湊湊火鍋‧茶憩 (希慎廣場)

營業中

休息中

We have waited for about another 45 minutes after checking in our original booking on Mothers Day. The shop has not enough waiters and waitresses. The front desk guy is also the one cleaning the table. All staff appear to be running around and working relatively hard, and there are a lot of empty tables. Obviously this is the owner's fault. We paid a premium to have better service and higher quality food, but the poor quality service is due to the lack of people and it has to be the owner's unwi

湊湊火鍋‧茶憩既寶寶童樂餐原價$128，凡120cm以下兒童可免費獲贈一份 * 僅限堂食散點火鍋贈送。無諗過寶寶童樂餐係咁豐富，多數小朋友應該食唔哂成個餐，帶挈埋爸爸媽媽都有得食。寶寶童樂餐真係可以用大魚大肉形容，一碟有魚有牛又有豬，仲有帶子同蝦，碟底仲有唔少菜，再有一碟烚蛋烏冬，小朋友一定食得飽。估唔到寶寶童樂餐係送既都會有咁好質素，食得出用料並唔差，原來唔係普通既魚牛豬，魚係海釣鱸魚片，牛係日本A4和牛，豬係西班牙伊比利亞豬，仲有鮮活帶子同跳跳基圍蝦，菜係奶油水耕菠菜，烏冬高湯係4小時深海昆布柴魚熬製，整體營養亦非常唔錯。

有朋自遠方來, 聽講呢間火鍋好好食, 冬天最啱就係一齊打邊爐傾偈, 就揀咗呢間！裏面裝修都好靚, 食物新鮮好味！嗌咗個金蛇四人餐, 都幾豐富, 海鮮新鮮, 靚牛肉！今晚大家都好盡興！

本人用OpenRice訂枱，訂了2025年1月18號晚上六點兩位枱，準時出席，食完飯後仍未見到在OpenRice上有確認我已經出席。到了第二日，在OpenRice上仍然顯示我未確認出席，本人便致電打去店舖查詢，職員話佢哋已經confirm，但我話點解我個OpenRice仲未顯示到我係出席咗。佢話佢都唔知點解幫唔到我。咁其實係用OpenRice訂位有bug?定係店舖職員唔識操作？

店裡嘅某啲女服務員態度極差，問問題唔答，問左兩三次到最後都唔處理，態度非常差，一點服務態度都冇。同埋出餐時間太長，啲食物上來嘅時候凍晒，嘥晒我啲時間，以後唔會在幫襯了，真系好差的體驗。真系要提升吓啲服務員的質素！

整體很好，唯一不足是操普員工聽不懂廣東話，用港普要求一個冰桶失敗😔最後在一個港人員工協助下才成功，而港人員工很醒目，還跟進問要甚麼酒杯，值得讚揚。還會再來消費。

先介紹一下自己, 我算係呢間火鍋店熟客, 呢篇食評係由熟客角度出發！ 1. 火鍋 -「貴州木姜子酸湯」呢間火鍋店近月出咗幾款新湯底,今次嘗試呢款!新年想要啲新刺激? 呢款湯就讓 "酸" 同 "辣" 味同時衝擊你嘅味蕾!非常惹味開胃， 配紅肉一流!而木姜子仲有健脾暖胃作用! 個人認為呢個湯好適合新年食用, 充滿好意頭!紅色濃湯, 寓意 "鴻運當頭"配料有魚, 寓意 "年年有餘"仲有心形魚腐, 就係 "滿滿的愛"2.茶飲 -「黑糖桃膠玫瑰烏龍鮮奶茶」呢杯真係超好飲!淡淡清香玫瑰茶連花瓣, 加埋健康養顏桃膠, 特別用*鮮*奶調整, 貴妃烏龍茶仲有齊前調、中調 、後調，絕對係誠意之作!係忙裡偷閒 RELAX 嘅首選!建議餐廳加入主餐牌長期供應!3. 優質服務希慎店近月黎咗個新店長, 佢細心殷勤嘅招待真係令人好驚喜! 呢個都係我成為呢度熟客嘅原因之一! 而喺佢嘅領導之下, 成個團隊嘅服務都提升咗! 香港都有優質服務㗎, 作為食客可以畀啲鼓勵佢哋繼續努力 KEEP IT UP!店長 (及希慎店服務團隊), 加油!!

