湯加 (黃埔天地)

營業中

休息中

天寒地涷身處蔡瀾美食坊，諗緊食乜好，見到一樓盡頭有間「湯加」，張海報大大隻字寫字住煲仔飯，唔理三七廿一就入咗去了。坐低當然係點咗海報裡面嘅《叉燒臘味糯米煲仔飯》和《鹽焗雞臘味糯米煲仔飯》啦。等咗20分鐘，兩個煲仔飯終於喺眼前，仲有個細火爐㷫住添，又幾有綽頭噃。滿心歡喜嘅我即刻夾起隻鹽焗雞脾放入口，點知.....唔熱嘅？再𢳂羹糯米飯試試，稍為熱DD，好，一於等個細火爐㷫佢一陣先，唔夠60秒熄埋，無言。萬念俱灰之際，朋友夾咗舊叉燒比我，係熱嘅，仲灰。總括而言，湯加嘅煲仔飯買相相當唔錯，整體味道唔差，價錢亦算合理，但 you know，煲仔飯唔熱是死罪來的，所以...4星變2星。

今日去黃埔湯加食完個113號餐（胡椒豬肚加淮山麵） 叫左杯桂圓飲返到公司冇耐係咁發冷兼肚陰陰痛，仲全身無力又想嘔返到屋企屙水屙左好幾次同事都有食豬肚但冇事所以都幾肯定係杯桂圓…因為全桌得我叫左真係冇下次唔會再幫襯，重點係難受左成日已經唔係第一次之叫QQ特飲都試過出事

話說近排外賣APP做緊promotion，喺Apps度撳外賣$200可以減$100，見到湯加有promotion就叫咗個早餐食雖然喺外賣APP叫貴少少，但係再加埋個coupon都幾抵食雞扒炒蛋餐$48佢嘅早餐好抵讚，真係超大份，個味道又幾好食雞扒有兩個手掌心咁大，仲要食到蜜糖味炒蛋金黃色，又唔會炒得太熟如果驚外賣多士會腍晒，仲可以轉pancake或者餐包，唔使額外加錢仲有一個蛋白麥皮，食完其實晏晝都唔係好使食豬扒煎蛋餐$48豬扒外賣好容易煎到好硬，但係呢個豬扒金黃香脆，似係炸過Pancake擺咗成半個鐘都係好軟熟，搽啲蜜糖更加好食

$64蚊一碗湯米 仲要勁污糟 有烏蠅🪰🤢換過碗仍然有勁多小烏蠅浮面 極度惡劣———首先等候時間已經長，嚟到碗魚蛋湯米上面浮住隻烏蠅，我即刻影低相，想叫侍應換過。我舉手，有好幾個侍應見到我、對視左都無視我。其中一個侍應淨係離遠講句：「嘢飲嚟緊㗎啦！」我話：「唔係嘢飲 你過嚟先」隻烏蠅都好明顯喺碗麵上面（如圖）所以個侍應幫我換咗一碗新但係新一碗仍然都係有烏蠅，食咗一兩啖，陸續有黑色碎片浮面仔細睇有昆蟲翼/腳，碗麵真係勁污糟⋯⋯我再次叫侍應嚟睇，比埋張相佢睇，個侍應竟然話：「木耳碎嚟㗎！」我話：「木耳碎有翼有腳嘅？」然後佢黑面唔出聲⋯（碗嘢真係明顯有昆蟲）最後退左碗米粉錢，仲要計返杯嘢飲係正價本來跟餐三蚊嘢飲，收咗二十蚊真係永遠唔會再幫襯，已經列入黑名單。

朋友相約黃埔午餐，依間套餐多選擇，而家很有住家感覺，一於入去拜會吓。門口單看餐廳配搭，一人用膳也不怕，款式選擇多筆者愛魚，魚煎得乾淨利落，很喜歡他們調配的豉油，那砵仔飯，份量剛好一讚魚樣子炸得可愛夠乾身，甜美的豉油好送飯，飯嘅碗仔薄薄，對筆者說這個份量足夠，但對一個飯桶者可能未夠，朋友告知原來可以飯加添，一讚。朋友點的湯飯，清淡，夏日炎炎相當不錯，由於筆者沒有嘗過 故不願置評。但外貌及份量，此乃應該很受女性歡迎。整體來說午餐配搭選擇多，有湯有飯，午餐一個人可以選整條魚來吃，而且魚的款式很多，下次就算一個人到來的話，相信都有排試。

