渡邊屋

營業中

休息中

近排嘅天氣實在太好喇，熱到爆，夜晚食飯都只係希望食啲涼嘢，咁啱今晚晚餐要自己解決，晌九龍城呢頭行過下後就決定買壽司，加上見openrice 呢間壽司嘅笑logo都唔錯，決定唔搵入去一試個人每次都會做咗少少影相紀錄，等日後行開附近想搵食時，睇番地圖同相會知自己食過啲咩⋯⋯就咁睇個餐牌，價錢都可接受，有散叫有套餐，最終為咗咩都揀下，叫了一刺身飯套餐同壽司，應該夠飽返到屋企先食壽司，刺身顏色都算光澤，睇落都算新鮮，味道方面亦可，至於另外叫嘅左口魚裙邊，個人感覺可燒多少少，但都好味，好快就食晒去到極上刺身飯, 同壽司差唔多，飯嘅口感同味道適中，有味唔硬，刺身都算新鮮，份量都多，好快就食飽晒

同表妹去九龍城廣場shopping 完，經過衙前圍道見有間渡邊屋係食日本刺身同壽司，佢話好想食，于是我𠉴的午餐係吃日本餐。店舖門前有個雪櫃載滿給食客外買的一盒盒刺身和壽司。店內地方只有幾個坐位給食客堂食，但麻雀雖小 五臟俱全，有各種不同口味的壽司、刺身和刺身飯丼有海膽丼、三文魚丼等等....種類繁多。我喜歡鰻魚壽司，有筷子咁長的燒鰻魚鋪係飯團面售$25，入口鮮味，飯團煙韌有口感。有多塊三文魚卷著成朵花和舖滿魚子在上面的花之戀鮮甜美味；我覺得$45三舊最抵食。表妹喜歡魚子手卷$45,但略嫌貴了些。我倆更喜歡吃壽司，所以幾款口味壽司都叫齊，全是即叫即做，很新鮮。在堂食時，見有唔少熟客外賣，可想而知渡邊屋的食物質素有番咁上下新鮮，受到街坊支持。

這次與朋友相約於九龍城見面，從朋友口中得知已經轉了手的日式餐廳，人人都說味道大不如前，這次我也一試。位置上和以前的沒有分別，但店內確轉了由兩名年青人打理，但我感受到的是更熱情的招待，這次我也是和過去的一樣外賣回家吃。門外的冷櫃和過去的一樣，而我最後點選了的就是由三種不同的小卷組成的，分別就是青瓜卷，玉子卷及三文魚卷。 價錢為46元， 計起來每一種才18元，其實價錢上和過去的一樣。 味道也和過去的沒有大分別 在我眼中還是會再光臨的。

真係不得了，以前一路有幫襯開，係2個好好人嘅姨姨，快靚正，有水準又好味。點知今日去到見到換晒人換晒裝修，都諗過伏到咁。首先講速度真係慢到，同以前比真係多2倍時間。然後係質素，翻到屋企見到盒三文魚角切丼打咗個突，d三文魚又少擺得又亂，孤寒到我嚇親，咁樣嘅嘢68蚊？真係食咗好耐渡邊屋，未見過咁嘅情況。仲有壽司，呢個真係不得了，首先就比漏咗三文魚壽司，然後d壽司成舊飯連d魚生都係熱嘅，食飯個隻熱，第一口食個帆立貝熱到我係到諗煮熟咗架？😀然後叫咗個赤海蝦，真係唔講，睇相啦，真係當人白痴未食過赤海蝦😀

離譜既價錢 質素完全唔掂夜媽媽 先生想食壽司見呢間仲開 又有其他人幫襯 就買外賣試下甜蝦 - 瘦， 細， 唔甜海膽 - 普通赤貝，帶子 - 薄，而且比較干身，感覺係一大log解凍雪左好耐的，唔鮮甜拖羅！！ 成塊碎片咁！！細到丫！仲要刀功好好，薄到透晒燈！？係日本食和牛薄燒咁薄！仲要唔fatty,食左都唔知食左咩咁其他全部都普通普通普通張單一出來就咁...所以睇唔清楚價錢個離晒大譜既拖羅 要$6x! 我坐低係尖咀比較好既連鎖壽司店都唔駛呢個價！成盒咁既壽司要$180！！完全係坐低係正常普通既連鎖壽司店既價錢但係係街邊自助夾壽司個d質素！！好離譜！！！以後唔會再來！

