深深甜品

營業中

休息中

好少地方有心丸，馬蹄爽真係好爽口，加埋芋圓，都幾好味。清心丸比芋圓突出好多，涼涼地，出面好多人排隊，看來一定很好味😋加上係黃店，又貼上專治失戀💔，都幾搞笑。

每次出開深水埗都必食既深深甜品..貪佢夠多元化，同埋足料又品會太甜..由於朋友未試過所以點都帶佢黎一如以往都係每台差唔多都有叫既芋圓..呢度既芋圓煙韌適中，帶有QQ感覺..同台灣食到既口感好類似..唔會一咬就散又或者太硬..包心芋圓椰汁西米加清心丸清心丸唔係度度都有得食..朋友仲要完全話聽都未聽過不過估唔到清心丸同椰汁底好夾..出到嚟個效果有仲少少似芋圓..朋友表示已經分唔清不過美中不足係今次既芒果有小小酸

呢間糖水舖裝修懷舊得嚟又好新潮，設計得好有心思牆上仲有（仿？）曾灶財嘅裝飾，幾特別食物方面真係出乎意料，嗌咗個「叄元豆花」（$35），內有豆腐花、芋圓、地瓜圓、黑糖珍珠、紫薯西米，再喺香草雪糕、愛玉、紅豆、芒果入面揀一個，我就揀咗喺香港好少有嘅愛玉豆腐花幾滑幾香豆味，芋圓同地瓜圓都好煙韌，黑糖珍珠好細粒，我個人比較鍾意大粒啲，會比較有口感，不過呢個都唔錯😋，至於紫薯西米就真係幾特別嘅配搭，但就偏甜，紫薯味唔太出愛玉就真係我嘅最愛😍透明好似啫喱嘅口感，帶有好清新嘅檸檬味🍋食完真係想再嚟一碗愛玉🤣

深深甜品叄元豆花冰茶龍珠價錢💲: $35/ $35好味程度😋: 3.5/5服務🍴: 3.5/5環境🗾: 3.3/5性價比🥢: 3.8/5回頭率😚: 3.2/5-深深甜品係💛店，有幾款特別出名的甜品，經過當然入去食返次！唔係話好好食，但過得去啦，叫做咩都有🤭-第一款我地叫左招牌叄元豆花。呢款好多配料，個底係豆花，上面有芋圓，地瓜圓，黑糖珍珠同紫薯西米，仲可以揀多款，我就揀左芒果😂 雖然唔係好夾，但我真係好想食芒果，點知芒果唔當造，好酸仲有小小怪味😩 強烈唔建議大家叫芒果🥭‼️ 但豆花好滑好有豆味，珍珠夠煙韌，黑糖包住每粒珍珠好夠味。紫薯西米其實冇咩味，純粹係個色🧐 同埋佢地唔係主打芋圓，所以口感都一般，偏硬唔夠煙韌🤨 -另一碗叫左冰茶龍珠。呢碗一樣有芋圓地瓜圓，但唔煙韌既😔 個賣點係片菠蘿，真係超懷舊又解暑，一大片酸酸甜甜🤪 另外仲有大量蜂蜜茶凍。呢個超濃茶味，有淡淡蜂蜜味，好清爽，一食就sur入喉嚨😚 最尾仲有紅豆龍珠珠，咬落去仆仆下，好有趣😂 好似爆緊d紅豆咁。但整體呢間我覺得一般，因為芋圓真係唔得，係勝在好豐富。唔知其他會唔會好啲呢🤫

喺太子食完晚飯，散吓步，行過去深水埗食糖水。揀咗呢間深深甜品，店內裝修都幾有特色，行復古風😎有啲傳統糖水亦都有好受歡迎嘅芋圓，價錢好合理👍🏻👍🏻叫咗一碗叁元豆花$35朋友叫咗椰汁西米露（$19）加清心丸（+7），香港好少地方有清心丸食，我自從喺九龍城傳統糖水點食過之後，就好鍾意😗今日見到有清心丸，諗都唔使諗就加埋😛口感煙煙韌韌，好正😛叁元豆花，有豆腐花、糖珍珠、紫薯西米、芋圓、地瓜圓，同埋四選一我哋要咗香草雪糕。份量都幾大碗，賣相係幾靚既😎芋圓都好有咬口，幾Q彈，紫薯西米都係第一次見，幾特別，但個人覺得味道偏甜，同埋豆腐花食落同百福豆腐花一樣味道🙈🙈啲珍珠加西米粒粒份量太多，食到最尾剩返好多都唔想再食🙈如果豆腐花比例多啲會好啲！

我揀咗椰香紫米西米露，22元，從外觀睇，算是既平又有誠意。但其實食到落口有少少失望，因為椰汁太少，名字椰香行頭所以我期待落更多椰汁。但味道仍值4分既。而我朋友加多兩蚊揀咗補血紅豆紫米露，外觀同我果碗一樣。朋友話味道可以。

🍋椰果檸檬愛玉 $27好清新，夏天食好舒服消暑。最搞笑係上面有粒gummy bear🐻呢度有超多款糖水，由傳統嘅芝麻糊去到比較潮嘅包心芋圓同雪糕都有，另加配料方面仲有我最愛嘅清心丸，可惜冇叫到，下次去一定會試👍🏻另外裝修都好特別，富有香港舊式情懷，牆係油咗綠色去模仿六七十年代嘅大排檔，另外仲佈置咗啲舊式嘅信箱。

