港記糖水

營業中

休息中

大熱天時最啱就係食糖水🥵今次就試咗呢間港記糖水。因為我到嘅時候門口排咗好多人，所以我決定買返屋企食！ 咁熱就最啱食夏日之戀🌬聽名都知消暑一流啦！睇圖發現佢有2球雪糕再配搭多種水果，有奇異果、西瓜、芒果等等。但本人係一個不折不扣嘅芒果控，所以我就膽粗粗問老闆娘可唔可以將水果轉哂做芒果！好好人嘅佢一口就答應咗🤤 講返味道～啖啖芒果肉配上雪糕真係人間享受🤤芒果低完全唔會水，加上大西米啖啖有咬口，食到我停唔到！！！

從未試過食啲咁難食既糖水！！！喺外賣APP叫外賣，滿心歡喜有糖水食，點知難食到痴線！芒果除左外形似芒果之外，無樣野似！一啲芒果味都無！係完全無芒果味！！所謂既椰果簡直係水啫喱！無口感！無味！我究竟食左啲乜？？？海底椰涼粉得2塊海底椰！認真咩？無哂貨咪講囉！唔好hea我淨係俾2塊我，之後俾啲唔知乜野黎既啡色物體我！就算之前食過唔好食既糖水，都唔係唔好味到好似呢間叫做難食！！！絕對無下次！！！

突然想食糖水 就拉埋班同事一齊落水 雖然我好鍾意食多花款嘅甜品 但今日突然想簡簡單單 飲下薑汁糖水 食吓湯圓😍😍呢間主打湯圓係自家手工制 一收到外賣時見到每粒湯圓 圖圓轆轆 白白淨淨 心情即刻靚晒💁🏻‍♀️ 一打開蓋 薑味撲面而來 先試左一啖薑湯先 姜嘅味道很溫和 湯水唔會太甜 同薑味配合得唔錯 到正題啦 先咬一半湯圓 睇吓質素如何🙆🏻‍♀️感覺上粉團嘅比例較多 芝麻餡雖然有流沙同埋芝麻味濃 只係外層嘅粉團過厚 顯得芝麻餡比例不足 不過粉團都算好食 咬落有嚼勁 好味過急凍湯圓好多👍🏻👍🏻

今晚又去左觀塘港記糖水買宵夜，繼上次食過紫米豆腐花，今次Encore多次，加多$8 要多兩粒芝麻湯圓。今次去到港記好多人，可能係星期六晚啦，所以都係外賣番屋企。原本熱紫米豆腐花係$24，加多兩粒芝麻湯圓就加多$8，呢兩粒湯圓唔係細細粒，食落都正，好食❗️❗️ 同樣地，紫米唔太甜，岩哂我口味，超怕糖水太甜。😂 而豆腐花都保持水準，好滑，口感都好正，食食下好快就食哂成碗了，下次都一定會再次幫襯港記糖水。😆

今晚在觀塘港記買咗碗熱既紫米豆腐花，承惠$24 ，外賣拎走。平日夜晚9點左右，等外賣既人唔多，大家都企左在門口等，不過都好，等左唔駛5分鐘就有得拎走。拎到番屋企碗紫米豆腐花仲係熱既，豆腐花好滑、紫米唔會太甜，呢兩點我都好欣賞，至於份量我略嫌細碗左些少。餐廳其實仲有唔少甜品，我都食過都ok，有興趣既朋友可以自己explore下，不過再夜d，同埋星期五六日都會比較多人，餐廳唔太大間，堂食都坐得有d迫。😂😂

枱面乾淨，餐牌清晰，餐牌冇話爛溶溶、黐立立。👍🏻👍🏻👍🏻我地2個人叫咗1碗芋圓喳咋分享，短髮樓面姨姨好爽快，落單時沒有多餘既說話，有覆單。👍🏻👍🏻👍🏻食物送到上枱，已自動跟咗2隻匙羹，噢，好細心呀！👍🏻👍🏻👍🏻姨姨仲好有禮貌咁問我地使唔使要多1隻碗👍🏻👍🏻👍🏻呢位姨姨真係令人好舒服。👍🏻👍🏻👍🏻芋圓QQ，相信如果凍食會更Q彈、3色芋圓味道分明、分量適中👍🏻👍🏻👍🏻喳咋綿密、豆味香濃、豆既軟硬度剛好、入口即溶👍🏻👍🏻👍🏻內含豆既款式亦多👍🏻👍🏻👍🏻總結：食物及服務都係令人回味，會想再去👏🏻👏🏻👏🏻

到新裕民坊商場，可惜好多店未開，經過這間地道糖水舖，點了燉旦及豆腐花，好有旦味及豆味，可惜店員超黑面，好似見到殺父仇人，今時今日仲可呢D服務態度，簡直趕客，只此一次，不會再黎

