湯加 (黃埔天地)

營業中

休息中

早兩日同同事去食湯加, 第一次幫襯湯加, 之前以為佢地係專打魚湯米線, 原來午市套餐都有好多不同選擇, 有幾款湯底揀, 有得揀燕麥飯, 糙米飯等, 都好多健康之選嘅食物, 我揀咗好耐, 樣樣都想試, 結果揀咗果醋豬軟骨蕃茄湯淮山麵配熱冬瓜茶。果醋豬軟骨蕃茄湯淮山麵: 蕃茄湯底幾濃, 有茄蓉, 可抗氧化。果醋豬軟骨好入味, 豬肉都鬆軟, 好淋, 幾好味。第一次食淮山麵, 出奇地好食, 口感特別, 麵條好幼身, 索埋D湯好正。熱冬瓜茶: 有點似糖漿味道, 過甜了。推介 蕃茄湯淮山麵~

難得放假，hea住食個晚飯⋯六點幾同男朋友思考緊食咩，行下行下去就行到去美食坊⋯見到湯加呢間野價錢唔貴就（共）左入去，可能因為早，所以得我地兩個人，坐低之後又去到選擇困難症發作既時候，所以男朋友揀左：鮮菇海驢魚胡椒味排骨泰式雞膇個驢魚既湯咸左少少，其他既普普通通，不過不失，開頭以為個雞膇會好乾，但咬落好多肉汁但唯一比較失望既係店員既對話大聲左少少，可能時間仲早，比較靜既關係⋯整體上係可以回頭再食。

係黃埔翻工 要成日出街食😭 出面多數濃味又唔健康😩結果比我揾到呢間 #湯加 ❤價錢中等 有多款湯選擇最岩翻工人士 飲湯去滋潤下😋 #薑絲黃沙豬膶 $46轉淮山麵 要另加$4味道清淡 薑味唔算重 飲完好温身一碗有好多豬膶 但配料唔多 午餐食好唔夠喉咁😂但叫飯既 可以無限添

今日想食啲稍為健康少少又簡單快捷嘅野於是揀咗佢－湯加睇佢個menu其實好多選擇!有啲係set死咗嘅湯餸／煲咁我地2個人食就選擇試下2餸1菜set佢嘅2餸要係一係2個都起$45格入面揀 一係2個都起$51格入面揀 因為如果你一個起$45格入面揀 一個起$51格入面揀 佢都係計你$51 (你嘥咗$6)所以我地一個叫 海中蝦+深海魚柳+娃娃菜番茄湯藜麥飯一個叫 滑雞+豬扒+南瓜清湯米線先講吓我依個海中蝦+深海魚柳+娃娃菜番茄湯藜麥飯 啲蝦有3隻 有頭有尾要用手剝殼 雖然應該係雪藏蝦不過都ok 啲魚柳都算多 一片片冇骨 又唔會散到唔見曬／撈唔起娃娃菜幾好味 浸住起啲番茄湯到所以超入味個蕃茄湯有真蕃茄 啲蕃茄好好食 好多汁🍅個藜麥飯其實啲藜麥唔算多 不過都會食到佢個口感 而且份量多至於滑雞 除咗有皮同較多骨 不過有幾舊又啖啖肉 而且特別在佢應該先前用酒醃過 所以有啲味都幾滿意 食飽飽 又幾好食 價錢ok (雖然冇包飲品 不過冇加一）員工好好服務 好有禮貌 又有笑容👍🏻

放左工搵左個朋友係黃埔返工一齊食飯佢知我呢期食野鍾意清淡少少所以介紹我黎呢間湯加試下佢推介我叫魚湯湯底 話好入味咁我就當然聽佢介紹啦我叫左個花膠扎肉紫菜米線碗米線一上到黎個陣魚湯味真係令我垂涎三尺原來都幾大份 紫菜份量都幾多比較特別係佢個花膠扎肉表面睇就好似一塊塊普通扎肉再加上細細粒既啫喱膏咁 其實個d應該就係花膠粒食落口爽滑得黎又好有鮮味再浸埋魚湯湯底真係鮮上加鮮啊野飲方面我叫左杯熱冬瓜茶係甜左少少不過食完碗米線仔再飲埋呢杯充滿台式風情既冬瓜茶無論身同心都一樣係咁飽咁滿足無他...平凡是福啊！

