漁場台風

營業中

休息中

好耐之前有幫襯過午市先有既沾麵同燒海蝦味豚骨拉麵，記得燒海蝦味係幾惹味。今晚諗唔到食咩就突然諗起尼間拉麵店。魚介豚骨拉麵($78)拉麵係粗身個款，偏硬。叉燒有一塊，厚度適中，我個塊叉燒有三分一實在太柴，好難咬得開，但剩返個部分既叉燒係好食既。至於湯底既魚介味道我個人就麻麻。我諗都係燒海蝦更符合我口味。(個人口味：3/5)鰹魚味豚骨拉麵($83)+半熟蛋($15)湯底係普通魚湯，無乜特別。叉燒略嫌太硬。原隻半熟蛋咬落去既口感好正，充滿蛋味。麵質ok。食食下，"友人"先發覺原來佢係唔鐘意鏗魚碎，不過整體都ok。(個人口味：3.3/5)

荃灣台風係我最喜愛的拉麵店。旺角開左一間姐妹店，一定要支持。「漁場台風」同「台風」有唔同，漁場日間只賣沾麵，晚間只賣湯麵。漁場店面比荃灣店大，裝修好有特色，有好多日本明星、動漫公仔擺設，感覺更加輕鬆自在。  魚介豬骨沾麵 一碗係沾麵、溏心蛋、紫菜同檸檬。另有沾汁有叉燒、蔥、冬筍等配料。沾汁魚介味香，豬骨中有魚介香味，濃杰度一般，以拉麵湯黎講係超水準，但以沾汁黎講，濃度可略增會更好。拉麵方面，硬度適當，柔韌有彈力，略嫌溫度可以再降低。台風嘅溏心蛋一值都係不錯，水準保持。叉燒切為方型，肉質正常。值得推介係，食到一大半時，店員主動提供熱岩石加熱，即刻為變冷嘅沾汁重新注入熱力，溫度提升唔少，值得一讚。最後加上熱辣辣嘅清湯，提升沾汁嘅清香，都算唔錯。 芝麻沾麵 沾汁再加上焙煎黑芝麻，但味道少有少提香，但未到好濃香程度。 總括來說，台風做拉麵係好出色，出乎意料嘅好，而沾麵都叫有水準，仍未算突出，但熱石誠意可加分。

一直聞說漁場台風評價不錯，但一直未有機會試！適逢昨晚在旺角等睇戲，終於有機會試試佢😍六點到的我，一行兩人，位置仍有很多，不用等位就可以入座喇~燒海蝦味豚骨湯拉麵 (200g普通) $88湯底很夠熱，濃郁的豚骨湯充滿櫻花蝦的鮮味！粗身麵條掛湯力強，不過200g原來對我來說有點多，幸好有大食男友喺度幫忙分擔😌；半熟蛋味道也恰到好處😋；筍爽口冇壓味；還有健康菠菜絲⋯⋯美中不足就是那塊不夠軟熟的叉燒了！/至於男友的鰹魚湯也相當濃郁，帶鰹魚獨特的煙薰香 。/整體而言也相當不錯👍🏻是有心的小店 必會encore~希望下次中午來試試沾麵🤤

呢排忙到都無時間出街食野，難得撞正佛誕假，星期日終於都有得出去食野喇~封哂塵既waiting list又可以出動了！ 今次揀左我收藏左好耐既 日式拉面店 -漁場台風。鋪門好特別好易搵，最貼切形容我會講係好有激安之殿堂d色彩~ （本身驚勁多人排，好彩今日母親節，少人食拉面姐）一入到鋪，裝修基本係日本吧枱格局，但就牆身貼滿客人食評（全日文日文睇5明），又人手畫既漫畫feel公仔，配動漫日戲日劇歌同掛住既一串串櫻花，以排山倒海之日系特色包住你，我幾鍾意。好講完環境，到食物了。一共4款，魚介、櫻花蝦、鰹魚同沙甸魚！? 有得加面揀濃度，幾好，而俾女友既教育下，小弟最後揀左都同佢樣咩都濃同多既蝦湯，佢就叫鏗魚。等食。等左約15分鐘，野食黎，都幾大碗，賣相滿意，有排過，good ar。首先，蝦湯飲落好香蝦味，濃度好夠，絕無打芡，係真煮到咁濃，味道5油而且濃稠度都掛到少少上面，係我愛既湯拉面類；同場有荀（不臭，正）、紫菜（當然索到湯，但一上枱已軟左哈哈）、糖心蛋（生熟剛好，甜）及櫻花蝦（就櫻花蝦丫好味，份量剛好），叉燒（大大塊，但肉較老，美中不足）。整體好好食！湯底係靈魂，有美味濃厚靈魂湯拉面。另一個