轉咗手，已經唔係以前果兩個姨姨做，質素直線下降。1）丼：非常孤寒，啲料少到望到都震驚。2）壽司漏單&錯單：買三文魚冇俾到三文魚，話要劍魚腩本身同我地講冇，點知最後出現左係盒裡面 ，咩事？3）壽司：壽司上面嘅刺身係超熱嘅，刺身質素更不值一提。4）等候時間：比起以前，今次等咗勁耐先攞到外賣，欠效率。5）呢個見仁見智：已經冇得用以前儲印仔張卡，變咗買套票（$1000同$2000），店員同我講抵過以前，個人認為見唔到邊到抵，細壽司鋪賣套票亦都係第一次見。總結：唔會再幫襯，已經唔係以前嘅渡邊屋。

去九龍城以為淨係可以食泰國料理，呢度都有唔少嘅其他食店，今次就試吓依間抵食之選。這裏空間少只有3個堂食的位置！主要是做外賣！不過堂食也可以！我當日就係堂食！中午都幾多人，不過多數都外賣🥡叫咗個鰻魚飯！味道唔錯！飯嘅份量啱啱好！鰻魚好香口！佢配埋野飲！🙈🙈正～好似有學生證仲平D添😻😻因為我幾鍾意食鰻魚，所以又點左鰻魚壽司🍣超抵食！好似$30，6件！之後叫咗兩個卷物～我以為細細件，點知好大份！兩個人食已經好飽！最後我哋去打包走😂😂燒三文魚牛油果卷物好有口感😻😻

以前住九龍城都無咁多野食，成街都係泰國野，依加有日本野食，但我搬走左了😭.🔺自選壽司🍣呢間主要做外賣壽司，全部都係即叫即做，價錢唔算貴，有時唔知食咩好，叫外賣都唔錯。推介原條電鰻壽司🤭真係勁爽皮勁大條！電鰻壽司面有微微被烤過，面頭微微香脆，加上鰻魚汁，好味。另外鍾意佢哋個玉子壽司，同埋棒蟹柳壽司🍣。佢個玉子好大件好口，而且好夠甜味同蛋香，我好鍾意。而棒蟹柳壽司好鮮甜，加埋沙律醬覺得好好味😻

今日放工就去左附近嘅壽司外賣店買手卷。小妹不嬲都中意食渡邊屋嘅丼飯，因為佢地嘅飯真係特別好味🤤🤤 三文魚手卷最抵食，塊三文魚一黎夠厚、二黎長到落尾😎 真係食極都咁好味芝士飛魚籽手卷就一般般，飛魚籽係就係多，但係芝士味唔重超級recommend 大家每日等2:30pm先去嗌下午茶，抵好多㗎~~~

平安夜本來好好地想幫襯聽老闆娘講好快做壽司俾我哋所以先至落單點知之後有班收女寫大單佢哋竟然做比佢哋先結果等咗好鬼耐原來唔係跟次序總之就食到一肚氣下次想幫襯都幾難

每次揸車經過衙前圍道，都會見到”渡邊屋”，但一直無機會試。今晚假日周圍的餐廳都要等位，所以決定買外賣上車食餐牌有好多選擇，有軍艦、手卷、丼飯、卷物...所有壽司即叫即整，門外貼有日本食物認証，食材應該有保証吧芝士飛魚籽軍艦：飛魚籽混了濃香的芝士，好好食帆立貝壽司：好厚肉鮮甜，$12件非常抵食海膽壽司：加拿大海膽和馬糞海膽兩者都非常新鮮，加拿大好肥美，馬糞亦好鮮甜，不過我較喜歡吃加拿大海膽的Creamy三文魚籽軍艦：爆多三文魚籽，好正 吞拿魚、劍魚腩、黃金魷魚都好新鮮，大大件雖然店面細細，但選擇多，所有食物都好有質素，用料足，價錢合理，比一般日式餐廳還要好。誠意小店，值得推介

