渝痴漁醉

營業中

休息中

$129蚊任食邊爐，還要免加一，讓我好像時光倒流十年，重回中學同朋友、波友一大班人去酒樓打爐爐既日子。回到現實，129蚊一位，喺真唔喺呀!? 仲要銅鑼灣啵。抱住試試無妨，大不了中伏嘅嘅心態，這間店反倒比到我一點驚喜。邊爐放題一共有四款選擇，烤魚、雞煲、胡椒豬肚雞煲、肉骨茶煲，其中胡椒豬肚雞煲同肉骨茶煲喺比較少見嘅選擇。我哋選擇了麻辣烤魚，烤魚喺經煎炸處理，表皮香脆，仍保留完整魚身唔鬆散，熟度亦啱啱好，上枱就食得！雖然揀咗BB辣度，但辣度十足！(利申，譚仔10小辣🤣)魚身都夠滑，啖啖肉，唔太多骨，兩人食都已經飽咗一半。呢個真喺有啲驚喜。打邊爐配料，醬料同飲品就自助形式。配料就有十幾款，當中推薦芝士年糕、豆卜、魷魚串、豬皮、金菇、芋頭！雖然選擇唔太多，但絶對對得起佢嘅價錢。銅鑼灣諗唔到食咩，推薦！

可以用”The Gulu” app排隊攞籌好方便，唔洗迫係餐廳門口等。😎仲可以去對面sogo行住等。128蚊嘅90分鐘放題🤩，4個人可以揀2個烤魚或者雞煲。我地選擇咗皇牌烤魚 - 老壇酸菜味 (小辣) + 麻辣雞煲 (中辣)。😙店員提醒我地，佢地嘅中辣唔係個個接受到😅，不過食得辣嘅朋友都係想試下。中辣嘅雞煲的確係辣同鹹，但食得辣嘅朋友依然面不改容😵‍💫。冇咁食得辣嘅我地都係食返小辣比較適合。🤪餐廳座位比較迫😞，我地冇位置可以放袋，全程要捧住個背囊食😣。我地4人枱放完一盤烤魚 + 1個雞煲再加每人一套碗筷、飲品就冇空位放其他嘢。🙁食完烤魚同雞煲之後，可以自助去雪櫃攞火鍋配料嘅，有肥牛、手切牛肉、腸仔、菇類、丸類、菜、豆卜、豬紅，攞完返嚟都要即刻放落煲，因為張枱唔夠位放。😩

如癡如醉，所以再次光臨😆第一次幫襯渝痴漁醉竟然係係外賣平台度嗌。銅記送到灣仔，啲魚仍然係脆卜卜。當下就俾佢嘅豆花烤魚迷倒了。所以之後又同friend子到現場考察。果次就係試佢嘅放題，cp值勁高👍🏻由於對渝翁招牌豆花烤魚念念不忘，所以又再特登帶埋mala friend子去麻辣下。🏅 渝翁招牌豆花烤魚 🏅可以揀3款🐠: 桂花魚、清江魚、凌波魚。我哋揀咗凌波魚（因為嗰名好得意🤣)。需時15-20分鐘。凌波魚非常新鮮，肉質嫩滑，吸埋啲麻辣汁，係魔鬼與天使嘅混合！叫得做豆花烤魚，當然要有豆腐花。不過，呢度用左百福豆腐啲朋友～but equally good😋😋呢個招牌菜，亮點係個汁。對比起普通麻辣汁，佢嘅汁麻辣得黎，又帶住啲清新嘅味道。Mala Friend子話似係香茅味。就係多咗呢個清新味，成個感覺就升華咗，更加豐富同埋細膩。話雖如此，呢味菜仍然會辣到流鼻水🌶 不過，對於鍾意食辣野嘅朋友，呢個係屬於小小辣、多多趣嘅level😋👎🏻話說呢個招牌菜係以時價及原價計，我哋預期佢會如一般烤魚咁，有配菜。而我第一次叫外賣時，係有勁多唔用配菜，例如蓮藕、金菇等。點知今晚佢上菜嘅時候只係得條魚，貨式不似預期

明明定咗位，到咗同客人講因為walkin客人等咗個幾鐘所以要優先俾其他人，要定位d人等多成個鐘。請問你地知唔知何為定位？不如直接停咗個定位功能啦，完全冇任何商業道德可言