琴日同好姊妹喺旺角行街，想搵野食到處都係人要排隊，跟住就行吓行吓行都偏遠少少，嚟到呢間拉麵鋪。店員先會比張紙我哋填好想食乜然後再安排入座。。我就同朋友揀咗一個燒蝦味肉豚肉拉麵同堅魚味豚肉拉麵。。ps：：我實在太貪小便宜啦，見到面嘅份量150g同200g都系一樣價，就簡普通，但原黎真系好多，我飽到行吾郁！燒蝦味，原黎就系櫻花蝦，撈埋啲面好香👍兩個面都有配料，半熟蛋真係好好味！下次會再加份量😊叉燒大大塊有2塊！兩個湯底都十分之濃，我覺得有少少咸，下次可以叫醬汁少量。。但都好好味！鋪頭貼左好多日本卡通手繪畫，給客人意見。。感覺真係好似去咗日本餐廳咁！😆

呢間係我食得最多次嘅拉麵，平時下午提供沾麵，晚上提供拉麵。先講下沾麵先，價錢方面非常之親民，只係80幾蚊就有一個沾麵。我最鍾意嘅湯底係蕃茄魚介湯，酸酸地又有香味，好易入口。作為一個大胃王，平時我都係叫較少份量嘅面，因為佢哋嘅面真係分量非常多，我諗男仔叫正常份量都已經會覺得好飽。值得一讚嘅係佢哋可以轉配菜，例如筍可以轉叉燒或者糖心蛋。如果沾麵既湯凍左，仲可以叫店員幫手加一粒熱石入去啲湯度，個湯即時暖返晒，好貼心啊。拉麵方面，我就覺得冇沾麵咁吸引，係好濃嘅拉麵，我覺得如果面可以有返啲就好啦，叉燒好林好香抵讚。店舖嘅設計好貼心，腳下面有一舊嘢俾人放腳，如果見到女仔唔紮起頭髮，仲會主動俾條橡筋添。

以前成日附近搭小巴 見到呢間拉麵店覺得好有趣 好似以前既日本文化屋 有扭蛋機 有漫畫 有動漫歌今日第一次幫襯 試食沾麵 一打開門就係激情動漫歌 好有回憶 周圍都係動漫海報漫畫 好歡樂廚師侍應都係用日文溝通 好有禮貌 食物選擇唔係好多 我揀左魚介豚骨沾麵 湯比我想像中稀一點 湯不太掛麵 但味道不錯 下次會試大量醬汁 濃一點可能會好吃一點 由於上個禮拜試左麵屋一燈 覺得呢度性價比好高（一燈＄148 呢度＄83）會再黎  

今天天矇矇，雨飛飛，心情也難免受到影響。可幸明天放假，於是想LUNCH輕鬆一點，趁有事需要過來旺角辦理，想著找一家好一點的餐廳解決午餐。馬上想起來的就是這間幾乎成了我拉麵食堂的漁場台風，平時都是夜晚來吃的，午餐光顧還是第一次。其實他的位置算是相當方便，由地鐵站步行5分鐘就可到達。今天大約中午12:15到達，可能時間尚早，不需要等位。平時夜晚收工過來，需要等位15-30分鐘。非夜晚時段，這裡沒有拉麵，只有沾麵可供選擇。因為今天沒有我一向喜歡的櫻花蝦口味，所以只好點了魚介豚骨沾麵。我一向不太喜歡拉麵的叉燒，這裡非常貼心，叉燒可改為糖心蛋、荀或紫。他的麵底粗和彈牙，汁不會太濃，正是我喜歡的口味。今天我坐在了開放式廚房附近的位置，聽到店員和拉麵師傅全程以日文對答，拉麵師傅應該是日本人。今天的沾麵沒有令我失望，如果日後想在旺角吃拉麵，他一定是我的首選。

