湊湊火鍋‧茶憩 (K11購物藝術館)

營業中

休息中

Finally had the chance to try CouCou hotpot place at K11 after several walk in attempts. That was because this time we walked in at 5:30pm 😂😂😂 It was a nice decorated venue. The Taiwanese mince pork served with fragrant rice that was offered at the sauce and spices counter was very good and authentic. There was also a free flow of duck blood and tofu which brought me back to the traditional "Taipei" style hotpot nights! As in the tradition of the Taiwanese Hotpots, we basically helped ourselves

同友人4人一早BOOK左，太多選擇，最後選左4人餐(~$1200 + 10%)，乜都有得試下:- 叫左麻辣/蕃茄鍋，蕃茄鍋好多番茄，麻辣鍋唔夠辣，要叫職員另外加辣，而且可以無限次添加豆腐同鴨血。 鴨血同埋蜂巢豆腐都可以無限refill。 牛肩肉/豬，肉質脂肪分佈平均，夠瘦，唔肥，味道唔錯。 飛魚子墨魚滑/鮑魚，呢個正常但食唔出有咩驚喜。 時菜湊湊: 不論菇類或菜都有，唔洗諗。 職員好好服務，有機會再試下(不過要早好多先BOOK到位)。人均: $350 - $400抵食: 💰💰💰💰味道: 😋😋😋😋😋服務: 💁🏻‍♀️💁🏻‍♀️💁🏻‍♀️💁🏻‍♀️💁🏻‍♀️環境: 😉😉😉😉😉

我哋今日叫咗個鴛鴦湯底，一邊系台式麻辣鍋，另一邊系紅顏花膠雞窩，我地叫咗碟油麥菜，一碟蘆筍，份量較少，一份菇，再叫左三色丸，冇乜特別，最特別糸荔枝樣嘅炸蝦丸，超好味，必食，亦嗌咗個牛肩肉，都幾爽口。另外嗌左個蝦滑同埋墨魚滑都幾彈牙，唔錯，最正係佢送咗杯乳酪飲品，雖然細杯但係唔錯，仲有一個啫喱甜品之類送，一般般，響令都糸一般，有鴨血任叫

當日是平日下午去，有六時前離席八五折優惠，盛惠$350一位，台式麻辣鍋入面既鴨血同豆腐任食，麻辣湯底藥材味濃，好香；番茄牛膝骨清甜，但應該味精落五少，湯底還有兩大舊牛膝骨，好軟霖，好正😍火鍋料方面，企鵝形墨魚丸好濃墨魚味，不過一隻隻企鵝係湯底浮浮沉沉真係有d恐怖😱烏雞卷五錯，有彈性；毛肚鵝腸棒棒糖精選牛肉都有d災難，尤其是精選牛肉，雖然係最平既一款，但都要百幾蚊，五洗en到咁掛😰鵝腸都係，淥十秒好似食緊橡筋，五好點珍珠奶茶好五錯，茶味好香食到一半店家還會送沙冰清清口，最後奉上梅子凍，梅子凍梅子味有d浮於表面，但茶味濃郁，ok，最後waitress仲打包左兩盒鴨血豆腐比我地，有得食有得拎😜總結:呢間火鍋店裝修有格調，野食裝飾有心機，打卡一流，湯底亦五錯，服務好好，可惜食材大部分普普通通，但我地都食得好開心，整體而言不錯味道:6/10價錢:5/10服務:8/10環境:8/10CP值:6/10

冇入去食火鍋，但對珍珠有興趣，買咗一杯坐喺店舖門口嘅仙氣位飲，做生招牌。下面有啲乾冰噴出嚟圍住自己，唔怕醜嘅話都幾過癮。珍珠偏細粒，奶味比茶濃，個人覺得中上啦，唔係特別出色。係K11個環境大加分。

🧑🏻‍💼 Service招呼我哋嘅有台灣人有香港人，個個都勁nice，好樂意幫我哋影相㗎！不過餐廳個電話長期唔通，十次有八次都唔通，真係唔明😅去到都好多人等位，book20:30就真係sharp先入得。🥢 Food食妝鍋 $138 - 紅顏花膠雞 ，有花膠、鮑魚2隻、雞肉粒、野米同冬菇。越煮越結好濃郁同都好胡椒味。飲咗大半鍋先再加清湯去打邊爐，其實都開始飽🤣勵志鍋 $138 - 台式麻辣鍋，有任添嘅豆腐同鴨血，好好食😍😍😍 最後職員仲會自動問你要唔要外帶，會另外畢一碗比你帶走，真係好似台灣食個啲店嘅服務呀！

