湘野

營業中

休息中

之前係深圳食過湘菜覺得重口味但好好食,原來香港都開左好多間湖南菜｡價錢都好抵,而且味道都好正宗!六點半已經滿座,七點幾出面已經大排長龍~🌶️湘野辣椒炒肉 $99呢道菜係必點,甘先試得出有無真功夫｡小辣都辣但好過癮,而且有個鍋熱住保持溫度｡🦆鮑魚老鴨鷄 $139起碼有6隻鮑魚仔,呢個價錢好抵食｡🥚蒸鮮雞蛋 $48雞蛋蒸到好滑,但鹹左D!🍋手打鴛鴦檸檬茶超級大杯,絕對夠兩個人飲｡茶底好出,同出面茶飲店有得輝｡⭐老長沙糖油粑粑係湯上,第一次試甘樣既食法,好味道｡好有咬口｡⭐紅糖發糕$39非常推薦呢個發糕!熱辣辣食超級好食,口感係軟熟｡香港也有正宗湘菜之前係深圳食過湘菜覺得重口味但好好食,原來香港都開左好多間湖南菜｡價錢都好抵,而且味道都好正宗!六點半已經滿座,七點幾出面已經大排長龍~🌶️湘野辣椒炒肉 $99呢道菜係必點,甘先試得出有無真功夫｡小辣都辣但好過癮,而且有個鍋熱住保持溫度｡🦆鮑魚老鴨鷄 $139起碼有6隻鮑魚仔,呢個價錢好抵食｡🥚蒸鮮雞蛋 $48雞蛋蒸到好滑,但鹹左D!🍋手打鴛鴦檸檬茶超級大杯,絕對夠兩個人飲｡茶底好出,同出面茶飲店有得輝｡⭐老長沙糖油粑粑係湯上,第一次試甘樣既食法,好

荔枝角的【湘野】主打地道湖南味，貫徹「大師掌勺、新鮮食材、現做現炒、滿意100」的四大承諾，還貼心地不收加一，讓客人吃得心滿意足。海帶苗肉丸湯：湯底清甜，海帶苗脆嫩，手打肉丸香滑彈牙，足見廚師功力。香辣小酥肉：炸得外酥內嫩，灑上孜然粉，辣勁十足，一口接一口停不下來。紅燒鱸魚：色澤誘人，香辣入味，魚肉細膩無腥，老少咸宜。小炒絲瓜：絲瓜清甜爽口，保留原汁原味，展現出炒功火喉。五常大米：粒粒分明，香氣撲鼻，果然係香米之王。老長沙糖油粑粑：外甜內糯，是完美的解辣甜點。手打鴨屎檸檬茶：茶香中帶花果香，酸甜醒胃，令人驚喜。總結，餐廳用心演繹每一道菜式，既保留湘菜的靈魂，又能夠融入港人口味，是不可錯過既湖南味道。

呢度嘅SET LUNCH有9款選擇，當中只有1款係唔辣嘅，價錢就由$52至$72，我們二人就一個叫咗最平的$52，就係唔辣嘅「農家一碗香」同埋最貴的$72「十八秒爆炒牛肉」。呢個就係「農家一碗香」，主要係菜同雲耳，入面有少少肉絲嘅，少少肥不過都香口好食嘅。呢個就係「十八秒爆炒牛肉」，其實嚴格黎講唔算好辣，牛肉炒得好香，不過個餐遲過個「農家一碗香」好多先出餐，唔通個「農家一碗香」煮嘅時間仲少過18秒？個SET LUNCH係無餐飲嘅，我地另外叫咗杯大檸檬茶，好似要加$28，少少貴不過真係好大杯。

湘野荔枝角寶輪街9號地舖辛辣味濃 呢間湘餐館最大特色湘菜以辣椒為主要調味品，喜歡使用各種辣椒，特別是新鮮的湘野辣椒，帶來強烈的香辣味香辣魷魚須魷魚朔晒辣汁味道 同辣椒一齊炒 下面再用過小火爐保持spicy嘅熱度湘野辣椒炒肉重點在於湘野辣椒，色香味俱全肉質鮮嫩，配上辣椒的鮮香 重口味之選用嘅係豬肉 主要係瘦肉辣子雞以炸雞為主，外酥內嫩 辣味十足 配上香脆的花椒讓人感受到麻辣的滋味，特別適合搭配白米飯。蒜蓉粉絲活蝦開邊蝦大大隻 搭配蒜蓉和粉絲粉絲吸收了湯汁 蒜香無憶 老長沙糖油粑粑這道甜點 內部柔軟，口感極佳糖油的甜味不會過於膩 用嚟解辣一流