又到星期日，又係搵好嘢食嘅時候。🥰旺角一般都係大街食貴又唔好食既小店連鎖食店，搵咗好耐都諗唔到食乜嘢。突然醒起旺角有間拉麵長期都有人排隊，排隊就應該會好食啦就決定去食啦。去到門口已有五六個客人等位，仲諗住有排排點知10分鐘唔使就已經安排入座。排隊時職員已派點餐紙，仲有扭蛋機玩添。🤩因為從未食過沾麵所以我地兩個今次嗌咗多湯。麵底似油麵但比較有咬口，湯好多好濃，食落去第一啖己有驚喜。但唔知道係湯太濃嘅關係食到一半開始有啲濟，魚湯同蕃茄湯麵好濃郁但油左小小，仲有半粒流心溫泉蛋添。正常食量唔加底其實已經好飽☺️幾滿足。

這晚與朋友相聚，兩個男人原本想去食台灣菜，結果又走了去快富街近秀茂坪小巴站附近搵食。意想不到旺角鬧市中，竟然有家日本風如此重的拉麵店。舖子小小的，晚上7時全院滿座；等候需時，侍應貼心地給我們先點菜，節省不少時間。牆身滿滿都是客人對食店的意見，似是走到漫畫店中店中的拉麵只有四款，最後小弟選擇了燒海蝦味豚骨拉麵由於小弟要求大量醬汁，湯底較「杰撻撻」，濃烈的海蝦味湯底陣陣芳香傳到我的鼻鋪在拉麵上的櫻花蝦，脆卜卜的與湯底相互配合。半肥瘦叉燒更是點題之作，非常香口。至於半熟糖心蛋，因長時間浸淫在海蝦味湯底中，軟淋淋散發著蛋香與海蝦味最後，拉麵夠幼身、彈牙，麵底雖是200g，但似是比其他拉麵店的份量為多。聽說該店午市只做沾麵，不做拉麵，有機會一定在下午時份一試！

香港風既熱石沾麵店☺️一入去就會見到店入面充滿手繪海報好有心思👍🏻呢度亦都做得好專：中午食就只有沾麵/夜晚食就只有拉麵🍜今次中午黎就試左蕃茄櫻花蝦同濃厚黑芝麻湯底，蕃茄味唔太假又唔太酸，加埋櫻花蝦仔乾又幾香蝦味😋黑芝麻湯底叫左一般程度既濃到就唔夠香，硬係差左少少咁👉🏻👈🏻去唔到濃香既滿足位，下次要叫濃味先可以！好少拉麵店可比你轉/換/走佢原先既指定配料🥺但呢度竟然可以😍正呀😍咁我一定要將筍轉做半隻糖芯蛋😎✌🏻😊而呢度既湯唔夠熱的話也可以叫職員幫你加兩粒熱石落去啲湯到😋見到啲湯熱到出晒煙起晒泡咁🔥個人都零舍興奮🤣🤣🤣同一個湯唔同既溫度係會有唔同既味道😛拉麵同沾麵一樣熱湯既重要性是很高的！佢呢度仲好貼心咁有得比你簡熱定凍既麵底，為左試試佢凍麵底夠唔夠彈牙就先試左個凍麵先😂試完發現簡熱麵底都應該分別不大🙊下次就食呢個熱麵啦！

