湘川閣

營業中

休息中

服務態度差，我地想叫個樣，又吾建議我地食個樣，我地討論緊食咩，佢又係到搭嗲，最重點係服務員無帶口罩，出左門口睇到廚房，廚師都無帶口罩，食物都不太好吃，不值一試，因為無對比無傷害

服務落單問有冇5辣，又5_講，出去買完野番來又係咁講點點點！係咁話有5可以外帶，blablabla咩要叫餐廳野食🤬講完1次都夠，仲要講2次！而且得2，3個侍應，叫勁耐先應。自己去裝水，又叫我叫侍應就得5使行出去。但重點係都冇人應。重點係去廁所個門係壞，俾人開左2次，仲要係咁吹食物上菜算快，聞就幾香，係即叫即整。但食落一係過油一係死喊！湘川農家鴨少肉，好實多肥5嫩。。。肥腸…茄子油到呢…餸菜偏少，野食5係好正宗，偏貴，cp值低！不推

話說有次路過求其搵間野食 就試左佢 跟住一路念念不忘 今次終於再黎食！佢既鋪頭裝修無咩特別 正正常常 外面貼滿佢地唔同菜式既相今次試左佢既魚皮 我第一次咁食 出奇地開胃好食 佢撈左d蒜泥香茜 食落酸酸地好香蒜同香茜味 又有咬口 推介呢個肥腸 同樣好香口 好夠味 好正萵筍絲係我至愛 好fresh口感超正 食一大注好爽土豆絲好香！酸酸辣辣而土豆又保留左個種爽口既感覺好好食水煮魚既魚片都好多 幾林幾滑 入面仲有豆芽薯粉 但薯粉就煮得林左d食到係超飽 坐左一陣就俾姐姐趕 傷心 不過我都會再黎 因為野食好惹味

去完海洋公園，諗唔到食咩野，唯有返觀塘覓食，一直都有幫襯開湘川閣，應該算得上最接近國内川菜的味道的香港川菜餐廳，侍應，廚師都講普通話， 真正來自祖國的味道, 份量十足(大大碟) order:- 蛋炒飯(小朋友食) - 辣子雞比起其他川菜餐廳雞粒較大，有肉(啱晒食肉獸) 有骨(越o趙越香，送啤酒一流), 辣味適中(啱晒香港人) -水煮魚片少少辣， 魚片夠滑(多細骨), 可能繁忙時間，廚師哥哥失手，配菜完全未入味，總體尚算ok- 清炒土豆絲每次來食都一定會叫，少少酸辣味，食落好開胃, 廚師哥哥刀功好好(條條粗幼適中) ，咬落爽口(火喉控制得一流)

我覺得可惜🙄九龍城分店要轉手，我突登走去觀塘試過菜，其實真係好有風味，川味十足，剁椒魚頭應該長期暫停😰好想試啊🗣最後點咗鄉村將軍鴨配啤酒👍🏼👍🏼正！仲有其它好吸引嘅菜未試，下次再去，份量都幾大，所以叫唔到太多款式！留返下次先💪🏼仲有可能太多国內人捧場有D返咗內地食飯 Feel 埋單走出咗門口先返回現實世界⋯⋯香港😂😂

又再寫食完心思思又想食的泡椒田雞……同一條街一間也可以食到粤湘式的做法 上菜時只見涼瓜及斬得較细件的田雞 泡椒呢 原來有三颗泡椒在碟底 正想發問是否上錯菜的時候 才想起这间是湘粤菜 師傅的手法可能是以涼瓜去平衡泡椒的燥熱 亦合乎醫食同源陰陽之道 也可以說得过去……再次光顧的時候 可能是厨房轉了師傅 田雞做得淡而冇味 朶椒魚頭也有一点不新鲜…………今次要說的是本店的干煱田雞 喜欢食田雞是因為田雞肉地比雞还嫩 只要厨房走油火路較恰當 便能封住田雞的肉汁 而不像一般湖南食店用火較重 香是夠看但肉汁全無 當然正宗湖南式火路配上国酒醬香白干又是另一个層次…… 店裡的另一个做法是干鍋田雞 用一个鑊仔小火爐上 最重要的亦是田雞斬得恰當大小 才不会太碎 走油鎖住肉汁 配上大葱辣椒 加上大粒生蒜頭 鑊仔小火熱上 湘菜的味道就出来了 干鍋田雞加入了紫蘇 也是这店这味菜点精之處……如果没有紫蘇 在上鍋時加上䌫菜 味道和这个菜也是很夾的…………

第一次到此店接觸到的食物 印像很普通……魚片嘗到是新鲜的 唯棘椒的种類不及在深圳食的多元化 加上魚片入口熟了一点及不滑口……有缘跟師父溝通 原來師傅以前在这区工作己數年主打湘菜兼川菜……師父從善如流 魚片用蛋白撈过及略調火路 个人認為其質素己是这條街做得最好之作…………另一味泡椒田雞也是常叫的小菜 師傅的田雞斬得大小適中 別的餐廳一般是斬得太碎 就算火路可以 質感口感都不好 而这店的就沒有这个毛病 做得湘菜火路足夠一般不是问题，只是香港人食惯了外香內要有肉汁 斬得適當大小的田鷄合理的火路 配上正宗的泡青椒来食 食过之後 相隔不久令人有一种心思思又想再食的感觉……

