渝痴漁醉

營業中

休息中

喜歡吃烤魚的朋友絕對不能錯過，平時吃烤魚，一條烤魚價錢再另加價錢加配料，不過比我發現這間是有放題的形式，可以任食配料，飲品啤酒任飲，而且價錢又相當便宜，除了烤魚之外，還有雞煲放題，午市時段也只是$88 ，晚市是$128 .💠海蜇手撕雞 $68 🐓手撕雞有少少麻辣，口感過癮，海蜇爽口彈牙.💠蒜泥白肉 $56🐖豬肉切得薄，肥瘦適中，食落口充滿了蒜蓉味，口感很豐富.💠老壇酸菜魚 $128 🐟叫了少辣， 超大超足料，與一早已切開一半，上面有超多酸菜，還有芽菜，而其他的陪了我在出面自取，自行加了寬粉、芋頭、豆腐、蓮藕、生菜等等….魚肉超多，而且相當嫩滑😽浸滿了酸菜的魚肉，香辣又帶有酸味👍🏻👍🏻食完酸菜魚可加湯水繼續打邊爐😍😍😆真的捧普肚皮走😂😂

🥘麻辣雞煲放題 18:00前離座 $88/1人今次叫咗招牌嘅麻辣雞煲🌶辣度啱啱好 唔食得辣都食到😋而且雞肉好滑 好香麻辣味🤩食完雞煲之後仲可以打邊爐 火鍋配料同飲品都係任食！🍲加配火鍋配料 $40加多40蚊可以多幾款火鍋配料😁有鮮牛肉 鮮蝦 魷魚 龍脷柳 - - - - - - - - - - - - - - - - - - - -🌻其他服務態度好好👍🏻呢個價錢真係好抵食！

銅鑼灣 - 渝痴漁醉突然間想食酸菜魚，睇IG見到有人介紹最平$88就食到，梗刻即刻走去試下好吾好食呢～一入到去已經聞到陣陣香氣，令人食慾大增😋 18:00 前離座$88 可以食90分鐘，可選擇麻辣/酸菜烤魚、胡椒豬肚雞煲、藥膳雞煲、香辣啤酒雞等五種雞煲，共七種湯底選擇，4位更可選二款，梗係叫多幾個朋友仔嚟食啦！今日小編叫咗酸菜魚，為配合屋企人既口味叫咗吾辣，魚係沙巴魚，先炸過再放酸菜煮，啖啖肉冇細骨，方便食用👍🏻而且唔會鞋口，肉質偏結實，酸菜連同魚肉一齊食，味道啱啱好，唔會太酸又食到魚味🤤外面有兩個大雪櫃放滿火鍋配料同飲品，有生菜，豆腐串串、豆卜、南瓜、薯粉、各種丸類、肥牛、豚肉芝士年糕、菇類等等，生菜極新鮮，食落係爽脆；一定要食豆卜，吸滿湯底精華；豬肉丸咬落爆汁；南瓜煮到軟淋淋，好香甜；芝士豆腐，愛芝士必食推介，內裏既芝士流心，極濃芝士味😍😍飲品除咗有啤酒、汽水外仲有無糖茶，可以消除油膩感👍🏻店家仲好貼心俾咗即棄圍裙，食麻辣鍋嘅人啱曬，著白色衫都吾驚啦🤩🤩蒜泥白肉（🌟85.44/100）💲56除咗有烤魚雞煲放題外，仲有午市套餐同各款川菜，一於試下蒜泥白肉啦～蒜泥味好重，爽口嘅豬腩肉切