一直都想試湊湊火鍋ᴄᴏᴜᴄᴏᴜ😚 中午時間經過，ᴍᴇɴᴜ除了火鍋原來還有午市套餐選擇每個套餐都會配搭招牌鴨血豆腐大紅袍茶葉蛋、肉燥等單是小食已經夠吸引🤤今次試了兩個餐*酸菜魚拉麵酸菜湯酸辣適中，味濃豐富配以鮮味嫩滑魚片拉麵滑身且彈牙吃麵同時，忍不住把酸菜湯喝下😋*眷村牛肉麵每一塊牛肉都夠厚身且炆煮入味手打拉麵口感同樣彈牙美中不足是湯汁不夠濃味令拉麵吸收不到湯汁的味湊湊的茶飲《茶米茶》同樣驚喜。用餐時恰巧他們正在煮茶，大紅袍茶香氣四溢，跟餐還可以半價加購茶飲。結論這店回頭機會極大，下次再去要試他們火鍋🥰

食生日飯揀咗呢間，台式火鍋我最愛，因為有鴨血，仲係無限添加～聽到都好開心訂咗枱，入座前告知係兩小時，都可以，平時兩個鐘乜都食得晒～我哋叫咗鴛鴦鍋，一個係菇，一個係台式麻辣，個鍋嚟到見到有鴨血，已經好心急要食，等到湯滾就食，一食落口已經覺得貨不對辨，都唔係食開嘅正宗台灣鴨血，而且仲要有啲酥味，我最怕就係好似羊肉嗰啲酥味，真係食咗入口都吐返出嚟，簡直就係失望到極，另外就係朋友生日，帶咗蛋糕嚟，正常都會問係咪係度食，同講返幾錢切餅費，我哋帶得嚟都預咗俾，不過佢哋好似同事間冇溝通咁，亦都冇問客人會唔會係度食，而且你有限時食飯時間嘅話，通常做法就係唔會提前同你last order,最少都半個鐘或45分鐘前問下要唔要加嘢之類，完全冇人問題，到最後見佢俾單我哋埋，我哋先以為係仲有半個鐘夠鐘，跟住佢哋就上咗果凍之類嘅嘢俾我哋，隔5分鐘後就夠鐘要走，問我哋個蛋糕點😡我哋當堂係O晒嘴，我話可唔可以俾5分鐘時間我哋，純粹諗住開個蛋糕影張相走就算，佢話唔可以，因為出邊有人等，原來連鎖店係咁樣做法，真係去到夠鐘直接俾單人埋，而唔係提早last order客人，當時都仲有嘢未食完，咁樣嘅地方真係可一不可再，仲要當

環境舒服 2人位都好闊落 服務態度超好💁🏻‍♂️送餐又快 又會好主動幫我哋加湯 所有野都好貼心❣️先送上一壺貴妃烏龍茶 飲落好滑😚都幾好飲🔅台式麻辣鍋X紅顏花膠雞湯 $276 (鴛鴦鍋)不得不讚個花膠湯超正❗️濃郁厚實 好多料 有花菇•雞肉•野米～仲有好多花膠 仲有一隻鮑魚仔☺️滿滿膠質 好滿足😙▫️未放料/加湯之前一定要飲返碗先😋🍲❗️麻辣鍋就唔算太辣 但就幾香 有少少藥材味 因為有紅棗 枸杞〰️入面已經有鴨血同豆腐 仲可以無限加❗️所以其實唔使嗌太多配料都可以呢🤓店員好好 主動問我哋使唔使加鴨血同豆腐 我哋加咗一次 因為份量真係好多🤣另外 我地仲嗌咗$138伊比利亞黑豬肉•$68飛魚子墨魚滑•$58巴沙魚•$138美國特選級牛肩胛•$28冬粉•$68蟶子活•$58風味鴨腸🔺特別推薦必嗌飛魚子墨魚滑🦑滿滿嘅飛魚子 食落好鮮脆 員工仲要超好 主動話幫我哋落墨魚滑😝真係唔該晒〰️另外一樣意想不到好味嘅就係冬粉🥢放落麻辣鍋 索晒啲麻辣汁 加埋鴨血 就變成台灣嘅鴨血冬粉啦keke😎食食吓員工贈送左乳酸沙冰俾我哋 細細杯 比我地解油膩〰️🧊🧋大紅袍珍珠奶茶 $33因為見對面嗌咗 勁大杯😂所以我都嗌咗 好抵飲🧋比起

