深深甜品

營業中

休息中

深水埗有咁多糖水鋪 以我所知 以芋圓做主打既 都有3間以上🧐今次就試下深深甜品💛店入面充滿住復古風格 掛住d好港式既裝飾 有舊信箱📪 舊地塼 仲有好特別既一對對聯👇🏽🤣紫薯控🍠見到冰烤紫薯雪糕系列就即刻心心眼😍最後決定叫左👇🏽紫花園 ($38)面頭有少少桂花碎 的確襯托到「花園」呢個名☺️紫薯雪糕好真材實料 紫薯味濃郁 仲有少少紫薯粒除左有雪糕 仲有芋圓、豆腐花、黑糖水晶、紫米 好豐富啊! 🤩芋圓好煙韌啊 不過得兩隻色 同埋味道唔太出~~黑糖水晶爽爽der 水晶同紫米份量都好多 所以食完好飽肚😋椰汁西米配包心芋圓 ($29)椰汁底🥥好正 西米大大粒!包心芋圓更突出材料既原味😋 紫薯圓同地瓜圓入面係芋泥餡 芋頭圓入面係地瓜餡~~食完深深甜品 第二個胃表示好滿足啊🥰

叫左呢個冰茶，有蜂蜜綠茶凍，紅豆寒天，芋圓地瓜圓，同菠蘿冰。唔好睇佢好似好小碗，其實作為飯後甜品都幾飽，三十幾蚊都要抵食！夏日點可以唔食菠蘿冰，真係涼透心架，正！

其實佢有好多款甜品同唔同配搭，因為我又想食珍珠又想食芋圓，所以就叫咗呢個😋呢個係豆腐花底，上面中有芋圓，地瓜圓，黑糖珍珠同紫薯西米作配料，你仲可以揀雪糕芒果等等芋圓係好有彈牙煙韌，唔會係一pat粉咁。珍珠就唔係平時飲開嘅珍珠奶茶咁大粒，佢係細粒啲嘅，但唔會影響佢嘅口感。 不過紫薯西米就冇咩紫薯味。而且選配嘅芒果都好甜，佢唔係罐頭芒果而係新鮮芒果🥭。

同閨蜜喺深水埗食完三個鐘頭晚飯，已經差唔多10點，離開餐廳準備要返屋企，但係好似有啲意猶未盡，加上晚飯嗰三粒鐘我哋兩個不停傾偈講笑，喉嚨有啲乾，咁閨蜜就提議不如食碗糖水滋潤下，我舉腳贊成🥰~即刻Google一下，搵到呢間口碑唔錯，兼行兩步就到，就即刻行過去，差唔多10點唔使等位😁。我哋叫咗「芝麻糊湯圓$30」同「黑珍珠檸檬愛玉$27」分甘同味。芝麻糊好香芝麻，湯圓煙煙韌韌，滿意。黑珍珠好清淡，愛玉滑脫脫，帶小小檸檬香，味道可以。兩個甜品都唔太甜，幾滋潤，啱晒我哋乾乾地嘅喉嚨。

同男朋友深水埗食完飯，覺得意猶未盡，於是揾間糖水鋪食糖水。深水埗都幾多糖水鋪，但我之前見呢間好多後生仔女排隊，咁岩時間尚早，唔洗排，決定同男朋友試一試。男朋友叫左呢個<椰汁西米露包心芋圓>佢碗西米露本身唔算甜，甜在於佢入面既紅豆。另外包心芋圓既餡係芋泥，鐘意食芋泥既朋友可能有驚喜，但因為咁樣，好似減低左芋圓本身俾到既QQ感。😛我叫左個<紫米露清心丸>同椰汁西米露一樣，佢個紫米露唔算甜，甜在於d清心丸。清心丸煮得夠哂煙韌又夠甜，chew下chew下就食哂。總括黎講，呢間糖水鋪唔算甜，岩哂我呢d又想食甜野但又怕好甜既人🤣 而且感覺呢間糖水鋪有心做好高質既糖水，不錯！會再黎試其他😁

