湊湊火鍋‧茶憩 (家樂坊)

營業中

休息中

中秋節是一家團圓的日子，吃火鍋既可圍坐一枱，又可選擇各人喜歡的食材，可算是個理想選擇。【湊湊火鍋】推出了多款中秋限定優惠，還有陣容豐盛的海鮮套餐，一於相約家人試試。選了鴛鴦鍋，"清涼椰子雞鍋"選用日本雞肉嫰滑鮮甜，特別之處是加入了人參果 ，令整個湯底增添香甜味，還散發住淡淡椰子香，令肉類海鮮原味盡顯。"臺式麻辣鍋"湯底顏色在上去雖然紅澄澄但吃下沒如想像般辛辣，香麻緩緩逼出不會嗆喉，不嗜辣的家人也能淺嚐。鴨血和豆腐還可無限免費添加呢。自助區不但有多款醬料提供，還有香辣魚皮、炸地瓜球、裙帶菜等餐前小食免費供應。連台式肉燥、米飯和各式水果也是任夾任添，實是大滿足。"花好月圓海鮮拼盤"嚴選時令海鮮，包括肉質鮮嫩的扇貝、鮮甜彈牙的基圍跳跳蝦、厚肉爽身的南非鮑魚、鮮甜無腥的白鱔片以及肥美甘甜的野味文蛤。提早訂座還送"企鵝賞月"節日拼盤，企鵝丸以墨魚漿製作，4隻小企鵝站在冰上，圍觀以飛魚籽墨魚滑造成的巨型月亮，非常可愛。墨魚滑彈牙鮮甜，加上卜卜飛魚籽，既好看又美味。"美國牛肩胛肉"油花均勻，肉味濃厚。"新鮮白鱔片"新鮮活劏，切成薄片肉質彈牙。"爽口牛黃喉"輕輕一焯即可食用，吃下韌性適中富嚼勁，配上麻

上次係旺角東間分店食完之後念念不忘，今次過來家樂坊呢間食。.前菜杏鮑菇和魚片一定要吃。超級美味～.酸菜白肉鍋+台式麻辣鍋呢個酸菜白肉係我食過最好食嘅，酸菜爽口甘甜，白肉鮮而不膩。麻辣鍋入面有好多鴨血還有其他底料。.華麗海鮮拼盤(小)鮮魚片，鮮蜆，鮮鮑魚和會動的蝦。.企鵝賞月企鵝造型的丸子，可可愛愛。食完飽腹感滿滿。.新鮮白鱔片打邊爐一流的魚片，一級嫩滑。.爽口牛黃喉之前沒吃過牛黃喉不懂它的爽脆。吃過一次之後直接愛上～.美國特選級牛肩胛打邊爐必不可少的肥牛呀，油花分佈均勻。肉質軟滑易入口。.油麥菜.雙柚愛玉茉莉茶清爽口感，解辣之選。雙柚愛玉茉莉(沙冰)軟綿的沙冰好好喝。

酸菜白肉湯底x台式招牌揀咗鴛鴦鍋，可以一次過試晒兩種湯底🌟白湯嘅酸菜真係超級正，口感爽脆！湯底較為濃郁鮮甜～麻辣湯底都係必食！入面嘅鴨血同豆腐仲可以無限添加😋花好月圓海鮮拼盤有齊扇貝、鮑魚、海蝦、蜆、白鱔片全部都好新鮮，鮑魚同海蝦生猛係咁郁🤣企鵝賞月有蟹籽蝦滑+墨魚漿企鵝爆多蟹籽口感爽脆！墨魚漿企鵝味道鮮甜濃郁👍🏻美國牛肩胛肉牛肩胛份量好多～烚幾秒就OK！肉質粉嫩柔軟爽口牛黃喉打邊爐必備！勁爽口雙柚愛玉茉莉（冰沙）沙冰好抵飲～入面勁多料，夠晒大杯！食完之後仲有甜品～杏仁豆腐好好味😋湊湊火鍋‧茶憩 (家樂坊) (旺角)旺角登打士街56號家樂坊地庫B3號舖

