濱松町日本料理

濱松町老闆親招待，得知文苑街的濱松町是總店，已經營廿五年之久，實屬不宜。德成街是分店，亦已經屹立八年多，認真有實力。老闆親自主理，食材是每日新鮮飛機貨，多款招牌菜式，水準如一。跟每台客人都聊得相當投契，難得有人情味居酒屋🏮先來博多黃金屋 $128，由蝦膠玉子做饀料，好味道有創意 👍👍隨碟附上蟹籽沙律醬，一款又靚又好味的醬汁！海膽戀之花 $138，矜貴的海膽，肥美的三文魚，加上玫瑰花造型，高檔好味😋濱松町卷 $138，冠以店舖之名，必然有其特色。多款不同的卷物，共冶一爐。一次過試齊多款不同卷物，完全合乎香港人多款量少的喜好。溫泉蛋沙律🥗 $75，賣相鮮艷奪目，食材新鮮，超醒胃的沙律。巴馬牛肉芝士脆脆 $75火腿鹹香惹味，芝士口感軟滑，加上脆口餅底，多重味覺享受，一口一件，正！安格斯牛肉壽喜燒 $138，喜歡他帶甜的湯汁，牛肉熟透零韌度，一款偏愛的鍋物。熱情的老闆，送上日式甜品兩份，又靚又好味。當然還有那份消失已久的人情味，實在窩心。…查看更多

佐敦德成街🚇嘅濱松町日本料理，呢間超隱世嘅居酒屋真係幾有驚喜✨！呢間分店已經喺度趷立咗超過八年🗓️，主要都係做熟客多，算係區內嘅日料老字號🏮。招牌濱松町卷🍣，呢個六色壽司卷真係好吸睛，炙燒卷物表面淡淡焦香🔥，捲入蟹柳青瓜做底，面頭分別鋪上三文魚、帶子、油甘魚、墨魚、火炙左口魚同鰹魚，六款唔同口感一次過試勻，啖啖都係海洋鮮味💖。松町甲羅燒🦀真係必食之選，蟹膏蟹肉滿滿咁釀入蟹蓋度，份量充足又濃郁，仲可以用脆乾魚片配嚟食。上枱嗰陣侍應仲用火燒蟹蓋底🔥，啲蟹味即刻升級，香噴噴😋，真係視覺＋嗅覺＋味覺一次過滿足晒！博多黃金屋🥚係玉子豆腐夾蝦膠，玉子豆腐🔥炸得非常酥脆，一咬開蛋味濃郁，入面仲夾住彈牙嘅🍤蝦膠，十分之有日本風味！鹽燒油甘魚鮫🐟啖啖肉，魚油香味滲晒出嚟，🧂鹽味調得剛剛好，份量十足又新鮮👏！壓軸嘅蒲燒鰻魚丼🍚都十分之唔錯，肥美嘅鰻魚外皮金黃微焦🔥，入口外酥內嫩、鮮嫩多汁👍，米飯都吸滿醬汁嘅金黃色澤，🤤配搭得天衣無縫！…查看更多

在德成街開了8年濱松町日本料理餐廳，堅持每日新鮮飛機貨運到，由老闆親自打理，以新鮮刺身，製作很多招牌美食，深受食客歡迎。走進餐廳，座位充足。餐廳裝潢滿有日本文化氣息。日本料理餐廳食物款式一應俱全，如沙律、刺身、壽司、燒物、揚物、鍋物、御食飯和麵、一品料理等。飲品都以酒為主，都有杯裝啤酒或梳打飲品。巴馬芝士牛肉脆脆 HKD148，薄脆口感脆到即溶感覺，配上芝士和牛肉咸香，加入菜絲增加口感，整個脆脆好開胃。濱松町卷 HKD138，包括蟹籽帆立貝、松露油油甘魚、燒劍魚、燒左口魚邊、三文魚籽三文魚腩、蔥吞拿魚腩，全部配上赤醋卷物。燒過劍魚和左口魚都滿有魚油香味。油甘魚多了松露清香味。帆立貝和三文魚都很鮮甜。松町甲羅燒 HKD180，把甲羅燒蟹膏醬放在鱈魚薄脆一拼吃，咸鮮味非常香濃。甲羅燒醬還加入海鮮肉粒和菌姑粒，增加了咬口感，必吃之選。黑豚生薑燒 HKD118，薑味香濃而𣎴辣，加入洋蔥絲香和姑菌，豚肉肥瘦適中，口感又腍，甜甜醬汁，拌生菜絲好食。石狩廣島蠔鍋 HKD138，追加烏冬 HKD40。廣島蠔口感爽口，最重要蠔味香濃，加上洋蔥、鮮菌和菜，令湯鍋更加清甜，加了粉絲和烏冬，都一樣口感彈牙又飽肚。…查看更多

