清原

營業中

休息中

清原Taro Yuan 芋泥芋圓甜品🍧銅鑼灣最新‼️台灣過江龍🇹🇼清原主打芋泥芋圓類的甜品和飲品，來自台灣🇹🇼初初由市場攤車起家，至今發展至全台有超過200間分店！ 🔸芋見幸福（紅豆•芋圓•芋頭球•珍珠•西米露）$62人氣No.1款式‼️咩材料都有啲，仲食到用上三色芋圓煙韌有口感，食到天然的甜味🥰芋頭球真係大推💯質感綿密細緻，芋頭控必食！珍珠、紅豆、西米露都係標準，所有配料嘅甜度適中，總之夾夾埋埋就係Perfect啦😋🔸招牌仙草冰(薏仁•芋圓•芋頭球•珍珠)$49仙草冰做Base，食落有碎冰的口感，十分冰涼🧊配搭嘅材料其實都差唔多，主角仙草好嫩滑Q彈，動L動L咁😆兩碗嘅份量都幾多，女仔可以考慮吓share再叫其他暖心嘅飲品😚甜品店嘅座位都算多，喺銅鑼灣行完街，終於有多個地方可以坐下食甜品喇😎快啲Bookmark🔖📍#清原 (#銅鑼灣美食)#銅鑼灣 白沙道4號地舖

雙芋冰嫩仙草凍😋😋 入面既配料 有紅豆 芋頭蓉 芋圓 全部甜度啱啱好 🤩🤩🤩小芋圓Q奶 好好飲 唔飲甜既人 可以叫走糖 飲品裡面既珍珠 芋圓 椰果 都已經夠曬味 正😚😍店員好有禮貌 好nice 🥰

每個星期必食～香港100分芋泥！啱啱開就即刻黎食，之後個個星期都黎食！其實我個女每日行過都想食，但平日太忙，所以week end都會同佢食，阿女每次必食💖香芋波波沙💖，我自己就最💖愛芋見幸福💖，今次就食💖雙芋冰嫩仙草凍💖重有要贊嘅係每次黎見到經理都笑容滿面，十分開心😊佢哋嘅芋泥同仙草凍真係好好味！珍珠亦煮得好好，好食過好多珍奶店！紅豆都煮得好好，唔太甜又夠腍～我推介食凍💖雖然熱都好食，但因為啲冰冇溶凍嘅開心好多💖💖💖

見IG foodie推介，啲相又靚，身為芋圓控今日出開銅鑼灣即去試。星期六下畫4點去，出奇地唔多人，可直入，多空枱但好多都無執，d碗同垃圾係哂枱到。男人去落單返黎，我問我地幾多號，原來收銀哥哥無比張單男人，要出去問佢拎返。等左一陣都未有，見收銀換左人，落order會有單加個到餐通知器，再出去counter問，原來我地個餐已經整好😳總結係呢間嘢食一次就夠，我地去個陣唔忙，但好多枱都無執，收銀哥哥又咁多甩漏，食物方面，芋圓無味似檫膠，仙草凍正常，芋泥球好食😋

第一次同朋友黎食我覺得個暖湯系列都唔錯，最終叫左「芋見幸福熱戀中」都幾好味😋唔會太甜至於朋友點的「招牌1號」裏面有綠豆、芋圓、芋頭球同埋珍珠，都非常好食！（笑死，隔籬枱嘅雪花冰都好似幾好食🤣🤣）

招牌3號仙草冰好好味！！！苿香綠茶好香又唔會好甜 推薦！！半糖就最好 服務態度幾好，紅豆好正 芋泥好多 芋圓好韌 彈牙好咬口 仙草冰+仙草+奶球唔錯 珍珠好彈牙 環境十分乾淨，十分新淨

清原主要是芋泥， 芋圓為主。喜歡清原的“銷魂薑母湯”, 夠熱，夠薑，夠口感，整體配搭不錯。清原的裝修為淺紫色，舒服和潔淨。 另外，欣賞職員的主動，細心, 有禮貌，下次會再來光顧！