呢度主打汤饭，款式多，还可添钣。叫了猪肝汤钣，蕃茄汤底，配以白菜。猪肝几鲜味，蕃茄汤味十足，白菜仔少量，吃落都几健康，还可添钣，肯定够饱。座位够阔落，空调舒适，价钱又唔贵，抵食。

有日經過黃埔 一場黎到就上黎美食坊呢到睇下有咩好食😛聽聞呢到係雲集左最出名最有特色既美食。我地行左個圈黎到盡頭位見到呢間都唔錯就試試☺️ 因為成兩三點時間過哂lunch 人流都比較少<客家黃酒薑絲煮滑雞>朋友話呢道餸係屋企煮好大挑戰 所以出到街有得食都會試試😂 意外地佢由上碟到食完 酒味仍然仲會一陣一陣咁飄出黎 好香😋而且雞都浸入左酒味👍🏻<唐芹老干媽滑雞>望落覺得辣 一直食到尾都有少量辣。唔太食辣既朋友可能未必考慮 底有少少汁送飯食正👍🏻我地另叫左兩款小食 <椒鹽豆腐><椒鹽排骨粒>順便一提佢配搭既飯都係白飯、三色飯、有機飯等等... 職員都好細心講解飯既配搭 食得健康😬

進註呢一區已經幾個月，紅磡區既飯堂選擇確實係有唔少，但講到要食得健康d既，我認為湯加係不二之選！呢度有d車仔麵咁，可以揀唔同既餸，再揀飯 （白飯，三色飯， 藜麥飯），白飯仲可以任添 勝瓜，鮮牛肉片，魚片配酸辣湯~覺得勝瓜好岩配湯飯，牛肉一共有8片，酸辣湯係我鍾意既味，可以飲到一滴都無豬軟骨，魚腩，勝瓜配胡椒味菜湯~欣賞豬軟骨會另上，味道少甜！魚腩有2大件都夠滑，成碗都有好香既胡椒味，冬天食應該好正，會有 暖笠笠感覺

👁‍🗨 湯飯DIY自選2餸+1菜💲48湯加最近成為左我既飯堂，其實唔只紅磡有架，好多地方都有😳湯飯既話有得自選餸菜，無限DIY唔同配搭出黎，係街都有住家飯既味道😛呢次揀左豬扒同雞翼，兩樣都另上炸得幾香口🐥個菜就浸埋係個湯入面，湯底有清湯、蕃茄湯、魚湯，蕃茄湯偏酸夠曬開胃，魚湯會有頗鮮既魚味🐟白飯、三色飯可以免費任添，仲有其他桂格燕麥飯、有機藜麥飯、米線、米粉、公仔麵等，倒曬落去熱辣辣既湯度最好不過🍲🔛 整體評分（7/10）

成日出街食都多油多鹽，想食得清淡啲健康啲咁可以揀呢間啊～餐牌食物選擇非常多，揀到眼花撩亂先揀到兩個餐！肉骨茶+米線一心諗住可以食返有馬拉風味嘅肉骨茶，但呢碗就有小小失望🙍🏽。聞落已經冇藥材嘅香味，食落汁就似瑞士雞翼嘅汁配料有冬菇同埋排骨。排骨夠軟，配埋米線食都幾好味嘅～另外嗌咗胡椒豬肚雞+飯鍋入面嘅材料份量都好多，仲有生菜，啱晒我哋呢啲唔係成日喺屋企煮飯嘅人！味道唔算好酸又唔會話好鹹，雞嘅質地唔算滑，但值得一讚嘅係佢嗰度嘅飯可以無限添加，而且淨係飯嘅選擇都已經有好多～可以揀普通白飯、藜麥飯或者三色飯，身為飯桶嘅我真係好滿足啊😆！環境非常闊落，一定唔使等位，想搵間餐廳同朋友聚餐就最適合不過喇🤩

