湘川滬 (+WOO嘉湖二期)

營業中

休息中

天水圍坐得舒服既中餐館比較少，呢個係環境較好既一間，而且食物價格穩定，大時大節都唔會加價或只係得貴價套餐，所以係屋企人飯堂之一。四川擔擔麵（$52）係必點菜色，大大碗，麵質幼而彈牙，川椒味加上花生及肉碎，非常惹味。辣子雞（$78）雞粒份量多，唔使辣椒中搵雞，炸粉厚度適中，微辣。肉末茄子（$65）汁比較濃稠，茄子冧而入味，撈飯一流，但油份比較多。小籠包（$42）包裡面既湯汁好多，而且夠熱，但底部皮太薄，容易穿。臭豆腐（$68）外脆內軟，熱辣辣，細長條容易入口，加甜醬辣醬食，正過街邊果d。上海粗炒（$78）好大碟，加左好多包菜一齊炒，有鑊氣，3、4個人share來食最啱。

味道之類暫且不提，服務態度真係差到匪夷所思。之前去食完，侍應話可以登記做VIP會員，下次晚市有優惠，咁就諗住今次去登記做會員啦。點知今次去到，門口個條友叫我地等等，可能要半個鐘左右，我就同我班朋友一齊等足佢半個鐘。返到去佢竟然同我講:「啊今日個知客無返啊做唔到」我就話:「咁你又叫我地等半個鐘?」佢就開始唔耐煩。到我等佢行開左，去問其他做緊野既侍應，你地經理或者知客係唔係到?侍應就指頭先門口個個就係知客。？？？？？？？？？？？我諗緊其實係咪真係咁唔休做，登記會員又係你地提我地做既，去到問佢登記會員啦，又可以咁樣對D客人。咁其實登記黎都無用啦，容乜易下次又扮個知客唔係到，唔比優惠都得啦，係咪先?唔明點解做知客可以做到趕客咁款。絕對唔會再考慮去依間野食。

一家三口星期六晚去這家食飯，看了餐牌點了星級二人餐$468，餐內有鮑有翅有花膠，連茶水、前菜，另外加杯酸梅湯及汽水，埋單加一$580。上海醉豬手，很入味有酒香，皮是爽脆的。糖醋魚塊，酸酸甜甜，糖醋汁略為較多，味道正常。紅燒花膠鮑魚，花膠質素比較一般，鮑魚似罐頭鮑魚，但鮑汁很濃，用來伴白飯同吃。原燉山瑞裙魚翅，湯有雞、瘦肉、金華火腿同燉，非常濃厚，翅針也頗粗，水準之作。飯後甜品是綠豆沙，為這餐晚飯畫上完美的句號。

金錢肚茄子年糕片香辣干鍋麻辣土雞半隻，份量多，金錢肚口感爽口，食落好入味，茄子食落好Juicy，年糕片口感軟糯，土雞肉質嫩滑，味道多麻少辣，食落好惹味，內有大量辣椒、芫荽、芝麻、洋蔥、薑片、香蔥、木薯幼粉，食落好香口，木薯幼粉容易掛汁，口感煙韌。重慶酸菜煮肥牛，肥肉肉質肥瘦適中、肉嫩多汁，內有大量酸菜、辣椒、香蔥、蒜片、洋蔥、薑片、萵筍、粉絲，酸菜口感爽脆，味道酸甜，萵筍口感鮮嫩，味道清甜，粉絲口感爽滑，湯底味道正宗、酸辣。灌湯小籠包，皮薄餡多，肉汁飽滿，肉味濃郁。嘉士伯啤酒，飲落好清爽。

咸魚雞粒炒飯 炒飯粒粒分明，偏硬身。咸魚嘅咸香味佈滿炒飯。‼️好食指數7/10‼️推介指數8/10四川擔擔麵🍜濃濃嘅芝麻醬湯，夾雜住花椒嘅香味，一夾起麵全沾滿了醬。少少的麻辣味，加上肉碎同蔥香，擔擔麵好惹味😋‼️好食指數9/10 ‼️推介指數9/10 上海生煎包外層有少少脆，咬落去肉汁勁豐富，要小心流出黎！！！餡料充滿肉香。‼️好食指數8/10 ‼️推介指數8/10炸南瓜餅喜出望外之選！外層炸到十分脆口，而內裡好煙韌，南瓜味好香甜！‼️好食指數9/10 ‼️推介指數9/10

之前去咗天水圍打卡📸影完相都已經好夜🌙就喺附近商場搵嘢食🧐最後都係幾個人去咗湘川滬食😬.四寶海參瑤柱羹(例)🍲湯羹比較稠🥄海參、瑤柱都足料👍🏻入口鮮味滿滿🤤.瑤柱蛋白炒飯🍚飯粒炒到粒粒分明🔥帶瑤柱鮮香，蛋白令整個炒飯更有層次🥚.四川擔擔麵🍜先把醬料拌勻🥢醬汁夾雜住芝麻同花椒嘅味道🌶麵條爽口，索咗啲湯汁後好惹味😋.椰汁燉雪燕(位)🥣一條條晶瑩剔透嘅雪燕幼絲🤍口感細滑帶彈性☺️椰汁有助提升味道.炸南瓜餅(4 件)🎃煙韌外皮包住香甜南瓜蓉😙.椰汁紫米露(位)💜紫米煮至軟腍😉配上椰汁非常好味🥥.小菜🥜普通嘅花生同豆瓣醬