渝痴魚醉，早前新年做節時訂過佢哋個盤菜幾有好感，幾足料，味道也不錯，所以回復返晚市堂食約朋友聚餐就選擇咗佢😋當時係下午茶時段，餐廳不算太多人我同朋友被安排到窗邊卡位，我哋打算一邊打邊爐一邊談天，這個位置都算係唔錯。我同朋友一齊揀咗佢哋個烤魚，酸辣湯底走辣，天氣熱，唔想食辣食到成頭汗🥵嗰條唔知乜嘢魚店員話係越南冰鮮魚，我都未去過越南，所以就試吓越南嚟嘅魚係乜嘢味囉😜食咗當去咗嘛😜條魚都幾滑，味道都幾新鮮，又唔多骨，啱晒我哋呢啲唔係好識食魚揀骨嘅人，食魚之餘又可以打邊爐，外面自助區有十幾種不同的肉類同十種八種疏菜任食，仲有十多種飲品任飲，都有我最愛的可口可樂。醬料都有約十種，可以自己混醬，算係幾多選擇。我哋一邊食嘢一邊談天一邊又可以望吓銅鑼灣街景，都算食得幾寫意，時限有兩個半鐘都算食得幾自在。餐後感:兩人埋單二百蚊都唔洗，就坐足兩個鐘，任可以任食，老實說，自助區的食物比較普通，係條烤魚幾好味，呢個質素下次係可以安歌👍🏻

銅鑼灣SOGO對面有一間樓上川菜餐廳，午市放題90分鐘人均只係$88起，免加一，一於去試吓，睇吓伏唔伏先，店舖唔算大，座位少窄總共有五款放題選擇，分別係皇牌烤魚(老壇酸菜味/秘製麻辣味)、招牌雞煲(麻辣雞煲/香辣啤酒雞)、胡椒豬肚雞煲、藥膳雞煲同滋潤雞煲，火鍋配料同飲品任食任飲，另外加$40仲可以升級放題，滑牛、蝦串、魷魚串、龍脷魚無限添加。自助區可以自己調醬汁，仲有圍裙提供，咁就唔怕整污糟件衫。整體嚟講，咁嘅價錢任食包飲品，雖然未去到超好食，不過真係幾抵幾夠飽_➤皇牌烤魚 秘製麻辣味🐟🌶$88/位超大盤，比個份量嚇親，兩個人淨係食魚都夠晒飽，條魚好大條，質素都唔差，已經開咗邊，方便食，肉多結實，冇咩腥味，骨唔多，不過食嘅時候小心。秘製麻辣味湯底好紅，好多辣椒香料喺面頭，唔係得個樣，食落都真係幾辣，辣到流晒鼻水，不過幾開胃惹味食到咁上下，就可以打邊爐，唔夠湯可以出去自助加。火鍋配料方面，都有唔少選擇，有丸🍢(牛丸、墨魚丸、芝士丸等)，肉🥩(肥牛、腩肉、雞件)，蟹柳腸仔、菇🍄(金菇、冬菇)同蔬菜🥬，仲有麵類，特別推介肥牛、龍蝦丸、芝士年糕，而薯粉同寬粉吸晒湯好入味我哋仲叫多咗個小食-炸墨

見網上評價甚高，咁啱今晚有老細，即刻諗到上去試下。可能我哋去得早，又係閑日，唔需排隊即刻入得。每人128文，滿四人仲可以揀多個雞煲，加多十文仲可以上多兩碟牛肉，正，唔需講嘢即刻開食。條魚一上枱，即刻打左個突，點解聞唔到嗰陣攻鼻嘅麻辣味，一滾即刻夾塊魚肉試下，D魚肉都算滑，不過就真係冇乜魚味同埋麻辣味，唔通我呢排口味重咗😂問下D朋友，都係同樣嘅感受。可能真係習慣咗深圳嗰啲烤魚味，未封關前嗰半年，真係超鍾意食烤魚，一星期起碼食兩至三次，而家呢條魚真係冇乜食欲，唉，算數，仲有香辣啤酒雞。整雞煲加啤酒真係好鬼正，當年喺公司整雞煲食一定落啤酒，次次D雞俾人搶哂，剩返D配菜，三條友一隻半冰鮮鷄都唔夠食，近期D人腳唔啱先冇乜煮嘢食。個雞煲一上即刻有中伏嘅感覺，第一，又係聞唔到咩香辣味；第二，兜嘢黑蚊蚊，師傅落老抽咪手震；第三，D雞肉好嚡，一D都唔滑。好在兩碟牛肉味道ok,加多兩罐啤酒入去拾下拾下又幾滑，卒之即刻清哂。全場最有驚喜嘅係隻啤酒，飲完口度有D甜味🤣另外任食嗰D配菜入邊隻魚片都算可以，加返烤魚個湯底度感覺比條魚好食。最後總結一下，價錢係抵，環境尚可，味道就真係麻麻，管飽就可以。