🤩亮點：鍋底選擇多樣化火鍋食材造型獨特😂有排勁鍾意食麻辣火鍋，但身邊食得辣嘅朋友唔多，所以通常會食台式或者日式。呢間成日排長龍唔係冇原因ga哈哈哈！首先鍋底名字好得意，而且可以同時選三種唔同口味，岩曬口味唔同嘅朋友仔～整間店從佈置到菜品造型都幾靚，勁岩影相～較出名嘅珍珠奶茶我個人覺得一般，茶味重左啲；另外個人鍾意佢啲牛肉，新鮮且切得均勻，煮完好入味～呢間係台式火鍋，個人覺得豆乳、川辣等口味都值得一試，價錢係高左啲，但環境及衛生都唔錯，不過真係提醒大家一定要提前book位，我去K11呢間永遠排幾個鐘咁～口味嘅話，個人覺得唔算突出，如果你鍾意麻辣火鍋，推薦渝味曉宇，鍾意食牛就616或者日牛，總體來說呢間口味方面冇佢環境及display咁吸引啦～

我到尖沙咀店，整體服務良好，環境舒適。我們今次選1288元四人餐（不用諗），份量足夠，鮑魚比龍蝦鮮味好吃。還有免費 sobet解膩，很好！自助區有不錯的肉燥飯，魚皮很好吃，麻辣鴨血豆腐無限添食，大快朵頤。我下次會再去。

上次試過Musea嗰間， 今次試K11 呢間， 環境裝修都差不多，Musea 感覺大間和寛敞啲。選擇下午茶時間因為比較少人，可以慢慢食和傾計，不用趕交還枱，還有85折。今次點麻辣任食+豬肚雞湯底，牛腱，荀，油麥菜，蛋餃…. 麻辣湯底必點，今次試了豬肚雞湯，他們好細心！雞是去了皮，另上，非常足料，豬肚食極都仲有，不過胡椒味可以再重啲。個牛肉一向出色, 是必點項目, 蛋餃一般，容易散開, 每次嚟都會叫冬瓜系列飲品，配麻辣火鍋，非常夾😋

鍾意飲湊湊嘅大紅袍奶茶，不過今次唔單止去飲奶茶，仲約朋友去食埋晚飯。台式火鍋食過唔少，麻辣湯底加鴨血係必食嘅🤣另一邊湯底我唔記得咗係咩😅因為太多選擇。牛係打邊爐必點，不過可惜唔記得影相。叫咗一份平啲嘅美國特選牛肩胛，138一份，呢個抵食嘅，份量都唔少。呢間嘅鴨血好似係無限加，好正，不過我哋兩條友，食唔到咁多。朋友極力推介風味鴨腸，連平時少食內臟嘅我都忍唔住食咗幾條，58一份，味道同賣相一樣吸引。海鮮棒棒糖都建議大哋叫，味道ok之餘賣相好特別，可以呃like🤣最好味我覺得係飛魚籽墨魚滑，呢個彈牙之餘仲有魚籽係上面，口感更豐富，68一份，亦都係正常價錢。6點前埋單有85折，2個人都食得好滿足，舖頭環境亦都好舒服，不過佢位置特別d，同商場其實係分開嘅。值得一試嘅台式火鍋👍🏻

疫情繼續無得飛，只好趁朋友生日出來敍敍，找間未試過的火鍋～看到鴨血無限次加添，而且上次經過見到裝修一流，想入去看看，同埋晚上比較多人等位。上網無得訂位以為好爆，過來碰碰運氣，中午食還有85折，安排左個雙拼鍋～紅顏花膠雞鍋@$138台式麻辣鍋@$138試完湯底就一般般啦，台式麻辣鍋會無限添加鴨血，不過鴨血都無台灣的風味。好彩肉類都幾好👍美國特選級牛小排@$228伊比利亞黑豬肉@$138企鵝丸 （墨魚漿製）@$59⋯⋯樣子得意環境一個個廂坐位，我覺得比較暗些，見到有窗口位即時希望可以調位，佢哋都樂意迎合我嘅要求及服務都一流。另外送上冰沙及梅子茶凍享用。

🧋大紅袍珍珠奶茶 $33久違了的珍奶😂😂聽朋友講好正，咁岩行過就買黎試試囉！嗌左少冰半糖，以為用上大紅袍茶味會好出，點知第一啖飲落去好奶喎，反而唔係太飲到茶味😯質感幾細滑既，半糖真心岩岩好！！反而呢個珍珠要讚下😌比一般細粒啲，好咬得黎係偏軟綿，而且比得好足，飲極都好似仲有🤩雖然茶味唔出，但我果晚訓唔著🥺👉🏻👈🏻