越來越多店賣沾麵，面目開始模糊，除非是名店過江或很有gimmick，否則很難留下印象。像旺角這間漁場台風便夠聰明，晚市只賣四款拉麵，午市則變身沾麵店賣三款沾麵，還要是可加入熱石的沾麵，只聽名字已引起不少貪新鮮的人的好奇心。一口氣試勻三款沾麵，原味的魚介豚骨沾麵 $83。沾汁魚介味非常濃，配上因過了冷河而變得更爽滑的麵條味道剛好，再擠一點檸檬汁進沾汁再吃，即時提鮮了不少！叉燒是厚厚的豚角，偏瘦卻夠腍又夠入味，溏心蛋醬油味香，但賣相不夠好，紫菜則略嫌太細塊，加上上桌時已不脆了。再試魚介豚骨烘焙黑芝麻沾麵 $85，沾汁加入大量烤過的黑芝麻，芝麻味很香很突出，與魚介豚骨沾汁亦合拍，愛芝麻的人必定喜歡，每位吃沾麵吃得差不多的客人店員都會問是否需要加熱石，原來熱石自日本直送，經燒過後達200度。試試加進沾汁，沾汁像是復活一樣再次熱起來，像在吃另一碗新端上的沾麵。最後吃魚介豚骨蕃茄海蝦沾麵 $88，番茄味慢慢自口腔滲出，沒想像中濃，但淡淡的清酸與蝦的鮮甜中和了魚介豚骨汁的鹹膩，很開胃，大量的櫻花蝦也令口感豐富了不少。當然個人認為熱石這回事還是gimmick成份居多，大慨是吃麵速度很慢的人會覺得實用吧

朋友推介去食漁台拉麵， 聽就聽過個名，但係一直都冇食過。🙊我哋七點左右去到唔使排隊就有位。👍 (到我哋七點九左右食完嘅時候就好多人排隊) 鋪內氣氛好熱鬧，鋪位細細，但係都坐到幾多人下，坐位大部分都係bar枱位。佢唔係好多款拉麵，所以點菜都係自己喺張紙上面寫。 好細心咁 可以畀客人揀面同醬汁嘅份量，同走唔走蔥。👍長相片貼滿咗好多客人意見， 一路食一路睇或者討論人哋寫乜嘢都幾好。😂我叫咗鰹魚味豚肉拉麵 (普通面量，普通汁) 上菜速度超級超級快(同friend 講兩句就到。我諗我等咗兩三分鐘左右就已經到) 味道方面，湯底好濃郁👍 但個人就覺得食落口感麻麻地，因為佢有好多“鰹魚粉“， 好多一粒粒嘅感覺。 另外覺得佢拉麵唔係好掛汁， 適合用匙羹伴住湯甘食。普通嘅份量啱啱好👍覺得最好味係隻蛋。😍

夜晚都知道已經有好多人排隊但係都係想推介晏晝係食沾麵夜晚去食拉麵之前淨係夜晚黎今日晏晝經過就入咗去食沾麵店員溝通都係用日文感覺真係好有日本感覺麵質非常彈性另外湯底仍然係好有心淆製嘅魚湯食得出好有心思長相見到好多食客畀嘅comment佢真係貼出嚟好嘅話嘅都有 每個留言都有回應畀返佢寫出嚟真係唔係間間都做到

每隔一排就會好想食拉麵/沾麵   平時撘車經過成日見到漁場台風個招牌  見今日下午有空檔就去食個lunch  雖然係lunch hour但等左無耐就入得  一入到去好裝修係日本風格 一早填好表等食  揀左魚介豚骨蕃茄海蝦沾麵 識食麵底一定要揀凍既 夠哂彈牙  講返沾麵汁 蕃茄味唔算好濃 可能櫻花蝦太鮮太香所以蓋過左蕃茄味 但整體成個汁好夠味亦都好掛麵 每一啖都食到啲汁 麵底附上檸檬 加左落麵黎食 好清新亦無平時食既沾麵咁膩  沾汁入面都加左啲叉燒粒 好香燒烤味 亦夠冧  下次夜晚黎再試埋個拉麵