前菜麻辣蓮藕木耳，夠辣又夠麻...蓮藕爽脆..食完胃口十足飽你食更多野..如果有得單點咁就好啦..次次食親都唔夠喉..灌湯小籠包$38（必叫）皮薄餡靚又多湯，次次都要輕手輕咗咁夾..如果唔係就走晒寶啦..小籠包裏面嘅湯夠清甜肉質夠嫩三鮮鍋貼$38外表脹卜卜又脆卜卜，肉餡大大粒鮮甜又多汁🤩糖醋排骨$78聞起身有一陣甜香味..外表棕紅有濃汁色澤均勻..食落酸酸甜甜又開胃肉質外脆里嫩疏爽又滑口菠蘿無錫豬軟骨$90醬汁有啲似豬腳薑既味道..不過可惜煮得唔夠耐軟骨太硬咬唔到..干扁四季豆$60四季豆抄得乾爽唔淋身..食落爽口..內有大量肉粹送飯一流🍚瑤柱蛋白炒飯$78飯粒粒粒分明.. 食落每粒米飯都散發瑤柱鮮香，再加大大粒嘅蛋白一齊食口感十足豆沙鍋餅$38即叫即做熱辣辣，色澤金黃外脆內軟，紅豆口感綿綿甜而不膩🤘🏾

上海菜越來越少了，大集團式的新派始終吃不慣，尤其家有正宗上海媽媽。還在疫情下，又是晚市首輪，不用等位直入，坐卡位，好舒服。食物夠份量，有水準，向來不喜鍋貼，也可吃兩隻。不可不吃臭豆腐。提提你，蔥油餅不是扁扁如薄罉果類，係好似Fountain Cookies咁o既。食到要打包，都係六佰幾，平過酒樓食小菜，一定會有下次。

昨日去左銀座湘川滬，多年前去過葵青劇院幫襯過，好食，首先，諗住叫個醬茶乳鴿，個名大概係咁，冇貨，叫左個bb鴿，叫左幾支啤酒先，再叫酸菜魚，蟹粉南瓜豆腐，小籠包，甜品叫個椰汁燉雪燕，兩個人食，叫住先。乳鴿正常，個酸菜魚，落單唔夠5分鐘已經出菜，有冇咁快呀，味道一般，但個蟹粉食落去好腥，同個侍應反映，但食完餐飯都冇過黎，再問侍應，佢話係咁喎，死喇，做左5-60年人，食過蟹粉多次，都未試過，你試都未試，就話係咁，咁叫佢搵經理出黎，經理攞左入廚房，隔左一陣出黎，話幫我取消，到個甜品出黎，太太食落口，第一時間吐出黎，我立即試下，似係奶制品放左一個星期變左嘅臭酸味，經理攞左入去，出黎又冇埋我張枱，到我埋單，兩個菜係有取消，但你個經理係咪要同客人交代下呢？咁嘅出品，咁嘅服務態度，總之唔會有下次啦

天水圍食店認認真真不算多，銀座吃個飯都會有點苦惱。帶著家人吃當然是吃中菜，不想不斷重複在酒樓解決，所以選了間湘川滬來吃。這間吃過幾次，都還不錯。可惜這次扁皮鴨賣光了，不然會叫來吃。滬食，當然少不了小籠包。皮不會厚，餡料都夠也有點湯準在裡頭，合乎一定水準。紅油抄手，一樣餡料很足。不會太辣又夠惹味，合香港人口味。水煮魚，是整整一大條。裡頭配料都足，魚肉也嫩，味道也足，很不錯。最後叫了個糖水，椰汁味足，上邊的燕窩也不少～爽。

近排雖然武漢肺炎開始受到控制，但可惜政府仲未取消限聚令，所以最多只可以四人用餐，而我哋為免遲啲武肺再度爆發，所以決定提早慶祝母親節，四個人照食住先慶祝母親節當然要有飯有湯，呢個四寶海參瑤柱羹賣相同味道都有d 似碗仔翅，雖然係咁但都尚算足料。呢個醬炒年糕軟殼蟹有少少似fusion菜，好少見中菜會加入軟殼蟹作為材料，軟殼蟹味道一般但份量都唔少，而年糕就炒得幾好。清炒河蝦仁賣相相當精緻，蝦肉咬落爽口彈牙，而味道清淡岩岩可以中和返醬炒年糕軟殼蟹嘅濃味。瑤柱賽螃蟹入面除了蛋白以外，仲加了真正蟹肉，令蛋白擬似性更好。竹笙素燴