九龍城唔一定要食泰國野既今日係九龍城睇完中醫，一個人諗住睇下有咩外賣買反屋企食，係大馬路見到衣間壽司外賣而價錢又唔貴，仲要越望越口痕，仲等咩，梗係試下新野啦餐牌真係好多野揀，但一個，真係最怕係眼闊肚窄，最後都係點佐個丼飯點佐幾款壽司鋪頭唔算好大，但店主都特登整三個位堂食，等人行行下街可以有地方抖抖食下野，都幾好三文魚籽海膽丼$128非常足料食丼飯超超超多海膽，超厚，味道又濃郁，好正好新鮮三文魚子唔會太咸，撈飯食一流仲要多到咁，真係食完D 飯都未食曬D 魚子啊值得提一提係呢隻魚仔魚露，好有童年回憶啊﹗唔知點解而家真係好少見到了叫佐一共五款壽司，全部都真係唔貴，但賣相真係無得頂，超鮮，同平時食開既平價壽司完全2回事啊﹗所以邊個話一分錢先得一分貨，原來九龍城真係好多好野~~唔瓜得咁多名人鐘意去啦~油甘魚腩壽司 ... 36蚊2件劍魚腩壽司... 20蚊兩件花之戀壽司 ....呢個勁，先16蚊件，抵到呢~帆立貝 壽司... 24蚊2件馬糞海胆壽司軍艦...呢個最貴..36蚊，但真係超級甜，好好食﹗咁大堆，唔貴唔食，加埋先係120蚊左右，真係抵得好交關，仲要全部上等貨色，唔係俾D 下欄野呢間店都

即叫即整壽司🍙🍱 三文魚壽司$ 6一件帆立貝壽司$ 12一件三文魚腩壽司$ 10一件劍魚腩壽司$10一件火炙左口魚邊壽司$10九龍城通常係食泰國菜，但個到有一間壽司店，即叫即整，壽司，刺身，軍艦，卷物，日式小食等的款式極多，還有多款刺身丼選擇，包羅萬有，而且價錢相當平民，三文魚壽司大大件只係6蚊，大大件帆立貝12蚊呢個價錢兼質素真係難得，值得再試。所以我就外賣咗d去海旁慢慢嘆，全部加埋都係2百蚊左右😋

今日嚟到渡邊屋， 這是一間在九龍城的外賣壽司專門店。 雖然舖頭面積較少， 但壽司的種類行多， 及得上堂食日本壽司店。店鋪門外寫了十一月的推介， 而我本身是很喜歡吃蟹膏的所以特別點了四件蟹贏軍艦壽司。 媽媽本身很喜歡吃鰻魚，所以點了鰻魚丼。 之後就隨便點了其他壽司，每款一件。回到家中，立刻品嘗買回來的壽司。蟹贏壽司每一件都好多蟹贏，份量比一般連鎖壽司店還要多，當然味道也不錯，很新鮮。另外要推薦的是 加拿大海膽軍艦壽司， 如果有食開海膽的人都知道其實海膽較容易變壞的，吃一啖便知是否新鮮。 這個海膽壽司有驚喜，味道很鮮甜，下次再點這個海膽。再說這個鰻魚丼，其實香港好多地方都有鰻魚飯食。但這個鰻魚飯與日本黑門市場的鰻魚飯一樣好好食，肉質彈牙夠新鮮，同樣帶來驚喜。 至於最平的櫻花魷魚及黃金魷魚也一樣好吃， 油甘魚，左口魚同樣鮮甜。總結， 這是一間性價比較高的外賣壽司專門店值得回購。

今日一支弓去九龍城買野，見到就十字路口有間叫「渡邊屋」，咁有feel , 就望下咩料。原來係刺身壽司外賣店，仲有好多刺身丼飯，感覺幾正。仲要價錢好平，反正屋企無飯開就試下佢啦，反正一支弓都唔知食咩好。佢門口仲要有d整好既set方便趕時間既朋友仔。但我大把時間就梗係自己慢慢㨂啦我好怕點壽司，因為真係好難就份量，每次都係點得太多食唔曬！難得呢間咁多刺身丼飯揀就棟係㨂個刺身丼啦！最終點佐個極上刺身丼飯，再點多個介辣八爪魚小食！仲要俾我見到童年回憶.....波子汽水埋單百零蚊，話要等約十分鐘咁就放心，即係肯定即整啦，去附近行下街返黎拎岩岩好十分鐘準時收貨返屋企開餐嘩，呢單野真係一分錢，幾分貨，極度足料！除佐刺身新鮮厚切，D飯都做得好好食，軟硬口感適中，基本唔使落任何醬料都已經好正！最抵讚係隻蝦，一打開大隻到佔佐半碗飯！非常新鮮再黎梗係個小食介辣八爪魚，15蚊咁大把，俾咁大盒我，仲唔唔係流野，超正，連埋個刺身丼食一流，我諗呢個份量真係夠整8-10舊介辣八爪魚壽司配埋支波子汽水，今日一支弓呢個自私刺身丼真係超級驚喜又滿足！真係唔怕自己一個人多d去九龍城行街