漁川米線 (沙咀道)

營業中

休息中

皮旦魚肉湯米線, 冇味精, 米線彈牙, 魚肉很新鮮, 我個friend 成碗吃清光. (下午荼餐送熱飲)正正正.......四川薯粉,味道不夠酸, 其他配料也可以, 中規之作.熱o茶好飲 (我個friend 話)涷o賓,不太甜,正合我意 (與粉同落單只加$6) 與其他涷飲一樣加$6, 低.下午荼時間到 7:00

2010年2月9日 ( 1-1 ) 荃灣 ( 漁川米線 1=1 ) 下午茶外父入住( 仁濟 )，我倆準備前往探望他，因時間尚早，先到這裡來個下午茶餐。選吃了兩個 ( 漁川米線特惠下午茶餐 )，(1) 鮮肥牛金菇米線，(2)鮮鯇魚片皮蛋米線，每個20元，連餐飲，凍飲加2元。鮮肥牛金菇米線：有肥牛，金菇、冬茹、豆卜，配合湯米線，蠻好吃呀！鮮鯇魚片皮蛋米線：有鯇魚片皮蛋、豆卜，太座話幾好喎。凍奶茶：黑白奶茶，奶味茶味都淡，未合格。熱杏霜：杏霜味都淡，因不足料所致。餐後總結味道：飲品料少過淡，米線食物質素不錯。環境：一般舒服。服務：中規中舉。衛生：食物新鮮，枱椅地上也清潔。抵食：算便宜的下午茶，但一分錢一分貨。

一個人路經這店,被"魚"的題材吸引入內一試,沒有期望的一餐,沒想到卻有驚喜!我點了枇杷豆腐米線,另加$1送熱飲(新張期內的優惠),待應送來時,看到奶白色的湯底,實在很驚喜,嘗一口魚湯,味道清而不淡,魚湯很鮮不腥又夠熱,讚! 不得不提提其米線,很滑又彈牙,只是魚湯的味道沒浸入米線中,不過連湯吃已夠好了! 配菜方面有豆卜和鮮冬菇,豆卜跟普通的一般無異,冬茹卻是另一驚喜,又滑又鮮,想不到跟魚湯是如此的配! 雖然有驚喜,但也有失望,就是枇杷豆腐,不說也不知自己在吃枇杷豆腐,有點懷疑是來錯了魚腐,下次還是試試其他餸菜吧! 最後,我把整腕米線連湯一滴不漏吃完。總括而言,十分滿足又健康的一餐,$25元還想怎樣呢!

食晏時路經此店便進去試試新嘢,點知一試難忘呢度0既米線彈牙,最緊要係個湯底真係好正,佢清得黎又唔會比人淡貿貿的感覺,我試過幾次,我飲過d湯之後都唔會口乾,讚!!!但係都有嘢要彈0既.第一,食lunch的時間可謂係水洩不通,大家分分鐘要撘枱(我無乜所謂),而且全部員工都好似打仗咁做嘢,好有壓迫力,令人食得唔係太開心....第二,個度d豬扒好明顥用咗鬆肉粉,好大味.......大家記住要叫順德魚餅呀,魚乜魚乜就好食啦......

因為一張宣傳單張,才知道開左間新o野。上個食評說lunch來,都幾多人。今晚七點鐘,無乜人噃!揀左魚腐,枇杷豆腐公仔麵,先試試,說道「味精bye bye」的魚湯,第一二啖幾好,再食吓食吓,好咸喇!!魚腐幾好食,但枇杷豆腐就差咯!何來豆腐?只係加了蝦乾,跟本是100%唔彈牙的鯪魚球,好實,very no good!每樣「腐」都有四粒,真係咸到脷都醃/o拿痛埋!豬潤牛肉泡飯,初時以為湯味一樣,原來加左豬潤,卻味道帶咁香,不過都係咸。我睇豬潤煮到o岩o岩熟,唔鞋口。牛肉被梳打粉醃到粉粉顏色,唔知點解都係韌喎。哎左碟油菜,菜心,一d都唔油,欣賞!新張期間,加$1有熱飲,當然試即磨咖啡啦!賣相好像樣,嘩!好苦!攤凍左,似乎rich左,不過都係苦+微酸。我諗如果下次食,都係試吓快餐飯、厚多士喇!

同事告知附近新開左一間米線,今日lunch咪去試下囉, 嘩!都幾多人吓!坐底睇下個餐牌, suprise竟話味精byebye, 揀左我最鍾意嘅豆卜,魚腐和冬茹,都唔錯. 特別係魚腐, 非常正, 彈牙, 望真D原來加左D豆腐係裏面,問下老細係咪佢就笑騎騎叫我黎多幾次咪知law....最後望下有咩飲先,奇怪,有部即磨咖啡機係度gei...叫左杯, 果然新鮮香味濃, 老細真係有d 偈.......下次試幾款再向大家報告la