港記糖水

營業中

休息中

聽聞呢間糖水舖喺觀塘好出名，事實上呢間嘢對比起斜路下面兩間糖水舖的確多人流好多，糖水價錢又唔喺貴，所以即使好多人排隊都係幾間入面揀咗呢間作飯後甜品。不過質素真喺有啲失望，叫咗個紫米露雪糕，紫米露好稀好水，味道仲好淡，紫米沉晒起底完全漿唔住，不過離奇嘅係紫米份量依然好足夠，我估計喺一烹糖水不停refill啲水入去煮，因此出現水多紫米沉底嘅現象。雪糕都喺個啲大路嘢，芒果曲奇雲呢拿等口味，唔會expect咁多，雖然話食糖水呢個環節主要喺用嚟再續晚飯嘅餘慶，但喺好多嘅糖水會加好多分！我第一次食唔曬碗糖水。。我諗咁多人排隊嘅原因真係因為好平，觀塘十幾蚊呢個range嘅糖水唔多，所以佢算喺做足一分錢一分貨架喇！（而且唔想比好貴嘅價錢用樓下差唔多質素嘅松記。）

這個星期一連兩個颱風襲港，雖然很多連鎖食肆照常營業，但很多小店都關門。下午落波後，心思思想在晚餐前吃點小食，可是腸粉店都沒有位坐避風避雨，在康寧道上的甜品店只有這家開門，就進去避避大雨。我坐下後，店員（應該是觀塘街坊）趕急拿著3碗外賣糖水送到附近的醫務所。我起初點了熱綠豆沙 (HK$18)，但心大心細的我又轉軑要了熱芝麻糊 (HK$18)，店員沒有黑面或惡言相向，回應了我“好的”！其實讓你看看餐牌, 「五光十色」, 各種各類的甜品都有提供, 就明白為什麼我會這樣心大心細~ 店內有客人幾個，聽著店員說附近的X記要下午7點才開，這家店了成了康寧道上唯一開門的小吃店。芝麻糊來了，熱辣辣的芝麻香味撲到的面上 由於這間不是連鎖店, 店內職員好像一家人般, 預備食物的呀姐和樓面呀姐不時閒話家常, 人情味濃。熱芝麻糊的味道不太甜, 口感滑, 有點「結」, 不是湯那樣的水, 果然是真材實料。畢竟, 在這裡吃的風暴下的人情味, 鄰近街坊的好去處。

大部分女仔都鐘意食甜野！即使正餐食到飽飽，甜品係會有第二個胃可以接收。小妹我當然唔例外喇，尤其係番夜班，食番碗糖水祭一祭五臟六腑，先可以頂得順長夜漫漫既辛勞。香港糖水鋪競爭激烈，五花百門既糖水鋪，除左最重要既味道，價錢就會係另一個考慮因素。今次，要介紹一間性價比相當高既小店，就是位於觀塘既港記！有別於一般既連鎖糖水鋪，港記只此一家，係觀塘已經䇄立多年，糖水價錢親民，不花錢宣傳，將重點心思放係食物既質素上。或者我有少許小店情意結，覺得港記更勝一般港式連鎖糖水店，除左味道好，仲有一份街坊既親切感，店內呀姐友善，間唔中有d年輕妹妹做下暑期工。雖然鋪面不大，但相當整潔。另外，等候時間亦相當重要。一般而言，我係買外賣，落單唔洗5分鐘已經俾到我。今次，第一次堂食，大概8點幾9點，一入去已經有坐，唔洗等，糖水亦係相當快速送上，非常有效率。讚美説話到呢度，睇番今晚食既兩款甜品。雜果黑珍珠！雜果包括西瓜，芒果，哈密瓜同密瓜，有時會有奇異果，足料好味，生果新鮮多汁，絕不馬虎，仲免費加芒果汁！價錢都只係27蚊，好耐無聽過2字頭可以食到好食既糖水。呢個叫流星，第一次食，好得意，好似食緊爆爆珠咁，仲要成口都係爆