天氣涼涼地最適合食熱辣辣既野，今次選擇左銅鑼灣《渝痴漁醉》。餐牌上有好多唔同既菜式選擇，包括有雞煲、烤魚⋯等等。今次試左老壇酸菜味皇牌烤魚放題。份量十足！原條巴沙魚加埋酸菜好入味！魚肉好鮮嫩🥰放題仲可以任食其他食物。丸類、蝦🦐、菜⋯等等⋯仲有多款飲品選擇！！店員仲送豆腐花作為甜品。好滿足！😍價錢親民，免加一，每位$128 （90分鐘）。店舖唔算好大，客人滿滿😆所以有興趣既朋友最好先訂位喇☺️

Drunken Fish 渝痴漁醉 🐠冬天最啱就係同friend一齊食啲暖嘅野🥰今次呢間就啱晒大家，有齊雞煲、打邊爐同埋烤魚咁多樣嘢揀！今次我哋兩個人食就揀咗烤魚，但如果有四個人嘅話就可以有齊兩款雞煲同烤魚，所以好啱同多啲fd一齊嚟食，咁就唔使苦惱揀邊樣好啦！老壇酸菜味王牌烤魚:條魚係有輕輕煎過先，所以魚皮好香，而啲魚肉仲係好滑，同埋擺係個爐上面慢慢煲，越食越入味😋今次嗌嘅係小辣，但其實係無乜辣味，如果可以食到啲辣嘅話，其實可以嗌中辣，應該會更正！😝份量真係超級大份！我哋得兩個人食，所以就冇加好多配菜。但啲配菜都索埋啲酸菜汁真係好正，連醬汁都唔使點。特別嘅係蝦同埋魷魚係一串串嘅，雖然蝦細細隻，但食落特別有feel🤪呢度單點或者放題都可以，即使放題，但價錢都好抵，平時打邊爐必食嘅配菜都會有，仲有飲品任飲架，另外仲唔收加一，但就要自己加湯，不過都好方便，所以真係好抵食🤑。。。。。。。。。。。。。。。。。。。。。。。老壇酸菜味王牌烤魚放題：$128/位餐廳：Drunken Fish 渝痴漁醉 Overall (Out of 5): 🔆🔆🔆🔆地址：銅鑼灣記利佐治街1號金百利廣場8樓R1號舖

銅鑼灣cp值高烤魚🐟係咁多美食包圍下既銅鑼灣竟然有一間咁高cp值既任食火鍋店 🥘當中仲可以揀麻辣烤魚 🐟麻辣雞煲 酸菜魚 或者 藥膳雞煲 🐓今次就揀咗麻辣烤魚黎試下啦🌶🌟烤魚放題收費（$128/per head）2位起麻辣烤魚嘅份量好多😆兩個人仲差啲食唔晒添成條魚先煎過再放係爐到繼續索啲辣味🌶🤤魚皮有少少煎過既魚油味😚麻辣層次分明花椒 乾辣椒 味道都好突出👍🏼簡直唔使其他醬料都已經好夠味😋自助區方面有唔同款式嘅丸同蔬菜🥬仲有肥牛豬肉同雞件拎添🐷🐮🐥推介大家一定要試吓牛丸🐂咬落去好多汁節曬出嚟蔬菜方面都有4種俾大家揀🤤另外飲品都係包埋添 仲有啤酒同汽水🍻Ps. 以一個咁親民嘅價錢可以食到烤魚埋單嗰陣時仲唔使加一添真係好抵食呀味道 7.5/10環境7.5/10推介程度 7.5/10📍渝痴漁醉 (銅鑼灣) @drunkenfishhk 銅鑼灣記利佐治街1號金百利廣場8樓R1號舖

嚟得渝痴漁醉食放題，當然要試他們嘅皇牌烤魚，小編同朋友都不太好辣，就揀咗老壇酸菜味。除咗這個主角，仲叫咗一碟滋味，小食香酥軟骨。他們有兩個自助雪櫃，內裏食物任攞，加湯亦係自助。小編同朋友都不想額外再食肉，主要食菜，生菜同黃牙白，肉丸亦有好多選擇，有牛肉丸，墨魚丸，芝士丸，魚蛋等，小編每樣都攞一粒嚟試吓，飲品當然少不了，兩盒紙包飲品，蜜桃茶同竹蔗茅根，好似可以解膩。-這裏要提一提嘅係用餐時間只有90分鐘，小編在這餐不斷有客人，客以雲來，非常熱鬧。-主角烤魚，非常大條，烤得好香，魚皮燶脆剛好，魚肉也不錯，亦冇乜魚骨。嗰湯今次揀咗酸菜味，酸味唔太酸，有點咸，生菜用這湯滖熟後好味易入口，抵讚。-他們另一招牌雞煲，特別係藥膳雞煲，估計都應該唔錯，下次一定要試試。