[ 湊湊火鍋‧茶憩 ]中秋佳節未諗好去邊食，見到湊湊推出咗中秋特別菜式，而且餐廳佈置充滿節日氣氛🌗🌖。✿ 鴛鴦鍋(清涼椰子雞 拼 台式麻辣) $276✿ 花好月圓海鮮拼盤 $238海鮮拼盤擺盤精緻，有扇貝、鮑魚、蝦🦐、魚膳片、蜆等，用料新鮮又豐富。✿ 企鵝賞月 $108菜式以企鵝賞月方法呈現，好可愛☺️企鵝係墨魚丸🦑，非常彈牙，而月亮係蝦滑，份量都幾多。✿ 新鮮白鱔片$78白鱔片夠爽口，魚味突出🐟🐟。✿ 美國牛肩胛肉 $158✿ 爽口牛黃喉 $58✿ 油麥菜 $38✿ 雙柚愛玉茉莉(冰沙) $35✿ 雙柚愛玉茉香茶 $33中秋佳節令人聯想起唔少必食水果，湊湊都非常應節推出兩款加入碌柚果肉飲品，味道酸酸甜甜😋😋，好清新。總結🫦 湊湊推出中秋菜式打卡又好味，快d約埋朋友/家人一齊嚟渡過中秋啦🫶🏻🫶🏻。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿湊湊火鍋‧茶憩地址: 旺角登打士街56號家樂坊地庫B3號舖電話: 23600299✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

我同朋友之前喺社交網站見到有人介紹，就諗住星期六晏晝去試吓，一入到去已經冇乜人，有一個Waitress 冇乜笑容好冷漠，不過唔算服務態度差。見到佢有一個lunch set有半自助bar，但係要加會員先，就問佢點樣做， 過程複雜，要download app 、開AC、再嘟、落單又落唔到、scancode又話錯誤，但係我哋唔問佢都唔講成個流程係點，搞到我地舉手問好多次。之後叫另一個男人過嚟scan code，但係佢完全冇表情，又唔出聲，好似唔知要點做，睇佢個樣唔似junior。終於搞掂晒就等嘢食，個男人上餐勁大力，有杯嘢飲阻住又求其擺到勁遠，仲搞到個湯都差啲瀉。然後我哋出去叫嘢飲，等咗一陣應該整好，諗住出去攞（茶飲同埋餐廳有兩個部門）個男人直接話：我哋會送過嚟俾你，坐低我嗰刻個反應係：？？？！！！老師叫學生啊？？全程都黑口黑面，冇啲禮貌

Book左房 去到攞位 其中一個服務員好似鬼揞眼咁見唔到客人架再入到房 ， 等左15-20分鐘 都仲未有人比個餐牌睇下有咩湯底 好不容易 有餐牌喇… 想叫湯底啦 …. 人呢喂？ 揮極手都無人理既… 嘩 見到房入面原來有鐘 .. 好似漆黑中見到彩虹一樣 咁咪襟幾下囉 朋友咁岩係出面經過.. 聽到個男經理用一個無禮 甚至帶有粗俗詞語 去話我地間房係咁襟鐘 .. 你估我想襟架？ 你地鬼揞眼咁揮極手都無人唔襟鐘 唔通自己廚房落單呀？真架 .. 你等叫湯底同等湯底黎既過程 你出去夾前菜 都飽時間食到你飽！ 你想坐房舒服d ? 咁你錯啦你成餐飯 要不停開門 出去 搵服務員幫你 叫加湯 .. 叫到你痴底 湯都未黎呀呢間分店既服務態度 = 叫客唔洗幫襯 如果你想貼錢賣難受 不妨去試下 😊但不得不讚 其中一個女服務員 服務好👍🏻佢一有時間都會幫我地 … 但其他高級少少既服務員仲衰過茶餐廳