呢間糖水舖位置好易搵，店面唔算大，但係佢既裝修就好有懷舊復古既味道，亦算係坐得舒服，店員服務態度正常。本身其實一心係想黎試佢既叁元豆花既，但一坐底，發現有款寫住冰烤紫薯雪糕，腦電波太弱，直接決定試＜仙草紫草園＞黑糖水晶我唔太喜歡，太甜而且有Ｄ怪，仙草口感好，夠曬嫩滑，如有花奶更好，芋圓同埋地瓜圓份量比較少，都幾煙韌，但係佢無乜芋頭味同埋地瓜味，一般般，冰烤紫薯雪糕有紫薯味，並有紫薯粒粒，為成碗野帶來冰冰凍凍同埋色彩既效果。整體可以，雖無驚喜，一試無妨～

去完文記食車仔麵,見到有一間甜品舖。本身我好喜歡食芋圓,見到有當然唔會錯過啦.我見有人排隊,就叫外賣拎返屋企食.叫咗個椰汁西米露包心芋圓.份量都幾足下,三色芋圓內嘅餡料都不同.紫薯芋圓外皮偏梗.個人比較喜歡包心芋頭芋圓.價錢勝在平,可以一試.

今晚係附近食完晚飯, 朋友就帶左小妹嚟左深深甜品到食糖水😊, 支持一下小店💛, 因為實在太多人嘅關係👫🏻👭🏻👨‍👩‍👧, 所以都要排一陣隊, 而係等緊嘅同時就緊係睇定👀想食咩啦😝, 餐牌上種類都幾多, 由傳統嘅中式糖水到新派d嘅芋圓都有, 款款都好似好正咁好難揀🙉🙈! 最後小妹同朋友大約等左20分鐘到就入到去食啦!☺️😆腐竹馬蹄清心丸🥣腐竹同馬蹄露融為一體, 質感濃稠, 糖水味道清甜, 清心丸口感獨特, 滑韌Q彈, 兩者配搭一齊食, 非常清新😋👍🏻石磨芝麻糊🥣芝麻味道又香又濃, 口感細膩, 粘稠順滑, 味道唔錯!😊

深水埗其實有好多甜品糖水店，但想找一間有齊我所有要求：特色新潮甜品、傳統中式甜品、不太需要等位就有位坐、黃店，我只想到這一間💛*豆花紫草園 (HK$38)有香滑豆腐花、爽口嘅黑糖水晶和煮得好腍嘅紫米，當然仲有主角 — 靚靚冰烤紫薯雪糕，單食紫薯味幾濃，另外紫薯雪糕在半溶狀態下與其他食材一齊食也很好味。哈密瓜西米露 (HK$24)冰凍嘅椰汁西米露，西米粒粒分明，通透有咬口，配上清甜的哈密瓜，好味😋*仙草凍西米露 (HK$24)同樣是西米露，配上仙草凍，冰涼爽滑😋

第三次寫食評深水埗，三人行，飯後想食甜品，於是去了深深甜品。各人點了自己喜歡的糖水，包括：馬碲露，黑糖珍珠檸檬愛玉，冰茶龍珠。馬碲露：唔太杰，唔太甜，爽口黑糖珍珠檸檬愛玉：賣相ok, 第一次食糖水有得食檸檬冰茶龍珠：值得推介，因有懷舊冰菠蘿，入口確實夠冰凍，配合凍綠茶，涼入心