同Lover食飽飽專程來到觀塘食港記甜品餐牌同隔離鋪的松記有8成相似因我太喜愛食刨冰，專程上openrice尋找刨冰甜品到達鋪時十一點 竟然排隊中朱古力棉棉冰 $31 其實原本個名並不是這個 應該有脆脆的名字餐牌上呢個甜品應該有爆谷係旁邊來到並不是這回事 沒有特別雜果刨冰 $33 刨冰上好多果醬 啖啖果香味底有好多西瓜 兩細片芒果，一塊蜜瓜，紅豆，椰果豆腐花紅豆沙 $23豆腐花冇味 紅豆沙苦澀 落太多陳皮了服務 衛生 味道 賣相 抵食

已經唔記得咗第幾次來啦，每次都要必點佢嘅糖不甩。好煙un，我鍾意佢入邊冇餡花生粒唔會好甜，恰到好處。今次仲叫咗佢嘅燉蛋～都滑既，好有蛋味，不過不失。其實佢嘅傳統糖水都好好食，我自己就好鍾意佢嘅綠豆沙，但冇影到相。

糖水舖開得愈來愈多，證明「糖水」是港人其中一樣至愛食物，這間位於觀塘的糖水舖經營多年，有一定的捧場客，場地不大每每爆場，而且坐不能太耐，自我會有壓力。這晚我們就到這吃糖水，我本人較喜歡傳統糖水，所以點了"芝麻湯圓"。湯圓皮薄芝麻帶香，糖水的薑微辣，薑驅風啱我呢啲老坑，味道不錯，感覺很舒服。家人點的"夏日之戀"，解構是雪糕球+珍珠+芒果蓉，消暑解悶之選，味道不過不失，中規中矩。我明白做生意都想時刻坐滿成個場，但在食客心中，如果可以坐得闊少少，食的時候又冇太大的被催壓力的話，整體感覺會更好。

朋友同去講呢間港記嘅湯圓幾值得試，經過觀塘就去試下喇😋因為唔知揀咩味好，就揀左咩都有嘅五寶湯圓($19)。 港記嘅呢碗五寶湯圓有五種唔同嘅味道，分別係奶黃、綠茶、紫米、芝麻同花生😋個人最鍾意奶黃味👅湯圓皮煙韌有咬口，餡料亦夠流心，配合埋暖笠笠嘅薑汁，好味呀～💕可惜略嫌餡料唔夠甜，如果可以再甜啲就好🖒

來此糖水店已不計其次,終於N年後今日突然想寫下本人對此店的情意結.本人係非常喜歡食糖水,每次食完晚飯後都主動提議去糖水舖食糖水.雖然出面好多醣水舖嘅水準都有水準,但我一經過觀塘.....別無他想.....第一時間就想起"港記糖水",佢哋有傳統嘅糖水同埋流行嘅糖水.傳統糖水首推,合桃糊,完全係手磨嘅,唔同出面係用合桃粉開,價錢比旺角某間標榜手磨糖水店平,同埋其他連鎖店糖水都好少有整得好味的傳統糖水.如果唔想試傳統糖水,亦有好多特別糖水....款式太多,很難用文字介紹,提議大家嚟試吓.另外最緊要係價錢俾連鎖店糖水鋪平,份量俾佢哋多,想食傳統嘅湯水/有水準嘅糖水不妨搭地鐵去觀塘試吓呢間👍👍👍👍

大部份糖水款式來來去去都如是，大家你抄我我抄你。有日我心血來潮到官塘行街，臨走前到附近糖水店光顧。入到去人山人海，睇下佢menu有咩獨等之處。原來大部配搭同某品牌糖水店差不多一樣，個名就改少少la。價格都係走平民路缐。最後我叫彩虹明珠（26元），生果我覺得好新鮮清甜，相反某品牌開太多連鎖店每況愈下。佢上到芒果下之涼粉做得不錯，不過我期望佢可以創出招牌，不要活在別人影子下。因為價格公道，我有打包屋企比媽媽。