放工約咗朋友去公司附近嘅湘菜小館食晚飯第一次試湘菜好興奮雖然小編唔係真係好食得辣但係又好鍾意辣嗰一種口感所以朋友就小編叫咗全部都係小辣首先嚟嘅係手打鴨屎檸檬茶一嚟到見到咁大杯眼睛都Bling Bling 了好解渴甜度又好適中真係幾好飲叫來送辣嘢食一流擂辣椒皮蛋呢個比小編想像中更好食本身一上枱辣椒同皮蛋都已經碎上砵餸會跟埋一個舂可以自行繼續舂爛啲食辣椒煮得軟腍腍配合舂碎嘅皮蛋食恰到好處呢碟好開胃好易入口五常大米飯飯嘅硬度拿捏得好好 唔會太硬亦唔會太腍粒粒米都好飽滿完整米飯香甜仲好大碗香辣小酥肉豬肉較想像中瘦外層包住脆辣粉炸得鬆脆入口唔太油膩 好香口有𡁻勁香辣魷魚鬚呢個係跟熱鍋上碟個底一路興熱住保持溫度魷魚鬚新鮮彈牙呢碟食食吓都幾辣因為碟內好多辣椒但又好味食到唔停口大碗花菜辣炒椰菜花 呢個辣度已經係咁多碟入邊最微辣菜花新鮮炒得乾爽乾鍋肥腸呢個亦都有用火興住上碟肥腸清理得好乾淨咬落去冇多餘嘅油脂配菜有筍絲同辣椒絲一齊炒熱口感同層次都昇華了而且都好入味由於我哋算早到嘅關係店員好貼心咁安排咗窗口位置嘅卡座俾我哋坐呢度好適合約埋家人同朋友一齊食因為份量都好多又坐得舒服下次再見

我同朋友前排去咗荔枝角嘅湘野食飯，呢間餐廳位於長沙灣廣場，環境乾淨企理，帶D簡約中式風，暖色燈光，坐得舒服又唔失風格。佢主打地道湘菜，菜式以鮮辣同酸香為主，份量夠大，啱晒同朋友一齊share。😋紫菜肉丸湯一上枱就已經聞到陣陣紫菜香，湯底清甜，紫菜同蔥花嘅味道好突出。肉丸用手打製作，咬落去結實彈牙，帶點豬肉嘅鮮甜，唔會太鹹。飲落暖笠笠好舒服，份量都多，啱晒做開胃湯品！🥣紅燒爐魚係今次嘅主菜，魚用新鮮鱸魚，燒得外皮微焦，魚肉嫩滑無骨，入口即化。紅燒醬汁帶點甜同微辣，滲入魚肉好入味，仲有蔥段提味，味道層次豐富。魚身份量夠大，肉質新鮮，食完好滿足，係湘菜嘅經典之選！🐟鮑魚老鴨煲係另一份主菜，煲仔熱辣辣上枱，湯底濃郁，鴨肉燉得軟腍，入口無渣，帶點藥材嘅香氣。鮑魚細細隻但好鮮甜，吸滿湯汁，咬落有彈性。呢款煲仔份量足，兩三人share都夠！🦆小炒絲瓜係一道清爽嘅小菜，絲瓜炒得嫩綠，保持爽脆嘅口感，配上少少蒜蓉帶Ｄ清香。調味簡單但好突出絲瓜嘅鮮甜，唔會太油膩，食完一碟覺得好開胃。呢款菜啱晒想食啲清淡嘅朋友！🥒最後係手打檸檬茶，檸檬切片新鮮，茶底用紅茶，入口有陣陣茶香同檸檬嘅酸爽。甜度調得啱啱好，唔會太

