影片
營業時間
今日營業
12:00 - 15:00
18:00 - 23:30
星期一至日
12:00 - 15:00
18:00 - 23:30
以上資料只供參考, 請與餐廳確認詳情
呢間日式居酒屋共有兩分店，於文苑街的老店更是開業25年之久，這間德成街分店則開咗8年，同樣由老闆親自打理，老闆娘又熱情健談，成間店充滿人情味。裝修走昭和風格，掛滿燈籠同復古畫作，幾有氣氛。餐廳主打每日飛機貨，串燒、鍋物、天婦羅同壽司都做得唔錯，適合兩口子或者一班朋友放工聚吓。多人聚會可用VIP房仲可以按預算同口味訂製菜單，真係相當貼心。今時今日仲可以有咁親切服務態度嘅小店，絕對值得支持。富士山火焰帶子燒 $198必食招牌菜之一，老闆娘自創之作。上枱時會用火槍炙燒，視覺效果十足。帶子大大隻，面層金黃，裡面夾住蟹柳、明太子同蒸蛋，口感 creamy，似茶碗蒸但冇咁滑，但口感及味道都唔錯。海膽戀之花壽司 $138賣相精緻，海膽鮮甜唔腥，三文魚油潤肥美，飯粒握得剛好唔散。整體味道平衡，creamy得嚟唔膩口。濱松町卷 $138一客六件，每件面層鋪咗唔同魚生：劍魚、鰻魚、三文魚、北寄貝同魷魚，色彩豐富似彩虹，賣相已經令人食得開心，打卡影相一流。安格斯牛肉壽喜燒定食 $138份量十足，牛肉鋪滿面，湯底清甜唔死鹹。牛肉有嚼勁同濃郁牛味，配料有娃娃菜、冬菇、金菇、豆腐及粉絲等，煮得入味。但呢個壽喜燒無跟飯，需另外加。清酒煮蜆 $88 湯頭有淡淡的酒香味，更突出到蜆嘅鮮甜，適合鍾意清淡口味嘅人。
繼續閱讀
去了這間日本料理。其實早幾年前經過這間日本料理亦都食過，已經很喜歡，想不到幾年後仍有機會再食。馬上打電話入內訂枱，店員人很好，馬上無條件幫我們訂了9時15分。結果我們早了一點到，9時便入去，店員也很歡迎我們，讓我們很感動。入到去，全店只有我倆，他們讓我們二人座四人卡位，手提袋又可讓我們放在另一張枱上，給我們很大的包容度，實在太貼心了。此舉讓我們座得很安心舒適，亦有滿滿感動。結果我們點了一個超值料理二人前。700元左右，食得很豐富，有先付，雜錦刺身沙律，空運刺身，三點二切，有三文魚，貫盛，一品料理，香蔥拖羅蓉手卷，章魚棒大阪燒，蒜片和牛角切#主食，廣島石蠔鍋和手打稻庭烏冬。先說刺身，切得很厚，三文魚油脂滿滿，油香好好吃，大滿足，不會覺得腥或油，我太喜歡了。三文魚以外還有另一款白魚亦很不錯。它的脂肪明顯比三文魚少，適合喜歡吃食物不太油的人。刺身蝦亦十分新鮮。蝦腸清洗得很乾淨，這方面我很欣賞，食物安全和衛生向來就是很重要。沙律菜開胃，醋味我很喜歡，酸味恰到好處，不會過搶，拿捏得很好。沙律菜亦十分新鮮爽脆，還有魚生粒粒，用的是三文魚腩刺身，精緻矜貴又好吃。章魚大阪燒亦很有趣，吃起來有點像日式的章魚糕。木魚花飛舞，加上充足的沙律醬，挺喜歡這道小食。接著是吞拿魚腩手卷。店員親切提點紫菜要趁脆口時趁快吃，否則會變軟，是很有用的資訊。態度相當友好。紫菜又薄又脆又香，味道一吃便知新鮮。吞拿魚茸和蔥香也吃到。配的不是白飯，而是調過味的醬油飯，與別不同，更顯心思。然後是鐵板蒜片牛肉。蒜片金黃香口，又薄又脆而不過火，難得。牛肉剛好五成熟。吃到和牛的油脂香和嫩，蒜片也吸收了和牛肉汁。