大家如果想吃烤魚和雞煲，一定要來這間渝痴漁醉！第一次听這个店名我就想一首懷舊歌詞：如痴如醉，還扮你懂珍惜自己！如果大家真的珍惜自己的肚子就來吃，保証你們吃完滿足。酸菜烤魚：原本我想吃藥膳雞煲，但酸菜烤魚那麽大條，我一看到就覺得吸引，味道非常正喲！我怕辣，所以走辣，但不辣的酸菜魚依然不失風味，酸菜酸度剛好，令人十分開胃，慶幸的是竟然湯底竟然不鹹，愈吃愈過癮。魚肉非常肥美，魚皮煎得很香，就算放在湯汁內依然能保持脆度。啖啖鮮嫩魚肉，滋味無窮！香酥軟骨：雖然我平日較少吃炸的東西，但酥鹽那種香脆又鹹鹹的味道令我無法抵擋！脆脆的外層，竟包著更爽脆的軟骨，有嚼勁。軟骨無肉，所以不會太飽，很適合和大大的烤魚一起吃！更開心的是飲品種類多元化，蔬菜、飲品和各種丸類任飲任吃，我和朋友選了蜜桃茶和竹蔗茅根喝，蜜桃茶清甜，加上竹蔗茅根清熱氣。無論是火鍋、烤魚或雞煲也是很適合喝。更開心的是有牛肉片、魚肉片吃，而且丸的種類多，牛肉、豬肉丸、龍蝦丸必有，還我特別喜歡芝士丸，芝士味香濃，這頓晚餐令我太陶醉了。可加錢選特飲內部裝修：門面：

最近天氣開始轉涼，又係食打邊爐雞煲烤魚既時節。今次黎到銅鑼灣呢間渝痴漁醉食烤魚放題，好抵食！一人$128就食到烤魚，仲可以任食佢地既火鍋配料！雖然火鍋料選擇唔係好多，但係基本野都齊曬，好似丸類、蔬菜、肉、飲品，最後仲有一人一盒豆腐花食添😋  1⃣️麻辣烤魚放題（$128）有九十分鐘時間食，嗌左麻辣烤魚小辣，見到面頭有啲辣椒粒😍烤魚係原條巴沙魚，食落啖啖肉，配埋麻辣味食，勁惹味🔥另外仲可以係出面任攞火鍋料，可以一路食烤魚一路打邊爐，麻辣湯底打邊爐真係勁正！配料有肥牛、豬肉片、雞肉、各式丸類、蔬菜。當中，最最最最推薦既係，一定要落寬粉！寬粉好煙韌好好味！另外仲有啲蝦串同埋魷魚串可以食。  除左烤魚同邊爐之外，等啲野食滾既時候，仲可以食住佢地既咖喱角、脆炸雞柳同埋炸魚腐。都唔錯架！最後食完之後仲有豆腐花做甜品🤤解辣一流！食到勁飽埋單仲要唔洗加一！超抵食！平時出去就咁食一條烤魚都起碼二百幾三百蚊啦。  2⃣️紅油海蜇（$46）海蜇好爽脆，嗌左中辣，覺得啱啱好，酸酸辣辣🌶️作為前菜一流！  

🌸銅鑼灣美食🌸渝痴漁醉🐟性價比極高的麻辣烤魚放題🌶這星期天氣開始轉涼❗️又是吃麻辣川菜時候。因此今天到了位於銅鑼灣鬧的一間川菜放題店「漁痴漁醉」 品嚐一下熱炳炳烤魚放題❗️餐廳寬敞舒適，裝修企理，客人都能在舒適寬敞的座位用餐❗️服務員也是非常之親切有禮❗️🤩餐廳有提供多款價錢爍䞄民的川菜菜式及雞煲、烤魚、酸菜魚及藥饍雞煲放題，放題一律 $128 （2位起）。我們一行2人惠顧了麻辣烤魚放題：90分鐘麻辣烤魚放題🐟 每位$128麻辣烤魚份量十足❗️是足足一大條原條香炸烤魚❗️烤魚即叫即製，魚肉非常香滑鮮嫩❗️賣相精緻，集色香味於一身❗️每一啖香烤魚肉也非常之入味，具川菜的惹味麻辣，辣而不燥，不用額外添加醬料❗️最適給現時初冬的天氣享用，加上價錢非常親民，是烤漁放題必食之選🌶🍽自助吧自助吧有各式各樣的火鍋配料，當中包括牛肉、豬肉、豬皮、魷魚、鮮蝦等及時令蔬菜🥬，還有薯粉、寬粉等❗️餐廳提供多瓶火鍋湯底供客人自助添加，還有傳統火鍋醬料如豉油、芫茜、蒜蓉、香蔥等️️❗🥤飲品方面選擇多樣化。有多款汽水、竹蔗茅根，蘋果綠茶及烏龍茶等，更有啤酒提供❗️當放題結束時，還會贈送香滑豆腐花作為甜品，為放題劃上完美的句號。美味指數：⭕

