源記餐廳

營業中

休息中

今日放假，專登早起過尖沙咀打算食完早餐之後去做gym，結果入到呢間餐廳已經11:03 ，我又冇留意原來佢早餐只係做到11點，正準備離開嘅時候，店員問有咩幫到我，跟住我問仲有冇早餐食，跟住店員話可以做埋俾我叫咗一個A餐仿鮑絲火腿通，同一個G 餐榨菜肉絲米粉個餐跟腸蛋多士，嘢飲就叫咗凍鴛鴦多奶同埋凍奶茶多奶通粉來講我覺得佢太薄身，如果個通粉可以厚少少就好啲，榨菜肉絲米粉嘅米份量好足夠，我好滿意，值得一提嘅係佢個辣椒油好夠辣，辣得好過癮塊多士就好普通，所以我都冇食到凍奶茶正常水平，凍鴛鴦就個咖啡偏酸，我自己唔太鍾意兩個人埋單$78

尖沙咀大把美食，但想平平地，快靚正就揀左呢間源記餐廳餐廳有兩層，下午茶時段人唔多，坐得舒服，食完重可以抖陣唔洗趕住走下午茶2點開始，有小食有炒粉面飯亦都有午餐常餐，選擇都多！呢間餐廳奶茶同檸茶都唔錯，佢個茶底幾好，口感唔係濃厚果種，但茶香，奶味適中，口感滑檸茶既檸檬都夠味醬皇金菇肥牛炒河河粉口感綿滑，夠味肥牛份量都多冬蔭公豬扒炒公仔麵帶微微酸辣味，好醒神開胃豬扒夠淋唔鞋因為早餐都未食，所以叫多兩個下午茶小食金磚黑白西多士，新鮮熱辣辣，花生醬香濃！芝士磨菇釀雞中翼幾豐富，有雞翼有薯格重有沙律，沙律份量幾多下，薯格雞翼都新鮮即製！整體食物唔錯，平靚正

連續幾個星期也有晚上課程要上，由七點到十點。趁著今天可以早點下班，特別先到公司附近的茶餐廳吃過飯，然後才上堂。源記餐廳位於尖沙咀加連威老道，地鐵站出發大約三分鐘便到，地點方便就腳。疫情關係，枱與枱之間放了膠板阻隔，而且入餐廳時也需要量體溫，抗炎功夫做足。我和同學一行二人叫了兩個小炒一起互相分享。黑椒牛仔骨煲 (⭐⭐⭐⭐⭐)牛仔骨煲是即叫即製的，上菜時還是熱辣辣。牛仔骨一共有六至七件，肥瘦均勻，吃起來有嚼口，配上黑椒等等不同香料，吃起來十分惹味可口 ，送飯一流。 魚湯杞子雲耳蔬菜 (⭐⭐⭐⭐⭐)這道菜用料十足，有各種不同的蔬菜，包括菜心，金菇，西蘭花，竹笙等等。蔬菜本身十分新鮮，吸收了魚湯的精華，吃起來十分清甜，的確是一個健康可口的一個好選擇。 熱飲 (⭐⭐⭐⭐⭐)另外還加錢配了一杯個熱杏霜。不太甜，而且十分滋潤，為今天的晚餐畫上完美的句號。 總括而言，這間餐廳位置方便，而且食物質素高，價錢不算太貴。有機會也會再來。~~~~~~~~~~~~~~~~~~~~~~~~~ 源記餐廳 尖沙咀加連威老道18號地下B舖推介菜式: 黑椒牛仔骨煲👍🏻地點方便 👍🏻價錢合理