時下流行食芋圓今日同朋友出左去深水埗黃金買switch 天氣好熱一見到糖水舖有芋圓食就沖左入去🤗🤗分別叫左三個冰烤紫薯雪糕系列黎食紫薯雪糕🍦真係好好味一見到紫薯雪糕一定會叫🍠🍠冰烤紫薯雪糕系列🍠🍠仙草紫草園黑糖水晶加紅豆黑糖水晶過份甜，紅豆配紫薯雪糕好配紫薯雪糕有紫薯粒粒，食落口好甜𡟚好濃既紫薯味，仲有紫薯粒粒既咬口。芋圓都算煙韌，好好咬，好Q豆花紫草園黑糖水晶加紫米紫米好食😋加埋豆花豆香中和左黑糖水晶過份甜既味道，夾埋黎食就無咁甜了紫玉園愛玉堅係一碗糖水🙈🙈🙈超甜加左蜜桃🍑既關係蜜桃🍑好明顯係罐頭蜜桃🍑佢將蜜桃🍑糖水倒埋入去既關係成碗甜品變得過份甜，搶左紫薯雪糕本身既味道而且唔夠凍所以令到碗紫玉園愛玉唔係咁好食。🙈行到熱一熱食返碗甜品可以補充一下糖份💪🏿💪🏿

好想食芋丸所以就黎左呢間試試，客人好多，試下椰汁芋圓西米露，味道不錯！可惜等候既客人太多，所以一食完就要離開。價錢黎講算抵食！裝修都特別！支持下小店，有機會會再光顧！

深水埗不乏好野食而當然係要all in撐黃店添啦💛-食完晚飯去搵甜品食朋友推介深深甜品話佢啲芋圓好出色我超中意食芋圓真係把握機會試下😋-餐牌有多款甜品價錢合理 唔會好似出面其他甜品舖索價咁高👏🏻-朋友話佢中意食包心芋圓 大粒啲 咬入去入面有多啲層次嘅口感所以佢點左椰汁西米配包心芋圓佢話好好味 包心芋圓好多 好足料-而我就試大家都推薦嘅叁元豆花珍珠粒粒分明得黎唔會食完好滯個種紫薯西米只有少少紫薯味但西米口感絕對冇失望芋圓地瓜圓果然好食有咬口唔會粉唔會散底仲有半碗！係半碗豆腐花哇哈哈超滿足未講完仲有自選我揀左雲尼拿雪糕 嗚嗚太完滿啦我無補充啦😭只係35蚊性價比極極極高呀！！！❤️❤️❤️-I WILL BE BACK AGAIN SO SOON🥰

提起叁元豆花，最出名應該係西營盤嘅滔滔甜品，嗰日經過深水埗，原來深深甜品都有得食。同其他地方食嘅一樣，呢度嘅叁元豆花底部係豆腐花，上面舖住芋圓，地瓜圓，黑糖珍珠同紫薯西米，最後一款配料四揀一，我揀咗愛玉。食一啖之後，我就對自己嘅選擇有啲後悔😂，因為呢個甜品比較稀同淡，應該要揀雪糕或者紅豆呢啲較甜嘅食材嚟平衡返個味道。撇除選擇錯誤，我覺得呢個甜品中規中矩：黑糖珍珠，芋圓同地瓜圓有咬口，紫薯西米夠創新，愛玉同豆腐花正常味道，總括嚟講，就係樣樣嘢都四平八穩。反而我覺得對面位叫嘅龍珠冰茶仲好食，因為有我最鍾意食嘅冰菠蘿片，底部嘅蜂蜜綠茶凍甜甜哋，茶味都幾香濃。

餐廳裝修行懷舊風，甜品選擇多。整體甜品唔算甜，價錢可接受。豆花紫花園 $38超多料🤤有黑糖水晶,紫米,豆腐花,芋圓...黑糖水晶似有甜味既涼粉，配埋一齊食，幾好食。本身最期待冰烤紫薯雪糕，食落雖然滑，但冇咩紫薯味。另外，芋圓食落煙韌，還過得去。椰汁西米配包心芋圓 $29係有饀既芋圓😍真係第一次食，總共有三款，每款都包左唔同饀，地瓜圓最好食👍入面包左芋泥，煙煙韌韌，碗仲有好多粒。只有兩款糖水跟有饀芋圓，如果其他甜品都可以加就好。