難得一家人溫馨外食最近一直困在家，真的沒什麼機會齊齊整整在外邊吃飯，難得家裡有人生日，便預約了一間中式茶館食飯。紅油抄手，醬汁不少，味道酸辣適中，皮不厚肉夠飽滿。水煮魚，是熱騰騰的，吃完也不會太多油於面，這點夠細心，魚的肉質也滑。小籠包有湯汁裡頭，餡料也足，吃著不錯。蘆筍絲切得絲絲的，炒得清甜可中和其他惹味中菜。酸甜蝦仁有驚喜，蝦仁炸過但炸皮不厚，醬汁酸酸甜甜很香口，蝦肉仍彈口。整體這次外出很滿足，難得一家人出外吃飯感覺很好。

一直想搵間好食又抵食嘅中菜廳因為男朋友好鐘意食中菜 而我。。好鐘意食北京填鴨🤤所以我地決定今晚去食湘川滬 一次過滿足大家胃口佢地以湖南、四川、上海三地名菜作招徠入座枱面一碟木耳蓮藕作前菜 一啲都唔Hea非常有心思北京填鴨當然唔少得 份量超多😂超滿足烤鴨外皮鬆化香脆 油香滿溢夾埋京蔥同青瓜可以中和油膩感我地叫左二食 鴨肉拎左去做炒鴨絲 好香好惹味佢地嘅五福小籠包我都極力推薦🏅非常有驚喜皮薄餡靚 脹卜卜好多汁 真係樣樣都做到足一籠有5款味道 分別係酸辣味，松露味，蟲草花味，蟹粉味同原味我食左松露味 松露菌香濃郁迫人 味道喺吞尖縈繞 裡面應該仲加入左芝士 用齒頰留香黎形容最適合不過如果你同我一樣係松露迷😌必須一試！另外仲有食左蟲草花味佢嘅湯汁入口就好似飲緊淡淡住家湯咁 清甜滋補另外個啲味道由男朋友一口包辦😂佢都讚不絕口如果只想食其中一個味都可以分開叫瑤柱蛋白炒飯嘅瑤柱份量好多 啖啖都食得到瑤柱味但我就比較喜歡有菜粒😂會比較有咬口味道冇得彈但我就覺得差減啲口感失色左少少鐘意食中菜或者一家人食飯想滿足屋企人唔同口味湘川滬就一應俱全 啱曬大家要求☺

呢間中菜館名字就叫湘川滬，取至於湖南、四川、上海嘅地名。🌄 所以一嚟就可以食曬三地嘅地道美食，試下水準如何先。⁣⁣⁣🤤⁣⁣⁣小籠包（$36）［好味度：8/10］⁣⁣⁣⁣⁣⁣⁣正所謂「越簡單嘅嘢，越難做出水準」，要試下一間上海菜嘅嘢水平，就一定要試吓小籠包。🧐 雖然賣相上好似冇乜特別，但係竟然比想像中更好。😀 佢嘅皮真係好薄，但係又唔穿，小心啲就唔會篤爆佢。😉 而入面真係有超大量嘅湯汁，再加豬肉相對較肥，口感就更加飽滿，真係唔錯。⁣⁣⁣👍🏻⁣⁣⁣醬炒年糕軟殼蟹（$138）［好味度：8/10］⁣⁣⁣⁣⁣⁣⁣估唔到作為一間中菜館，都會有啲fusion啲嘅嘢食喎。😯 呢個醬汁雖然有啲偏鹹，但係夠曬惹味，正正可以彌補番年糕本身冇味嘅地方。😆 而且估唔到個醬汁同軟殼蟹都好match㗎。😌 軟殼蟹總共有三隻，切開後總共有六大嚿，一啲都無偷工減料。😌 每舊都充滿蟹肉，而且外層酥脆，內裡蟹肉鮮嫩得嚟又多汁，真係好豐富。⁣⁣⁣🦀⁣⁣⁣星級步步高陞高力流沙奶皇（$60）［好味度：7/10］⁣⁣⁣⁣⁣⁣⁣呢個高力入面唔係豆沙，而係奶皇，感覺幾有創意。🤩 而且係即叫即製，新鮮熱辣的！糖粉另上，自行加幾多都得。😗

限聚令實施後，我都好少同我屋企人出去食飯，今日難得同爸爸媽媽出去食飯，所以就搵咗天水圍比較高質嘅中菜廳食晚飯，估唔到酒樓都差唔多全場滿座先叫咗個湯羹濕濕口先，湯羹感覺有啲似碗仔翅，但材料都係比較上盛，例如有切成一條條嘅海參絲、冬菇、筍等等，湯羹預先加咗少少胡椒粉，成個味道會比較突出呢碟蝦仁嘅數目實在相當多，唔好提佢好似白恰咁款，其實相當入味，蝦仁爽口彈牙，送飯一流鍾意食齋嘅朋友一定唔可以錯過呢款有竹笙、小棠菜、各種菇類煮成嘅齋賽螃蟹喺呢度必點嘅小菜，蛋白嫩滑，配埋一絲絲嘅蟹肉，真係食唔停口，所以最後我竟然買咗兩碟軟殼蟹配上海年糕都係我第一次嘅新嘗試，軟殼蟹係經油泡過，識落比較香口