港記就係中學嘅代名詞，次次考完試都去食。係入面就會同同學講下今次考試試成點，慶祝下終於考完試！！！個人覺得好食過樓下松記🥰🥰-我最鐘意嘅就係芒果大西米😍😍大西米真係勁好食，好有咬口。芒果同大西米好夾，而且唔會好酸，亦都唔會太甜😆·其實傳統港式糖水都好好味，例如：糖不甩、椰汁西米露同芝麻糊。-疫情前嘅深夜成日都會睇到港記嘅枱擺埋出門口，用埋隔離酸辣粉嘅位，睇到咁多人就知有好食！！·差啲唔記得講！學生堂食好似會有9折優惠㗎😍😍

和朋友在觀塘吃完晚飯，時間尚早，想起她上次推介說有糖水舖的芝麻糊很好吃，於是就由她帶路來到這裡食糖水 ～～～這才知道康寧道這邊有這家糖水店丫～～～餐牌上的糖水款式，與那家連鎖港式甜品店的款式好類同，只是港記的價錢略略便宜一點！雖然朋友推介芝麻糊，但其實自己不太喜好糊狀糖水，就選了好久沒吃的凍紫糯米豆腐花！紫糯米的味道不會太甜，濃稠度恰好，不會蓋過豆腐花的微微豆香。豆腐花的質感不算好滑溜，仍可接受～面層澆上一些椰漿，令整碗糖水的味道不會太單調。雖然糖水的味道並非好吃得令人覺得驚艷，但小店還是值得支持一下的！！

一行六人聚舊，星期五晚飯餐廳限時，傾得意猶未盡，最好的決定當然係轉戰食糖水，雖然晚飯食得飽，但係呢間糖水係可以開動第二個胃嘅。尼款夏日之戀，係選擇困難時最好嘅選擇，有鮮果、兩球自選口味雪糕、大西米、加上美國味嘅芒果汁，一個既健康又邪惡嘅消暑選擇！如果想唔咁邪惡，戒食雪糕，咁尼個彩虹明王水又係一個喜歡鮮果嘅必選，不過今日嘅奇異果太酸了，唯有撈多啲芒果汁一齊食。芒果涼粉，食飯物本質已經好夾，芒果濕熱，涼粉清熱解毒，配上椰汁更香甜。芒果西米露，平凡中不失水準。椰汁紫米露，加錢配埋台灣嘅芋圓、地瓜圓，口感不錯！如果覺得仲係未係好消暑，一碗刨冰係必然嘅選擇！

同朋友食完晚飯之後就喺附近搵咗間甜品舖坐低繼續吹水🤣店內環境尚算乾淨不過服務員態度有啲急躁建議點餐嘅時候乾脆利落少少芒果豆腐花加芋圓芒果肉鮮甜多汁，芋圓都好有咬口值得再試🥭😋朋友點的芋頭西米露佢表示同其他舖頭相比都毫不遜色😁👍🏻至於另外一位朋友嘅鮮雜果流星佢就覺得一般般🤨 不過佢都讚啲芒果鮮甜睇嚟有親芒果嘅都唔會大伏😂除咗店員冇乜耐性之外，食物質素不錯我哋都大致上滿意～值得再食🥰👍🏻

朋友話喺觀塘搵一間糖水舖坐低傾吓計食啲嘢，行行吓就揀咗呢一間港記糖水，呢度嘅候餐時間比較耐，員工嘅服務態度麻麻，不過依度糖水嘅價錢都合理，味道同質素都係正常發揮，種類選擇都幾多，我以為係凍嘅涼粉西米露，西米露嘅份量比涼粉多，作為飯後甜品我覺得係可以嘅，印象中佢上面嗰層白色嘅係花奶，估唔到花奶加涼粉加西米露三個層次都幾夾，係唔錯嘅，遲啲如果再嚟，會想試吓佢其他嘅食物，例如芒果類別，因為依度嘅價錢都合理，食多幾次都唔嫌貴！

呢日返屋企見到屋企人外賣左楊枝甘露糖水比我食，質素都唔錯喎。.呢碗楊枝甘露有好多水果，不論係芒果定係西柚，都俾得十分慷慨。.芒果汁加埋淡奶，食落去都好香滑。.雖然楊枝甘露係一種好簡單嘅甜品，但係整得好味都唔容易架。

吃完晚飯與朋友很想來吃吃糖水，我們點了刨冰、糖不甩、 pancake和夏日之戀,食物質素還可以地方不算大普通港式糖水譜但是有很多人來吃人流不絕。店內很先進可以用支付寶來付款。

經理左一日嘅苦要甜番下，特意來到官塘，淨知創紀之城過邊夜晚無野食，咁就過來舊少少嘅呢邊，一見門口好多人夜晚11點都要等位，人氣有番咁上下。鋪仔唔大但坐滿後生一代，但樓面收銀姐姐都係上一輩嘅人，幾特別嘅畫面。餐牌內容唔係有特色有溫卿有舊式糖水，今次嗌左古今兩種夏日之戀同埋芝麻糊豆腐花。夏日之戀係有兩球雪糕，生果同朱古力脆棒，雪糕食落好似係產自香港雪糕廠房嘅波波雪糕因為好圓嘅球體，岩岩好嘅甜度。總括而言幾好嘅舊區之選。哀左一日嘅辛苦嘗試用甜埋尾先。