湘川滬 (+WOO嘉湖二期)

營業中

休息中

裝修重開梗係要試下香辣豬大腸～大概有12件～唔算太辣～份量十足冷盤叫左海蜇鎮江淆肉～8件正常無乜特別小籠包～有一湯匙既湯汁，湯汁都清甜唔會太咸，皮可以再薄dd松子魚一般般雪菜肉絲炒年糕要厚切份量十足，年糕煙un唔會太淋，好欣賞甜品叫左高力豆沙～好有驚喜～好似梳乎厘既口感好鬆化～熱辣辣，豆沙餡算多唔太甜，食兩個都唔會膩酒釀南瓜小丸子～好多小丸子勁飽要兩個人先食得晒小丸子個人建議唔好煮咁淋少左煙un口感，食到尾會一pat野咁……

湘川滬的菜單結合了湖南和上海兩種菜系，提供了多種美味的選擇。我在這裡品叫了招牌菜，紅燒肉和小籠包。紅燒肉色澤紅亮，肉質鮮嫩，入口即化。湯汁入味，讓人回味無窮。小籠包外皮薄而有彈性，內餡豐富多汁，非常美味。他們的湘菜和滬菜都表現出了地道的風味，口味獨特。除了招牌菜，湘川滬還提供了許多其他美味的菜餚。我試了他們的麻婆豆腐和蔥油拌面。麻婆豆腐口感豐富，辣味十足，配料搭配得宜。蔥油拌面麵條彈牙，蔥油香氣四溢，是一道輕爽可口的選擇。他們的菜餚味道均衡，口感出色，絕對能滿足不同人的胃口。

呢個釀青紅椒大點$25.8仲未計加一用嘅椒合埋可能都先一條Excuse me 冇嘢啊嘛縮水縮到咁其他酒樓都冇離譜至少4條都會係長嘅完整一條而唔係得半條再分開扮4條見到真係笑咗裝修咗之後真係唔掂服務態度同上叫人冇人應茶壺空咗放枱邊冇人補啲空碟冇人收你哋係咪唔夠人啫搞到好似叫天不應叫地不靈咁但偏偏呢間嘢仲要好乸多人排隊由8:05左右到9:15 先有係啦終於等到位入得去坐啦環境觀感okay至少光線充足呢個係唔錯不過嘢食方面Ah Ha陳皮牛肉球冇任何一絲陳皮棉花雞棉花直接「唔熟」

🍴海苔鮮蝦腐皮卷 ($25.8/大點)蝦既份量唔少 加埋海苔都好夾 個皮都夠脆 其實幾好味 可惜d油未吸得夠 變左都幾油淋淋🙈🍴蜜汁叉燒包 ($21.8/中點)呢個有驚喜！個包幾軟熟又唔會好黏口 個汁又調得幾好 鹹甜適中 叉燒都唔少又唔會太柴👍🏻🍴招牌蝦餃皇 ($28.8/特點) 蟹籽燒賣皇 ($28.8/特點)呢兩樣就正常發揮 燒賣既豬肉肉質都ok 唔會太實🍴陳皮牛肉球 + 香煎蘿蔔糕 ($41.8/孖寶)牛肉球都係正常發揮 唔會太粉 但係就無乜陳皮味蘿蔔糕煎得好香 而且入面都有唔少蘿蔔絲 有咬口得黎好夠濕潤🫶 可惜蘿蔔糕無乜料 得少量既無乜味細細塊既臘腸🥹🍴茶位 (平日每位$10)呢度翻新過之後裝修幾靚 感覺寬敞左 不過飲茶時段太多人 都係要撘枱🙈點心都比以前好食左 可能轉左師傅🤣不過服務都照舊普普通通😂

中菜其中一樣最愛就係上海菜🥹 今次趁下午茶食呢間聽男朋友講都好食既餐廳！結果無失望(›´ω`‹ )🍚 糖醋排骨飯 $5x唔係想像中黑色既陳醋～ 比較似咕嚕豬扒🤣 不過少有地多肉少菜！仲要勁大舊 都幾滿足(๑•᎑•๑)🥢 上海粗炒 $63好好食( ´•̥̥̥ω•̥̥̥` ) 好大盆之餘 啲麵條入味但係口感同時保留到 唔會一pat 野 亦都唔會好油！食到停唔到口🥹🥹🥹🥚 鵪鶉蛋燒賣 $大點 懷舊菜式既感覺 其他地方比較少見～ 有好大粒原隻蝦係入面(*´˘`*)♡🍖 花雕醉雞翼 +$26好香花雕酒味但係又唔會太重！雞翼都好大隻 食到啖啖肉(›´ω`‹ ) 調味亦剛剛好同入味 好鍾意🥹值得回訪！不過午市同晚市應該會貴啲🤣 建議等夠 2 點先黎食

