海記合桃坊甜品 (已結業)

女士們鍾意食甜品，絕對係天生的，尤其是食完飯就最鍾意去食，而旺角太子呢間海記甜品，可以話係我經常幫襯的甜品餐廳。紫薯芋蓉西米露，絕對是我的至愛，芋丸軟綿綿，好有咬口，仲有好香嘅椰香味，正。朱古力雪糕，仲有細細粒嘅花糖，食甜品真係會令到人心情都好啲，唔知會唔會個人都靚啲呢，不過呢度繁忙時間，勁多人，可能要排成半個鐘頭先至可以入到去，不過我都覺得好值得！座位方面就係迫迫地，但係香港地，寸金尺土，冇計啦，為咗食好野都要大家相就一下！

食完晚飯梗係要食翻個甜品，太子海記合桃坊係不之選。話明係合桃坊，當然要一試招牌合桃糊。有一款係沙沙合桃糊，一款係補腎合桃糊。一場來到，識食一定係食沙沙。因為糊上舖滿合桃粒，而不是碎，十分香。因為叫熱既，所以不會太杰又不會太稀，剛剛好。價錢不貴，三十有找，大家可一試。

自從海記分店越開越多，質素疑似有下降趨勢，各分店味道差質，始終太子店呢間係keep 得最好。芋圓紫薯系列係最受歡迎，有紫薯蓉、芋圓、香芋雪樂冰⋯⋯價錢便宜，所以成日都座無虛席。芋圓口感煙靭，紫薯蓉濃郁頗甜，而香芋雪樂冰感覺似香芋雪糕，香甜清新。傳統即磨糊都相當唔錯，希望水準可以好好保持。

每次行旺角/太子都會必食嘅只因為一直保持水準味道剛剛好又熱辣辣嘅總之就啱晒我嘅口味啦我一直都係食一樣甜品就係芝麻糊佢話芝麻糊係自家磨我都相信既因為真的很香濃唔會太甜亦都唔會太假仲有唔會加咗生粉杰撻撻既感覺環境夠光明乾淨俐落服務員態度OK嘅（大部份都好似係新移民）冷氣充足既今日/一直天氣實在太熱行吓睇吓野入去食嘢就可以唞一唞嘆下⋯好味吖價錢都合理值得推薦嘅不過門口嗰度們經常打開冷氣就會溜走我忍唔住都會行埋去閂咗佢

逛街時見天氣很熱，想找點甜食，用作降溫，止渴之用。又是剛巧行過太子花園街，眼見一間店舖看似很好味的糖水店。咁就一於鼓起勇氣進入店舖，搵一道既降溫又有名氣的甜品糖水啦。今次選擇咗2款糖水。不過該2款都有芋丸，因知道該店出的芋丸很有名。所以點選的糖水都有芋丸。除此之外，亦揀了店舖有名氣的紫薯。首選是紫薯蓉芋丸西米露。而另一款就忘記了叫什麼名堂。最後沒有令我失望，芋丸很Q又彈牙。令我回想在台灣時首次吃芋丸的感覺。還有很喜歡食紫薯，因它的甜真的很香。很想再到該店慢慢享受糖水及甜品。

👉🏻沙沙合桃糊(熱🔥) 💲27採用雲南頂級尖白合桃 自家磨製✨呢間嘢望落所有中式甜品都好吸引😻紫薯芋圓系列都幾好🍠😗但間嘢連個招牌都叫合桃 點可以唔試下💁🏻‍♀️又真係幾好食😽合桃糊好滑加埋合桃粒嘅口感好正🤩但佢隻甜似係加咗幾多糖🤨反而感覺上如果起少少沙好似仲正🤣不過我其實好少食合桃糊所以覺得呢個好好食架喇😙一定係熱食🔥先夠香haha(試過朋友叫嘅甜品碟碟都好好味🤩真心推介😋)

出街食完晚飯 甜品當然係少不到了的🐷🐷我地叫左五款甜品 Share食👍🏽👍🏽😍香芋雪樂冰芋圓西米露同埋紫薯雪樂冰芋圓西米露其實大致上都係一樣 只不過雪糕冰分別係香芋味同埋紫薯味 個人較喜歡香芋雪糕冰😍🤩真係好好食同埋真係有香芋味架😜😛仲食到有香芋肉呀😛😋反而紫薯味有點浮誇 真係麻麻地🤭🤔芋圓真係一百分嘅好食真係食得出係咩味架 個底仲要係西米露 正正子🤤🤤芒果腸粉 芒果肉唔算好甜 係有少少酸但可以接受到嘅😉☺️腸粉好滑👍🏽👍🏽配埋個芒果汁仲好味 整體嚟講 係值得一食😋☺️合桃糊 今次叫左凍食 覺得麻麻地哈哈😅😅好似無咩味咁嘅🤔🤔始終都係熱食最好食最原味草莓黑珍珠雪樂冰 🍓🍧最唔好味係哩個😩😫雪糕味道正常 但黑珍珠雪樂冰同雪糕撈埋食真係好奇怪 同埋好難食呀🤦🏽‍♀️🤦🏽‍♀️哩個可以唔洗食👎🏽👎🏽

為左芋圓而去食既，見好多人就去左試下！叫左個芋圓芋冰紫薯紫米露本身都個兩球好似雪糕既吾期望好食，但吾錯，又吾會太過甜，芋圓好好食，用心之作！吾怪得甘多人排隊去食。

