海皇粥店 (華安大樓)

營業中

休息中

101112 星期五 | 最近海皇粥店推出雞翼小吃，特地走來試試，要了個生滾及第粥 ($26.5)，店員溫馨提示要等10分鐘，無緊要啦，再要個椒鹽雞翼 ($15)，店員又溫馨提示因為雞翼是即時炸，需要等15分鐘，都OK啦，反正今次來的目的就是要試試個雞翼。在等候的時候，店員端上一小籃油炸鬼，這是跟生滾粥奉送的，剛好可以食住等，可能擺放了一段時間，所以不脆而有點韌，不多久生滾及第粥來了，熱騰騰的粥底很綿，材料很豐富，有豬潤、豬肚、豬粉腸和豬肉丸等，吃不到一半，椒鹽雞翼上枱了，熱辣辣的很吸引，脆醬加了粉絲碎，食落口覺得特別脆，雞翼肉還很嫩滑、很juicy，味道不錯，雖然是熱氣咗D，但好在有生滾粥，可以降低油炸物所帶來的熱氣程度，生滾粥跟炸雞翼，實在是不錯的配搭呢。

有一天我出外逛去了一間海皇粥麫食早餐我要了個牛肉粥+腸粉+炸腸我招了幾次手才有人行過來落order上菜的速度也很慢尤其是我的牛肉粥不過那位服務生向我道了歉唔……服務態度搭救而且粥和腸粉的味道還不錯牛肉還算可以但始終比想像中少粥的感覺很''棉"價錢方邊是合理比起其他餐廳算是便宜除了效率有待改善外大致上是值得跟大家推介的

上午經過這條街.聞到香香即炸的油器味道還有時間就不如往裡面一試.店子裡面人頭湧湧的.要了白粥及腸粉.油炸鬼各一白粥是稀綿.吃起來還好是有米香.油炸鬼炸得外脆內鬆軟的.口感鬆脆腸粉熱辣辣.本身都算幾滑.下點芝麻甜醬吃起來果然不差清清地嘅早餐,下次都唔會再黎

係觀塘區.有兩間海皇粥店一間輔仁街.另外一間這裡同一集團的連鎖粥店.主要售賣傳統廣東粥.也有另外的產品今天簡簡單單的媽腸.(意思謂雙腸粉).加杯豆漿 個人較喜歡此店腸粉真係即拉係可以親眼看到即拉由於即拉, 所以等左 3分鐘, 皮薄滑滑腸粉即上加上芝麻.花生醬.甜醬.簡單卻回味至於杯豆漿普通啦.*飲得多健康D*總計$19.我超值的套餐組合.哈哈總而言之, 呢度D野食.真係快, 靚, 正D店員又友善待客至誠。 所以我絕對會再來的做出香滑的腸粉.之前準備過程及輕巧的手上功夫重點便在於調和米漿比例上，再將米漿鋪在蒸籠上用大火一蒸，輕輕一捲即成當然，淋腸粉的醬汁亦是決定口味的重點，甜醬、花生醬、辣醬可以加上芝麻，認真好味

上兩個星期, 因為腸胃炎, 所以吃了兩日粥水做晚餐。這晚買了一碟腸粉和一碗菜乾排骨粥回家。腸粉份量少得可憐, 雖然腸胃有問題都不應該吃太多, 但似乎真的少了一點, $9.5一碟, 貴得很呀!而菜乾排骨粥，粥底綿到『爛』，我也不知是好還是不好了，似乎稀了一點，但排骨出奇的多，煲至頗焾，不算太差，$16.5元一碗，是海皇的粥品中較為便宜的選擇了。我覺得海皇的粥品的確幾貴，但唔覺得貴得好值得囉！現在的經濟環境下，海皇會否考慮減價呢？！

2009年1月5日 星期一昨晚想食清清地, 買碗外賣粥回家就算了, 餐餐都係大魚大肉始終唔得.... 我入了海皇, 看看餐牌, 都幾貴!! 終於我選了較便宜的南瓜粟米肉碎粥($14), 南瓜粟米都有益, 又有肉, 營養比較均衡。回到家, 打開碗粥, 似乎少了一點啊! 今餐一定唔飽啦~~ 說實話, 這碗粥的賣相真的麻麻, 全碗粥都係黄色, 見唔到肉,粟米又好少, 似嬰兒食品! 味道方面, 粥底算綿, 淡淡地, 不見得好味,聞到好似有燶味, 但食落又唔覺, 相信是南瓜味吧! 始終偏見認為南瓜做甜品會較適合, 所以我真的不懂得欣賞南瓜粥!對我來說, 這只是健康的一餐, 不是享受的晚餐!

一向都聽說海皇粥店的粥不錯，但就是沒有時間去試試。22號，陪朋友去了一次，終於有機會試一下。裝潢給人感覺蠻大眾化的，但絕不是舒適的那種，不要期待有這樣的座位。我點了份南瓜粟米肉碎粥和炸油條。粥，很夠熱，但份量小，材料不太入味，也不夠綿，入口的質感差。炸油條，外皮脆，裡面的麩質也造得不錯，但就是比普通的粥店的小。總的來說，比我想象中差...

師傅早幾日病病地, 唔係好舒服, 於是乎黎左呢度食粥一餐, 順便清清腸胃!入到去都幾多人關係, 要等左一陣先有位, 坐底後師傅就叫左碗艇仔粥, 而友人就叫左一碗皮蛋瘦肉粥, 再加上齋腸, 炒麵同埋叉燒腸粉!艇仔粥粥底唔算綿, 好水下, 而豬皮都幾爽口, 尤魚普普通通, 好一般; 皮蛋瘦肉粥睇落下都不過不失, 唔算好綿, 冇試過唔太清楚; 齋腸都算幾滑, 幾好味; 炒麵都幾大碟, 炒得唔算油, 都幾好味; 而叉燒腸粉算係最好味, 腸粉夠滑叉燒又夠入味, 真係好正!總括黎講呢間食店水準真係幾海鮮下, 有d店舖就整得好好味, 有d就麻麻地, 而呢間算係一般; 不過地方算乾淨, 感覺係好衛生, 埋單六十五蚊, 唔算太貴, 都可以一試!

2007年8月13日。海皇粥店。到海皇外賣了一碗菜乾排骨粥。粥底味道還好，菜乾較碎，味道還可以，但排骨就大致上不是排骨，找不到一塊肉是連骨頭的，像排骨形狀的只有3-4小塊，但很多塊都有“渣”，像煲完湯的柴皮豬肉。骨頭真係唔掂。

一直都幫襯輔仁街分店, 試過一次較差後, 今早轉往同區另一店試下, 此店相比較為殘舊, 但店員同樣有禮。今早都是來個例牌鴛鴦-炒麵炸兩, 加白粥, 炒麵賣相較差, 睇落是黑黑暗暗, 沒什氣息似的, 味道可想而知。炸兩有五件, 外脆內軟, 但唔明其中兩件油味特別重。個人較喜歡此店之白粥多過有料粥, 不會是稀稀的, 吃得出是的。

今日lunch 左諗右諗都唔知食咩,結果都係清清哋食粥,食左皮蛋瘦肉粥,同上一位食家一樣,都覺唔係咁掂,不過炸兩就好好味,攤左一陣先食,入面D油炸鬼仲好脆!

d 阿姐慢手慢腳! 不過佢地依家全線既員工都要戴帽, 手套同口罩做野了, 睇落都乾凈好多!皮蛋瘦肉一般, 可能屋企煮都正過佢!