已集團式嘅火鍋店嚟講，佢嘅水準算唔錯。有別於一般港式火鍋，感覺似返咗大陸食。佢有基本嘅海鮮，好似有港式嘅象拔蚌，龍蝦，鮑魚嗰啲嘅海鮮啦，鮮蝦嗰啲都有嘅。不過特別少少嘅就係，佢哋係冇日本芥辣嘅。肥牛嘅水準都唔錯，另外佢嘅調味醬汁選擇都好多。用餐環境非常唔錯，服務亦都非常好。價錢嚟講亦都相對抵食。值得一提嘅係佢有放題嘅台灣滷肉飯，味道相當有水準。仲有新鮮生果任食，同埋佢嘅芝士波都做得非常出色。如果叫套餐嘅話，其實都非常抵食。

地方真係夠曬闊落，同埋裝修都好靚💕火鍋店嚟講完全唔會覺得又煙又焗 😙😙午市好抵🤑🤑有台式湯鍋麵飯，每日一款，仲有85折😍另外仲有A5和牛小火鍋午市推廣價仲做緊73折💢💢火鍋料真係好得👍👍 🐂#牛肩胛 唔韌油花又好均勻🥩#白鱔片 大大塊好滿足😍🦪#蠔仔 新鮮唔腥#牛柏葉 夠爽口彈牙重點係佢除咗火鍋之外，連啲#珍珠奶茶 都咁好飲🧋🧋雙拼湯底🍲🥘首先係瑤媽最鍾意嘅#台式麻辣鍋 🌶唔會太辣又非常惹味🤩🤩裏面仲有#台式豆腐 同#鴨血‼️‼️ 另一邊就梗係東東最喜愛#椰子雞鍋 啦🐤🐤聽講12月仲會出全新嘅#泰國冬陰功湯底到時真係要嚟試試佢先 😋

秋風起一於約同事去打個靚邊爐. 午市都坐滿晒人好誇張，全因個商務午市套餐真係超抵食。A4和牛小火鍋都只係$138起，仲有台式湯鍋麵飯，每日一款85折優惠，早晚都可以儲印花換獎賞，難怪咁多人。雖然午市套餐好吸引，但我哋都想食得好啲，就叫咗蕃茄牛尾🐮鍋拼清涼椰子雞🐥 真係有幾舊牛尾同蕃茄，用嚟淥特選級牛肩胛就一流。椰子雞不落一滴水，仲有埋人蔘果、紅棗、粟米等等配料超清甜🤤🥘新鮮撈蚵仔粒粒飽滿🥘招牌企鵝丸好可愛，係爽口彈牙嘅墨魚滑🥘滷水牛筋就咁食又得，再淥一淥更加腍都得🥘新鮮白鱔片爽口鮮甜🥘美國特選級牛肩胛牛味濃郁自助吧有比較少見嘅XO醬、蘑菇醬。小食有調味杏鮑菇、肉燥、香辣魚皮等等～順便嗌埋大紅袍珍珠奶茶同貴妃烏龍珍珠奶茶就大滿足😌下次可以試埋新出嘅昆布鰹魚鍋同貴州木姜子酸湯鍋。12月仲會推出全新泰國冬蔭功湯底 🤩

心心念念 #台式火鍋 怕太heavy 午市邊爐係個好選擇湊湊嘅午市火鍋鴛鴦鍋最路正係台式招牌麻辣x椰子雞一清一濃，一紅一白鍾意希慎分店因為坐窗口位置景觀最開揚大玻璃窗可以望到高樓景採光好食嘢都有好心情加上大部位座位都係半際閉式包廂設計私隱高好啱邊打邊爐邊放肆傾計湯底方面除咗招牌麻辣12月仲會推出另泰國冬蔭功湯底 我怕辣但講到係冬蔭功又有啲心動胃口細嘅可以選擇有 73折嘅 ⁠A4和牛小火鍋⁠或者午市嘅台式湯鍋麵飯每日都有一款做85折優惠食物方面成日都講就真心豐儉由人當日order少量肉類海鮮包括白鱔片、生蠔、牛肩胛等Overall 都新鮮，食物質素保持水準