難得一家人飲茶，唔想成日食黎食去都係嗰幾款點心，今次喺天水圍見到呢間湘川滬🤭，一於試下佢。選擇好似都幾多，除左點心仲有上海菜，好似上海粗炒，年糕等等😏。不過一早都係想食下點心，呢度都有D幾特別既款式，出面都比較少見。上海年糕蒸排骨，呢款做法唔錯，因為用年糕墊底，可以吸收排骨既肉汁，年糕煙韌惹味，不錯！鵪鶉蛋燒賣，古老既一款點心，不過呢度整得麻麻地，燒賣一夾就散，鵪鶉蛋完全分離，食得好論盡😅。黎得呢度我覺得必食小籠包👍👍，皮唔太厚亦唔算好薄，反而我覺啱啱好，包住所有既湯汁，豬肉肥瘦適中，所以比較軟滑，上枱時熱辣辣，必食推介😋😋。反而生煎包就唔太好食，餡料比較少，同埋有少少雪味，包皮過厚，令到整體乾身左D🥲，可以不試。鼓汁蒸鳳爪，只係正正常常，無咩特別。糖醋魚塊有驚喜，魚塊炸得香脆，糖醋汁掛喺魚塊上面，口感一流🤗。今次食呢間湘川滬，覺得比平時酒樓飲茶好，因為可以選擇食上海菜，最喜歡係小籠包，其他食物就有好有唔好，如果住得遠就唔需要專登入黎食🤭。

推薦花膠獅子頭，好入味好正！其次雞絲粉皮都好食！仲有食黃金蝦仁炒飯，ok好食但會好易滯其次夏天去的話，如果又需要出室外，建議坐去近美國冒險樂園個邊會涼啲👍🏻

每次同朋友過銀座唔知食咩，首選食呢間幾乎沒有失望過，食過好多菜式，口味都很不錯水煮魚同瑤柱蛋白炒飯都令我地念念不忘辣菜好入味，其他款式亦都好有鑊氣每次黎都會食多啲飯，好易送飯！

呢間餐廳係區內都開左幾耐，但係服務態度真係越黎越差，唔知係因為換左經理定點。叫左兩碗糖水，個侍應直接assume左我地係叫起，無問過，到最後食完都無人黎問係咪上甜品，最後埋單嗰陣要扣翻筆錢，仲比個收銀串：「咁你地無叫起啊嘛！」咁其實叫起呢件事我地無提到咁都自認理虧，但係後黎我地又加左碗白飯，到最後埋單先發現個白飯無比到我地，白飯仲要叫起咩？自己都係餐廳做過，基本對客人既禮儀同落單呢啲公司都有訓練過，但係呢間餐廳由開業到依家感覺到係越做越差，有幾位做得耐既姐姐都係咁好態度，新人就真係要多提點下。至於食物，不過不失，但係叫獅子頭上到黎係散既，希望可以改善翻。

睇清楚佢地所謂55折優惠因為佢中午都有午時套餐 55折優惠反正計一計仲貴過我直接單點午時套餐的菜一模一樣喔， 兩個送先120但套餐158（ 我假日黎會多十蚊）即係豆漿加白飯要$38⋯⋯埋單佢唔會話俾你知有其他選擇架只係自己唔夠睇得仔細 唔怪得人 所以呢度提提大家睇清楚價錢 唔好比佢陰到

瞓醒第一餐梗係揀自己鍾意食嘅菜式啦，之前食過佢嘅晚市，見到午市咁抵食就入嚟食啦😀干鍋爆大腸🌶🌶🌶（$54）有個正方形嘅鍋，熱住啲食物🥰辣味好香，雖然好多辣椒但係都唔太辣😃大腸都好大件，但係新鮮程度就爭少少😔炒鱔糊🐟🐟（$58）味道鮮甜，醬汁同個芽菜好夾但係鱔糊就少咗啲😅但係佢係好食嘅👍🏻鴨腳扎🦆🦆（$24.8）味道就一般般，醃製得唔夠耐，食到有雪藏味😐下次未必會再嗌😕雞絲粉皮（午套餐加$26) 🐓麻醬好香，雞絲都有好多，食落好開胃😜酸辣湯（午市套餐加$10）🍲感覺好似食緊辣嘅碗仔翅…🥲🥲冇咗酸辣湯嗰種味道呢間餐廳都食第二次，水準上面都keep得唔錯但係今次乾淨程度比較參差，啲匙羹洗唔乾淨，仲要有跡添⋯⋯🤦🏻‍♀️🤦🏻‍♀️🤦🏻‍♀️唯有靠自己洗乾淨啦😂😂

