港晶軒

營業中

休息中

懷舊金錢雞訂台果陽我地叫左四件，係一道好傳統懷舊既菜色，金錢雞較為薄身，香氣十足，仲有其他唔同香氣既惹味醬料，令味道富層次，油潤甘香，香而不膩，絕對係考功夫又花心機既菜式。魚湯海味雜菜煲魚湯味濃，多款唔多既雜菜索哂魚湯既湯汁，夠哂鮮甜味美。豉汁涼瓜一口排骨煲 苦瓜既甘美，配上肥美腍滑得黎帶點咬口既排骨，送飯一流!荷香北菰蒸滑雞滑雞放入口有淡淡既荷香味，夠滑得黎又啖啖肉，北菰索左雞油香好香口，蒸熟後既雞汁，混合菇香同肉香，又係送飯必點。

昨晚（11/10/2023）好耐無見既朋友們在這裏聚舊。朋友好介紹這裏一個套餐，幾抵，又啱食，便一試。閒日只得幾枱客，侍應服務周到韓式醬油冰鎮鮑魚，好夠味二選一，選了茄汁煎大虎蝦，肉好實及爽口，配上茄汁，好好味，配菜洋蔥都好食胡椒花膠件雞湯湯好飲，雞煲湯後仍有味，幾好食深海龍躉兩食~碧炒海龍躉球及古法金菰蒸頭腩龍躉好食配上蜜糖豆，唔錯，古法金菰蒸頭腩略厭油咗D港晶軒脆皮燒雞，皮脆肉嫩，正鮑汁雞粒炒飯，好多料美點雙輝，最驚喜，兩款都好好食，鬆脆又唔油最後紅豆沙都唔錯埋單$1406。

10個人去食lunch坐1圍 點咗一堆點心同埋炒飯 上菜嘅時候先上炒飯已經非常奇怪 一般都應該先上點心食完碟炒飯等多一陣嚟咗小小點心同小食之後就冇曬喇。然後追佢竟然話漏咗單幫我哋再落過，成台人先食得嗰兩啖好肚餓咁又等咗大半粒鐘竟然仲係乜都冇再追多次之後竟然有個服務員問上過啲乜嘢 豈有此理上咗啲乜嘢菜都唔知 仲要人等咁耐 同埋話幫我哋再落單嗰個服務員到底做咗啲乜嘢，惗住叫個經理出嚟交代下佢竟然唔出嚟等咗一個鐘終於有得食 等咁耐已經冇乜食慾啲嘢食又唔見得幾好食

今次嚟港晶軒同家人食中秋節晚飯，預訂咗一席六位用餐，包括有五款菜式、炒飯、湯及精選甜品，價錢為$𝟐𝟗𝟖𝟖。另外我哋亦叫咗幾款前菜同小食，不過就無影相。酒樓安排咗一間房比我哋，環境舒適坐得都幾舒服。食物方面質素比較一般，服務質素就好好，芝士焗龍蝦同櫻花蝦海皇炒飯非常好食。而蟶子食落好奇怪，有啲芡係上面，食到有生粉未溶，應該係想蟶子肉質滑啲打芡但處理得唔好，蟶子下邊嘅粉絲好硬同埋上枱已經凍晒，其他食物都係一般。🔝蜜燒紅毛豬肋骨 🔝濃芝士焗澳洲龍蝦烏冬底🔝蒜茸粉絲蒸蟶子皇🔝皇家魚湯龍躉件🔝皇湯浸娃娃菜🔝櫻花蝦海皇炒飯🔝豐料海皇冬瓜底🔝鬆化蛋散+合桃酥+桂花糕🔝菜單

此餐廳貼出海報做特價長腳蟹，四斤收HK$1388。有朋友生日便五日前打電話訂位。P : 請問你地 HK$1400 嘅長腳蟹重有無做呀？W : 唔係千四蚊，係HK$1388，有做呀。P : 想問下如果超過四斤或者唔夠四斤點計呢？W : 呢個我答唔到你，要經理先答到。不過 我地一路做開訂四斤，供應商就交四斤， 相差好少嘅。P : 好呀。唔該幫我訂星期四。點稱呼呀？W : 我姓鍾。P : 唔該鍾小姐。W : 唔洗客氣。結果三日後有人What's App : 先生你訂隻蟹而家要二千二，1388 我地做唔到。因為海鮮價錢日日唔同。重想食過好介紹朋友。打退堂鼓。好驚朋友前一日收到 What's App : 先生你訂嘅酒席而家要一萬五，九千我地做唔到。因為食材價錢日日唔同。

因為一大班朋友想飲茶聚聚，有九個人， 驚到時難揾位，所以幾個星期前，已搵啲可以訂位同可以坐埋一枱嘅酒家，致電尖東一間酒樓訂咗中午 12時飲茶。當天早15分鐘去到，佢話未有枱要等陣，跟住又話如果現在要可分兩張枱坐。 咁我哋話等下啦，點知個知客又話，唔知要等幾耐喎，我哋唔會同你 hold 枱，態度愛理不理，咁你就唔好話可以訂位啦， 我哋又冇遲到。 即刻上 Openrice 搵附近酒樓。 打到去問有位可坐九個人一枱，即刻轉軚改去呢度~港晶軒12:10 noon 去到, 發現有張特價點心紙 十二點半前落單，好抵，所以食咗好多點心。😋椒鹽鮮魷， 嗰炸粉就厚咗啲，冇乜味。以下的⇒ xo醬炒蘿蔔糕，同右上牛肚，味道唔錯。右下面馬拉糕， 蒸得好靚，好軟綿綿，不過要趁熱食， 腐皮卷普通好油。以下的⇒左上椒鹽豆腐，味道唔錯。 左下迷你上湯浸菜， 右上炸黄金苦瓜，冇苦瓜味，右中圖南瓜布甸，呢個外型幾特別，下面南瓜上面係南瓜蓉做嘅布甸，味道都幾好。😙 右下圖旦散好鬆化👍😋最後食埋擂沙湯圓，不過裡面啲芝麻餡比較稀，一咬就流曬出嚟。薑糖蕃薯糖水，好夠薑味，可能太多薑有點苦澀，蕃薯味道可以 ，不過兩樣都冇影相。😁