OT放工行過入嚟食個晚餐，因為太夜所以冇晒炒粉麵，於是叫咗一碗五香牛腩撈麵同埋一碗鮮蝦雲吞墨魚丸麵。牛腩撈麵都有幾多牛腩，牛腩夠腍身，厚薄適中，入口食到好香嘅五香味，撈麵係用蠔油撈，唔會太乾身，麵夠彈牙，有蛋香，另外會附送一碗湯，所以可以加少少湯落啲面度，又係另一種食法。至於鮮蝦雲吞墨魚湯麵都係好大碗，鮮蝦雲吞都好大粒，一咬落去已經食到鮮蝦，餡料好豐富。而墨魚丸係自家製，好彈牙，超有墨魚味！食咗咁多肉梗係要食返啲菜，呢度啲油菜都幾抵食，$20一碟，叫咗一碟生菜一碟菜心，大大碟，啲菜好新鮮，好爽，唔會住得過老。食完仲未夠喉，所以我哋就叫咗一大炸豬扒過吓癮，炸豬扒真係新鮮炸出嚟，炸到金黃色，外脆肉嫩，真係好香口！

麻麻甩甩的我其實甚喜歡香港茶餐廳的下午茶，不想太飽肚之餘，又能止到口痕，而今次到達的連鎖茶餐廳，食物款式非常多之餘，水準也十分標準。下午茶必叫，炸雞髀西多士。這個組合集合了我最想吃的下午茶小吃，也是吸引我進來的原因。炸雞髀新鮮生炸，製作需時不過絕對值得。雞髀醃過後由生炸至金黃香脆，外皮香口邪惡，而雞脾肉依然嫩滑多汁。體積龐大之餘烹調時間拿捏得好，是我每次必叫的下午茶之選。西多士也非常高水準，方包內充滿花生醬，沾上蛋漿即叫即炸，配上牛油糖漿，香脆可口。偷試了朋友的焗葡汁雞皇飯，也是即叫即焗，食物新鮮。葡汁配飯一流，配上嫩滑雞柳，加上高水準粉飯底，十分出色。茶餐廳必叫紅豆冰，紅豆煮淋後有口感，份量也十分足夠，配上椰汁，能喝出令人回味的香港味道。正要離開之際，看到燒味部燒鴨金光閃閃，便叫了個例牌為晚餐加餸。家人們都盛讚燒鴨十分出色，份量驚人之餘每塊都啖啖肉，十分超值。燒鴨醃製後十分惹味，鴨肉鮮嫩不會乾身，點上燒鴨醬可以添多碗飯。

朋友在尖沙咀工作，只有1小時用膳時間，爭取時間短聚聊聊天，最好不過就是到茶餐廳，因為快靚正的關係，所以就隨意選了這間餐廳～源記。原來這餐廳的選擇挺多，除了一般常餐快餐，還有牛腩魚旦粉麵等等，但最吸引我莫過於煲仔小菜，中午也能下單，真的太棒了。我和朋友決定中午也要食豪一點，2個小菜加1碗粉。魚香茄子魚柳煲，豆腐火腩煲，鑊氣夠，熱辣辣，味道也十分好。另外叫了一碗牛腩米，大家分享，牛腩軟腍又夠濃味和牛味，非常棒的午餐。

兩點零鐘，唔知食乜好，見呢間2:00已有tea set，殺！叫了「吉列豬扒+雜果沙律」，凍檸茶少冰，合計$41。吉列豬扒是即炸，不算油膩，熱度適中，10分滿分可給8.5。沙律是罐頭什果加沙律醬。菠蘿勁多，椰果不少，醬汁稍多了，10分給6分吧！凍檸茶有點偏甜，都是6分。下午茶餐的價格是一般茶餐廳價位，三文治、包類set是$26-30，炸物set $38，凍飲+$3，都總算沒因為在尖沙咀而太貴。（而且對面就是The One，不是小橫街）不知吃啥的日子，一試無妨！

