湊湊火鍋‧茶憩 (MOKO新世紀廣場)

營業中

休息中

我冇影相，但花膠雞湯底完全係碗仔翅質地， 成鍋傑撻撻一pat, 有點呈啫喱狀，就算加咗水我都唔知點打邊爐，好難食嘅湯底根本不知所謂，好難可以整到咁難食，雞係雞粒，花膠是豬皮，咩事？ 我唔知其他湯底係咪咁，大家真係要小心，以為好難book一定好好食... 我知錯喇~

總共食過兩次，第一次服務態度很好。今次服務員態度愛理不理，如沒有服務，為什麼還要+100多service charge。所以應該唔會再去了。食物方面，三大一小，叫了二人餐，在散叫一些食物。味道真的很一般，同樣價錢會有更多選擇。

朋友生日，25/1 晚打電話Book左18/2 7Pm 4位，當時電話職員話好，會幫我地留位，仲問曬基本資料，結果去到當日入場時，職員話無呢個訂位電話，反問我地有無收到確認信息，我地話無收到，然後佢話無收到確認信息等於無Book，要自己Walk In 9:30pm先有位。禮貌問佢會唔會同事唔記得Mark低，換來西口西面話一定係我地問題，Show曬打電話記錄都堅持係我地問題，但明明係職員無Mark低訂位，好好一餐生日飯搞到勁唔開心，前台服務人員態度勁差。完全無彈性處理，趕客咁趕，勁不負責任。以後唔會光襯都唔會介紹朋友黎

湊湊火鍋 台式麻辣鍋鴨血同豆腐任添 因為揀左台式麻辣鍋硬豆腐 普通 索汁鴨血 冇乜特別 美國特選級牛板腱有牛肉味算濃 出品唔錯鵝腸始終冇出邊既港式火鍋店既新鮮鵝腸咁好食(香港係冇合法既新鮮鵝腸，多數大舖都唔會賣)手工蝦滑蝦滑新鮮 特別既係加左馬蹄 增加左咬口同馬蹄香 推薦皇帝菜 普通 可能新年期間所以唔算好新鮮白蘿蔔 冇乜特別 大紅袍珍珠奶茶有驚喜 茶味同奶味都好突出，唔會互搶佢地既台式奶茶有外賣部，可以行街經過就咁外賣走，唔一定要堂食先買到下次會再飲！有送沙𣲙同酸梅湯味甜點*提醒 會有自助醬料收費 總評分：食物：8/10環境：8/10服務：7/10性價比：7/10回頭率：7/10

如果冇記錯呢次應該係我第一次喺香港食湊湊火鍋🙈記得幾年前未封關之前係深圳經常食🤤一直未有機會試吓香港分店嘅質素🤫整體來講服務都OK，價錢貴少少都正常，自助配料區選擇叫做過得去，有生果有台式肉燥飯有小食🤪食物：感覺叫一個雙人套餐兩個（～$700，未加一）👯‍♀️都夠食😋鴛鴦鍋叫咗台式麻辣鍋同埋胡椒豬肚湯底，兩款都好唔錯🫶🏻台式麻辣鍋麻得來又唔會好辛苦，食得都幾爽，有台式風味😌仲有無限添鴨血同埋豆腐😍個胡椒豬肚湯黑椒味幾濃，豬肚同埋雞肉嘅份量都幾多😆味道都過得去另外有特選牛小排，伊比亞黑豬肉，好得意嘅企鵝丸同埋新鮮鮑魚兩隻，蔬菜就叫咗萵筍跟冬粉💕牛肉同豬肉嘅肉質都唔錯，半肥瘦食落好正👍🏻企鵝丸食落都幾彈牙，不過建議唔好咁快食如果唔係就會好快填飽左個肚😗😂最後店員仲送上左橙沙冰同埋梅子布甸做甜品🍮新世界分店📍旺角大道西193號MOKO新世紀廣場4樓406號舖

工作日中午去食 人唔多 環境算清幽哦k乾淨 檯面唔粒or有油漬但價錢方面我覺得唔合理湯底單鍋198 鴛鴦鍋無記錯268大佬我係食火鍋唔係飲湯 大家自行斟酌肉的分量ok 2個人1份羊肉 1份豬肉 1份響鈴 1份魚籽蝦滑約600埋單唔會再去下一次係自助烤肉火鍋放一大堆辣椒油同樣做到一樣效果 肉都任食

有日想行下旺角東，我朋友就建議去呢間湊湊火鍋，佢話裡面啲野好好食，之後店員介紹左有二人套餐，裡面啲種類都有好多，湯底就揀左台式麻辣鍋，我就㨂左酸菜白肉鍋，兩份湯底都好濃，酸菜白肉鍋好多料，套餐裡面既伊比利亞豬肉啲口感好柔軟，同牛小排一樣肉汁好多，食完成個口都係香味。企鵝丸造型好得意，放落湯裡面好似啲企鵝做緊三温暖，又玩得又食得。我同我朋友都食得好飽，啲材料都好有質素，甜品梅子布丁同沙冰都值得推薦👍🏻👍🏻👍🏻