今晚我們喺旺角西洋菜南街食完一餐失望嘅晚飯之後，我們就諗著要食返啲好食嘅甜品嚟安慰吓自己，所以我們就去咗「海記合桃坊甜品」食甜品！我們叫咗腐竹鷄蛋糖水嘅腐竹係煮到溶晒爛晒，就可以知道係用緊優質嘅腐竹，而唔係用劣質嘅，而且有好香濃嘅腐竹香味，糖水嘅甜度係啱啱好，唔會有甜到膩嘅感覺！沙沙合桃糊係呢度嘅招牌糖水，差唔多每檯人客都有叫嚟食，合桃糊極之幼滑濃郁，濃稠度亦恰到好處，再夾埋舖滿表面嘅沙沙，即粒粒合桃碎一齊食，令到層次感更加豐富，真係超正呀！紫薯雪樂冰芋圓西米露嘅雪糕係紫薯味，味道好芳香濃郁，質感好軟綿綿，而且有入口即溶嘅感覺，而芋圓就有幾種味道，分別係：芋頭、地瓜同紫薯，而且質感超煙韌彈牙，真係好正呀！

首先，說說香芋雪樂冰芋圓西米露，料很足，芋頭很香很濃，配埋雪冰，真係一絕。 另外既棷汁紫米雪樂冰芋圓涼粉， 涼粉超多，切得大大粒，有咬口，芋圓有咬口，仲暖暖地， 應該岩岩煮出黎新鮮放入去。👍🏻😋😋

👅紫薯香芋雪冰樂 芋圓紫米露（$34）👍🏻芋圓好彈牙，有淡淡既香味，不負手工系列之名，至於香芋雪冰樂係芋頭雪糕味🍦紫米露不過不失👎🏻紫薯雪冰樂紫薯味唔夠重，食到最後只有少少紫薯味😐👅桑寄生蓮子紅棗蛋茶（$24）👍🏻蓮子足料，蓮子心去得好乾淨，一啲苦味都無，食落仲甜甜地添😋糖水夠味，雞蛋又入味👎🏻可惜得一粒紅棗

海記算是近年來我最喜歡的甜品店，皆因只有它才可以做到中式與西式同樣高質素的甜品，各有千秋，不會讓其中一樣專美。昨晚跟朋友晚餐後為求更滿足，便去海記食轉甜品，我通常都會點至愛的芝麻糊豆腐花，這裡的芝麻糊磨得很幼滑，並不是溝粉開的那種，豆腐花同樣香滑，重豆腐味，至愛海記的糖水甜度適中，絕不死甜。兒子最愛楊枝甘露，每次必定點上。這裡的楊枝甘露用上香甜芒果，西米柚子份量適中，芒果底味濃，每啖都清甜可口（👈🏼兒子的意見😆)朋友點了這裡的招牌糖水-沙沙合桃糊，合桃糊面散滿了合桃碎粒，與糊混合一起食，很有口感，合桃味香濃，同樣地，甜度適中。另一朋友則點了杏汁蓮子燉雪耳，杏汁味稍嫌不足，但蓮子很鬆化，雪耳份量足。現今食糖水的價錢差不多可以買一個飯盒，但糖水甜品店真的是越開越多，品質就越來越參差😖

尋日同咗四個朋友過黎食甜品，之前食過中式紅豆沙，芝麻糊個啲都ok好食同平。咁尋日就同朋友想試下紫米紫薯糖水，點知係酸嘅，我地五個人都覺得係變壞咗，可能係d奶或者紫米。其實好少事，舖頭啲侍應都好快換比我，態度都ok。點知有個呀姐侍應個樣已經好西，態度仲勁差，話乜我食過覺得冇變壞。咁姐係你地鋪頭啲紫米係酸到臭嘅？跟住說話態度差到好似呃佢咁，咁啱又係佢上菜，成個燉蛋大大力跌落枱。你地啲野食變咗個姐姐d態度仲咁差，係咪壞咗都要照食？仲有間鋪比較細，大家食野都將就啲。咁我地都就食完差少少，個呀姐又過黎話要抹枱，我短短一餐糖水食咗冇25分鐘起咗身6次比個呀姐抹台。其他侍應都話遲d先執，唔好分幾次阻住我哋食野，點知佢串我地話我地食得咁慢，唔知等我地幾耐。請啲咁嘅呀姐返黎係咪趕客？

飯後在太子一帶心思思想吃糖水, 湊巧經過海記, 看見不用等位就馬上入座!我點了腐竹薏米蓮子糖水(熱):由於腐竹完全煮溶, 所以一片腐竹也撈不到, 雖然外觀看起來不像是腐竹糖水, 但吃起來確實是滿滿的腐竹香味! 😋😋😋糖水甜而不膩, 粒粒薏米夠淋卻又帶有口感, 而粉粉的蓮子意外地清甜好吃! ❤️ 對於愛吃蓮子的朋友來說絕對是必吃之選! 😍😍😍而且價錢方面也算是相當親民, $22/碗實在是平靚正! 👍🏻👍🏻👍🏻

今天與朋友在太子吃過午飯後，我們在旺角逛街。大約四時，她提議吃甜品，然後才各自離開。 在聯合廣場的附近看到這間甜品店 — 海記合桃坊甜品。看門口的餐單，款式很多，似乎不錯。我們便選這一間店吃甜品。 我點的紫薯芋圓紅豆沙，$30。 有三款口味的芋圓，分別是紫薯、芋頭和番薯。三款口味的芋圓都散發著各自的味道。味道很明顯，不是淡淡的。口感軟糯。與我去年在九份吃到的一樣美味。另有蓮子和百合。兩者的口感都很粉軟。紅豆也很軟綿。 吃了一半，還可以看到那麼多材料。一碗糖水的材料十分豐富呢！糖水的甜度不多，所以吃後不覺得甜膩。卻有飽肚感。