影片
營業時間
今日營業
07:00 - 23:00
星期一至日
07:00 - 23:00
公眾假期
07:00 - 23:00
公眾假期前夕
07:00 - 23:00
以上資料只供參考, 請與餐廳確認詳情
優惠
9折
海皇粥店現金券-傳統味道 廣東美饌 $50 現金券!
$45
$50
招牌菜
相關文章
今日唔太舒服想食下粥，於是叫左網上外賣平台海皇粥店 外賣～（我對上一次食都唔記得幾多年前，哈哈）我想食下肉但又想有d 蔬菜，所以叫左個南瓜粟米肉碎粥套餐，揀左炒麵，飲品叫左熱檸水。個粥幾唔錯，送到上黎都仲好熱，食落唔會太杰又唔會太稀；肉碎都好夠，不過覺得d 南瓜粒同粟米粒可以再多d。成碗粥份量都好足夠。個炒麵正常發揮，油油地但油嘅程度可以接受，唔覺話太鹹。杯熱檸水無咩特別，不過佢無俾包糖我食完成個下晝都無話特別口渴，咁味精應該唔算多掛？Total 67蚊，外賣黎講價錢算OK
繼續閱讀
食物質素環境衞生已經不在下話，但呢間公司啲員工服務態度真係好差，難道公司無員工培訓？完全係趕客走唔舒服諗住買碗粥食，見呢間海皇粥店都開咗好耐，諗住無死！點知係收銀到企咗成5分鐘都無人問我食咩，無人諗住幫我落單。之後比後面個女人打咗尖，呀姐仲諗住幫佢落單，我話我排隊先，呀姐先至幫我落單先。去到比錢，我八達通唔夠錢比，諗住網上增值先，叫呀姐等一等我。點知呀姐話：無錢就唔好食啦！咩叫無錢唔好食？而家係咁樣做生意既？真係火都黎埋，呢間野以後唔會再幫襯！
繼續閱讀
好耐未食過，更加好耐未幫襯過啦！$36，依家食炸兩同粥，一啲都唔平另外，我入到去，坐低叫嘢，店員即刻用刨冬瓜招呼，或者因為我短髮又高大，佢以為我係北佬都未定啦！咁我當然用廣東話回應，佢之後都用返廣東話。話時話，依家飲食同低檔零售業好多刨冬瓜人。講返食物質素，腸粉滑咗，但油炸鬼腍咗，只有少少脆，芝麻一貫無炒香，豉油唔係甜豉油，係鹹豉油，得個鹹字，唔掂！豆漿正常無驚喜。呢個早餐，叫做止下心癮，唔會係推薦嘅系列。
繼續閱讀
早兩日去咗觀塘物華街度搵食見到好多唔同嘅舖仔，都幾特色。只不過想搵個寬敞少少嘅地方，最後行到去海皇粥店，就入咗去喇！坐低嘅時候見到檯面都未抹乾淨，細心睇下個餐牌，最後揀咗個蕃茄雞扒烏冬，同埋一個碎牛粥拼蒸蘿蔔糕嘅餐嚟食。蕃茄雞扒烏冬個湯底都濃郁，只不過雞扒得兩小塊好唔抵食； 碎牛粥底都算正常，只不過蒸蘿蔔糕就唔夠熱辣喇。等食嘅時候望一望過環境，除咗枱面污糟之外，周地都係垃圾，衛生情況十之十分之惡劣， 估唔到呢間舖仔至少都有六名員工，都可以咁dirty，下次都唔會考慮！
繼續閱讀
秋風起喉嚨感覺好乾，似有作感冒😷，胃口麻麻地，經過海皇粥店好想食粥，叫咗個艇仔粥加蝦米腸，蝦米腸加啲甜醬、麻醬、芝麻同埋啲秘製豉油，簡直一流😋，艇仔粥睇落大大碗原來係個闊口碗🤨。
繼續閱讀
您可能會有興趣的...