湊湊火鍋‧茶憩 (家樂坊)旺角登打士街56號家樂坊地庫B3號舖score 分數：A/70+位置： 好方便，係家樂坊旁。無敵啦價錢： ～HK$70/人(午飯價)味道：味道又係標準～好食但又冇咩大驚喜服務： ok 嘅清潔： 大致乾淨環境： 設計幾有特色，唔錯。幾靚特色： 廁所係出面。食店係家樂坊，幾好

同朋友喺家樂坊附近行咗陣街👣順便落地庫搵地方醫肚🤭咁啱見到湊湊火鍋‧茶憩推出咗個半自助嘅Lunch set🍽️都幾吸引🤩就去試吓😋台北燉排骨飯燉排骨好軟腍😍亦都好入味🫶🏻有少少辣🤏🏻但係都可以接受👍🏻撈飯食簡直就Perfect💯經典紅顏花膠雞小火鍋湯底好濃稠😍入面有鮑魚、花膠、冬菇足料到不得了🤩滿滿嘅骨膠原🥰我哋配烏冬食都好飽肚☺️大食嘅仲可以配白飯添🤗粒粒紅柚茉香茶酸酸甜甜😍有淡淡嘅茉香同茶香👃🏻加少少碎冰🧊透心涼☺️百香金橙都係酸酸哋咁😌夏天飲簡直一流❤️出面自助吧仲有香氣十足嘅肉燥飯🍚時令嘅新鮮水果🍉🍈 煙韌微辣嘅豆腐鴨血可以任添🤩📍湊湊火鍋‧茶憩 旺角登打士街56號家樂坊地庫B3號舖

開工前同老公係旺角搵下有咩食，見到家樂坊湊湊火鍋出左午市套餐決定入去試吓。入面裝修幾靚，不過燈光會昏暗少少好有情調。✨台式半自助午市套餐✨ $78-$98/份，套餐包主食配烏冬/ 白飯、台式兩小碟、甜品，可以額外加配台式茶飲。套餐可以去自助吧自取：前菜（香辣魚皮、雞髀菇）、時令水果🍉、各款調味料等，仲可以無限添加滷肉飯🤩，呢個價錢來講好豐富呀🔶老壇酸菜魚小火鍋（配烏冬）酸辣度適中，魚肉好新鮮嫩滑。烏冬滑嘟嘟又彈牙，我好鍾意加埋滷肉撈住食😚🔶寶島慢煮蕃茄牛肉小火鍋（配烏冬）蕃茄湯底酸酸地幾開胃，慢煮牛肉肉質柔軟肉味香濃。🔶 台式兩小碟：▪️台式豆腐鴨血▪️燙青菜+蛋🔶甜品： 紅豆豆腐布甸豆腐味香濃，滑嘟嘟好好味。茶飲：🔹美人烏龍珍珠奶茶🔹荔枝綠茶QQ

經過家樂坊都會見到呢間台式火鍋嘅menu，半自助小火鍋套餐望落幾吸引，上星期終於試咗～ 性價比都唔錯，可以任食自助吧嘅水果、滷肉飯、前菜，又可以半價加購茶飲！而且入面環境幾好，全部位都係包廂咁，私隱度好高，坐得幾舒服👍🏻🔸自助吧加會員就可以免費享用自助吧，當日有三款水果，都好新鮮清甜！滷肉飯都唔錯，唔會好肥～ 仲有涼拌魚皮等前菜，等緊小火鍋嘅時候食吓自助吧吧食物都幾正！🔸經典紅顏花膠雞小火鍋 $88推薦🌟 花膠湯非常濃郁，花膠都有幾片，仲有隻小鮑魚😂 雞肉粒都多，但唔算好滑～ 可以揀配飯或者烏冬，個湯好夾烏冬，爽滑又好味！套餐仲有一碟菜同鴨血豆腐，都幾豐富！🔸老壇酸菜魚小火鍋 $88呢個酸菜魚微辣，都幾開胃～ 魚肉幾滑，但份量唔算好多，有大量酸菜～ 都係揀配烏冬，味道都唔錯！🔸大紅袍燕麥奶茶 $35（原價）🔸粒粒紅柚茉香茶 $33 （原價）兩杯都揀咗不加糖，好大杯，半價好抵飲！燕麥奶茶有啖啖燕麥好多咬口，茶底都好飲！粒粒紅柚好清爽！