今日行開moko商場，見到一間裝修幾靚嘅舖頭，望真啲先發現原來係餐廳🍴湊湊火鍋，見有午市套餐，價錢又唔算貴，大約都係100左右，台式滷三寶拌麵套餐仲包埋前菜，伴麵同我最愛嘅珍珠奶茶😍，套餐分量算係正常，加上餐廳裝修特別，卡位又坐得幾舒服，係旺角黎講算係唔錯。

試咗蕃茄牛肉麵+大紅袍珍珠奶茶外賣。蕃茄牛肉麵超級難食 - 湯係勁淡，完全無鮮味，唔知點樣可以煲到咁無味，一係就係勁加咗水。牛肉就超級韌，同埋只有肥+筋，唔知可以點食，如果話呢個係佢嘅特色同賣點咁恕我唔識欣賞喇🤷🏻‍♀️d麵就實的的唔彈牙嘅，好似無搓過d麵團咁。全個餐只有蕃茄有鮮味，其他全部🤮。奶茶就唔知好唔好味喇，因為佢直頭無比到我。成個experience都幾混亂，仲要去到攞外賣嗰時成班侍應企埋一齊傾偈。肯定無下次😤亦建議睇緊呢篇review嘅你唔好去試，無謂嘥錢嘥時間同埋食嘢嘅quota🙅🏻‍♀️

一見到個飯，呆咗😳肉燥又少，飯又少咗。唔係嘛，係咪囉咗隔離食剩嗰碟過嚟呀？定係好唔掂，就嚟要執笠？見到真係有啲嬲嬲哋。以前食過，就係知佢大份抵食，先至去幫襯。我明白疫情經濟差，生意難做，但其他餐廳都冇咁誇張。係咪唔夠人手呀？廚房做到發晒癲？發晒脾氣？幫手趕客？定係廚房仲未食飯，肚餓得滯，畢咗幾啖食？我都唔知淨係依間有咁嘅情況，還是間間分店都係咁樣。下次上food court食都冇咁嬲。😤唉⋯ 好失望嘅一餐。☹️

因為有8位，怕人多太嘈，於是搵咗好多間打邊爐，又唔想坐大排檔，真係搵咗幾日先搵到湊湊有包廂而又唔限制時間的分店。K11 Musea 有包廂但係八點半後先可以入坐🙄。其實包廂本身都有最低消費但係硬係要賺到盡，係有失望的。先講食物，一如既往保持質素。由於包廂的關係，一定要點三拚鍋，反正人多都不失為一個好選擇🙂。湯底辣的比不辣的好味，不辣的湯底有椰子雞同埋雜菌鍋，建議先等湯底滾起後飲頭啖湯再打邊爐，湯頭是不錯。打邊爐食物，日本和牛有肉味又入口即溶，貴少少都值得。企鵝"魚蛋"，入口彈呀，有墨魚汁味。海鮮拚盤就可以不點。🙂

# MK 湊湊火鍋就唔係新嘢 ，不過我都係第一次食，之前已經見到隻企鵝丸好得意，今次約埋一班朋友過嚟試吓。12月1號前open rice 訂位，（11-1600pm）六點前離座，都可享有八五折優惠👍🏾一入門口裝修十分台式風格，餐廳乾淨企理，服務員態度都好好，一入咗先落湯底，然後姐姐會派圍巾俾我哋，怕我哋整污糟件衫。出邊亦都有好多醬料同埋小菜可以試，今次試左：1-湯底（鴛鴦）：臺式麻辣鍋HKD138白貝海鮮鍋（新品）HKD168 麻辣鍋鴨血同埋豆腐可以無限追加，麻辣味好重，勁台式，另外新品白貝海鮮建議先飲咗湯底再滾肉，超鮮甜👍🏾2-飛魚籽墨魚滑 HKD68 必點，好好食3-美國特選級牛肩胛肉眼 , 美國特選級牛板腱 , 伊比利亞黑豬肉 HKD138 所有牛都幾好，唔算好多肥肉，上碟全部都好靚仔，個伊比利亞豬肉片油脂分布好均勻，亦都係必食👍🏾4-巴沙魚 HKD58 個魚好爽口，建議唔好滾太耐，份量都好多5-海鮮湊湊 HKD588🦪重頭戲來了~盤海鮮嚟到嘅時候超大份，上面啲海鮮仲係生猛郁緊，有蝦有硯有扇貝有三文魚有蟹仲有墨魚仔，全部都好新鮮，鍾意海鮮嘅朋友一定要叫6-鵝腸 HKD78 好