天氣開始涼最啱打邊爐！雙人套餐 $698+10%湯底：清涼椰子雞湯、花膠雞湯椰子雞湯望落好清，有好多椰子肉，食落係新鮮嘅椰子肉，另外仲有4塊雞肉要放落湯煮，飲落偏甜，好香椰子味，但係唔似雞湯，比較似椰青水，用嚟打邊爐就麻麻哋。花膠雞湯非常濃稠，有唔少雞肉粒，冬菇好香，仲有兩粒鮑魚仔，湯底味道偏濃，飲落好暖胃，feel有到膠質。浮面嘅花膠似係豬皮，煮軟咗就好入味。之後加湯打邊爐，湯底依然好有味道。肉類：牛小排、伊比利亞黑豬肉海鮮：鮑魚菜：皇帝菜滑類：芝士魚腐飲品：大紅袍珍珠奶茶 +$16.5、粒粒紅柚愛玉茉綠 +$16.5雖然menu寫每類有3-4樣選擇，但當日每類得1-2樣嘢食揀。肉類嘅肉質唔錯，而且唔會好肥。鮑魚好厚肉。除咗menu有嘅邊爐料，出面仲有自助bar揀醬料，同埋任食前菜、肉燥飯、水果。邊爐中段，店員過嚟送咗一人一杯菠蘿沙冰，比我地解膩～食完之後，仲送咗甜品——紅豆豆乳布甸，食落有少少似豆腐花，豆味再淡啲，質感好嫩滑。

希慎廣場其實有好多餐廳雖然撘𨋢上去比較耐不過一坐低卡位唔逼喼又有陽光灑入嚟加上店員嘅服務都好主動同有禮貌覺得成個體驗都又嘆又舒服😌麻辣鍋同椰子雞鍋都係招牌鍋底兩個湯底配合得啱啱好一個鹹辣一個清甜前者食肉後者食海鮮店員話12月會出個全新泰國冬蔭功湯底 同埋發現佢午市仲有台式湯鍋麵飯仲有啲一人小火鍋好多餐都有折另外可以草印花換優惠到時可以再嚟試吓😆今次去食主要係想陪朋友食麻辣我一定會叫墨魚漿做嘅小企鵝同牛肩胛朋友就想食鱔片同鮮蠔仔份量多到食唔晒有啲眼闊肚窄因為一開始我哋仲食咗碗魯肉飯同前菜但最後我都係堅持要食埋生果咁先係畫上個完美嘅句號😚

今日早放工，午市時段去咗銅鑼灣🥢湊湊火鍋‧茶憩打邊爐，原來lunch time幾多優惠。午市⁠A4🥩和牛小火鍋推廣價 73折 $138起，仲有台式湯鍋麵飯🍜🍚每日一款85折優惠👍而且早晚都可以儲印花換獎賞🎁今次試咗2款湯底，🥘臺式麻辣鍋好惹味，既麻且香，裡面的鴨血可無限添加💗🥰清涼椰子雞清新，有椰子香甜味道。下個月餐廳仲將會推出全新泰國冬蔭功湯底 ，平時中意食泰菜既我好期待🥰😍自助區有醬料，前菜，水果及滷肉飯。新鮮活撈蚵仔粒粒肥美飽滿，好新鮮。新鮮白鱔片我同妹妹都好喜歡，爽嫩鮮味。飛魚籽墨魚滑十分彈牙，魚籽脆卜卜 🥩美國特選級牛肩胛牛味濃郁。🥩 牛百葉爽口。🥬油麥菜🧋🥤飲品： 大紅袍珍珠奶茶抹茶開心椰呢度台式飲品款式多，珍珠好彈牙✨️💗

去湊湊不要想用平宜來衡量💰💰. 但如果三五知已想找個地方打邊爐此處是一個不錯選揀官網寫又幾有意思:- 「湊湊熱鬧，湊湊鍋您好！」🙋🏻‍♀️🙋🏻「湊」意為人們相聚在水邊，共度美好時光。·以火鍋🍲促進情感交流。由於在希慎14樓單邊位窗口位十分開揚 叫了一個2 人餐, 醬料區有水果及餐前小食點了鴛鴦鍋胡椒豬肚雞+麻辣鍋胡椒豬肚雞湯頭十分可口先飲湯才打邊鍋. 麻辣鍋內有豆腐鴨血 (可以無限添加)食物質素保持水準. 乾淨整潔. 分量足夠企鵝太做型可愛加分位送上一口沙冰及奶涷靜靜地傾計食野都是不錯選揀