是好吃又儀式感滿滿的一道菜。主角蠔鍋終於登場，加熱著上桌，很有氣勢，排得很美，蠔足足有四大隻，真豪華，煮得剛剛好，爆漿，好嫩，好juicy, 超級滿足。湯定清甜，鍋中還有軟滑的烏冬，吸盡湯底清甜味道的粉絲和紹菜，好吃。甜食有焦糖奶黃布甸和日本啫喱。最後我點了一個滑滑的焦糖布甸。可選啫喱或大福。店員大方讓我們二人各選一款。我朋友選了橙啫喱。試到兩款都挺不錯的。我個人比較喜歡啫喱那款的味道。最後因為吃得太飽了，塞不下而問店員取了打包盒，店盒或親自幫我們將食物放入盒中。進食過程中又密密幫我們換水和收拾器皿，展現滿分的服務水準和態度。食物亦很不錯。下次一定再光顧。
繼續閱讀
如果佐敦老街坊，應該對呢個名唔陌生，呢間居酒屋話晒都有超過廿年歷史。今次去佢地分店，亦都開業一段時間。由裝修格局到食物，都充滿居酒屋既風味，仲有老闆親自主理富士山火焰帶子燒初時以為係普通燒帶子，上枱時係另一個感覺。底部點火呈現火焰效果，打咭當然冇得輸。裡面唔止淨係帶子肉，混合蟹柳同名太子，加上微焦，口感豐富又creamy，而且好飽肚。黑豚生薑燒黑豚肉中有濃厚既薑味，不妨連埋沙律菜一齊食，同清新口感作強烈對比。海膽戀之花壽司 (德成街店限定)花之戀壽司鋪上滿滿海膽，令整體更飽滿，賣相更吸引。濱松町卷 (德成街店限定)以三文魚，吞拿魚，左口魚等不同魚生創作卷物，精綴又富色彩。安格斯牛肉壽喜燒份量比想像中還要多，壽喜燒湯帶微甜，豐富牛肉，加上豆腐，冬菇、金菇等不同食材吸晒湯味。
繼續閱讀
我朋友帶我來德成街呢間10年老店餐廳，附近好多居民都會來食，真係好受歡迎。老闆好親切友善，令人感覺好舒服💖他們有本店25年係苑街，提供多款招牌菜式，每日新鮮飛機貨，老闆親自主理，真係好有人情味嘅居酒屋😄我朋友帶我來呢間餐廳，附近好多居民都會來食，真係好受歡迎。老闆好親切友善，令人感覺好舒服💖快啲約埋朋友一齊嚟試下呢啲美食啦，保證你會愛上呢間居酒屋🍻✨石狩廣島蠔鍋有三粒肥嘟嘟好飽滿嘅蠔，煲底嘅湯好清甜，充滿咗好味！另外仲有啲菜豆腐同冬菇，真係好滿足🦪✨博多黃金屋呢個好特別啊，原來係日本嘅甜蛋包住蝦餃，跟住炸到金黃，再點蟹籽的沙律醬，甜甜地但又鹹鹹地，食落去超級好味🍳✨富士山火焰帶子燒成粒帶子切咗加埋明太子粒同其他海鮮造成嘅沙律，明太子口感好爽，最正係佢會喺你面前點火，香味瞬間爆發🔥✨海膽戀之花壽司 (德成街店限定)三文魚同埋海膽都好新鮮，味道絕對唔會令你失望🍣✨濱松町卷 (德成街店限定)呢個有六款唔同嘅味道，仲已經加咗飯同調味醋，真係好有驚喜🍚
繼續閱讀
今晚和朋友去位於佐敦德成街的八年居酒屋老店～"濱松町日本料理‘’晚膳，餐廳裝修充滿日式風格，讓人仿如置身日本居酒屋一樣。🦀松町甲羅燒～蟹蓋內的蟹肉蟹膏燒熟後，原汁原味，鮮味十足。🏔🔥富士山火焰帶子燒～帶子粒粒配上芝士經火炙後，咸香惹味。🐮西班牙芝士巴馬牛肉脆脆～脆片上鋪滿巴馬芝士，風乾火腿及牛肉，香脆可口。🐮🥩🥘牛肉壽喜燒～安格斯牛肉鮮嫩爽滑，搭配豆腐、冬菇，津白及葛粉等，湯底鮮甜。🦪北海煙肉燒蠔～蠔肉肥美，配上煙肉同焗，味道突出。🫓章魚棒大阪燒～醬汁與章魚非常搭配，滋味十足。
繼續閱讀
您可能會有興趣的...