滄浪亭

營業中

休息中

天氣悶熱，令人食慾不振。唔想食得太heavy，決定今晚同男朋友食上海麵滄浪亭店舖細細，只有大概15個位置可以坐，食飯時間大家就要耐心等候啦。雖然位置比較少，但衛生良好叫做坐得舒服。醉貴妃 ($26)炎熱最好食啲涼拌小食，今次就叫咗醉雞翼。雞翼有手掌咁大隻，上台嘅時候真係嚇一跳，總共有三隻。雖然雪凍左肉質有啲硬，但雞皮彈牙有咬口。糖醋排骨麵 （$59）香酥雞麵（$50）之後兩個麵都來到。糖醋排骨炸得非常酥脆，加上酸酸甜甜的醬汁十分開胃。香酥雞亦不錯，感覺絕不會太油膩，外面香脆得嚟入面仍然非常juicy。呢度啲麵都大大碗，對女仔嚟講食埋個餸真係會好飽

漫無目的既一日，係黃埔散完步再過紅磡搵呢間野出黎。之前好想大肥仔來時但冇理由專登入嚟咁山長水又遠㗎嘛。今日唔遲又唔早，機會剛剛好。我記得我對上一次嚟食係講緊成年前不過我係食蔥油拌麵同雞絲粉皮我已經覺得幾好食。但今日肥仔個肥肚腩唔太舒服，唔可以食咁油膩，所以喺行緊過去你間野嘅時候我個心已經諗緊今次食湯類既麵啦。舖頭細細好光猛，3個呀姐。一個落單叫入廚房做單，我心諗咁叻好記性唔洗寫低？點知話口未完，佢再問返我地食咩again x3 😂😂😂 好鬼可愛 ❤️❤️❤️ 呀姐好熱心架 好快手執好張枱俾你坐低 地方仲好企理👍👍👍我地叫左2杯豆漿（間舖只有凍豆漿）好香豆味唔太甜好好飲👍👍👍嫩雞煨麵：奶白色嘅湯麵裡面有切咗粒嘅小棠菜切咗粒嘅雞肉。絕對係我期望嘅嘢！好好食👍👍👍。肥仔連湯都飲晒，成碗湯麵份量都幾大碗下，好彩叫左一碗share。獅子頭：一大粒肉波，好膩。味道一般而言，略嫌鹹。不過配飯應該幾好食。醉貴妃：說穿了佢係花雕醉雞翼，但個名好正👍雞翼好大隻呀虛有其表味道麻麻地唔太入味。臨走前，我諗住如果佢哋既豆漿有細細枝咁我就買走，因為都真係幾好飲，咁佢哋係有既不過唔係一支而係一大樽，最搞笑係我自己一廂情願

Grad咗先黎食 但唔算相逢恨晚 因為我本身唔好麵食 但必須一讚呢度係好好食 又算正宗 有好多坊間少有嘅小吃🤓會想帶呀爸去試下☺️.🍜烤麩麵$48🍜麵條係有獨特嘅麵香 單吃都好食只係太少汁 所以會痴埋一舊烤麩係一舊老餅豆製品 好罕見🤫但其實好香豆味 又索汁配以下小菜就perfect match la👍🏻.🍖糖醋排骨$43🍖即炸 所以外層好脆 仲熱辣辣好鐘意個咸中帶酸甜嘅味道 好上癮炸肉鎖到肉汁又唔韌 夠大舊 必點🥰·🐷燘肉$33🐷估唔到咁肥 咁大舊 但都好難忘🤣肥肉燘得好淋好入味 油脂濃香瘦肉部分都好軟淋 假如多啲瘦肉會更適合香港人🤭.🍲雞絲粉皮$35🍲呢個正常 無咩特別 比起其他 呢個性價比偏低🙈

呢間麵店我好耐以前已經幫襯， 最近疫情關係好少嚟 ，今日見到人少少入去幫襯下 ，質素依然係咁好！ 我叫咗個獅子頭麵， 另外再加一個香酥雞！ 獅子頭已經係好出名嘅食物， 好鬆化而且好juicy咬落去好多肉汁， 而且味道帶有鹹香， 超級大過好滿足，另外， 剃鬚雞份量亦都好多只係加多三十三蚊已經好大件，大約有三至四塊扒到啦！ 炸得好鬆脆， 味道唔會太鹹， 亦都好多肉汁 /雞肉有彈性 ，而且帶有少少甘味！ 疫情關係度度都好少人幫襯， 希望呢間好吃嘅店舖頂得順今次嘅危機， 加油努力！

