滾餃

營業中

休息中

觀塘駱駝漆水餃小店🥟1. 湯餃 $68個湯係豬骨湯 佢唔算係好濃郁嘅豬骨湯 但清清地 配埋餃子食 可以以佢清甜襯托出餃子嘅美味 唔面會喧賓奪主京蔥豬肉：4隻味入面最鍾意嘅配搭 簡單嘅京蔥香味 加豬肉 juicy多汁蒜芯鮮蝦：蒜粒好香 菜芯粒甜甜地 再加上一隻鮮蝦嘅鮮味 都配搭得幾特別2. 煎餃 $66皮係脆卜卜 介乎於炸同煎之間 但係又唔會太厚皮 包到入面啲餡幾好芝士粟米豬肉：有啲芝士嘅咸味撞粟米嘅甜味 有啲啲芝士拉絲泡菜豬肉：第一次食有泡菜嘅餃子 少少酸同辣 有趣嘅味道3. 雞絲粉皮 $34粉皮爽嫩 雞絲麻醬都足…………………….🌝餃子唔錯 啲味道都幾特別🌚830pm一定要食完走…………………….

一直想食滾餃好耐，見平日早放就黎食下，一口氣叫左唔同口味既餃子。香茜豬肉餃 煎餃8隻 $52鐘意芫茜既朋友一定唔可以錯過呢個，餡料夠足茜香濃郁，加上煎香，外皮脆口好惹味。京蔥豬肉餃 湯餃8隻 $50湯餃比煎餃大隻好多，份量十足，蔥味道非常突出。蒜芯鮮蝦豬肉餃 湯餃8隻 $60 咁多款餃最鐘意呢款，蒜味夠又唔會搶過肉同蝦既鮮味，蝦大大隻口感彈牙。泰式無骨鳳爪 $36唔夠喉加個小食，口感唔錯咬落索索聲，辣香夠又清新，開胃之選。

繼續支持良心小店去到駱駝漆大廈第三期，有一間中午好受歡迎嘅餃子店，因為今日下午茶時段所以就有位坐試一試。店員先給我們每人一碟菜圃，超級開胃惹味絕對要試！雞絲粉皮作前菜，雞絲份量好多，這裏的麻醬是日式芝麻醬汁，味道就比較酸甜，涼粉清爽，加埋一條條工整青瓜絲爽口又好味。芝士粟米豬肉煎餃，芝士和粟米果然是主角，味道最突出，餃子煎得夠香脆，不過就比較Heavy，女仔都係適合食湯餃。蕃茄湯上海麵的蕃茄湯底不是大量的茄膏和茄醬，而是平時家裏煲湯的蕃茄湯，味道很合我胃口，健康又滋味。京蔥豬肉餃超大隻，中間充滿京蔥濃烈的味道，又有豬肉汁，加上湯底清清的！大力推介湯餃。

上次去駱駝漆嘅時候經過一間餃子店見到入面都好多人，所以今次帶個好鍾意食餃子嘅朋友陪我去食下！入到去見到都好光猛，位置都算係寬敞嘅本身七點鐘入到嘅時候都唔算好多人，一點完餐食一陣就好似滿座了。點餐方面都係用QR code，咁就可以慢慢揀嘢食，分別同朋友揀咗煎餃同埋湯餃。附上嘅菜脯都係非常爽口，如果有唔辣嘅菜脯就更加好啦！叫咗個雞絲粉皮，份量好大碗，雞絲同粉皮份量均勻，仲落咗好多芝麻醬調味添。整體嚟講雞絲粉皮清新惹味，雞肉唔會煮得好老，反而有肉汁，肉質鮮嫩。青瓜絲亦都清爽鮮甜。粉皮口感好煙靭，但撈勻芝麻醬同醋之後，就吸收咗芝麻醬同醋嘅味道，食落帶來一陣濃郁嘅芝麻香同酸味，唔會話有種肥膩感。 先上湯餃，我就叫咗京蔥豬肉餃同蒜芯鮮蝦豬肉兩款，都係加多少少錢就可以雙拼，另外湯底方面我就再加錢要咗蕃茄湯，蕃茄湯入面都好足料，除咗真係見到番茄粒之外，仲見到紅蘿蔔，薯仔粒等等，佢好好咁樣切到一粒，所以飲落去就唔使係咁咬啦，飲落去好鮮甜。然後再講講餃子，餃子嘅尺寸全部都好大嚿，差唔多成隻「湯殼」咁大。京蔥餃肉味好濃郁，而且京蔥嘅口感爽口，食落去就豐富咗成個餃子嘅口感。另外蒜芯鮮蝦豬肉鮮蝦都非常大舊爽口，