「湊湊火鍋」自從推出午市套餐 咁我同同事食飯 又多一個落腳點☺️-🐔紅顏花膠雞小火鍋 $88午市套餐包兩小碟 台式蜂巢豆腐鴨血冷盆夠地道 小火鍋嘅鷄肉同花膠幾多 跟烏冬 食得清清地 濃湯吸收鮮鷄同骨膠原精華 難怪現場有唔少OL捧場🤗-🐟老壇酸菜魚小火鍋 $88湯底唔油膩 酸同辣嘅比例唔錯 魚片啖啖肉 -⭐️自助食物區⭐️選擇唔多但每類都有🍄‍🟫涼拌有秀珍菇同魚皮 麻香有辣勁🌶️🍚挑戰咗兩round滷肉飯🤩 食到very full😅🍉每日三款新鮮水果-🍋冰翡翠檸檬茶🧋珍珠奶茶台飲大大杯 奶蓋果系茶款式多多 再加埋珍珠/仙草 好難唔愛😍

湊湊火鍋推出左午市半自助午市套餐，啱哂上班族過口癮，連埋set好嘅配菜，仲有出面自助吧肉燥飯同埋新鮮水果🍍🍉今次試左佢地嘅經典紅顏花膠雞小火鍋，呢個湯底真係滑膠原滿滿，有鮑魚花膠冬菇，好杰身好足料😋🤤除左烏冬仲可以配白飯～夠哂飽朋友叻外叫左寶島慢煮番茄牛肉小火鍋，估唔到牛肉好好食，有咬口！同湯底好夾😍飲品叫左大紅袧燕麥奶茶同埋翡翠橙綠茶，茶底夠濃😋每人平均$120左右，放lunch去打個快邊爐都ok啦🥳🥳

無啦啦有日收到湊湊火鍋的手機信息，話我中獎，免費獲得海陸拼盤一份（價錢$5XX)，印象中好似無加入會員，所以當下不以為然。幾個星期後，與朋友相約去湊湊食晚飯，突然醒起以上提及的短訊，展示給職員看，他表示不能與推廣期間的優惠一併享用，但中獎實屬難得，建議我哋用中獎的優惠，先上拼盤，如果唔夠食先再點。（店員好nice咁幫我哋分析點嗌最抵食👍🏻）拼盤都幾大份，隨後我哋再嗌左少量肉類、配菜，已經好飽。三個人消費咗人均$2xx原來中獎訊息係真有其事，唔係詐騙嚟。中獎的拼盤有鮑魚、帶子、花甲、魚、牛肉自助區 有地瓜丸、生果、魚皮

已多次光顧的火锅歺厅，湯底種類10分多，今晚揀咗花膠雞鍋湯底，先飲湯後打邊爐，餐前小食有炸物，滷肉飯，水果。海鮮拼盤份量十足，包括有肥牛，帶子，扇貝，鮑魚，三文魚，花甲，足夠四人分享。服務員阿May十分友善，態度好。

湊湊火鍋之前試過幾次,但呢間家樂坊分店係第一次光顧。呢間分店比荃灣嗰間好坐，四人座位係半包箱形式，環境高級非常好坐，傾計一流。今次我哋有朋友係會員,送咗一個價值588 蚊嘅火鍋拼盤。湯底方面選咗花膠,齋飲湯已經好好味。小食款式比以前多咗, 有炸薯波波、魚餅串燒同涼拌魚皮,另外仲有無限添加嘅豆腐鴨血,好開心可以盡情吃。我最鍾意佢哋嘅大紅袍珍珠奶茶,三分糖度正好,飲落清新怡人。 印象最深刻就係女侍應阿 May 嘅服務態度,非常親切友善,令人有賓至如歸嘅感覺。