喺尖沙咀行街好彩都搵到一間茶餐廳。這間餐廳應該在尖沙咀屹立了很久吧，今次是第一次到訪，侍應姐姐好熱情招呼，一坐低就問要食D乜，哈哈，我就反問番有什麼好介紹？😂佢話燒鵝好食。所以叫了一客燒鵝拼燻蹄米粉加多杯檸蜜！果真，燒鵝甘香，配米粉一流👍🏻另一份下午茶餐要咗個糯米雞翼配沙律薯格，糯米雞翼有兩隻，雞翼入邊啲餡料好豐富，味道亦配搭得好好，再配沙律，感覺清新，再食薯格，脆，香！滿足三種口感！$38勁抵食😋侍應姐姐又黎問好唔好食呀？我哋話唔錯，佢即刻又介紹餐廳的紫菜四寶，也是好多人叫的，問要唔要試，既然佢咁落力，也支持下，叫了一碗，不過可能已經七八成飽，不覺得太特別，但二人也好快清晒😅

茶餐廳質素保持到好嘅不多，呢間真係有質素保證架，因耐不耐就會幫襯下，今晚又過嚟開餐啦。#咖喱牛腩(+$8轉撈丁)，咖喱香濃甜中帶點辣，雖然說是牛腩，但牛筋比例都多，而且炆得淋又入味，咖哩汁超多，公仔麵索晒咖哩精華，連我朋友唔食得辣都食晒。#叉燒切雞髀飯叉燒切雞髀真係冇得輸，叉燒醃得很好，唔會好鹹而肥瘦適中，雞髀滑嘟嘟的很正，仲可以配撈麵、白飯，啱晒我唔想食飯嘅人士，十分之大碟夾抵食。加$15有例湯，今日係粉葛湯，感覺無味精，熱辣辣的好好飲啊。

早上去尖沙咀睇醫生諗住食個早餐行過見到呢間源記入去試下我已經叫左最普通嘅嘢五香肉丁 出前一丁一個火腿太陽蛋前所未有試過食咁難食嘅五香肉丁出前一丁點解可以煮到咁難食呢？下次唔洗錢都唔會黎

跟朋友在尖沙咀閒逛著，在沒有午餐的下午茶時段，兩隻餓鬼行完the one諗住見呢間茶餐廳好方便，就在對面，所以入去食個快靚正嘅下午茶。入去見到下午茶時段都有晚飯小菜選擇，我跟朋友都二話不說，決定揀2款小菜同埋一個燒味下午茶開心share，魚香茄子魚柳煲，涼瓜排骨煲，味濃而不膩，熱辣辣煲上，我們沒有加飯，所以另外叫了下午茶燒肉瀨粉，燒肉卜卜脆又夠咸香，非常不錯又豐富的午餐下午茶加晚餐。題外話~要讚美一下侍應們，全部都好有禮貌和好主動，有別一般茶餐廳。所以我會讚嘆算是高質素的茶餐廳。

餐廳裝修地道的茶餐廳風格，裝修明亮整潔， 座位舒適 ，食物選擇款式多， 令人目不暇給， 餐廳雖然坐落在尖沙咀， 價錢親民， 相當抵食。燒鴨米粉套餐配例湯/咖啡/茶$48燒鵝外皮烤至油光亮麗，賣相吸引，香氣十足，皮脆肉嫩，肉質嫩滑多汁， 十分入味， 瀨粉彈牙，既香且滑，與燒鵝絕對是最佳拍檔。蕃茄粟米薯仔例湯， 一點都唔馬虎，材料豐富， 夠曬真材實料 ，入口滿滿蕃茄薯仔清甜， 令人胃口大開的湯水。滑蛋蝦仁炒河$68滑蛋蝦仁炒河， 分量相當大， 上枱時，香氣十足 ， 夠曬鑊氣， 蝦仁大大隻，爽口彈牙， 河粉滑溜又不油膩， 確實不錯。奶油特脆豬仔包$19豬仔包烤得香脆可口， 脆卜卜 豬仔包加上甜香奶油，滋味迷人。炸雞髀(每件)$32雞髀即叫即炸， 外表炸至非常酥脆，咬下去“吱嚓”聲， 雞肉 保持多汁嫰滑， 滋味十足 ，吃完滋味得，舔舔手指上的雞油。菠蘿冰$27菠蘿冰， 香甜美味，仲有啖啖菠蘿果肉，冰爽解渴，炎炎夏日， 不二之選