滾餃係觀塘區都好出名今日收工早小小黎唔駛等位，到我食完1815 門口已經要排隊某啲款只可以煎餃我係喜湯之一 所以都係試湯餃啦*蒜心鮮蝦+香菇粟米 10隻 湯餃 $60本身想試蕃茄湯，但睇其他食評見到三色豆 就直接放棄，我唔覺得個湯要加三色豆落去蒜心鮮蝦，有一大隻海蝦，彈力可口，不過餃子比香菇粟米細隻啲 包法都唔同香菇粟米 正常味道 最安全之選兩款餃都有同一個問題就係豬肉豬肉唔會打到起膠 反而似煲完湯啲湯渣因為啲豬肉好乾好「鞋」呢點我就唔喜歡湯：正常豬骨湯 總括：期望太高，實際有小小失望*店舖位於最入，隔離個台人連電話都收唔到signal

之前嚟嘅時候唔係太多人，就係已經太夜收鋪啦。今日7點鐘嚟到觀塘滾餃 ，等咗一陣就有位啦～店內嘅餃子款式有好多，可以選擇湯餃或者煎餃🥟仲有湯麵同小食㗎～✨芝士粟米豬肉餃芝士粟米豬肉餃煎得好香脆，一啖咬落去就知好足料，清甜嘅粟米🌽加上濃厚嘅芝士🧀 ，口感豐富。✨京蔥豬肉餃子餃子皮薄，而且餡料份量十足！加咗京蔥嘅餃子，食落味道清新香口，配埋豬骨湯底，好好味呀🤤！✨韭菜豬肉餃韮菜嘅份量好多，不過味道又唔會太濃，因為餃子既size都算大隻，漲卜卜好飽滿。✨雞絲粉皮夏天最啱食開胃前菜，雞絲、粉皮同青瓜絲配上芝麻醬，味道一流。👍🏻✨豆漿食餃子再配上豆漿，味道唔會太甜，又有營養！

呢間餃子店係觀塘都頗為出名，位於工廠大廈入面，中午2點幾到都仲坐滿哂。店內有幾位員工即場密密地包餃子，加上店舖堅持用新鮮食材同手打豬肉做餡料，感覺好新鮮。另外，店舖嘅秘製香辣菜脯係比較深色，辣度同普遍嘅相對上冇咁辣，整體來講幾特別幾岀色。—————————————————————🍴 京蔥豬肉湯餃 10隻 ($58) 京蔥豬肉餃係比較少見，好特別而值得一試，每隻嘅餡料都好多，食落每一啖都有豐富嘅京蔥同豬肉，湯底係豬骨濃湯，清甜嘅味道，真材實料，有住家湯嘅味道。😋 美味指數: 8/10—————————————————————🍴 芝士粟米豬肉煎餃 10隻 ($63) 煎餃係即叫即煎嘅，等嘅時間都比較長，入面嘅芝士溶化，同粟米豬肉溶為一體，仲有少少拉絲，而餃皮厚薄適中而酥脆😋 美味指數: 7.5/10—————————————————————🍴 涼拌香麻皮蛋 ($32) 涼拌皮蛋有驚喜，皮蛋晶瑩剔透，而中間係流心嘅，味道少少麻加少少辣，加上濃濃嘅蒜香味，適合大部分人嘅口味。😋 美味指數: 9/10

近排食餃子係一個潮流，午餐晚餐都可以食出色既手工餃子。朋友介紹黎左觀塘既滾餃，雖然係樓上店，但裝修都好有格調。午餐晚餐都好多人，都要排隊。Menu 都有好多選擇，唔同既煎煮餃，配唔同餡料，亦都可配麵條。揀左煎餃雙拼$66韭菜豬肉餃蒜芯鮮蝦豬肉餃煎餃最正係可以揀雙拼，幾隻味都可試到，韭菜當然係必叫既餡，蒜芯鮮蝦非常有驚喜，好似食緊蝦餃春卷餡既餃子，好特別，唔錯。香菇粟米豬肉餃湯餃8隻，豬骨湯配上海麵$56湯餃外皮唔會太厚，餡料十足，湯餃啖啖肉，香菇粟米必食，加埋上海麵一定夠飽，豬肉湯夠晒濃郁。煎芝士粟米豬肉餃8隻$55加左軟心芝士，粟米豬肉好有口感，煎得香軟。食完明白點解咁多人排隊，性價比真係好高。飲品方面，揀左豆漿$10，甜度適中。第一次飲紅茶花伝$10既玻璃樽裝檸檬紅茶，味道比膠樽裝更好更fresh，推介。

