湊湊火鍋‧茶憩 (MOKO新世紀廣場)

營業中

休息中

有晚紅館睇完女排已經十點左右，記起湊湊有八折諗住試下，因為平時食開都覺得唔錯，心諗有埋八折更加爽！點知一去到想叫豬肚鍋已經話無晒，都算，明白嘅。最後叫左椰子雞湯底，第一次試，唔知係咪不嬲都無椰子味。落完單無耐啲料都黎得好快，快到個冰都勁趕咁出埋，成個感覺趕收工咁。都算，都係明嘅，但問題係杯冰比起平時淡勁多，好似預唔夠搵水大量溝咁，我寧願你唔好上。自助吧又係好多野都無但錢照收足，蒜得番勁少，飯無晒，炸野我唔知係呢間不嬲無定點。連杯奶茶嘅珍珠都好難食。比得八折offer但好似食二手飯咁😮‍💨😮‍💨😮‍💨第一次咁差嘅體驗，應該一段時間唔會再食。

第一次試佢嘅午餐，落咗個撈麵set lunch,餐牌麵底係幼麵，嚟到實物係寬麵，圖片與實物不符。鴨血同魚皮好醒，整體感覺唔良好，冇下次！！！！！！！！！！！！！！

平時食開任食火鍋，今次特登去旺角湊湊試吓台式火鍋。OpenRice做咗booking差唔多九點入座，唔使等。嘢食份量OK，湯底叫咗台式麻辣鍋拼蕃茄湯、湯底方面只係一般、辣味同香味不足、只係比較偏鹹，蕃茄湯出乎意料竟然有一浸辣油響面。兩邊湯底普遍都係偏咸。服務同環境衛生都係一般，自選區嘅涼菜選擇同衛生都係麻麻哋。擇左單點無叫套餐、叫咗一份牛肩胛，一份伊比亞豬、兩份肉都用咗好大棵大白菜承托住、後尾特登搵返店員先至知道份大白菜係可以食嘅、早知可以叫少兩份菜。肉質同新鮮程度🆗 蔬菜質素算新鮮、唔錯。整體評價：名過其實環境🔅🔅🔅衛生🔅🔅味道🔅🔅服務🔅🔅🔅再回頭指數 2 (5分為滿分)

這家餐廳的食物精緻，味道好。我地叫左晚市二人餐$8xx，選了花膠雞拼胡椒豬肚湯底。另加飛魚籽滑，分量足夠，十分飽肚。飲品方面點了大紅袍珍珠奶茶，超大杯，超級好飲！大力推薦。待應服務態度良好。餐廳用餐限時兩個鐘，有點趕。食物雖然好，但是食客的水平讓人感到非常失望。旁邊的客人十分嘈吵，像去了街市一樣，比酒樓更加嘈，令我地傾唔到計。平時去cheap cheap 火鍋放題餐廳都冇咁嘈！不只是我們旁邊的一枱客，環顧四周所有客人都在大吵大鬧。食物再好都已經沒有心情，完全毁掉了我的生日飯。我奉勸各位，如果想要有好的傾偈環境，就不要去！

去湊湊火鍋到都必叫嘅企鵝🐧丸😆好有海鮮味又要IG-able😆 推晒佢哋落去跳落鍋好治癒😆仲新試咗酸菜白肉鍋！開啟咗另一個宇宙🤤好開胃🍲🍲🍲有叫埋依家最紅嘅蔬菜組合😂打邊爐可以飲bubble tea都好開心啲free嘅前菜都好好食🤤鍾意食中華沙律 爽魚皮！仲有芒果沙冰，同埋炸芋丸！不過用餐時間比較短，叫得嘢食嚟淥下要食🍲傾吓偈又夠鐘還枱同埋比較耐先有服務員serve 可能太多客如果下午嚟應該好過夜市冇咁趕急💪🏻🍲