湘野裝潢簡潔，燈光明亮，座位舒適，是一家正宗湖南湘菜餐廳。蒜蓉粉絲活蝦：蝦肉鮮嫩Q彈，因為選用新鮮活蝦，蒸煮後保持肉質彈性且鮮甜，粉絲吸收了蝦汁和蒜蓉的精華，口感爽滑且帶有濃郁的鮮。紅燒鱸魚味道鹹中帶甜，醬汁濃郁且香氣十足，融合了蔥、薑、蒜和辣椒的香味，魚肉鮮嫩且入味，湯汁鮮美。香辣扇子骨：扇子骨的味道以麻辣鲜香为主，肉質嫩滑且入味，帶有濃郁的香辛料香氣，配合青紅辣椒和花椒的微微辣度，刺激食欲，吃起來外脆内鮮，每塊骨頭上的肉都特别香嫩。蒸鮮雞蛋：既有蛋的滑嫩，又有肉碎的鮮香，口感細膩且入口即化，非常適合配飯。香辣小酥肉味道香辣麻辣，外酥里嫩，肉香四溢。大碗花菜炒出来保持脆嫩，香辣可口，非常下飯。

最近去咗一間主打湖南菜嘅小炒餐廳，主打即叫即炒，份量大份，晚餐時間勁多街坊客辣子雞外層炸得香脆，入面啖啖肉，唔會太乾，配埋乾椒同蔥粒，一入口有香有辣，但辣度唔會太刺激，好啱配飯湘野辣椒炒肉係熱炒上枱，豬肉唔肥，炒得入味，青椒爽口，鑊氣足！蒜蓉粉絲蒸蝦蝦新鮮，大大隻開咗邊，進食唔困難，粉絲吸晒蝦汁同蒜香，底味濃，撈飯一流老長沙臭豆腐炸得乾身，唔會過油，有淡淡豆香，味道比預期溫和，唔算太臭，幾適合初試者。手打鴨屎香檸檬茶大大杯，茶味夠，唔太甜，解膩之選。環境方面乾淨明亮，枱與枱之間唔算迫，仲可以見到廚房現炒，好有街坊餐廳嘅感覺。價錢以地道湖南菜嚟講算合理

今次我同朋友嚟到美孚嘅湘野餐廳，環境舒適，充滿湘菜風情，但令我最驚喜嘅係佢嘅甜品，尤其是係佢嘅發糕同埋糍粑！⭐️紅糖發糕呢個發糕真心好有驚喜，紅棗紅糖味好出，而且更加重要嘅係佢嘅口感非常之出色，回彈力好好，口感柔軟，非常之正！⭐️老長沙糖油粑呢個並非好似平時食嘅紅糖糍粑咁，反而係有啲似湯圓，佢裏面冇任何內餡，但係佢整個口感非常之軟糯，而佢配上糖汁簡單又甜而不膩，煙煙韌韌令人好上癮！⭐️ 蒜香花甲呢道花甲蒜香味濃郁，花甲肉質鮮嫩，而且份量超級多淡淡都係蒜蓉香味！⭐️ 湘野辣椒炒肉呢道菜嘅辣味適中，肉質嫩滑，搭配新鮮辣椒，味道非常過癮，真係好開胃！⭐️ 大碗花菜花菜炒得剛好，口感清脆，調味簡單卻美味，係一個健康又美味的選擇！⭐️ 老長沙臭豆腐呢個臭豆腐外脆內軟，香氣撲鼻，搭配特製醬汁，味道出奇地好，真係一個好驚喜！🧄🧊 手打鴨屎檸檬茶呢杯檸檬茶清新可口，鴨屎香氣獨特，飲落去非常消暑，係一個完美的飲品選擇！今次嘅用餐體驗非常愉快，每一道菜都新鮮、美味，環境舒適，期待下次再來試更多湘菜！👍😋