行完街，啱啱好三點。想揾地方坐吓飲吓嘢，見呢間新過江龍，裝修好靚，紫色牆身配合芋圓、芋泥主題。牆身有幾幅掛畫，打卡扮文青好正。店家採用自助坐位，再到櫃枱下單。當日我叫咗凍芋泥鮮奶露，芋泥同西米露都係我至愛，一見menu已經急不及待要試。店員好細心詢問需唔需要少冰少甜，果然沒有失望，芋泥好好味，溶咗係西米露裡面，椰香中又有芋泥味道，仲有西米露嘅質感，成件事好滿足。下次再試熱的，想必是一件窩心的事。老公另外叫咗楊枝甘露，呢個唔係傳統一碗嗰隻甜品，係一款沙冰飲品。味道清新帶甜，因為碎冰關係，邊拌邊喝，夏天品嚐應該暑氣全消。期待再試埋店家另一個推介“芋見幸福”。

芋見幸福賣相：🐧🐧🐧🐧🐧味道：🐧🐧🐧🐧🐧芋頭冰擺盤用心精美，五款特選配料包括紅豆、芋圓、芋頭球、珍珠和西米露各佔一方，感觀齊整又悅目，色彩繽紛打卡一流。芋頭冰自身不會過份甜膩，芋香十足，冰涼又爽口，配搭甜美的紅豆和綿滑的芋頭球一齊食，滋味超理想。煙韌Q 彈的芋圓、珍珠和西米則為甜點更添嚼感，整體味道口感層次豐富，大滿足推薦👍雪藏宇治金時賣相：🐧🐧🐧🐧🐧味道：🐧🐧🐧🐧🐧綠茶冰堆得山一樣高，份量極多，足夠二人分享有餘。頂端蓋有一球雪呢拿雪糕，一旁附有一滿瓢芋圓粒粒，客人逐步加添至綠茶冰一起吃，十分貼心。綠茶冰清爽怡人，散發著沈穩的綠茶芬芳，冰內藏有滿滿的芋泥和紅豆，頗具驚喜感。芋泥軟滑綿密，紅豆甜美香口，與綠茶冰配搭食用，甜絲絲的滋味令人無限迷戀。芋見泥珍好賣相：🐧🐧🐧🐧🐧味道：🐧🐧🐧🐧🐧飲品採用店舖自家設計透明杯裝載，在外已清晰可見，飲料杯內填滿小芋圓、珍珠、紅豆、西米露等配料，底部更佈滿厚厚一層芋泥，非常足料。飲料入口充滿芋泥的香氣，甜度恰到好處，不會過份甜漏。小芋圓、珍珠等口感彈牙又煙韌，嚼感一流。環境：🐧🐧🐧🐧🐧店舖以迷人的粉紫作主色調，感覺夢幻少女心滿滿。牆上掛有店舖招牌甜品相片

晚餐後食個甜品暖身，推介銷魂薑母湯：不會太甜，淡淡薑汁味，芋泥軟綿綿，芋圓Q彈 😋黑金燒仙草：不太喜歡珍珠，所以落單時走珍珠，職員話其他食材會加多少少 👍🏻 職員主動有禮，笑容滿滿😄8:00前堂食已經7成滿，唔想排隊最好8:30前入坐。

🇹🇼台灣人氣過江龍 - 清原，台灣已經有二百多間分店，主打芋圓、仙草凍等台式甜品飲品🫚鎖魂薑母湯💰$42好鐘意薑母湯，夠辣夠暖身，再辣啲仲正😍有芋圓、薏仁、芋頭球、珍珠，好多嘢食好豐富，最鐘意芋圓夠煙韌，芋頭球都好軟滑好有芋頭香🉐💜芋見泥珍好💰$62有小芋圓、珍珠、紅豆、西米露，呢杯好好飲，不會太甜又多料，小芋圓、紅豆、西米露超夾好喜歡，不過飲半杯已好飽😆💛楊枝甘露💰$48同一般楊枝甘露有所不同，呢杯有芒果冰沙、芒果肉、紅葡萄柚果肉、椰漿，沙冰口感好新穎