同事聚餐，旺角店裝修幾靚，燈光稍為昏暗，幾有氣氛，叫咗鴛鴦鍋，一半麻辣鴨血，一半鮮菌茹，湯底同台灣味道一樣，有種返咗台灣嘅感覺。麻辣鍋配料有鴨血同豆腐，同台灣一樣可以任添，但叫咗職員幾次都未加，叫咗幾次先有人理，俾起岩岩開業，服務差咗好多，食物就叫咗毛肚大大塊，淥幾下就食得，口感爽脆。大松板豬肉最大驚喜，豬肉肥瘦相間，食落肥而不膩、瘦肉唔柴，仲好嫩口，口感同味道一絕。肥牛就普普通通，正規中距。餐廳有自助吧枱，多款調味料可自行調配，仲有生果同冷盤。每次食都會叫珍珠奶茶飲，但今次一飲落去已經差咗，茶味淡咗，無太大嘅茶香味，感覺奶多過茶。只可以講整體唔太差，但有D食物質素下降，無以前咁好食。

目測店內坐位大約60左右，地方寬敞，坐位舒服😌我哋－行5人坐在一張長檯😆正牙（仲有咕臣可攬住傾計，好寫意甘食嘢😂🤣湯底方面我哋揀咗鴛鴦鍋（台式麻辣+胡椒豬肚）胡椒豬肚我Aunt簡直係讚賞不絕😋台式麻辣就不用多講👉🏻無限添加鴨血同豆腐😍另外我哋叫咗個$388日本A4和牛+$三文魚（性價比好一般）$88比利時五花肉，$59海鮮棒棒😋👍🏻+$68手工蝦滑+墨魚仔👍🏻👍🏻（有驚喜）等等，另外我哋叫咗幾杯嘢飲忘記咗影相😂🤣但我覺得佢送個杯小飲品上得太快😅剛開始食2舊就上，甜品又係食到一半都未夠又上（有點似吹交檯甘😌吾比人加單點食物）有啲扣數🤔5⭐️為高分店舖環境：5⭐️店舖衛生：4⭐️食物：4⭐️(扣分位日本A四和牛,三文魚）飲品：4⭐️員工服務：3.5⭐️（門口接待職員目無表情，說話平音）好彩食物救番啲分，如果唔係無下次回購心態

第2次來湊湊吃火鍋，上次在K11的飲食經驗不錯，所以今次到旺角這分店試試。由於我們6時就了店吃飯，人流不多，但很多食物都已經售罄，例如冬粉，珍珠馬蹄，有點失望。這次試了胡椒豬肚雞湯底，味道很淡。另點一個台式麻醉火鍋，可免費添加鴨血，但鴨血煮到焦了。我們4人叫了一個2人套餐，再單點一些食物，每人叫一杯飲品，價錢跟4人套餐價錢差不多。其實他的份量都頗多，上次4人套餐4個人都吃不完。所以這次叫2人套餐再單點。

訂了位都要等半個鐘冷氣好凍，服務態度好一般，要加強下員工陪訓😅食物都係一般，收咁的價錢唔值4個人，傳每人平均500（有啲食物、飲品冇影）已經冇興趣繼續影相唔會再去

以為湊湊只係台式火鍋店，原來佢啲lunch set 都超讚👍🏻 台式滷三寶拌麵套餐 $108台式滷水汁偏甜，但配落麵食味道剛好！ 牛肋條炆得很淋，牛筋就有煙韌口感👍🏻，牛肚是格仔牛肚🤩 ，識食一定要食呢款！酸菜魚麵套餐 $88個人覺得辣咗少少，但魚片非常嫩滑，仲有適量的酸及大豆芽在湯麵中，整體而言是👍🏻👍🏻 台灣香腸肉燥飯套餐 $78燒得香香的台灣香腸配以味到適中的肉燥，加埋隻滷水蛋，真係好想去台灣呀！台式香酥豬扒飯套餐 $78豬扒有啲薄同埋炸得有啲過火，有待改善。每個套餐🍱都配有半隻滷水蛋🥚、肉燥菜時蔬、前菜、少量嘅麻辣鴨血豆腐。今日前菜就有麻辣魚皮或芝麻海帶，兩款都好味！套餐還可半價購買台式飲品🥤荔枝蘆薈：很有荔枝味，淡淡蘆薈肉，很清新😊🥤黃金鮮桔茶：酸酸甜甜的，很開胃！