開完會，驚覺午飯時間已過，一行幾人，在客人公司樓下食個tea；見到呢間源記好似幾企理，一致通過食呢間。。。嘩、嘩、嘩，下午茶都咁多選擇，即刻知道冇入錯！各人叫了唔同嘅食品，各適其式！呢只雞翼真係好食到不得了，因為去咗骨釀入蘑菇芝士再去炸，食落有香濃芝士同蘑菇的香味，另外值得一讚嘅就係薯格炸得外脆內軟，而且份量很多，絕對沒有因為係下午茶而將貨就價👍黑白金磚西多士食落很有蛋香，中間搽上我至愛的花生醬，完成後喺西多士上淋煉奶同朱古力醬，不太甜好味👍燒味也是源記主打，因為他們自設工場，所有燒味都是自家製，每日新鮮出爐賣完即止，燒腩仔叉燒湯米，腩仔皮脆肥瘦均勻，雖然我忘記叫肥叉，但原來佢地出品嘅叉燒絕對唔會太嚡口同硬實，軟得來仲有肉汁，果然係源記撚手小菜之一👍淨雲吞墨丸～墨丸彈牙鮮甜，雲吞鮮蝦爽口加入豬肉有少許𡁻口,正👍牛雜河～炆得夠入味，一上枱已急不及待呷上兩口湯，濃香的湯頭十分鮮甜，飲完整碗湯也不覺得口渴，好味極了😋餐廳除了食物之外服務態度也是值得稱讚，有耐性、好笑容、而且仲好有禮貌👍

今天晚上在尖沙咀逛了一圈，突然想吃茶餐廳，知道附近有一間茶記叫源記，於是便特意前來。餐廳環境尚算寬躺，周圍吵吵鬧鬧的，裝修都很地道。我們被安排了一個靠牆位置，坐得尚算舒服。食物選擇非常多，令到我有點選擇困難症發作最後我選擇了這個西式扒飯餐，轉意粉。牛扒，半條司華力腸，兩粒炸帶子。牛扒牛味十足，肉質結實，很有嚼勁，洋蔥醬汁非常濃郁厚身，配牛扒食非常滋味。炸帶子口感外脆內軟，咬開一絲絲的帶子肉，相當美味。意粉份量多，有彈性，少許番茄味，酸酸甜甜，配洋蔥汁吃更加好味。男朋友點了個雙重芝士咖喱焗豬扒公仔麵，表面芝士量非常多，焗得焦焦的，芝士跟咖喱味道非常配，香濃醬汁配上一口公仔麵，完美的配搭。豬扒切了一件件，細細件很容易吃，肉質鬆軟，不會乾爭爭的。咖喱味有微辣，非常開胃好吃。公司三文治是烘底的，夾了三層厚，相當足料。裏面有餐肉，火腿，生菜，蕃茄，雞蛋。一口咬下去，是豐富的口感及滿足的味道。熱飲的杯跟凍飲得杯一樣大的，讚讚

上星期和同事在尖沙咀下班，兩支公的我們晚飯沒有着落便決定到附近找找有什麼餐廳，看到了這一間之前嘗試過味道非常不錯的老式茶餐廳，兩個男人想也不想便進去了朋友點了一個豬扒包，非常港式味道，豬扒以香炸處理，配搭他們大量的千島醬和少量的蔬菜，非常開胃此餐廳已粉面著名，點了一個崩沙腩撈麵，果然沒有點錯，崩沙腩肥瘦均勻，肉香味濃，而且麵質彈牙爽口，配搭香甜的蠔油，入口非常有層次另外點了一份菜心，中上品質的油菜，菜味濃朋友額外點了一個楊州炒飯，份量不少，而且配菜很多，每一口都能夠嘗試到不同的配料，有鮮蝦炒蛋菜心香蔥叉燒粒，非常若味，這類型的港式地道茶餐廳非常值得推薦