聽講立左冬😂儀式上都要食個雞煲邊個靚爐🥘俾我搵到間性價比唔錯嘅東西算執到寶😂銅鑼灣加埋加一位位$140有找有個雞煲加邊爐放題已經爽有咩正得過啲野仲要係好食嘅😎款多都算啦連肉都多之前要特登搵先食到魚柳呢度居然有係爽嘅btw滑牛係mvp🤓堅好食驚豔左😂呀仲有啲雞塊(生嗰啲)幾驚佢係cheap嗰啲最後望落食落係三黃雞當堂放心曬枱面少菜純粹係朕偏食😂其實好多款菜選擇困難可以試吓每樣一舊應該都有排食😂呀仲有😀汽水任飲嘅😀唔洗驚另外charge你有緣可以一試👍🏻其實仲幾好坐🤓

見好多人介紹呢間 #烤魚 ，位於銅鑼灣都可以做到呢個價錢，究竟伏唔伏，試下先知～之前見大家介紹夜晚 #放題 食120分鐘，不過餐廳近排轉左夜晚同午市一樣都係90分鐘，證明多人食到要縮短時間！可以揀烤魚/雞煲/胡椒豬肚雞煲，小妹揀左 #酸菜烤魚 ，可以揀辣或者唔辣，冇得揀辣度，小妹怕辣就揀左唔辣～全場既人大部份都係揀烤魚🐟原條魚炸完再放落酸菜湯度煮，淨係得中間條大骨，冇乜細骨，小妹夾個啲一條骨都冇🤩又厚肉又唔腥，酸度岩岩好又唔會太鹹。食食下就可以自助加湯再 #打邊爐 ！當然唔少得 #寬粉 ，煮到變透明好煙韌🤗仲有唔同既肉類丸類蔬菜類等配料。飲品都係任飲架，除左汽水茶類，竟然仲有啤酒。出面仲有啲小食炸物，今日係咖喱角同炸芋頭魚卷😋呢個價位真係抵食，仲要唔洗加一😲但服務都唔錯架喎！食完仲有豆腐花送～唔怪之得平日夜晚都咁多人食😳舖頭唔大，如果想試既話最好book定位呀！HKD128 / 位因為見佢既炸物小食做得幾好，所以額外叫多個 #黃金花枝丸 ～熱辣辣又有花枝粒，唔錯HKD38渝痴漁醉銅鑼灣

Looking for 雞煲/烤魚 food and all you can eat Hotpot all together? Check out Drunken fish located right at CWB! You can pick either a 雞煲 or 烤魚 to start off your meal, and right in the general area you can grab your hotpot things! The all you can eat hotpot is only $128 with a time limit of 90 minutes. There is a wide variety of ingredients to choose from, and the AYCE also includes drinks! I personally loved their fatty beef, cheese fish tofu, and sweet potato noodles! 🤤 I restocked whenever I ran

依家天氣凍凍地❄️ 去食D 熱辣辣既野就岩曬啦🔥 去左銅鑼灣依間餐廳😋 可以揀雞煲🐥 烤魚🐟 肉骨茶煲🐖 胡椒豬肚雞煲做個湯底🥰 之後再打邊爐，一次過滿足曬兩個願望😎 超正❤️烤魚🐟 ($128一位)我地揀左烤魚，烤魚都有酸菜味同麻辣味可以揀，仲有分唔同辣度👍🏻 我地叫左酸菜小辣😋條魚本身外皮煎香過，所以一D都唔腥👍🏻 而且魚肉亦都算好實淨，同埋都幾多肉，最緊要係完全無骨❤️除左烤魚之外，佢既自助邊爐區，都好多野食揀👍🏻 豬🐖牛🐂雞🐥蝦🦐，不同丸類、腸、菇類同埋菜類🥬 仲有薯粉添😍 薯粉加落個酸菜湯底到，勁索味，好好食😋另外飲品都係任飲架，有罐裝同紙包飲品🧃銅鑼灣依個價， 仲要唔洗加一任食， 真係超級抵食👍🏻味道 🌕🌕🌕🌖🌑環境 🌕🌕🌕🌖🌑服務 🌕🌕🌕🌕🌑抵食度 🌕🌕🌕🌕🌑