今日到FD屋企玩，FD推薦咗哩間居酒屋，話佢係老闆親自主理已經開咗8年啲老店。店鋪裝修得好和風，好似返到日本緊。晚市除咗主menu，仲提供多款招牌菜式，好難揀TIM。可樂，氣泡夠足，入口清爽，冰鎮程度啱啱好。海膽戀之花壽司，用三文魚卷住米飯，上面再點綴大量海膽。海膽如奶油般滑嫩入口即化，三文魚柔滑肥美油脂豐富，壽司飯握得鬆軟適中，凸顯食材原味。濱松町卷，一碟六件壽司好似個花環，真係好靚。刺身係每日新鮮飛機貨，帶子鮮甜軟糯，三文魚油脂甘香，燒左口魚邊微微焦香，醋飯調味溫和，酸度輕柔，完美襯托魚生鮮味。富士山火焰帶子燒，又係店鋪招牌菜，上桌後侍應會點埋火，帶子經火炙燒後表面微焦，內裡保持半生熟狀態。醬汁系靈魂所在，蛋黃醬燒焦後嘅焦糖香同帶子好夾，同埋加入好多配料，口感層次更加豐富。安格斯牛肉生薑燒，豚肉生薑燒成日食，牛肉生薑燒係第一次食。安格斯牛肉油花均勻，肉質軟嫩多汁，生薑燒醬汁甜中帶辛，有效提升牛肉鮮味而不搶戲。牛肉食落軟嫩唔韌，洋蔥清甜爽口，平衡咗油膩感。地獄牛舌鍋，牛舌大件好厚切，燉煮得好入味，食落彈牙有嚼勁。湯底香辣濃郁，辣度層層遞進，但唔會掩蓋牛舌本身肉香。配料如豆腐、蔬菜等嗦曬湯底精華，越食越上癮。呢個鍋辣得黎夠醇厚，食完成個人暖笠笠。…查看更多

濱松町隱藏於佐敦德成街之中， 原來已經營8年而位於文苑街的老店更有25年歷史😱門面猶如日式古代建築，店內木系裝潢、座位闊落背景播住日語歌曲，有種穿越到日本的感覺🎎✈️主打每日日本直送海鮮，輕易嚐出食材的優質鮮味🍣海膽戀之花壽司 $138海膽味道口感潤滑，味道極之鮮甜、帶有芒果般的甜味三文魚口感嫩滑細膩、嚐出淡淡油脂味道🤤整體配搭極之美味，食材用料高質，推薦一試🍣濱松町卷 $138炙燒卷物，淡淡焦香風味帆立貝柔軟鮮甜三文魚蓉入口細滑綿密，鮮嫩順口卷物中的蟹柳、甜蛋、青瓜配搭緊密，外加紫菜香味六貫卷物，各有特色😍🦀松町甲羅燒 $180甲羅燒以蟹蓋作為容器，內裡盛載蟹膏與蟹肉🔥即場點燃酒精、焰光四射，加熱同時滿足視覺享受溫熱的蟹膏包覆蟹子與束束蟹肉，鮮味非常配上烤鱈魚乾，口感香脆，滲出陣陣魚香♨️鮮味程度層層提升👍🏻🍱雜錦角切丼 $148頂層以蟹子點綴，粒粒清新爽口🐟混合了數款角切魚生，各種鮮魚味道混合中，各有風味雖然是角切魚生，但口感柔軟鮮嫩，甚有質素珍珠米飯是經已調味的醋飯，酸中帶醇，伴上魚生、令人滿足🥰🥩安格斯牛肉壽喜燒🥘 $138熱辣辣的壽喜燒窩，上菜時蒸汽騰騰安格斯牛肉大片而沾有壽喜燒鹹甜濃味配上蔬菜與粉絲，盡吸壽喜燒湯汁甜味😋🍡最後還贈送紅豆抹茶大福小甜品，為料理畫上完美句號濱松町以小店形式經營，對食材以至料理手法甚有追求在優質的日式料理中，嚐出小店特有的人情味值得推薦👍🏻…查看更多