下巴仔評分（5星為最高）味道：🌟🌟🌟🌟環境：🌟🌟🌟🌟服務：🌟🌟🌟🌟抵食：🌟🌟🌟🌟🌟重點推介🤤👍🏻 皇牌烤魚放題 （老壇酸菜味）（少辣）🐟點完餐 店員即刻送上左一個超大嘅烤爐💁🏻‍♀️因為呢度嘅烤魚勁大條 多肉而且骨唔多 啖啖肉好爽💕除咗酸菜 湯底佈滿左芽菜同原粒蒜 真材實料 味道濃厚烤魚食到一半 就可以自助加湯 開始打邊爐啦！自助吧有大量蔬菜、菇類、丸類同飲品連啤酒🍻都有😎特別推介芝士魚腐、墨魚丸、油麥菜等 同埋最緊要拎啲寬粉 吸晒啲湯好好味架❣️如果自助吧都仲未滿足到你的話 可以加$40加配其他特別食物 都係任食㗎☺️✅鮮牛肉🐮✅魷魚串🦑✅鮮蝦串🦐✅龍脷柳🐟注意事項⚠️- 晚上6點前離座 放題每位$88 免加一 非常抵食 每兩位可以嗎可以選擇一款火鍋（烤魚/雞煲）- 餐廳自助區有圍裙提供- 自助區設有調味料區可比客人調配最適合自己既醬汁💁🏻‍♀️

食過好多烤魚酸菜魚都冇咩特別係好驚艷做資料蒐集搵咗一間見好多人讚又喺銅鑼灣嘅烤魚特登去咗試入場嘅時候比較早，仲未好多人, 啲位都闊落錯落都幾舒服佢有分$88一位任食配料用冰鮮魚或者$140一位任食配料之餘仲任食魚啲魚仲係新鮮魚最後揀咗$88一位食90分鐘，條魚未嚟到就揀住配料先，最基本嘅魚蛋腸仔菜蓮藕粉麵都有，原來佢都有肥牛可以任食,飲品就有可樂檸檬茶啤酒呢啲，配料選擇都好多條魚嚟咗,條魚都好大條已經炸好，跟埋佢啲辣湯，一路熱住一路食，個味啱啱好唔會太鹹唔會太辣，啲魚又唔會腥，自己再加啲配料落去，成個味都好夾好好味所以呢個性價比真係超高，又唔使加一，一個人都係$88仲要配料任食，夠晒飽啦！

喺銅鑼灣黎講，$88呢個價錢可以食到烤魚同任食火鍋，CP值真係夠晒高✨仲可以奢求啲乜🌝🌝麻辣烤巴沙魚火鍋放題 $88/位+$40升級套餐呢度火鍋放題有幾款選擇，酸菜/麻辣烤魚、麻辣雞煲、胡椒豬肚雞煲等等，而🤰🏻今次就食咗麻辣烤魚🌶️佢哋成條魚同個鍋都勁大，兩個人就咁食條魚都夠飽，但仲有得任食火鍋，真係飽到上心口，而條魚質素都唔錯，魚有首先煎香過，邊邊位嘅魚皮同魚肉好香口同埋脆脆哋幾好食，而且魚肉都好夠滑，冇咩骨，啖啖肉😋🤰🏻叫咗小辣都幾夠辣，啲魚肉索晒啲辣汁真係好過癮👍🏻而自助區有好多唔同款嘅丸例如牛丸、芝士丸、芝士腸，仲有肥牛、腩肉、雞件同好多蔬菜任拎，而🤰🏻最推介佢哋粒爆汁牛丸，咬落去啲牛油咇晒出嚟好正🌝另外🤰🏻仲+$40升級包任食滑牛、龍脷柳、串串蝦同串串魷魚，啲滑牛大大塊好滑又厚切✨😋🤰🏻食咗好多塊，同樣地吸晒辣汁好惹味，最後嘅最後✨一定要落埋個寬粉+薯粉吸埋佢啲辣汁咁就perfect la☺️👍🏻另外飲品區都係包埋唔使加錢，有汽水、紙包飲品、啤酒同有氣檸檬茶等等，真心抵食👍🏻