上網看下附近有咩辣野好食，見有blogger介紹呢間湘川閣就去試下！入到去都幾光鮮，係大排擋feel的餐廳來講算乾淨7點幾去到都剛好有位！點左湘川閣烤魚，$198原條！魚唔算大，但肉嫩唔多骨烤魚上爐之前先經油炸，而魚皮上仲有豐富的香料，增添不少味道！叫左中辣，辣味剛好！配菜有豬紅，牙菜，若果有金菇就更好了！另外也試左風味寸骨$128，有6條骨！每條骨的尾都有錫紙包住，好方便！ 香料超多，色香味都十足，而且只是一點點辣，不喜太辣的朋成呢個都到！

行到邊食到邊～觀塘-無辣不歡的大佬，今次又來到觀塘宜安街揾嘢食。今次便㨂左湘川菜的湘川閣農家菜開飯。-HK$98干鍋肥腸豬腸軟硬度OK，冇🐷臭味。呢碟菜我哋叫左小辣，香度剛剛好，洋蔥及蒜頭吸了豬油及辣香，所以幾惹味。🤤-HK$88辣子雞辣子雞的雞肉細細粒，上檯時熱辣辣，帶少少鹹味同好酥脆，送🍻一流。-HK$98血毛旺最遲上菜的血毛旺，滿心期待點知希望越大失望更大。我哋要小辣但係啲辣味一D都冇，只有麻嘅感覺係個嘴唇邊度跳動。基本材料有牛肚、牛脷同豬紅。豬紅冇味🙁。唔明點解有午餐肉，俾我地感覺唔正宗，還有個碗咁大，材料每款只有三、四舊係正常size,其他碎濕濕。HK$98呢個價錢同干鍋肥腸對比，呢個質素有點失望🤦🏼‍♀。-環境光猛帶有中國風味、地方乾淨、服務也可以，見血毛旺遲遲未上菜，主動入廚房追單。整體上👌🏻，只是血毛旺扣左分。-🥢:湘川閣農家菜📮：觀塘宜安街四M號地下

今晚同幾個朋友一齊去觀塘，食川菜！個人忠意麻辣鍋！點左肥腸煲，有一位朋友唔食辣野，我的叫左小辣的肥腸煲。好似打邊爐咁樣！雖然是小辣，但是味道都算可以啦！最重要係肥腸洗D好乾淨！比個贊佢地！好驚肥腸洗的唔夠乾淨，就會冇味口啦！入面的配菜都有好多架，有芹菜仔、青瓜、辣椒、酸菜等配料，加上四川的麻料！味道幾好架！我個人比較偏好重口味的菜式！問左D朋友們覺得味道點樣！佢哋話經濟實惠，味道唔錯！合適我們的味口啦！

叫咗個乾煱雞什，點知嚟咗之後淨係得雞腎。問個侍應係淨係得雞腎咪嚟錯咗，點知佢答雞腎就係雞什。聽到佢的回答後，我即時啞咗and O晒咀😂唔知大家有無以上的經歷呢？😅😅😅

味道很正宗，老板娘湖南口音，点了一个将军鸭，一个干锅莴笋腊肉，分量足，卖相不是那么精致，是那种走接地气路线的店。香港正宗川湘菜的馆子有，但大多走高端精致路线的，价格也就高。希望这样的店以后能够多起来

今晚假期同朋友聚會，來到觀塘宜安街一間叫「湘川閣」的辣菜館！進來餐廳空間大而簡單，可以能來的早冇咁多人！今晚食左幾道菜，味道都唔錯！平日上深圳最忠於食辣野，未想到香港都可以食到咁正宗的湘菜和川菜！風味羊排，無騷味！味道純正！酸辣金錢肚，肚片有韧力，配上小米椒一流！酸辣藕尖，香港很少有藕尖，我都係從內地先食過，香港好少見！味道酸辣，藕又脆！非常夠味！毛血旺，里面添加了很多香港人喜歡的特色，牛雜在裡面！我個人覺得有創意！最後就是青瓜海蜇，清清的，冇四川，湖南的重味，也不失香港的淡味！幾道菜都挺好！下次在來光顧！

下午就打左電話預約左11人，到達卻只有張八人枱，仲叫我地逼下。好彩有張枱可以勉強坐到10個人果枱客人好人先同意調換比我地坐。反而個店鋪阿姐仲嫌麻煩咁嘅嘴臉。預約的作用不是就是可以讓店員提前好安排嗎？一叫完嘢，職員用搶咁拎走本菜單。叫左個香辣魚，辣味都未能蓋的住魚的不新鮮。叫左個職員處理，久久不來，最後買單先來。我陪朋友來食辣野，本身好開心。間鋪態度唔好好影響心情囉。一定不會再去。食餐飯，基本招待都冇

魚不新鮮，叫左個類似老闆娘的女人試食，佢食左囗，話幫我哋換條魚，朋友話唔想再食多次臭魚，最後決定取消。買完單，想睇番張單，就黎料啦，大大聲話比左我哋哦，又罵人㗎式咁話唔係比伱睇左先買單㗎。最後咩係自己電腦前搵到，就過來大力丟碗收台叫我哋快D走唔好再來。這時有個不知是誰的男人出來吼我地，趕我地，出到門口仲啤住我地哦。吃餐飯啫，又冇少你一毫子，要殺人咁款，此處已經冇態度可言了。你話呢？惡劣到成咁。希望來到openrice呢度見到這段文字的人，自己衡量要不要試下冒險。