收工去食個糖水，順便搵走左冇耐既同事吹下水！呢排口水係多左d第二次黎深深甜品，今次叫左紫米露配清心丸$29紫米露正喎！清心丸又幾特別架喎！煙煙韌韌咁！舊同事食椰汁西米配包心芋圓$29佢話包心芋圓好得意，都幾好味！我第一次黎既時候係揀左黑糖薑茶配包心芋圓$29當時岩岩失戀，睇到佢既裝潢，一路食住呢碗糖水，真係別有一番風味呀....講返包心芋圓，我真心推介！總結，呢度既糖水性價比高，味道好，抵食，環境都唔錯！IG: f.nbreak

今晚去做節，做完節諗住叫外賣甜品番屋企食高興下，買了兩碗外賣，一碗凍木瓜雪耳，另一碗係凍椰汁西米配包心芋圓，點知佢比左熱嘅芝麻糊我， 大熱天時邊個想食凍野。可惜 開咗車20分鐘返到屋企先發現 ， 唔通叫我返去換？唔會啦 ，所以諗住打電話去投訴下，點知又打極唔通。我可以點？碗熱芝麻糊我同女友都唔想食！

話說早兩日同小朋友出完街之後，小朋友話好想買糖水返屋企食，於是老公就上網search下邊度有特別糖水買。後來佢搵到喺附近深水埗有一間糖水舖買懷舊嘅香港糖水，所以我哋於是就諗住係試吓啦。可能因為仲係有限最令嘅原因，所以糖水舖入邊冇客人大部份嘅人都係嗌外賣，我見到佢有呢一個老香港懷舊色嘅裝修，好吸引年青一代。我去到望一望餐牌果然係買一啲香港嘅懷舊糖水，再深入少少佢哋自創嘅特色糖水，於是我就決定嗌個出名嘅亝元豆花。開頭我以為乜都有嘅糖水會比較混亂，食唔出味道，但係估唔到呢個豆花一啲都冇令到我覺得食到頭都亂晒嘅感覺。豆花入邊有當然有豆腐花啦，有珍珠，有紫色西米嘅物體，有戶縣，有南瓜丸，我另外加咗紅豆同埋清心丸，甜都唔會話太甜，上面嘅戶縣珍珠食到你甜嘅時候，就食底層一啖嘅豆花食就清新左一下你嘅口。呢個豆花係會食到我一試難忘，下次都會再去食，另外一提佢加錢嘅清心丸都唔錯，煙銀，連我個女都鍾意食。

Walked by this dessert place while exploring Sham Shui Po and the rundown kindergarten look caught our eyes. Any tea flavored dessert would usually get my attention so I got the genmaicha brown rice green tea ice cream with my tofu-base dessert. The chewiness of the taro & sweet potato mochi and jelly, and the sugar sweetness were on point. One of the windows said “no making out unless you are ‘hehe’.” CUTE.

小編今日介紹哩間主要係因為佢係黃店，咁我叫左叄元豆花（$35），有芋圓、珍珠同紫薯珠、雪糕，底有豆腐花......雪糕球有幾款口味揀（芒果、香草、愛玉、紅豆），佢味道似珍珠奶茶加雪糕，有珍珠同芋圓口味當然係好好味😋價值跟味道是正比的，店內亦有好多不同款的凍熱糖水甜品。鍾意食甜品既你絕對要一試🤞🏻

大熱天時，行街腳仔軟，找間甜品屋，志在歇吓腳，入去試試路過的這家【深深甜品】。裝修都幾懷舊，地磚，裝飾，枱櫈也有呀爺feel, 價錢都也算合理， 本想試吓椰子糊，但暫停供應，真失望，唯有下次再試。此店都係傳統糖水為主，叫了一碗熱綠豆沙和仙草凍加芋圓，綠豆沙都幾香臭草味，有起沙。仙草凍滑滑的，芋圓煙韌靭，幾有台式古早風味。埋單 18 加 21 加 7，共46元，人均23元， 大熱天時坐吓涼吓，歇吓息吹吓水，算化算，味道也算合格。

我食左叄元豆花，可以揀雪糕、芒果粒、愛玉或者紅豆，上次食咗愛玉，今次試吓加芒果，整體足料，味道ok，但門口個阿姐超無禮貌，唔知以為佢係啞嘅，如果佢唔係黃店，我應該唔會再去食/受氣

紫米露配清心丸($27)呢款係熱食, 其實我一直以為清心丸係湯丸啲Friend, 點知原來係一舊超有咬口既啫喱狀既野, 本身清心丸係冇咩味, 不過配埋椰汁既香甜幾特別, 另外仲有大量既紅豆, 紫米同埋超爽口既西米, 暖暖甜甜,好食到停唔到口椰汁西米露配包心芋圓($31)呢款甜品係凍食🧊 主角當然係包心芋圓啦😍 芋圓有三色, 唔同色配唔同既餡, 粒粒都有驚喜, 因為包心既關係, 所以每粒芋圓都比平日食到既大粒啲, 口感煙煙韌韌😉 其實食完一碗糖水都已經好飽, 真係一碗可以當飯食我地去到既時候咁啱唔洗等位, 不過我地坐底左之後都keep住有人等位, 啲店員都好趕咁收我地啲碗, 所以繁忙時間坐唔耐