《$88 酸菜烤魚/雞煲+火鍋放題🤩》放寬限聚令又可以約下多幾個朋友聚下啦最開心就係食放題 😋 今次米樂係銅鑼灣呢個黃金地段竟然揾到間抵食放題餐廳 質素仲唔錯😆渝痴漁醉烤魚/雞煲 + 火鍋放題 （午市$88 /晚市$128 90分鐘）米樂選左酸菜烤魚待應一上就聞到好香熱辣辣 烤魚香口又唔乾身 仲好滑魚已經開好邊 好方便 啖啖魚肉☺️每次食烤魚一定加粉皮 嗦哂汁 好正米樂encore 左幾次😋仲有其他火鍋配料 啤酒汽水提供 自助任添😆總結烤魚香口 酸菜味濃 選擇多 性價比高渝痴漁醉銅鑼灣記利佐治街1號金百利廣場8樓R1號舖..#mailokeat #mailokeat銅鑼灣

好耐之前已經想試呢一間喺銅鑼灣嘅放題店， 而家疫情好轉終於可以嚟試啦。佢係任食火鍋，有得揀係雞煲/酸菜魚/麻辣魚黎打邊爐。我哋揀咗酸菜魚，魚都大條嘅，呢個size 係for 2個人，魚有炸過，酸菜非常酸！個酸菜湯就好一般㗎啦，但呢個價錢$128畀你任食打邊爐，包嘢飲，唔使加一，我覺得都唔能夠要求太多。打邊爐方面配料choices 唔太多，都係正常野個d生菜、娃娃菜、蟹柳、5/6種丸、雞肉、牛肉、各種菌類等等，亦有可樂個d正常飲品，全部都係自己要出去拎嘅，佢喺偏自助嘅，連加湯都係要自己喺出面拎嚟加嘅。出面仲有兩個熟食可以拎，春捲同埋炸雞尖，我哋試咗都正正常常嘅。但由於佢店舖唔大，張枱仲要非常之細！你放咗盤魚已經冇幾多位可以同時放d配料， 而且枱同台嘅距離好窄，你要不斷行出去其實係好危險，好驚會撞到人哋盤魚。不過overall CP 值都高嘅，佢有得加十蚊(per head)無限添加滑牛嘅，我哋就加咗錢試，比起出面自己拎嘅肥牛，滑牛瘦好多，唔係薄片嚟，都係正常有少少厚度嘅，我勁食呢個，牛肉都係回本位！比較特別嘅係佢仲有一啲串串，係蝦同埋魷魚，蝦非常之雪藏味，可以唔需要試！魷魚就好ok﹐但係

聽到「如痴如醉」呢四個字，腦海入面自動彈咗啲n年前嘅旋律同譚詠麟把聲🤭 今日同某位鏡粉過嚟銅鑼灣金百利拎應援，見到呢間酸菜魚雞煲放題只需要$88/一位，任食90分鐘😍 老實講出面一份酸菜魚都$200起跳，呢到兩位先$176仲任食任飲真心抵到爛🤑今次揀咗老壇酸菜魚放題🐟雖然係放題但佢哋酸菜魚質素一啲都唔差👍🏻二人份有大大條原條巴沙魚，雖然唔係新鮮但肉質都算結實，而且煎過所以幾香，啱啱上枱個時魚肉都好嫩滑🫶🏻如果想再食靚啲佢哋仲有新鮮魚選擇，價錢會係時價，大家可以按個人喜好升級🤫 湯底嗌咗BB辣，自己平時譚仔食開五小覺得啱啱好，加埋毫不吝嗇嘅酸菜，酸味同辣味都平衡得唔錯🤪任食區基本上有齊大部分火鍋配料🥘包括丸、肥牛、雞件、豬肉、多款菜、寬粉、王子麵乜都有，粗略一數有37款🙉 平時酸菜魚成日食到最後同朋友住食寬粉，今次任食就可以狂落🤩同朋友貪心啲，加$40 升級，仲有滑牛、蝦串、魷魚串、龍脷魚無限添加😆份滑牛同魷魚真心好掂，追加咗兩次🦑嘢飲除咗可樂系列、道地系列、維他系列仲有兩款啤酒🍻真係名符其實嘅飲飽食醉🤭 星期日食到最後其實成4點，個場仲有半滿😱 呢個價位有咁高質嘅酸菜魚放題，食完都會明