喺荔枝角想食正宗湘菜？「湘野」嘅小炒黃牛肉絕對係隱藏王牌！ 呢道菜一出場就聞到嗆辣香氣，牛肉切得薄身又均勻，大火爆炒鎖住肉汁，入口嫩滑唔韌，仲帶微微焦邊，鑊氣十足！靈魂在於湘式調味：湖南直送泡椒 + 新鮮小米辣芹菜段、蒜片爆香秘製醬汁鹹香帶鮮辣度唔會死鹹，反而層次分明，越食越上癮！牛肉份量夠晒多，撈埋辣椒同蒜片一齊食，送飯簡直「無得頂」～貼士： 建議叫中辣（湖南風味更突出） 即叫即炒，上枱熱辣辣食最正加杯冰凍酸梅湯解辣，完美配搭！其他必試：土匪豬肝、干鍋肥腸食過嘅老友都讚：「牛肉嫩過茶記乾炒牛河！」「辣到流汗都停唔到口～」想試地道湘式風味？呢碟小炒黃牛肉，絕對係你嘅頭號目標！

美孚真係無乜嘢好食，知呢間湘野開咗一段時間，街坊話ok，今日黎試吓。果然無令我失望，真係美孚少有嘅好食餐廳。 佢環境裝修比之前的店光猛乾淨我喜歡有少少辣，但又唔可以好辣，我食譚仔只能5小辣。 所以，今次都係博一博。兩個餸都叫小辣，啱我口味，有啲香辣，唔會食得辛苦，佢味道都好味。食辣嘅朋友都話好食，唔會嫌佢辣辣子雞一向都係肉少，呢個算有點肉了土匪豬干都幾野味， 真係餸飯正！茶係玄米茶，好夠味欣賞佢哋服務，樓面未能及時處，佢大廚親自上菜，呢點我欣賞佢哋嘅合作！ 不過，樓面侍應真係要加強一點！ 希望佢哋可以保持水準，做耐啲！ 美孚終於有多一間我覺得可以encore嘅食肆

作為美孚街坊，當然知道有咩新店開業啦，而呢一間「湘野」其實開咗一段日子，不過，因為喺賣湘菜，即喺湖南菜，辣嘢嚟，所以，一直無幫襯。到最近，老死夏總話去挑戰吓，我又見間餐廳經常客似雲來咁，小弟就捨命陪大佬。對外全落地玻璃，所以，晌外面都已經睇到餐廳燈火通明，一字長形格局，簡約裝修，淺木色系襯綠，整體感覺幾舒服。最好梗喺窗邊卡位，有街景望吓，又闊落，不過，當然被人揀晒啦。枱側拉櫃一邊放齊筷子、匙羹、牙簽同紙巾，而另一邊喺吉嘅，唔喺放漏嘢，而喺放飯煲，因店家嘅米飯喺可以原煲咁上。一大張紙就喺餐牌，唔少喺湖南家常菜，但好老實，湖南菜小弟都喺第一次食，雖話家常，但對我哋嚟講都喺有特色，定價亦好相宜。落單就掃二維碼，另外，一大壺麥茶先奉上。湘野辣椒炒肉 $99見餐牌放咗大大張相，絕對喺餐廳嘅推介，仲專登叫人叫埋手打鴨屎檸檬茶嚟襯。呢度啲餸菜真喺好夠份量，就好似呢道炒肉，一大「鑊」架，我哋揀小辣，所以，食起嚟有辣勁，卻唔會太嗆喉。而精選鄉野黑豬肉質好軟腍，除咗有青椒香，仲好有蒜香，好惹味，餸飯一流，不過，一片片薄薄透明嘅唔喺好知乜，但爽爽哋幾脆口。泡椒牛蛙 $129田雞好耐無食過，難得老死都啱，所以

一直都見到屋企樓下好多人排隊，其實我已經食過幾次佢唔同的分店，菜式都有所不同，這次特意寫下幾道我覺得值得推介的菜式。香辣扇子骨炸得好香口好似食緊零食咁，肉質乾身但係唔柴，搭配香辣的調味，讓人一口接一口。。紅燒鱸魚炸得酥脆，魚肉香唔腥，吃起來十分入味。湘野辣椒炒肉這道湘野辣椒炒肉非常受歡迎，係店家嘅招牌菜，肉片份量唔算多，但係搭配辣椒的香氣，好適合送飯。香辣小酥肉香辣小酥肉外脆內嫩，上面糝咗辣椒粉，食落有啲似熱浪薯片嘅味道，適合當下酒菜。香乾炒豬耳口感特別，豬耳脆口，菜式散發煮一種煙燻嘅味道，更具風味。紅糖發糕擁有婆仔口味嘅我特別鍾意呢個，甜度適中，口感柔軟，搭配紅糖的香氣，即刻諗起童年早餐會食嘅蛋糕。五常大米用飯煲上枱的米飯，燈光之下晶瑩禿，粒粒分明，比平時嘅飯多咗浸香味，唔知係咪有加特別嘅香精呢😂。這家湘菜餐廳的菜品水準穩定，味道鮮明，特別適合喜歡重口味的食客。所以都解釋到點解佢喺美孚咁受歡迎。