店裡的裝潢簡潔明亮，氣氛親切。由於小店收八點，七點去到已經滿座，人氣極高泰式無骨鳳爪 $36份量十足，看起來十分誘人。爽口的口感和微辣的味道瞬間填滿了我嘅味蕾，正！湯餃雙拼 10隻 $68蒜芯鮮蝦豬肉，京葱豬肉餃湯餃的湯汁清甜鮮美，餃子的皮薄餡多，鮮蝦彈牙，配蒜芯係幾新穎嘅配搭。京葱食落味道清甜，幾好食！煎餃雙拼 10隻 $74選了蘑菇煙肉芝土豬肉飯同黑松露芝士豬肉餃覺得係似炸餃子，餃子表皮金黃酥脆，餡料豐富，肉汁豐富，芝香緩緩滲岀，黑松露入口有著濃郁的香味，細嚼慢嚥，回味無窮。滾餃的食物味道出色有水準，而且價錢相宜，唔怪得咁受歡迎。

今日係觀塘上堂，所以又黎食餃子啦！必試必食泡菜豬肉餃，呢個係我每次黎一定點嘅～呢間小店啲餃子好出名，皮薄落足餡料。配合辣味菜脯勁爽口，正正！而湯底我選左豬骨湯清清地甜，美味。下次會叫埋朋友黎試埋其他餃子先。小店仲有其他口味餃子都有成十款左右，又有煎餃，佢地亦都有賣生餃子(每日限量，最好打電話訂定)我通常六點幾就黎到堂食，walk-in有位，不時都有客黎取生餃子，可見都幾受歡迎。滾餃 Boiledumplingss觀塘開源道60號駱駝漆大廈第3座9樓K室

滾餃 @boiledumplingss 📍：觀塘開源道60號駱駝漆大廈第3座9樓K室🚗：觀塘地鐵B2出口 步行5分鐘📞：+852 5175-4880💲：~HKD44-64/head for lunchFood quality✔️：湯餃蒜芯鮮蝦豬肉、京蔥豬肉雙拼、菜脯👌🏼：煎餃黑松露芝士豬肉、蘑菇煙肉芝士豬肉雙拼、豆漿總結：😋觀塘應該係計太子區外最多餃子🥟店嘅區域 話實話都食過唔少間 但呢間真心值得推薦 我個人一向偏向煎餃多過湯餃 但呢間係湯餃出眾過煎餃幾多下 值得排隊一試😋最招牌就係蒜芯鮮蝦豬肉同京蔥豬肉 當中蒜芯再高質啲 佢啲餃子偏清新口味 配料都唔算好常見 但食得出新鮮嘅 湯都唔行 足料濃味 高分嘅湯餃👍🏼😋話明係手工就唔係掛羊頭賣狗肉嘅 現場有兩位姐姐即場瘋狂包 好有誠意😎😋京蔥豬肉其實幾好食 加咗京蔥係清新好多 但淨豬肉有啲單薄 可以再多加調味🙏🏼😋值得一讚係菜脯好好食 爽口脆身 但真係好辣😂🤔️佢啲煎餃係非常家庭式嗰種 但我成日有得食反而唔覺得驚艷 同埋佢煎得唔夠脆 煎餃就肯定配芝士就最夾 但芝士拉絲效果同整體配搭都麻麻 味道平庸啲 但都唔錯嘅☝🏼🤔️以觀塘區餃子店嚟講呢間性價比偏

/🥟滾餃觀塘工廈手工餃雙拼湯餃8隻 $52✨蒜芯鮮蝦豬肉餃 8/10新鮮配搭嘅一款餃子！每粒都有隻大大嘅蝦係入面，加埋蒜芯，成隻爽脆口感。整體偏咸，但係好香，係好食嘅！而餃子皮好滑好滑比起其他店，又唔厚，可以睇到啲餡料(⁎⁍̴̛ᴗ⁍̴̛⁎)！✨泡菜豬肉餃 6.5/10呢款相對比較普通，但味道都唔錯嘅，所用嘅泡菜唔會過酸，有少少辣味，食落都開胃~不過啲餃未去到好大粒好飽滿，8粒嚟講可能唔太夠(˶‾᷄ ⁻̫ ‾᷅˵)下次會叫10粒應該滿足啲！而湯底都幾好飲，未算好多味精搞到好口渴。偷影埋人啦嗰碟煎餃，睇落都幾脆，又唔會燶咗，叫黑松露芝士應該幾正！但煎餃好油一個人食唔到咁多🥹因為搭枱，影相有啲尷尬🗿影到好醜🤣現場會見到啲姨姨包緊，唔怕佢唔新鮮啦！-餃子嚟講，未去到我top1，但係去到觀塘又想清少少，絕對會再食！味道口感整體都幾好🫰🏻-♡ May 2023◆◆◆◈◇-#yat2sik3_觀塘 #滾餃 #觀塘美食 #觀塘工廈 #hkfoodie#ktfood#hkig#hkcafe#hkfood#hongkongfood#香港餃子#觀塘樓上鋪 #餃子 #豬肉餃