📍 渝痴漁醉 (銅鑼灣)銅鑼灣記利佐治街1號金百利廣場8樓R1號舖😆超級耐無食過烤魚🐟，呢間有得任食所以黎試下😂烤魚有唔同嘅口味，由於fd唔食得辣，所以叫左蒜香味，有三種唔同嘅🐟揀，我就揀左鱸魚，加190蚊，🐟炸得脆脆地，蒜香十足，魚無咩骨，幾好食😋評分：4分（5最高）距任食有丸啊，菜啊，肉，麵個d（平時自助火鍋配料個d）嘢飲都任飲，見到仲有啤酒，不過我只飲茶😂💰價錢：兩個人366 （lunch）

話說👦🏻👧🏻都有好一段時間冇食過雞煲，今次見到午市雞煲放題$88就食到90分鐘，有雞煲+火鍋真係超抵😍！店員入座後仲介紹話可以以$148 轉做晚市放題，任食滑牛🐮、串串蝦🦐、串串魷魚🦑、龍脷魚。$148食90分鐘都係咁平，👦🏻👧🏻決定為大家試真啲，升級食晚市放題！🌟香辣啤酒雞🍻其實$88餐係有幾多選擇，1️⃣老壇酸菜味//秘製麻辣味烤魚2️⃣ 麻辣雞煲//香辣啤酒雞//胡椒豬肚雞煲//藥膳雞煲(當歸不芪)//滋潤雞煲(沙參玉竹)。今次就揀咗香辣啤酒雞！你問啤酒味🍻重唔重？可以如實答大家，係唔重🤣！啤酒喺煮後已經揮發得八八九九，反而喺打邊爐時隱約食到麥味🌾。而雞煲辣味係Standard - 小辣🌶，雞煲配料仲有唔少蒜頭、洋蔥🧅、蔥🌱，當然係超級惹味😙。而雞件就事先走油，份量唔少👍🏻。🌟火鍋配料🍲火鍋湯底、食材(除咗晚市套餐食材)、醬料、飲品都係自助形式。火鍋食材選擇不少，基本野包括：肥牛、豚肉片、滑雞件、各種丸類、蔬果、粉麵。🐮肥牛肥瘦均勻，咁岩第二轉嘅肥牛嘅瘦肉比例就比較高(可惜👧🏻唔記得影相📸️)；滑雞件🐥都幾多肉唔鞋口。丸類選擇眾多，👦🏻👧🏻就食左牛丸、芝士腸、魚餅等丸類。最有驚喜就係”芝士

銅鑼灣抵食雞煲放題🌈這間餐廳有烤魚、雞煲放題任食，而且價錢好抵吃！👏🏻午市時段都坐滿客人，大部分客人都點了烤魚😂但我想吃雞煲，於是點了雞煲，同樣價錢的。🤭《胡椒豬肚雞煲》$88/一位胡椒豬肚的香味很香，雞件也有不少，湯底清新好味，胡椒味香濃，而不會太咸。放題任食以自助形式，餸款都有廿種左右，牛肉、豬肉、雞件、丸類，菇類、菜類也任君選擇！飲品也是任飲，相當抵！👏🏻此外，小食方面也很不錯，川菜小食都好多款。《蒜泥白肉》$58蒜泥也舖滿了表面，不算太辣。《貢菜皮蛋》$48皮蛋都透明的，口感彈牙爽滑，微辣。總結：抵吃！超抵吃的雞煲烤魚川菜餐廳！🌈