味的選擇吧⋯⋯

嘩 終於試到傳說中冇味精既魚湯米線 今日叫左兩款1.雲吞 墨魚丸 魚湯米線 雲吞非常good依家好難食到D好食既雲吞 依間值得推 推 推！！！！相對墨魚丸 就失色好多 應該煮左好耐2魚腩魚片頭 湯反 但黎左米線 唔緊要啦 魚片頭超彈 彈到不得了魚腩好好食 唔會太淋 一咬就碎 份量仲好多但大家注意 坐位真係好迫 千其唔好坐卡位 迫到爆

自從去左荃灣返工,就一路周圍搵好野食咁岩見到FB有人介紹呢間店,見到成條魚係碗米線上面,就勁想試12點半一放LUNCH就行去食,唔駛等位見到我最鍾意食的馬友,就梗係叫呢碗啦,等左5分鐘都唔駛碗米線就黎了馬友是被煎香左兩面先上的,非常好食D湯都好飲,唔係市面上個D湯50蚊一碗真係幾實惠之後會再黎試其他魚

香濃鮮味魚湯米線😋魚湯味濃，1.金牌米線$50，加上新鮮魚腩，肉質鮮美。連湯底都要飲埋👍🏻2.魚湯味濃勝瓜黃花魚米線$55，成條黃花魚上，喜歡食魚既朋友，絕對要一試。真的有家的味道。😍3.手打墨魚餅$20，油左些少，咸左些少，建議專一d，食米線好啦😂☺️支持平民小店👏🏻👏🏻👏🏻

是次點了花膠米線，勝瓜馬友米線及蕃茄東星班米線。味道由淡味吃至濃味。👆👆👆👆花膠彈口湯底清淡，馬友煎過更香，令湯底會有魚香味，而東星魚肉有點嚡，但大條抵吃。

荃灣一向出晒名有幾間米線舖好好食，麻辣、酸辣、魚湯等等任君選擇！不過以前食開果間魚湯米線，d魚湯近年已走晒樣。幸好家姐介紹我食呢間！尋日晏晝特登嚟食午餐，叫咗個三文魚扒魚湯米線。價錢比起普通餸貴d，但係絕對物超所值。魚湯魚味好濃郁，而且無味精，絕對係煲咗好多個鐘而成。煎三文魚扒煎到有微微啡色，浸埋落碗米線到，本來不予厚望⋯⋯因為個湯好熱，諗住魚扒一定會變"孩"？點知一咬落去，好香、好滑！就算食到中間都係好滑！完全唔似浸咗落熱湯到而且塊魚扒好厚肉，亦唔算細塊，我覺得好抵食！

荃灣人一定知道有兩間無味精新鮮魚湯米線。我地一家都係魚湯迷，但一直以來都係去開路德圍個間。好可惜個度既服務態度愈來愈差，有時好似我地要乞魚湯食咁，而且加價加得好快，最嚴重既問題係魚湯好似愈黎愈淡。所以今次我決定一定要捉父王陪我試一次呢一間第二選擇，希望佢有無機會取締左個間。一去到就覺得座位闊好多，而且店員都會笑住話我地知有乜野已經無哂。為左能夠公平比較，我同父王都係點返平時我地食開既野。我地點左魚腩米線加蕃茄同埋原條黃腳立米線，再加店員推介既手打墨魚餅。我成日都見到好多人點原條魚食，我就唔係太識欣賞了，都係啖啖肉正Ｄ。我地一致認為漁川既湯底同路德圍個間差唔多係一樣方法煲出黎，不過水準就好似幾年前我地最初食個間咁，鮮鮮的。而漁川既炸墨魚餅真係處理得十分唔錯，好彈牙。加上座位闊、店員友善，餐牌除左魚湯仲有好多其他野揀（咖哩、客飯、薯粉都有），有下次！後記：呢間野已經深得我地歡心，而家已經取代左開路德圍個間成為飯堂之一。

搭車經過見到荃灣原來新開咗間魚湯米線, 趁放假得閒即刻嚟試下!!一坐低已經發覺有陣味, 望一望廚房見到D 油煙抽唔走攻返入舖, 個老闆真係要好好改善下個抽油煙機... 我點咗個三文魚扒魚湯米線 ($50), +$8 要多兩件墨魚餅! 賣相唔錯!!! 魚湯好飲唔腥, 飲完亦唔覺口渴, 應該唔係味精湯!!!三文魚扒面頭輕輕煎香咗, 厚肉又唔韌, 亦唔覺得油膩, 好好味! 墨魚餅非常彈牙, 好有驚喜!!! 美中不足嘅係米線煮得太淋啦, 否則會俾100分!

［荃灣有東星斑米線食］食米線點先有霸氣？嗌大辣定叫加底？開飯仔覺得呢間米線店嘅米線自然就夠霸氣：成條魚擺上碗！呢間小店專做魚湯米線，雖然唔近市中心但都有唔少人專登過嚟食，而且一入嚟就會問「今日有咩魚？」，因為呢度最出名嘅就係魚扒同原條魚嘅米線，例如三文魚扒或者原條黃花魚魚湯米線，魚會先煎一煎再煮，廚師經驗夠所以魚肉唔會煮老反而Keep到嫩滑。而且記得飲個魚湯，絕對飲得出唔係味精湯，奶白色而入口味道自然鮮甜，成碗飲哂都得！想完全啖啖肉嘅可以揀手打墨魚餅，新鮮彈牙。唔鐘意米線嘅仲有得轉泡飯、拉麵、烏冬、米粉或者紅薯粉，另外亦有小食同咖喱飯等選擇。

荃灣區有不少米線舖，試左好多間，呢間係唯一一間會每個月都至少去報到一次既呢度最出名就係魚腐米線。魚腐鬆軟易入口，一碗有4粒，好滿足米線份量for女仔就偏多，次次都食唔灑。除左米線都可以簡泡飯同拉面。拉面質地偏硬，始終都係最match米線!!魚湯就最正，每次都飲灑d湯咁濟，雪白鮮甜，冇味精，飲完都唔覺口渴，可以唔使叫野飲，淨係飲湯都ok。除左普通魚湯，仲可以簡蕃茄魚湯，不過都係原味最好

試過堂食及外賣，首推墨魚餅米線，新鮮彈牙。但外賣真是很差，最疑惑的是下午茶竟然以外賣到達時間為準！認真說，外賣員工想拖時間送達都無符。最激氣的是，外賣員工唔等得的，多少少時間攞錢都俾佢鬧，如果得閒就一早預備定錢俾佢啦，一d 耐性都無😡😡😡