黎到黃埔呀，食乜嘢好呀。太多選擇喇，行下行下，想飲湯。叫咗個胡椒酸菜豬肚雞餐跟蕎麥飯同紅棗淮山烏雞湯跟三色飯。六十零蚊算抵食，個湯夠多，一鍋有2至3人份量。好夠咪，烏雞個冇味精味。啲料都足夠。但個飯就比乾同9成係白飯底咁囉。唔使跟餐飲都得。

行到腳攰都要食個啖好，今日就去咗呢間我朋友成日讚嘅食店。一落座就點咗幾樣，心諗唔好俾人話我食少！嗲啲嘅牛腩飯香到飄三街，牛腩啖啖肉嘅，酥爛得嚟又保持啲嚼勁，實在過癮！犀利啲嘅椒鹽豬扒包脆皮啪啪聲，一咬落去咸香嘅滋味喺口腔裡爆炸，好夾條啤酒呀！摸摸臉嘅豉油雞滑蛋飯，雞件滑溜溜，蛋香又撲鼻，真係稱得上係細膩。嚟咗兩粒蝦餃伴碟邊，啖啖蝦味，煙韌嘅皮同青筍鮮脆嘅口感, 唔使多講，真材實料大晒！最後，車仔麵當然唔可以錯過。配料任揀，豐富得黎又得意，湯底清淡，麵條Q彈，一飲而盡之後嗌聲正！行飽飯飽，打算過兩日再嚟試下其他口味，平民食堂，值得嚟打卡！🍜🍲🥢

呢排成日出街食，食到有啲悶，同埋意識到食左好多油膩唔健康既野，所以今餐想食啲清淡少少嘅。最後選擇咗湯加，因為貪佢有條魚食吓，而家可以白飯免費轉藜麥飯，又好似健康少少😅我點咗條黃花魚，有湯又有飯。啲藜麥飯都易入口幾好食，不過份量就實在太少啦，差啲食完都仲肚餓🥲黃花魚好嫩滑，但有啲細骨，要小心食用，個湯係胡椒味嘅，湯入面有啲菇菌之類嘅嘢。呢個套餐要六十幾蚊，叫做可以接受，畢竟係夜晚。個場係明顯唔夠人手，得過阿姐要負責落單又要負責收錢。如果多人埋單嘅時候，要等好耐個阿姐先得閒幫你落單，但佢服務態度良好的。

本人住港島，今日特意帶BB女去黃埔playhouse🤗玩完肚餓見好多人食呢間“湯加”，咪入去坐試試，點知第一次食已經好失望😵首先冇人serve你點餐，等好耐舉手都冇人理，只得一個收銀員工在場😰又冇QRcode嘟點餐😓唯有叫老公去同收銀員落單， 嗌咗個章魚肉餅+雲耳蒸雞+上湯時蔬🤤唔知係多人食，定冇人手傳菜，等到鬼咁耐……🥱終於等到佢送餐🥹點知突然同我地講冇曬白飯，問話要米線，米粉，公仔麵……驚訝😱完全唔明點解冇白飯， 賣曬其他野就明姐，白飯喔？！🍚做食肆連咁基本白飯都冇，折咗佢啦！🥱咁都算啦😮‍💨同佢講要米線+公仔麵又要等一輪😮‍💨以為終於有得食，點知送黎一碗乾爭爭米線同公仔面一d湯水都冇，直頭好似譚仔外賣米線同湯分開咁🤨叫我地點食吖！？我同老公你眼望我眼，唯有用上湯時蔬d湯加落去😵‍💫勉強食完餐飯，絕對冇下次再黎食呢間“湯加”😩

今日lunch time 我係戶戶送叫左外賣因今沒什麼胃口，所以我轉了湯米無叫飯。我叫左一碗🐔蟲草花花膠魚肚燉雞湯米，食材質素挺不錯的，而且份量十分足夠！我吃不完一碗，已經很飽了！蟲草花、花膠加入燉雞湯中，可以為湯品增添豐富的口感和營養價值。蟲草花是一種珍貴的中藥材，具有滋補身體、養生強身的功效，而花膠則是由魚類經過熬煮而成，富含膠質和蛋白質，能夠滋潤皮膚、補充體力。在燉雞湯中，蟲草花和花膠能夠釋放出豐富的營養成分，讓湯汁更加濃郁滋味，而且湯品也更加滑嫩爽口。整碗湯鮮美可口，回味悠長，是一道值得推薦的健康美食！