特色隱世居酒屋🤭 餐廳主打居酒屋料理、每日新鮮飛機貨 有唔少自創嘅創意料理🫶🏻 佢地開咗25年嘅總店喺佐敦文苑街都好出名 老闆親自主理 人情味滿滿～====᪥ 濱松町卷好精緻嘅卷物🥰 每件加州卷上都有唔同嘅刺身 每件都別具心思～ 例如醬燒帶子、火炙左口魚、三文魚籽三文魚、蔥花吞拿魚蓉᪥ 火炙帶子幾似西式嘅焗野😆 味道係千島夏威夷醬咁 然後裏面材料好豐富 除咗帶子仲有蟹柳等雜錦 ᪥ 松町甲羅燒店員即席點火 效果滿分～ creamy嘅味噌蟹膏 配上魚乾 好食😋᪥ 雞軟骨串、鹽燒雞腎串、日本迷你甜薯᪥ 蟹膏蟹肉炒飯最後仲送咗個甜品😆😆…查看更多

唐家姐喺澳洲返嚟，住喺佐敦逸東酒店，帶咗佢去附近品嘗正宗日本料理！餐廳以木系風格為主調，掛上燈籠，仲播住日本傳統音樂,整體感覺舒服,好適合同朋友傾計食飯！呢間店開業8年,而位於文苑街嘅老店更加係開業25年！！！餐廳每日有飛機運送優質新鮮食材，由老闆親自打理，仲有多款招牌菜，係一間充滿人情味嘅居酒屋！✨海膽戀之花壽司壽司放滿鮮甜Creamy嘅海膽，三文魚肥美厚切，擺盤亦都好靚，簡直係人間美味！✨博多黃金屋有驚喜，外層玉子香脆，入面手打蝦滑爽彈鮮甜，配搭埋蟹籽蛋黃醬，真係食到舐舐脷，而且出面食唔到！✨松町甲羅燒 上枱時會點火，打卡一流！蟹肉撈埋蟹膏，味道濃郁,再加埋啲蟹子，配鱈魚脆脆食，層次超豐富，非常好味！✨七味燒三文魚腩邊啖啖肉，魚油豐富，入口甘香美味！✨河豚干好鮮甜，帶有炭燒香味，配埋蛋黃醬更加滋味，送酒一流✨安格斯牛肉壽喜燒 牛肉嫩滑多汁，配埋濃郁壽喜燒醬汁，加上冬菇、豆腐、金菇、娃娃菜等，口感同味道都好豐富，有滿滿既滿足感！…查看更多

放工同朋友嚟咗呢一間佐敦嘅日式料理食飯，呢度裝修都幾日式，坐得幾舒服。我哋兩個人簡簡單單叫咗一個二人餐，入邊啲嘢好豐富。沙律上邊落咗黑松露沙律汁，夾埋佢啲肥美嘅三文魚，令到成個沙律好好食。刺身同埋手卷，佢哋嘅刺身好厚切，而且好肥膩，食得出係高質嘅。不過手卷上面嘅吞拿魚蓉就比較淡味，而且紫菜都唔脆，比較失望。呢個小食換咗大阪燒嘅風格整嘅，係墨魚棒，咬落去口感好似墨魚丸咁樣，夾埋啲醬汁都OK嘅^_^鐵板蒜香牛肉粒，上枱嘅時候熱辣辣，醬汁都調得幾好食，牛肉都煙靭有牛味。煮食就有呢個蠔肉烏冬，蠔有四粒，烏冬份量太多，根本食唔晒，湯底都係比較淡，食唔出咩味最後仲有跟甜品，我哋揀咗雞蛋布甸，不過真係太甜，最後都係食唔晒。整體上二人餐都算幾豐富。…查看更多