我冇影相，但花膠雞湯底完全係碗仔翅質地， 成鍋傑撻撻一pat, 有點呈啫喱狀，就算加咗水我都唔知點打邊爐，好難食嘅湯底根本不知所謂，好難可以整到咁難食，雞係雞粒，花膠是豬皮，咩事？ 我唔知其他湯底係咪咁，大家真係要小心，以為好難book一定好好食... 我知錯喇~

總共食過兩次，第一次服務態度很好。今次服務員態度愛理不理，如沒有服務，為什麼還要+100多service charge。所以應該唔會再去了。食物方面，三大一小，叫了二人餐，在散叫一些食物。味道真的很一般，同樣價錢會有更多選擇。

朋友生日，25/1 晚打電話Book左18/2 7Pm 4位，當時電話職員話好，會幫我地留位，仲問曬基本資料，結果去到當日入場時，職員話無呢個訂位電話，反問我地有無收到確認信息，我地話無收到，然後佢話無收到確認信息等於無Book，要自己Walk In 9:30pm先有位。禮貌問佢會唔會同事唔記得Mark低，換來西口西面話一定係我地問題，Show曬打電話記錄都堅持係我地問題，但明明係職員無Mark低訂位，好好一餐生日飯搞到勁唔開心，前台服務人員態度勁差。完全無彈性處理，趕客咁趕，勁不負責任。以後唔會光襯都唔會介紹朋友黎

湊湊火鍋 台式麻辣鍋鴨血同豆腐任添 因為揀左台式麻辣鍋硬豆腐 普通 索汁鴨血 冇乜特別 美國特選級牛板腱有牛肉味算濃 出品唔錯鵝腸始終冇出邊既港式火鍋店既新鮮鵝腸咁好食(香港係冇合法既新鮮鵝腸，多數大舖都唔會賣)手工蝦滑蝦滑新鮮 特別既係加左馬蹄 增加左咬口同馬蹄香 推薦皇帝菜 普通 可能新年期間所以唔算好新鮮白蘿蔔 冇乜特別 大紅袍珍珠奶茶有驚喜 茶味同奶味都好突出，唔會互搶佢地既台式奶茶有外賣部，可以行街經過就咁外賣走，唔一定要堂食先買到下次會再飲！有送沙𣲙同酸梅湯味甜點*提醒 會有自助醬料收費 總評分：食物：8/10環境：8/10服務：7/10性價比：7/10回頭率：7/10

如果冇記錯呢次應該係我第一次喺香港食湊湊火鍋🙈記得幾年前未封關之前係深圳經常食🤤一直未有機會試吓香港分店嘅質素🤫整體來講服務都OK，價錢貴少少都正常，自助配料區選擇叫做過得去，有生果有台式肉燥飯有小食🤪食物：感覺叫一個雙人套餐兩個（～$700，未加一）👯‍♀️都夠食😋鴛鴦鍋叫咗台式麻辣鍋同埋胡椒豬肚湯底，兩款都好唔錯🫶🏻台式麻辣鍋麻得來又唔會好辛苦，食得都幾爽，有台式風味😌仲有無限添鴨血同埋豆腐😍個胡椒豬肚湯黑椒味幾濃，豬肚同埋雞肉嘅份量都幾多😆味道都過得去另外有特選牛小排，伊比亞黑豬肉，好得意嘅企鵝丸同埋新鮮鮑魚兩隻，蔬菜就叫咗萵筍跟冬粉💕牛肉同豬肉嘅肉質都唔錯，半肥瘦食落好正👍🏻企鵝丸食落都幾彈牙，不過建議唔好咁快食如果唔係就會好快填飽左個肚😗😂最後店員仲送上左橙沙冰同埋梅子布甸做甜品🍮新世界分店📍旺角大道西193號MOKO新世紀廣場4樓406號舖