喺香港想食辣，多數食川菜，湘菜都係好辣，舖頭又少，香港少啲人想試。不過美孚發現一間湘菜，號稱本港餐飲品牌，符合港人口味。不過湘菜辣味十足，口感獨特，重調味，如果真係做到正宗湖南風味，真係同本地口味差好遠！所以想試下點樣咁辣嘅嘢，可以符合港人口味先！呢度係香港價錢，但有正宗嘅湖南味道，同埋服務好好。雖然用QR CODE 落單，不過有咩問題，或者有需要嘅餐具職員都會好快幫到你！落單前，睇下餐牌先舖頭環境擂辣椒皮蛋 $59 尖椒肉質厚實，辣味適中。將尖椒用火燒，表皮會出現虎皮紋路，可以增添香氣同口感。呢個時候就可以搣曬啲皮，切條，同皮蛋放埋一齊。所謂「擂」就係將辣椒同皮蛋，放落碗度，用木杵擂成糊狀。辣椒的辛辣與皮蛋的滑嫩相結合，口感層次豐富，又係好適合送飯。老長沙臭豆腐 中辣 $39 湖南臭豆腐黑色，主要因為發酵過程中使用特定嘅調料和微生物，使豆腐吸收了更多嘅香料同顏色，應該比廣東嘅臭豆腐臭。不過因為呢個辣汁調得好，所以只食到外皮酥脆，外脆內嫩。直到吞落去果陣，自然會有返啲臭味。湘式梅菜扣肉 午餐 $59送例湯、時蔬、開胃菜、白飯雖然賣相好似#兩餸飯 ，不過價錢平啲，份量細啲，可以叫多幾樣餸

我有個同事喜歡食美味辣菜，就介紹我去佢樓下間小炒湖南菜式餐廳，這間餐廳叫湘野，佢話菜式煮得好食，食物質素好，價錢又唔貴，亦都冇收加一，仲日日都好多顧客。我同朋友見到餐廳地方整潔，座位寬敞，坐得舒服，店員服務態度都好，推介食物比顧客，小炒湖南菜式都不少，菜式份量亦不少，我哋選咗梅菜扣肉、農家一碗香、香辣小酥肉、香辣扇子骨、蒜蓉粉絲活蝦、五常大米、手打鴨屎檸檬茶，點菜時辣味仲有得選，有微辣、中辣、熱辣，真係令人叫得開心，多謝同事推介我同朋友來食。🐷梅菜扣肉五花肉質經過長時間蒸製，肥肉部分入口即化，瘦肉酥爛不柴，層次分明，梅菜鹹香濃郁，吸收肉汁後軟嫩帶微脆，與肉香完美融合，整體濃油赤醬的醇厚感，鹹甜交織，肥而不膩，配飯絕佳。🥚農家一碗香雞蛋、辣椒、五花肉等爆炒，雞蛋外焦裡嫩，五花肉片焦香有嚼勁，風味辣味鮮明，紅椒的鮮辣，鑊氣十足，油香四溢卻不膩口。入口蛋有酥軟，肉有彈性，辣椒有爽脆，口感層次豐富。🌶️香辣小酥肉麵衣酥脆蓬鬆，外皮咬下有「喀嚓」聲，內裡豬肉條鮮嫩多汁，醃製入味，花椒粉帶來微麻後勁，配上辣椒粉的香辣，刺激但不嗆喉，適合吃飯。🌶️香辣扇子骨豬扇子骨貼骨肉緊實有嚼勁，帶筋膜部位軟彈，食落