觀塘駱駝漆3期真係好多食市，今晚放工專登去食餃子，餃子控的我每一間餃子餐廳真係要試吓先得了🤣滾餃的餃子每日新鮮製作，全人手包餃子，仲有自家製辣菜甫。美食推介：💛蒜心鮮蝦豬肉餃拼韮菜豬肉餃：這兩款餃子選了湯煮，蒜心鮮蝦豬肉餃無得輸呀，每隻餃子都有一隻蝦，而且蒜心同豬肉餡都非常夾👍🏻👍🏻韮菜豬肉餃，韮菜味香濃，餡料十足👍🏻絕對是餃子界的No.1👍🏻💛芝士粟米豬肉餃拼京蔥豬肉餃：這兩款餃子選了煎，芝士粟米豬肉餃整個餡料都非常夾，煎餃香脆，京蔥豬肉餃咬一口非常爆汁，京蔥香口，餡料足夠👍🏻好食👍🏻💛另外，每款餃都加配了烏冬，蕃茄湯底清甜，配以餃子一起食，有解油膩嘅感覺👍🏻💛泰式無骨鳳爪：酸酸辣辣的泰式風味鳳爪，非常清新好食😋*食物質素好👍🏻👍🏻👍🏻👍🏻

作為餃控，夠膽講全觀塘最好食嘅餃子一定係滾餃，開頭買過生餃已經一試難忘，開咗觀塘店之後一個月都黎幾次。心水之選係蒜芯鮮蝦豬肉餃，鮮蝦大大粒，見到原隻包咗落去，重點係蒜芯保持到爽脆，索索聲又多汁，非常之香，湯底都唔頹。芝士粟米豬肉煎餃都係次次都叫，粟米夠甜夠水潤，芝士真係有奶香鹹香，煎到脆卜卜冇得輸。最近食經典款韭菜餃都好滿意，個包法都唔同啲，更加有啖啖肉嘅快感，好香口。 嚟到一定會怒點陳醋，自家製菜莆都好惹味，同煎餃襯到絕。雞絲粉皮大大兜好足料，冇諗過手撕雞同粉皮比例近乎一比一，芝麻醬都俾得好足，如果粉皮可以撕得細啲，冇咁大塊就更好喇。

今日黎到觀塘附近做嘢，發掘吓觀塘美食。喺觀塘地鐵站B出口，步行約6分中就到。有特色的設計。店員門很努力地包餃子！睇得出嗰份用心製作。湯餃(雙拼〕10隻 $52+8蒜芯鮮蝦豬肉、韭菜豬肉餃（豬骨湯）＋米線值得推介的，蒜心鮮蝦豬肉！鮮蝦非常彈口，亦都非常新鮮，鮮甜美味，皮薄餡靚！韭菜豬肉的韭菜非常多，豐滿了整個口腔。豬骨湯底是自加制 無添加味精的湯，非常清淡。煎餃(雙拼〕10隻 $58+8黑松露芝士豬肉餃、蘑菇煙肉芝士豬肉餃首先要講吓佢個皮煎得非常靚，仲會好煙韌。黑松露芝士，非常香濃，鍾意食黑松露嘅人必點！ 蘑菇煙肉芝士亦都不錯 蘑菇餡料很多 菇味好濃烈🤩我不自覺地一口一口哋吃下去。涼拌肉鬆皮蛋豆腐 $38天氣熱吃一口涼拌小菜，滑溜的豆腐，配上自家製的醬汁，以及肉鬆和皮蛋，是很夾的。第一次這樣吃，原來很好吃，是一款特別的菜式🥳自家製的辣菜譜點上醬汁。 🥰飲品點了 紅茶花伝 & 檸檬紅茶。不過不失。推介指數：⭐️⭐️⭐️⭐️⭐️