-------📍真。心靈雞湯 -- 滄浪亭🌊話說小編好耐之前已經聽聞呢到嘅嫩雞燴麵好好食💕前排約咗新朋友去拔草😆試完之後終於明點解咁多人讚🙈-------⭐嫩雞燴麵（$50）小編見到嘅時候都嚇親 事關份量超大😂😂個碗大到好似洗面盤咁😂仲裝到超滿 一睇就知勁足料🥰湯底係奶白色 聞落好有奶香味😍小編飲第一啖湯嘅時候完全覺得心靈有被治癒嘅感覺🙈真係超濃郁超好味😍係我食過湯底最濃嘅嫩雞燴麵😙配料有菜粒同雞粒 份量同樣超慷慨 幾乎啖啖都食到🙈麵底係上海拉麵 煮得剛剛好 唔會太腍👍食材同湯底好match 食到停唔到口💕💕必試！--------⭐紅燒軟排（$33）呢個係bernice介紹比小編試🙈果然唔錯😙軟排其實就係豬軟骨黎 煮得好腍好入味🙈不過就係略為油咗少少 建議同朋友仔一齊食☺-------⭐炆青菜（$18）食完軟排再叫咗個呢個炆小棠菜 見佢好大棵 但原來炆得勁腍😙可仲以消下膩 推薦！-------整體黎講真係好抵食 而且質素高 好驚喜🙈我地兩個食到勁飽都係每人$51埋單😆大家去開嗰頭不妨試下啦😏-------評分（10分滿分）賣相：7味道：9性價比：9回頭率：9-------店鋪地址名稱：

同同事放工後搵飯食，就搵到呢間喺紅磡嘅小店 一入到間舖， 舖頭店面並不大，座位並不是很多， 但都算幾闊落，坐得舒適。坐低後，店員就畀咗兩杯茶， 睇睇menu先 。Menu選擇都好多，有小食亦有湯麵等。 最後我哋就叫咗紅燒軟排麵，嫩雞煨麵同雲吞紅燒軟排麵，軟排入味，麵質軟硬適中，湯汁清淡， 對於鍾意食清淡的人都係一個好選擇。嫩雞煨麵，湯底濃厚，冇試過喺出面食到呢隻味， 雞肉同青菜的份量都好多，啲麵亦好入味。 一啖接一啖停唔到口。加左雲吞四隻，足料又爽口。總括一下，呢到價錢唔貴，食物質素高，又大份，性價比高。食到好飽呀！回頭指數：（🥢🥢🥢🥢/5）

香港食上海麵嘅地方唔少，但唔係間間都好食☹️上海菜舖頭又通常比較貴，呢間性價比又高又好食，大大碗🤤啱曬我。仲要係黃店，不得了。紅燒軟排麵 ($50)軟排其實是豬軟骨，有三大塊，咬得很滿足😆。非常入味不會過鹹，肥瘦適中，燜得軟卻保有軟骨的口感。湯底看起來顏色很深，但喝起來不會太濃，配上稍有肥肉的豬軟骨吃到最後也不膩。我個人偏好彈牙偏硬的麵，上海麵都偏軟，但這裡的麵雖軟，但不爛，口感不錯👍🏻嫩雞煨麵 ($50)這個忘了拍，但味道真的好好😭❤️湯底是奶白色，喝起來有濃濃奶香，平日吃麵不喝湯的我都邊吃邊喝。菜和雞肉份量都很多，很滿足。雞肉本身嫩，切成粒浸在湯裡吃起來不乾😚大量的菜配上濃湯底比較清新。💡份量都比較多胃量小的記得少麵別浪費哦

對讀poly既朋友黎講，依度應該係飯堂。但小編bookmark咗勁耐先有機會黎食😂依度既上海麵就好似傳言所述，係勁勁勁勁大碗，真係唔好覺得一個女仔KO得曬😂（P.S. 餐牌喺最後！）🍜嫩雞煨麵 $50依碗麵簡直係設計比通完頂既人食😭清澈既湯頭，飲落喉嚨果下好似全身都被治癒咁🥺係失眠完既小編想尋求既溫柔味道😭佢既清澈濃醇就好比雞白湯拉麵既湯咁，真係勁想乾曬全碗湯😭麵條燉煮得軟腍但未至於軟爛，好適合腸胃疲弱既人食。而且湯入面有超量既白菜碎同唔肥膩既雞肉粒，連營養平衡都好完美😳最憎食健康野既小編都表示佢好正!🍜大排麵 $50麵底就係普通陽春麵底，湯底無咩特色，唔會令你想飲個湯。但重點係佢既超大塊炸豬排，炸得勁酥脆同好厚肉！🍯蜜汁烤夫 $33依度既小海菜式真係幾多同幾正宗。其實我幾鐘意食烤夫，但唔係度度有得食。依度既烤夫整得酸酸甜甜好開胃，個汁應該係蜜汁加黑醋黎😛🍲油豆腐粉絲湯 $58粉絲好硬，湯個味好怪，個百頁結入面有餡，有啲似魚肉腸入面啲餡咁，但係成個結好硬。油豆腐就正正常常一舊油豆腐咁😂3個人嗌2碗麵加小食，以為應該KO到，但份量都超級過量了

