港記糖水

營業中

休息中

夏日之戀（$28）此甜品由兩個雪糕球、水果、芒果汁和淡奶組成，吃上來味道十分奇怪。先不談食物配搭的問題，芒果很酸、奇異果又硬又酸、西瓜太軟而且不甜，朱古力脆條放了好一陣子，完全不脆。吃完雪糕再吃水果的話，水果便會淡而無味。下次不會再光顧此店！

因為本人很喜歡食芒果，所以差不多每次來我都是order芒果加布甸，或芒果黑珍珠。今次我叫了芒果加布甸，一如既往，很香很滑，也很足料，芒果很新鮮,剛剛好，不太酸也不會太熟，值得一讚！而且布甸味道不太甜，啱晒本人的口味，所以這間甜品店是我公司附近的首選,也值得向其他開飯成員推介！

係觀塘食完飯行完街,openrice下有咩糖水舖,原來選擇並唔多,最後揀左港記糖水.睇睇個menu,糖水選擇都大路嘅,但發現佢哩到嘅糖水款式同我嘅愛將松記差唔多嘅!叫左個涼粉豆腐花 . 味道價錢不過不失啦,花奶加豆腐花都不錯.跟住另一款係彩虹明珠. 味道同賣相都同幻彩明珠一樣.但相比松記,哩到生果嘅份量就少左d.不過由於附近都無咩糖水舖,日後係觀糖想食糖水都會再嚟嘅.總括價錢同味道都算中規中矩.

成日見到甘多人系出面等，以為系格離。今日就入去一試，叫左凍鮮奶燉蛋，榴pancake,红豆豆腐花……pancake 系有驚喜，榴蓮味濃郁，食得出系靚貨黎既，至於其他倆樣，又吾系話好貴，價錢都okay ，會推介！會再黎！

非常推介呢度雪糕嘅朱古力雪糕, 非常香濃又有朱古力粒粒, 非常令人回味!! 如果你揀嘅糖水無配埋雪糕, 你可以加$9加雪糕~ 朱古力味非常好, 曲奇味普通~但呢度嘅糖水令人非常滴汗, 個楊枝甘露, 只見成碗係椰汁同西米加少少芒果絲, 見唔到其他啦, 食完都懷疑緊自己係唔係食咗楊枝甘露, 佢地有無送錯~芒果明珠, 原本知道有大粒西米(明珠)好開心, 但佢個芒果汁只限相上面所見到的, 所以食完面個層已無汁齋食西米, 非常無奈!! 朋友叫咗芝麻奶皇湯圓~呢頭好似無其他選擇, 所以好過無嘅~

今晚十點放工，老公來接放工，於是就在公司附近港記糖水吃點甜品，這麼晚了但店里人頭湧湧，我们也是搭枱。我叫了熱芝麻糊，老公叫了西瓜沙冰，芝麻糊好香滑，西瓜沙冰都OK，好有西瓜味。我們食完埋單了，發現在店門等候的人比我們剛到時還要人多。

收工又同呀q醫肚子，唔太餓食糖水岩岩好。不過觀塘深夜得兩間，食過甜戀人就知有得揀都會去港記。呢度中西糖水一樣多，生果類方面，松記有既幻彩明珠/summer等呢度都有，但味道仲差左d，可能因為佢地有事無事都落下糖水。之前試過休地自創既綠茶奶黃湯圓，真係中哂招各位千祈唔好叫。是日我同呀q都食中式糖水，燉奶同平時食果d好唔同，一d都唔散，好似布甸咁，好有質感好正。唔多夠奶味但我都鐘意，係起呢度食過最好味既糖水。至於呀q個芝麻糊豆腐花，佢話都係keep住水準，唔夠芝麻咪亦唔夠甜味，豆腐花不過不失啦。以呢個平民價，其實算係咁，係要自己搵搵有咩好味架！

由於觀塘區重建的關係, 觀塘區韓式甜品的地方少之有少。 心想不是要到旺角才可以食甜品吧。近兩三年開業的港記糖水位於康寧道。 這間店舖於假期時間較多人客棒場, 建議大家在平日去為上策。推介食物及為summer,芝麻糊及用薑做的糖水。summer中的水果非常新鮮,多汁,雪糕大球,是一個不錯選擇。而芝麻糊及五寶丸為自家制,雖等候時間長,但值得一等。芝麻味及薑做糖水香味濃郁,味道甜而不膩, 也是一個不錯的選擇。