原來濱松町有兩間分店，分別係德成街同文苑街，一街係8年，而另一間竟然有25年。兩間店都由老闆親自主理，那股濃厚既人情味，係連鎖店永遠無法複製的溫暖。餐廳每日新鮮飛機貨，今日就有時令秋刀魚。秋刀魚刺身銀光閃閃的魚身帶著通透既粉嫩，入口鮮甜中帶著一抹深邃既甘苦，滿口的醇厚與回甘，係秋季最詩意既味道。巴馬芝士牛肉脆脆牛肉裹著濃郁芝士，在酥脆米餅上綻放鹹香火花。海膽戀之花壽司將海膽的海洋甘甜與鮮甜三文魚完美融合，每一口都是奢華享受。濱松町卷一客六件，每件面層鋪咗唔同魚生：油甘魚既柔軟、三文魚既豐腴、魷魚既爽脆同吞拿魚蓉既鮮甜，用料豐盛，層次分明。七味燒三文魚腩邊選用三文魚最精華既腩邊部位，此處油脂豐沛如雪花分布。師傅以高溫炙燒，逼出多餘魚油，令魚皮變得金黃焦脆，甚至帶點黏口的膠質感。油脂逼出後香氣撲鼻。…查看更多

朋友帶我去佐敦佢屋企附近呢間「濱松町日本料理」，居酒屋格局好有氛圍，每樣菜都有特色～富士山火焰帶子燒：一上枱就勁吸睛🔥，火焰撲出來嗰下成間鋪都聚焦晒！奶油醬汁勁香，帶子、蟹柳、明太子、洋蔥同蒸蛋一齊咬落去，口感層次豐富🤤鍾意海膽嘅朋友一定要試海膽花之戀，滿滿海膽鋪喺上面🐚，鮮甜creamy，食落去幸福感爆棚～仲有德成街限定嘅濱松町卷，六款卷物每款都有唔同魚生🍣，一次過滿足晒幾個願望！安格斯牛肉壽喜燒都好正🥘，牛肉嫩滑入味，豆腐、金菇同蔬菜吸曬湯底精華，湯底香甜到想飲晒佢～章魚棒大阪燒煙韌彈牙🍢，淋上香甜沙律醬，仲有三文魚蟹籽沙律🥗，清爽開胃，成餐飯食完好滿足！…查看更多

老牌居酒屋有唔少原創料理🏮。不過最重要唔係原創而係好味😌。大推濱松町卷（$138），佢咁啱囊括晒我鐘意食嘅魚料（充滿主觀因素🥰）。有極鮮甜嘅帆立貝，油香滿滿嘅炙燒左口魚邊，連三文魚子嘅來貨都唔錯。魚料底下係充滿comfort food感覺嘅加州卷。甚至我係唔夠喉到嗌多個加州手卷（$48）。激多料，食到最尾一啖都有蟹柳，超滿足！下酒菜嚟講巴馬芝士牛肉脆脆（$75）真係冇得輸。鱈魚乾本來已經好食，加埋芝士同風乾牛肉味道更加有層次感。試埋好多人嗌嘅富士山火焰帶子燒（$138）。帶子mix埋芝士、菇粒、明太子，味道香得嚟勁飽肚。好少居酒屋有雞腳筋，所以見呢度有日本雞腳筋唐揚（$80）一定要試下。炸得乾身唔油，鹹香又有咬口。怕唔飽嗌多個安格斯牛肉壽喜燒$138。以為得幾片牛肉，點知大半鍋都係牛肉。牛肉要浸一浸湯先熟，肉質唔會嚡。…查看更多

濱松町～25年老店的人情味與鮮味 🏮佐敦德成街呢間「濱松町」開咗廿幾年，老闆日日坐鎮，好熱情咁介紹今日飛機貨，仲會同客人傾偈講故仔。全部即叫即制，水準保持到！🍣 壽司推薦：▪️海膽戀之花：鮭魚腩包住馬糞海膽，魚油甘香佐海鮮鮮甜▪️濱松町卷：六色壽司卷，材料豐富，每件都鮮味十足🦀 松町甲羅燒蟹蓋裝滿蟹膏同蟹肉，店員即場火槍炙燒，配嗆鱈魚餅，特別鮮味！🍲 安格斯牛肉壽喜燒關西風湯底，安格斯牛肉雪花靚，輕輕一灼就食得，配豆腐、粉絲同野菜好暖胃。🍤 天婦羅盛盒炸衣薄脆，海蝦彈牙，番薯同南瓜都好甜，食落不油膩。濱松町保留咗老派居酒屋嗆人情味，食材新鮮，甲羅燒同海膽壽司真心推介～ 想喺佐敦食間有溫度嘅日式小店，可以試試呢！…查看更多