放左係to eat list 好耐 終於有機會去紅磡食野 離紅磡站都係10分鐘到 好方便 因為keep fit關係 嫩雞煨麵係我嘅好朋友成日搵唔同地方嘅上海野食 呢間都值得一試👍🏻嫩雞煨麵 9/10 完全因為呢個麵而去 個湯底有驚喜 好香全脂奶味 d料都好足 平時食果dd雞得好少 呢個就超級多 好可惜係犯規食物糖醋排骨麵 7/10 個汁有dd失望 唔係我想像中嘅黑醋咁 蟹黃拌麵 7/10 期間限定 d料非常多 但d蟹就腥左d.菜肉雲吞麵 我屋企人話d菜肉雲吞係數一數二好食 但因為得4隻 我無試到 下次我會再去的！.紅豆春卷 7/10 佢整得好脆 幾好幾好 只係覺得紅豆都係襯餡餅多d

呢間都食過起碼三次 之前食過糖醋排骨麵 又食過雞肉燴麵 今次就食紅燒軟排麵 啲排骨炆到好軟身好入味 雖然浸左落啲湯到 但都仲食到果種酸酸甜甜既醬料味 而且好足料 唔會話就咁俾兩片咁孤寒 不過湯底就冇咩味既另外啲麵都好好食 軟度適中 而且份量超多 真係會食唔哂😵建議細食既你可以叫少麵☺️食果陣仲會俾茶你飲 佢杯香片茶好香 唔係求其用一桶滾水幾片茶葉沖出黎 但佢又唔洗加一 所以四十幾五十幾蚊黎講真係好高質

第二次食了！第一次同今次都係揀咗呢個紅燒軟排麵😂軟排其實即係豬軟骨，佢嘅豬軟肉整得好入味同好淋，但同時又唔會話淋到冇咗口感，而且好多膠質位，我太鍾意呢個麵了🤣🤣🤣因為第一次食係朋友推介，試完覺得太好食，所以今次再叫多次！！！個陣係喺美孚店食，而紅磡呢間環境好啲，坐落會比美孚舒服啲！第二次食都食覺得好正！而家其實佢好大好大碗，呢個價嚟講都算幾抵食！一路坐一路食個陣見到勁多人拎外賣！大家出開紅磡/美孚記得去試下！

一直都經常聽到人介紹呢間上海野，作為上海菜嘅愛好者咁啱經過紅磡當然要試一試喇！其實正確尼講係我第二次食。比起上次週末晚市時間，今次係平日午餐時段食等位相比之下快，係門口等左10分鐘咁啱有人走就有位喇。食緊個時都留意到，其實人流去得幾快，同上菜速度快有關😙今次同朋友清一色叫左最出名嘅嫩雞煨麵同拍青瓜😋因為上次無試到嫩雞煨麵個麵一上枱就好香奶味，真係用奶煲出尼雖然個湯底無上次見人叫個時咁白，但我反而中意呢個濃度恰到好處嘅奶湯😋😋由頭食到尾都唔覺好飽同油其他配料都好好小棠菜煮得岩岩好，加分位係雞肉係醃過係有味道同煮得真係嫩嘅🤗最後所有人都清得晒碗麵相反個青瓜比較普通，只係我地比較餓所以先叫

今次經過紅磡，知道呢間上海店最出名的就係大排麵，所以黎試一試。店舖細小，座位都比較狹窄。我地一行兩人，叫左3樣野。大排面 同 糖醋排骨麵上海麵好大碗，麵質好幼滑。豬排同排骨都炸得好酥脆，好多肉汁，而且份量充足。配埋糖醋醬汁，酸酸甜甜，好開胃，好食👍🏻 雙拼水餃雲吞每款有4粒，味道清淡一點，菜同肉的比例都很好，個人喜歡水餃多一點。可以額外配麵單點！整體而言，呢間上海店CP值好高，有種懷舊的上海風味。下次再試埋佢的嫩雞煨麵！

#中意嘅請分享請點讚🍻----------😋香酥雞麵 $48我見隔離幾枱都係叫香酥雞麵，所以我都叫左。香酥雞係即炸，所以夠熱又夠香，雞皮好脆但又唔會好油好厚粉，雞肉仲好嫩滑多汁。而且雞嘅份量多夠大件，總共有6舊。麵質好有咬口，唔會煮到淋哂，不過湯底就比較普通。----------🥰支持小店系列成間店有3位店員，落單、煮野、執枱都係佢地，不過佢地所有野都好快手，食物水準都唔錯。----------🚩滄浪亭🔎紅磡蕪湖街111號蕪湖居地下C1號舖

This is the best chicken noodle restaurant that i have had in a long time. Rich and flavorsome chicken soup combined with cut up cabbage makes it a very healthy choice. We had cucumber and seasoned pickled beans as starters, which was very fragrant and fresh