平時午餐都唔中意食飯，求其食個麵就算。依家通街都係米線店，食完次都好口渴，湯底好多味精。聽講黃埔大翻新多左好多野行，今日咁岩放街就去行下街。行街前緊係揾小小野食左先啦，因為太餓啦，隨便見到間麵店冇乜人就入左去🤤——一睇menu，就知冇入錯餐廳，全部野都好健康，好岩我口味。我地2個人叫左3份野食，其中2個跟餐。——海鮮淮山麵 配菊花蜜賣相十分好，海鮮足料。海底要左清底，清清地，有海鮮鮮味。麵係加左淮山打成，不過食落同普通上海麵冇乜分別，口感彈牙，好食。😋菊花蜜味道天然，菊花香味好岀，但不會太甜，好過飲檸茶啊！——蝦滑淮山麵 配金桔蜜蝦滑好足料，有成7,8件，但略嫌唔夠爽牙，感覺蝦既成份唔係好多。湯底要左魚湯，好清冇乜油份，食落去唔會好多味精既感覺但又夠味😜——一人一個麵之外，我地仲叫左份生菜魚肉。店員貼心問我地洗唔洗走飯，先知原來係配飯既，可以轉做糙米飯添！不過我地都係嗌左走飯，唔好浪費食物嘛！🙂🙂魚肉係陵魚打成既，彈牙有口感，份量好足，成碗都係！生菜相對就有點少，而且烚得耐左小小，有點淋唔係爽脆。呢份如果跟飯食可能會有小小清淡，但當係小食就好合適啦。——2人午市埋單$146。最後讚下，

天氣悶熱，見呢間食湯飯都唔錯，所以走入去坐低。睇menu, 見窩旦鮮茄豬潤牛肉賣相ok，所以就order. 點知餐送來⋯ 我第一句問阿姐：「咦？點解冇窩蛋？」阿姐都覚得懷疑，後來用隻匙羹撹下，噢！見到有少少蛋花物體⋯ 阿姐即刻話：「呢，咪有蛋囉！」幾時窩蛋改左蛋花昵？ 算！ 忍佢！我再夾起一塊牛肉入口，嘩！乜d牛肉入口即溶，仲淋過豆腐！完全冇肉味，d鬆肉粉乸到不知所謂！ 再試夾豬膶⋯ 一塊比指甲大片少少嘅豬膶超鞋，再夾⋯ 不得了，無名火起到昵⋯ 我只係夾到兩大塊又筋又散亂嘅渣！離哂大譜！我立即投訴，但佢地只輕描淡寫地話換，不過唔係煮過一碗，只係比我㨂另一個餸。最後換左兩舊仔一d都唔軟嘅豬軟骨比我囉！完全中伏，睇黎昵間應該做唔長～

是日一人晚飯，也許是年紀漸大，對油膩炸物和大份量食物總有點無福消受，還不時唇乾舌燥，想吃湯湯水水的東西。見這家漁米變成湯加，雖然重新裝修，其實也是同一集團吧。餐點選擇頗多，除了可自由配搭的車仔湯飯，還有不少家傳戶曉的湯飯組合，例如陳皮鴨腿湯飯、芫茜皮蛋魚片湯飯和紫菜四寳湯飯等，更有搞搞新意思的紅酒燴牛尾和冬蔭功海鮮湯飯等。左思右想後選了胡椒味菜豬肚湯飯，主食可選三色飯、藜麥飯和米線等，這裏食材流量應該不錯，吃内臟也不愁不新鮮。環顧四周大都是一家大小、無飯夫婦或女士，最多是中年人，只有一桌有一對小男生，大概這類有住家風味的健康餐點應該不是年青人的首選吧。我的湯飯等很久才上桌，餸料份量不多，但湯頭味道不錯，胡椒味足夠，喝後也沒太口渴，也喜歡三色飯的穀香。價錢比一般的茶餐廳小菜晚餐便宜，如遇上一人晚飯應該會再來的。