朋友介紹叫我去試吓探下路先，問起先知試業2星期，今個星期應該正式開幕，我夜晚8點幾平日外賣，見鋪頭都有8，9枱客，服務員態度和藹，有禮貌，值得一讚就係我本身打算買招牌系列，但招牌係有冰底，如果我外賣搭車反屋企先食就會冰融，店員好好提議我叫個仙草凍底再另加配料，咁就唔怕融到生水，所以我覺得佢地服務良好，可以keep住有水準，芋圓夠味夠煙靭，好味道，會再幫襯

👧🏻Wodafoodie in Causeway Bay又有台灣過江龍黎香港開分店啦！呢間係台灣有超過200間分店既甜品店，主打芋頭、芋圓、各式燒仙草、雪花冰、芋圓茶飲等，芋頭淨係會用大甲芋頭既中段，務求整到最高質，最好食既甜品🍧✨🍧芋見幸福 $62芋見幸福係招牌推介既芋頭冰，以芋頭牛奶做成冰沙基底，入面有紅豆、芋圓、芋頭球、珍珠同西米露。甜度固定，冰冰涼涼，芋頭綿密，芋頭味道濃郁🥰再搭配著Q彈的芋圓同西米露，令人讚不絕口😍✨ 🍮雙芋冰嫩仙草凍 $49鍾意食仙草又唔想食太凍既既朋友可以揀呢個～碗底有香濃的嫩仙草，上面加上芋頭球、芋圓、紅豆，淋上附贈既奶油球，奶香十足，每一口層次更豐富，好好食🤤✨ 🍨招牌3號仙草冰 $49鍾意仙草又想食到透心涼既感覺，個人推介呢個！嫩滑仙草配上沙冰、芋圓、芋頭球和珍珠，上面仲有招牌3號先有既紅豆🫘配料份量好多，珍珠煙韌，紅豆香甜，配搭一流😍✨ 🔥🫚銷魂薑母湯 $42冬天又點少得叫返碗熱嘅糖水暖下身！呢個薑母湯有芋圓、薏仁、芋頭球和珍珠，好重薑味，同平時出面薑汁加水既糖水好唔同，飲落熱辣辣，好舒服，值得一試😋每碗糖水都好大碗好足料！叫曬一班朋友黎share

星期日，同家人行過見到新開張入去買杯嘢飲。點咗芋泥鮮奶波波特別叫咗 「加椰果」同埋 「走甜」。點知哥哥仔 「冇加椰果」亦 「冇走甜」，但係我哋已經行咗成條街唔想返轉頭。 好不滿，個杯飲品50幾蚊，今次特登登入為寫呢個食評。我接受唔到啲人做嘢咁唔認真！ 如果唔跟住我嘅要求去做就唔好俾我咁多選擇啦！但幫我落單嗰個哥哥就服務態度好好。我個女覺得好味因為正常甜好甜，所以啱細路仔口味😤So disappointed! Flavor was ok but We did not get what we ordered and even paid extra for coconut jelly!

喺social media見到係台灣過江龍，咁岩去開銅鑼灣就試吓買一碗返屋企食.落單後等左15分鐘都未有，問店員先知佢以為我係堂食單…解釋完係外賣單之後，店員竟然係問我會唔會改做堂食🫠堂食本來都好多人，一心想買外賣既我又點會無拿拿轉堂食呢，搞完一輪再等左7-8分鐘先收到，仲要無膠袋（但有俾餐具）.返到屋企打開，招牌1號變左招牌3號🥲芋圓同其他配料份量唔多，芋圓質感Q彈但芋頭/蕃薯味欠奉🥺芋泥屬於比較好食既配料，質地軟軟綿綿，偏甜少少而最唔理想既係珍珠，珍珠已經痴實晒成為一團，但明白到係外賣關係，珍珠既狀態未必及堂食咁好經過呢次體驗，未必會幫襯下一次了