同男朋友放假行過，俾佢嘅招牌片皮鴨吸引見佢坐出邊環境都唔錯，就直接Walk in因為得兩個人食，一入座嘅時候問佢有冇片皮鴨佢話有，即刻同我哋落，因為燒要時間驚要等，我問佢哋有冇得半隻買佢哋話冇，唔緊要我預咗食唔晒，反正可以打包返屋企一隻$288 都算係咁啦⋯⋯佢哋話加$60可以兩食，我就冇要到先叫咗個瑤柱蛋白炒飯，因為我唔識沖嘅關係千叮萬囑要全部野都走青落單嘅哥哥都係單嗰度寫咗…..誰不知個飯來到….就係全部都係青😥唯有就叫佢哋換過片皮鴨燒好未切嘅時候，有全隻拎出嚟俾我哋睇，開頭都幾滿意好大隻切出嚟有好多塊，不過太油膩，食幾舊其實都已經好飽…但係問題來了…包片皮鴨嗰塊皮…..我唔知道佢哋係蒸太耐定點，長期黏住啲紙..完全係冇辦法撕到塊完整嘅皮出嚟包片皮鴨…叫咗佢哋換，情況都係冇變..完全係食到冇心機不過，換咗走青嘅瑤柱蛋白炒飯，就值得一讚返吵到粒粒分明，瑤柱嘅鮮味加埋嗰啲蛋白好滑，味道恰到好處，呢個係OK ！絕對值$85仲叫咗一個松鼠桂花魚魚肉好滑..so far so good, $238來講貴左小小個汁都OK，酸酸甜甜幾開胃整體來說只係個炒飯最滿意…

除了酒樓，人多好去處湘川滬，確實中菜多變化，酸辣湯辣度適中👍，白白炒飯大大碟，3歲小朋友搶住食，就知有幾好味🤣，砂鍋雲吞雞（半隻），雞肉好鮮嫩，雲吞有肉汁好大隻，連埋雞湯一齊食超正👍👍！上海小籠包（4隻）必須趁熱食😋，筷子由頂夾起唔會穿底是常識吧！紅油抄手是必叫的食物，醬汁唔太辣啱我口味😁，最後是鍋貼（四隻），最後先上枱，大家其實已經食到差不多，師傅包得非常有份量，隻隻脹卜卜，最喜歡它的脆，又係肉汁多，唔點豉汁要吃的原味！確實超多人幫襯，外賣打包一大堆。建議人多一齊吃，可以叫多幾樣餸，佢嘅酸菜魚都好出色👍

原先睇到平時咁多人排，諗住幾好食。質素麻麻，無想像中咁好。小籠包ok 但其實菜式都好普通 不外如是 希望可以改善一下食物既質素。片皮鴨質素都不錯 可推介 有啲食菜式好油膩

首先侍應態度好差，感覺有少少冇禮貌。只係問片皮鴨可以點樣倆食已經感覺到佢唔耐煩，但係又係佢話可以倆食，都係唔識問下姐😅，想落單我等咗成15分鐘，最重要係訂咗位話無訂，然後再打過去又話有😂不過都好小事所以無理照食。分別叫左三度餸，北京片皮鴨，回鍋肉，炸鱸魚隻鴨上個陣凍哂成碟都係油，不過凍都好隻鴨係幾香嘅，薄餅濕到溶晒，跟本分開唔到，我叫佢地幫我換真係食唔到又黑面，我重要唔該前唔該後，回鍋肉得個咸字，重要食到有張紙係入面😅，條魚個頭啲肉就幾嫩，但個尾梅晒😅，所以真係唔建議食。重有佢卡位勁污糟，地下同張櫈勁油。利申：我中學個陣成日同屋企人黎食，以前我會比好高評價佢，但而家佢質素真係差咗好多，感覺今餐比錢買難受。