話說呢幾日天氣忽冷忽熱搞到〖病菌先生〗又同我熱戀一場適逢老豆想食糖水咁我埋乖乖地做下免費勞工好彩港記系樓下附近，唔使行咁遠去到點左個凍芝麻糊+熱五寶湯圓（即叫即煮，所以要等耐d）等左10幾分鐘，終於拎到手返到屋企擺左一陣，d湯圓依舊保持完美狀態外表並唔重要，內涵先系主角1、芝麻：猶如惠×賣果種，勤力啲人可以自己煮來食2、奶黃：淡淡啲奶黃味，唔會太甜，可算不過不失3、紫米：食唔出有咩分別，只是粉皮多左d色（個人食到啲餡為奶黃）4、綠茶：整碗最有驚喜啲一粒湯圓，微苦啲外皮包住香甜啲南瓜餡，一甜一苦，帶出另一番滋味5、花生：如果可以選擇，我會扔左它！個人認為花生配搭糖不甩最佳今日啲美食介紹就到呢度，下次試雞煲，記得留意下啦ps：湯圓可以買未煮啲返屋企diy

之前提過，到觀塘想吃糖水真的不易，除了 apm 的滿記，就是牛頭角觀塘之間的甜戀人，最近飯腳好友介紹康寧道開了間松記的朋友，所有甜品都有松記既影子，好像"幻彩明珠"﹑"夏日戀人"等，無論食味，配搭都好像。這晚我們4人各自點了自己心目中想吃的甜品。雖然名字不太記得，但無論食味﹑價錢都很不錯。唯獨是糖水店的位置距離 apm/ 地鐡站有點遠，要不是貪得意趁熱鬧，我想都未必再來呢！

食完雲南粉來呢道食糖水，成大半年前黎過覺得都ok，今晚試過第二樣先。七點幾已經超多人係門口等位，不過佢地全部都係四位，七位咁，等大枱，我地兩個人等左一陣，阿姐開張枱係路中心比我地坐。叫左凍芒果布甸，一落單即黎，用嘅係即棄膠盒，好難打開。味道一般，無乜芒果味。夏日之戀，個名改得靚，好有松記feel。有明珠，雪糕兩球（揀左曲奇同朱古力），新鮮水果（木瓜，西瓜，芒果等），再加埋芒果汁，幾好味。睇落好似好大碗好滿咁，但其實個底啲生果切到好大塊掠起哂，每樣生果得一塊。不過舊西瓜好似壞左，酸酸地。

想吃甜，就來了這間糖水舖，環境可以，幾乾淨，不過坐位很迫。看看餐牌，感覺很松記，價錢約十幾至四十幾左右。鮮奶燉蛋（熱）很大碗，不甜，挺滑，不過食唔出蛋味同奶味，而且不夠熱，很一般。芒果紫米露（凍）同樣不甜，紫米軟身但有咬口，不錯。但芒果過熟，有點爛嘅感覺。坐了一會就滿坐，等位嘅人很多，有點趕客feel。食個糖水，全餐用有十五分鐘以下，快餐……

8-2-2013(五)今晚，在「雲南風味」吃完一頓失望的晚飯後 ，打算吃完糖水，便坐專線小巴返回荃灣。在附近走了一會，在附近看了一間叫「港記糖水」的糖水店，在門外看見內裡也有不少食客，好！便入去試試吧！我點了一款叫「夏日之戀(Summer Passion)」的甜品，內有明珠、芒果汁、朱古力脆筒及兩款自選味道的雪糕(我選了芒果味、曲奇味)。賣相及內餡，有九成像松記糖水的「Summer」甜品一樣。這間店舖所用的材料只是一般貨色，吃下一口雪糕，感覺與一般雪糕無異，雪糕是香但不滑，撈上芒果汁後的口感稍為好些；明珠也頗大粒，夠鬆軟咬口，頗好吃。整體來說，這個甜品不過不失，一試無妨。埋單 $24。

食飽飯8點幾, 個肚仲有位置食得落一碗糖水, 於是黎左呢度。天氣凍凍地, 最好食傳統糖水, 係芝麻糊同合桃露之間爭扎左一陣, 最後都係叫左熱的芝麻糊。老公就食鮮奶燉蛋。先講鮮奶燉蛋(凍), 其實係好奇怪, 奶同蛋加埋一齊去燉, 仲要凍食。古怪同唔夾。燉奶 或者 燉蛋岩我口味多d 芝麻糊好普通, 不過好大碗。 雖然唔係好滑, 但佢寫明生磨, 應該唔係開粉掛?$15 一碗糖水, 唔使自己煲又唔使洗, 都食得過的。

天氣炎熱，路徑此店，於是入內看看有什麼清涼的糖水可以消暑。看見有不是每間糖水甜品店都有的馬碲露，於是叫了一碗。檸檬馬碲露 ($17)：夠凍又清涼，但檸檬汁沒有伴入甜品中，而只是兩片檸檬放在甜品中要自行「篤」，有點「求奇」，味道比較單調。馬碲切得大粒，不是十分多，不過也爽口。糖水味道一般，可幸環境及餐具整潔，整體不過不失。