今次介紹依間位於旺角家樂坊嘅《湊湊火鍋·茶憩》，主打多款新鮮嘅湯底，同出面嘅味精湯一啲都唔同。餐廳設計都跟足台灣機車風格，見到好多機車頭盔同埋相關用品。餐廳私隱度高，枱同枱之間都有間隔，咁就唔洗驚比其他人嘈到。首先當然要揀湯底先，揀左佢地今期嘅主打靚湯白貝海鮮鍋。❇️ 白貝海鮮鍋用左多款新鮮嘅海鮮熬製，包括有花膠、乾貝、海參、同埋鮮蚵特製，奶白色嘅湯底，聽店員話佢地新鮮製作，湯就咁飲都好好飲。即刻試番一啖，真係好鮮甜。原來湯底仲有一個特別配料就係雞子，食落煙煙韌韌都幾得意。❇️美國特選級牛肉雙拼包含兩款牛肉：美國特選級牛小排及美國特選級牛肩胛肉眼。兩款牛肉都經過美國USDA認證，大理石油花都幾靚，我自己就比較鍾意牛肩胛肉眼，肉味會比較突出，肉質又鮮嫩。❇ 企鵝丸一睇menu就比佢嘅企鵝造型吸引，材料係由墨魚肉加上魚肉製成，食落特別彈牙。❇️筆管魷魚好新鮮嘅魷魚，全部清洗乾淨，食落肉質鮮美。❇️脆吳郭魚片台灣常見嘅魚類，淥個20秒就可以食，魚肉味濃，口感鮮嫩爽口。❇️竹蟶（活）活嘅竹蟶經過處理，開邊清洗乾淨，新鮮爽口。❇️大紅袍燕麥奶茶淺棕色嘅燕麥粒係奶茶面頭，加上幼滑嘅燕麥奶，絕對係健康之選。另外

第一次食呢一間台式火鍋店。裝修唔錯，位置間距好大。卡座坐位有三個梳化嘅咕臣。枱面有一個大爐，櫃桶有一堆紙巾、牙籤同埋濕紙巾。自助區有醬料、前菜、水果。醬料有麻醬辣椒油、醬油、花生、生蒜、香菜等。前菜有魚皮同海帶沙律咁樣嘅物體。入座會有酸酸甜甜嘅玄米茶供應。該人飲落去似甜味。餐後會送上菠蘿沙冰，還有酸梅茶凍。如果想飲其他飲品，需要額外選購，冷熱同價。今次我選了中杯經典台式珍珠奶茶。其實個中杯都比出面嘅珍珠奶茶大杯好多。至於大杯嘅珍珠奶茶，甚至係拎一個啤酒杯去裝。湯底就係酸菜白肉鍋，同埋台式麻辣鍋。酸菜加豬頸肉突出左酸菜嘅鮮味令到人更加有胃口。台式麻辣鍋湯底唔算辣，只係有少少麻嘅口感。湯底足料基本上唔需要點醬料都可以食得落。而且最好嘅一樣嘢就係：鴨血豆腐同埋麻辣火鍋料可以任落！之後嘅所有食材都要自己另外order.我覺得佢最好食嘅，就係佢個五花腩。佢嘅五花腩，擺到好似一朵花咁樣，但係入面有6-7塊肉。總括而言，佢所有食材都令人有種食唔夠嘅感覺，想不斷order。

……..正是這間火鍋店的，反正我亦是用去轉貼的，正值新張期的三天內，都有相應的折扣，就以光顧那天來說，就有，加上上年實在得太少……咳咳，我是指，最後還是選擇坐於餐桌之下。餐桌旁邊有一個，內有十餘款醬料，任君點選及溝用，並有少量及一煲，供食客享用，不過每人就要加，個人來說，這個付費項目，確實是，吃火鍋怎可沒有醬料?!  沒有及也說不過去，亦相信沒有食客，會嗇惜那的價錢。三個人來說，其中一人是不吃辣的，乃就點了一個，分別是的及的雙拼，其實於餐牌之內，有一個及，都是列於心水選擇之內，結果回覆都是新張期間，暫停供應，算是緣慳一面了。說回這間的一大賣點，點選湯底之後，原來內裡的及，是可以的，吃完之後就可再落過，每次約一舀不等，不過店員也回覆，主要是針對的為主，結果另一邊的，就不建議了。記憶之中，我們約叫了三、四次之多，不過那些及，其美味及滿足程度，也是一次比一次弱，初吃的時候，很嫩，也是滑溜，而且亦吃出相應的味道，其餘吃後的感覺，越來越是麻木，還是應了這一句 ，凡事還是要。來到，第一輪來說，自然要選幾款來下，分別有的，的，與及的，除了之外，也分不清誰是豬誰是牛，反正真的很密，色澤也是。用優質的來