小小店舖屹立係車來車往的康寧道上多年，不顯眼，但有榭自然香。不經意知道此家既皇牌-生磨黑芝麻餡湯圓後，當然要黎返碗薑湯芝麻湯圓啦。哇~~湯圓好好味鳴生磨既芝麻齒夾留香，外皮係糯而不糊，睇圖都知有水準，口感一流薑湯不夠薑，不怕買返一盒返屋企要幾薑有幾薑

香港地甜品店愈開愈多，但兼買中式糖水的卻不成正比。有些中式糖水自己煮不是問題，不過往往要煮一窩，更要食上兩三天，便會打消念頭。今日好想食紅豆沙，記得此店有賣，馬上去滿足一下自己的欲望。面前的紅豆沙，只能用真材實料來形容。最貼切的就是“豆有豆味”，真的有煲到起沙，亦保留了部分紅豆增加口感，豆香，陳皮香氣加上百合，實在要馬上給一個讚！跟外面那些出現面層水汪汪，或加入生粉水的，$18是值得的。

話說觀塘有間好出名嘅糖水舖，一直都想試吓，難得今晚食完飯又唔係好肚餓，又可以食少少嘢，就嚟咗呢度啦。7點鐘食飯時間去到已經好多人，要坐喺門口等，喺門口睇到有張評論，話佢好過太子嗰間米之蓮。湯有好濃薑味，湯圓皮薄，芝麻好香，一啲都唔苦。食完暖笠笠，仲想食多碗😋。佢貼咗篇報導出嚟，話佢好過佐敦嗰間，我都覺得係嘅。

天氣涼，除了有一煲熱辣辣的煲仔飯之外，還有一碗暖身的薑茶芝蔴湯丸相陪....位於康寧道斜路大街中的"港記"，側聞她的湯丸可以跟我心目中認為最好的"福元"相提並論。既然有那般的本事，那就當然要會它一會....五大粒芝蔴湯丸浮游在呈微淺褐色的薑糖水中。習慣上先喝水...ummm....果然夠薑。但甜度方面可以再加重一些，那就更好....接下來輪到主角出場。咬第一口時，感到米皮甚厚甚黏但不太黐牙。個人是不太喜歡太厚皮的湯丸，所以對這粒湯丸也不存在著太大的好感....芝蔴餡不特別甜，質感方面有些起沙；流沙的效果亦有出現....但論整體而言，仍是和現時福元的水準比起來差了一截....更遑論是跟顛峰時期的"湯丸皇"可以互比了....

心大心細。好友豬點了一個名叫"流星之戀"$35元。其實就是大粒西米底。加叫貨椰條。啫喱條。芒果汁椰汁。很難不好食，不過略甜了。可減少糖水。“金多寶“$24元。本人好奇名字而叫的。原來是喳咋底。加了粟米粒及花生。加了椰汁涼粉及芒果汁。也不錯。中西合璧♡餐牌感覺舊式點。中色甜品齊全。西色用生果搭配比較多。沒有焗的甜品。例心太軟。拿破崙等。勝在價錢大眾化。 首尾呼應。再來一個“夏日之戀“用西米做底，自選兩球雪糕口味(朱古力，曲奇，芒果，雲尼拿，）例牌再搭配芒汁椰汁。喜愛這種老店的感覺。

又到左女人第二個胃出動既時候👯👯係觀塘工廈食完西餐之後，突然心血來潮想食下中式糖水🙈🙉🙊於是就諗起觀塘有間糖水小店，有中式又有西式，當然即刻gogogo 啦😏但最後去到我地係沒食到中式既🙊因為係觀塘地鐵站行左十分鐘過到黎淨係想食啲冰冰涼涼既野😂我地叫左個鮮果涼粉同夏日之戀share食😋😋水果好豐富，又西瓜又蜜瓜又芒果又哈蜜瓜又奇異果....cp值超高！！👍🏼呢款其實就係自選兩球雪糕，再配大西米加生果！芝麻味雪糕大推！😋😋😋今時今日20幾蚊碗糖水真係買少見少，希望大家都可以多多支持良心小店🙆🏻