佐敦德成街嘅濱松町係間有8年歷史嘅居酒屋🏮 老闆親自主理，充滿人情味 氣氛好温馨❤️每日都有新鮮飛機貨食材✈️雜錦刺身沙律夠晒豐富👍 大量三文魚子同三文魚刺身新鮮肥美 伴住清新沙律菜 食落清新開胃🥗 濱松町卷係招牌菜 上碟好有心思 卷物頂有唔多嘅刺身有炙燒左口魚、吞拿魚蓉等刺身搭配壽司醋飯別有一番風味🍣松町甲羅燒打卡一流🔥燒鱈魚乾上面塗滿蟹膏蟹子 濃郁又唔膩😋 海膽戀之花壽司口感順滑 海膽鮮甜creamy 三文魚帶微微油脂香🧡石狩廣島蠔鍋湯底鮮甜甘香 蠔大隻飽滿配上雜菜同炒絲 食落暖胃🦪🍲 #濱松町 #香港日本料理 #香港日本美食地圖 #香港美食探店 #佐敦日本料理 #深宵食堂 #方便泊車 #老店 #居酒屋 #高鐵美食 #刺身 #壽司 #日本料理 #季節美食 #海鮮盛宴 #香港美食 #飲酒 #清酒 …查看更多

今晚去咗德成街個friend屋企，樓下有間隱蔽但非常不錯嘅日本料理——濱松町。呢間餐廳已經開咗8年，有少少老字號嘅味道！海膽花之戀除咗新鮮海膽，裡面仲有三文魚包住壽司米，口感同鮮味相當出色。富士山火焰帶子燒幾特別，仲好似食帶子菜絲沙律，外面有焗出嚟嘅香氣，內面味道清新，整體層次豐富。松町甲羅燒蟹膏多到誇張，配上鱈魚薄脆，無論配薄脆，或者直接入口，都好好味，大愛！鐵板牛安格斯牛仔肉其實係牛仔骨，有較高嘅脂肪含量，肉質更有彈性，燒烤過後形成焦糖化，帶有少少甜味。朋友話濱松町系老闆親自主理，有對客人充滿人情味，讓人感受到像居酒屋一樣的溫暖氛圍。而且每日都有新鮮飛機貨，確保食材質素一流。如果你想搵一間高質的日本料理，不妨試下濱松町！#德成街 #濱松町 #日本料理 #美食推薦…查看更多

第一次嚟濱松町日本料理， 一入去就覺得好有日式居酒屋風格，仲播住日文歌曲，好似去咗昭和年代。原來依間居酒屋有兩間分店，德成街分店開左8年，文苑街分店仲係25年老店。餐廳主打每日新鮮飛機貨，仲有多款招牌菜式，老闆親自主理，係一間富有人情味嘅居酒屋。"海膽戀之花壽司" 賣相好靚，海膽嘅鮮味同三文魚嘅油脂好夾，加埋醋飯味道平衡。"濱松町卷" 分別係灸燒劍魚，拖羅蓉，灸燒左口魚邊，黑松露油甘魚，三文魚子三文魚及帶子，色彩豐富。"富士山火焰帶子燒" 帶子好大隻，入面有蟹柳，明太子，蒸蛋等配料，份量十足，好似食緊大阪燒咁。"松町甲羅燒" 蟹膏味道濃郁，入面有蟹肉蟹子， 無論就咁食，定係配鱈魚乾一齊食都係咁滋味。"石狩廣島蠔鍋" 蠔好新鮮，厚肉肥美，湯底清甜，配有菇菌蔬菜豆腐，而日式粉絲更是煙韌彈牙。聽講文苑街分店有其他主打菜式，下次可以去試下。…查看更多