<#🐳肥肥食記🐳>👧🏻 紅磡｜茶餐 $ 53📍地址：湯加 (黃埔天地) (紅磡)紅磡黃埔天地美食坊(第8期)1樓112號舖🍲紫菜肉燕餃貢丸米粉 配 酥炸雞翼 米粉爽口 亦即煮即送 變相d粉唔會變肥仔粉 紫菜餃都冇太特別 普通正常 唯獨個湯食到最後有點咸🏠環境下午茶時間 我同朋友都係打完保齡球去附近食野 見而間好評多 而選擇而間 環境寬敞 但見某些卡位好窄🌟總結推介指數：⭐️⭐️⭐️⭐️環境指數：⭐️⭐️⭐️服務指數：⭐️⭐️⭐️

每種餐也加了2~3元... 也沒有飲品送. 但依然抵食.事隔一年, 好味道不減, 今次試了紅酒牛尾配米線. 兩大盒滿滿的, 但膠袋變細了很多. 收了2元外賣盒.紅酒牛尾有很多配菜如紅蘿蔔非常入味, 和米線拌在一起更好吃.需說10分鐘, 但其實只需要翻熱而已. 5分鐘就成了~~本想加4元飯轉蔥餅, 但覺不值, 所以轉.有很多好餸如魚肚豬肚湯也可一試. 開放式餐廳坐得比較舒服~~位置是商場最入的一間, 感覺比較不利, 但實力證明一切. 兩旁的餐館也不見踪影了...

話說呢日要去黃埔海逸酒店出席一個活動，活動完咗之後，大家就去黃埔美食坊搵嘢食，原本美食坊咁多嘢食揀，冇諗住去湯加嘅，但係一來大家又冇乜心水，二來佢又搶閘推出咗個羊腩煲 ，賣相非常吸引所以我哋就去咗食啦。首先我哋就叫咗一個蒙古去骨羊腩煲，價錢又唔貴喎兩人份量係 $168，一人份量只係 $88，佢講羊肉係來自蒙古，仲要食咗野生韭菜，所以味道特別鮮味，食落都 Okay 嘅。另外又嗌咗一個蟲草花花膠燉雞，價錢都只係 $78，都算幾鮮味嘅， 最後食多一個甜品，紅豆仙草芋圓，只係 $22，整體味道雖然唔算話好印象深刻，但係價錢係抵嘅。

經過咗好多次湯加，但都冇入過去食，今晚突然想食湯飯湯麵就入左黎。果醋豬軟骨魚蛋淮山麵蕃茄湯 （$49）魚蛋有兩粒同埋四五舊豬軟骨，仲有少少白菜仔，但唔知點解明明成碗麵熱到出晒煙，但啲白菜係勁生好似啱啱dump入去🥬😂😂超耐無食果醋豬軟骨😭好好味，豬軟骨夠淋夠入味但唔會骨肉分離，比較可惜係我叫左湯麵，所以浸左落啲番茄湯到🍅少左啲果醋味，可能叫清湯或者飯會好啲。魚蛋就普普通通。湯加比較特別係有得叫淮山麵，感覺上好似健康啲😂但食落其實同普通上海麵差不多，都幾掛汁🤭

一個人的early dinner…….剛過了tea time, 又想坐下吃些東西攝時間。見這裏門口的餐牌只是5/60 一位的晚餐，便進去試下。點了一個鮮茄牛肉豬潤 配三色飯三色飯——同白飯分別不大，得幾粒唔同色 鮮茄豬膶牛肉——蕃茄比較生，煮耐一點就好，牛肉幾滑，豬膶冇內臟腥臭味，但比較鞋，湯底好味。個食物木托盤好污糟，跟本不敢放餐具上去。好心餐廳係懶嘅就用返啲易洗嘅質料。櫃入面啲餐具係乾淨嘅。服務：唔好預有服務，任何嘢都自己拎。好難叫到服務員，佢地會自己坐埋一邊傾計玩電話，可能剛過下午茶未到晚市抖一抖。但啲姐姐語氣好，都Nice 的。加埋杯熱飲+$5 承惠 $56 Ok 啦， 因為價錢唔貴同味道ok , 應該會再幫襯。希望可改善枱面托盤衞生。