海灣餐廳及海灣咖啡室

營業中

休息中

原來海洋公園萬豪酒店自助餐真的很受歡迎，當日即興book都要等到waiting list先至排到我哋，雖然坐得比較遠，但係相對嚟講比較安靜，感覺幾舒服，下次可能都會要求坐入少少，略嫌靠近方便取餐位置，枱之間比較近。某程度上有少少驚喜，因為比較接近景點，沒有想到食物質素是香港自助餐中接近頂流，因為都是萬豪系，例如JW也是食物質素好，雖然酒店沒有投放大量資源力谷宣傳，所以試過先知道好食，回頭指數極高！而且服務都唔錯，收碟收得快，酒店餐廳員工也是有禮殷勤星期六日價錢$8xx 一位但係我有酒店會員所以都有八折，只不過服務費需要以原價計算食物豐富程度: 滿意無論中式西式東南亞熱盤同冷盤例如刺身沙律都有，海鮮方面、波士頓龍蝦、燒蠔都有，但係需要排隊，所以先食咗唔需要排隊嘅食物新鮮程度：非常滿意刺身質素有千両水平，完全唔係平時敷衍你嗰種，刺身夠厚身，而且融雪情況理想，必吃油甘魚 帶子 赤蝦，牛蒡漬物也是不錯的，食完好開胃，明太子沙律也好吃燉湯：花膠瑤柱燉瘦肉每碗也有1-2塊花膠，味道超好，前前後後飲咗最少四至五碗！唔需要排隊，大推介！波士頓龍蝦：每人每次只限半隻，但是排隊不算太慢，肉質不錯，中上水平

📍🌸 AJ Review for Customers 🌸📍✨ Delightful buffet breakfast place! Start your day with an abundance of nutritious and delicious breakfast choices. 🍳🥞🍉 Experience a delightful blend of flavors, including:- Japanese cuisine 🍱: Try the fermented beans, miso, and teriyaki salmon.- Indian cuisine 🍛: Savor the naan and aromatic spices.- Local flavors ☕️: Indulge in the local cafe milk tea, congee, 車仔麵 (noodle with mixed ingredients), pineapple buns and dim sums.- Western cuisine 🥐: Enjoy a selection of

自從好友疫情出關，飯腳回歸，早前網上做緊海洋公園萬豪自助餐買二送一優惠，即book，當天接待處旁擺放一台大風扇，心知不妙，入座後見餐廳兩旁各有一台大風扇，好明顯冷氣唔夠，巡視一周，Buffet枱分佈幾個位置🟢海鮮🦀鱈場蟹腳、蜆、翡翠螺、青口、蝦，第一輪蟹腳咸咗D，之後回復正常，蝦亦鮮味，蒸龍蝦🦞，熱食啱我口味，鮮味彈牙，鍾意食嘅朋友可早些排隊，因為去到尾依然有人龍，好搶手🟠刺身🍣萬豪對比其他酒店真係冇得輸，款式多又新鮮，睇下粒帶子size，好滿足，當晚仲送咗一板海膽，兩個friend唔食，啱晒😆，我幫你哋頂🟣熱盤🍲各式熱盤、咖哩、燒味、即淥粉麵、燒物、片皮鴨、西冷牛扒，最好食係燒物中一款牛肉薄燒，超好食，不過出咗幾次就冇，panama ham亦不錯，燉湯幾有誠意，原粒瑤柱🟡自助水吧☕️咖啡、茶，一應俱全，我就嘆返杯latte🔵甜品🍰多款蛋糕、甜點、Häagen-Dazs雪糕，仲有小朋友見到放光😍嘅糖果櫃，試咗幾款甜點，結論係好睇唔好食，除咗個焦糖燉蛋外整體而言🍀食物質素🆗️，加上有優惠，食物水準與收費成正比，倘若沒有任何優惠，那就未必考慮😌

Ocean Park Marriott龍蝦無限供應 海鮮自助餐入門口經過水族館咁大個大魚缸大人小朋友都睇得開心服務方面Marriott 出名員工友善招呼唔錯海洋公園可能地點算偏遠小小今日嚟到唔算多人 拎食物都唔需要排隊刺身都有5-6款供應幾乎每個食物枱都有專人服務衞生安全食物display得幾特別有心思乾淨企理特別推薦必食叉燒 油雞 叉燒肥而不膩 肉汁飽滿羊架 肉味香濃 肉厚磨菇湯 濃厚嘅creamy磨菇湯 滿滿磨菇碎有口感龍蝦 一個人都可能食咗3隻 食到尾都仲有得拎食材靚 新鮮肉質結實彈牙絕對價錢合理絕對大滿足

放暑假帶住我女,約左好朋友食buffet. 咁岩呢日同個女慶祝生日，佢好開心黎到呢間餐廳，一到就衝去playhouse 玩今次係第三次黎，其實次次都好滿意，因為個女有嘢玩又有嘢食食物方面，lunch buffet 比dinner buffet 少啲啲嘢食，沒有三文魚刺身，但都好多選擇係試唔完。長腳蟹我最遲先拎，因為好多人拎，但去到差唔多1：30pm都仲會refill甜品味道好好，我都唔理啦，食完再減肥食食下playhouse 職員知道我個女生日仲送左份生日禮物玩具 playhouse 暑假可參與既手工製作活動都有幾樣：音樂盒、沙畫、唔記得同埋多小朋友玩，真係hea足成個下午open rice訂購，比kxxok平少少

我哋book酒店嘅時候訂埋兩個大人早餐，之後入咗Marriott會員會員，包埋大少早餐，小妹因為三歲以下，所以早餐都係免費。呢度環境寬敞，有分外廳同內廳，外廳就光猛啲，近拎嘢食嘅地方;內廳就暗d，但有梳化位，坐得舒服啲。我哋選擇咗內廳，雖然拎嘢食遠啲，但因為外廳有啲曬，想小朋友坐得舒服啲。自助早餐時間有三節，每節1小時15分鐘。呢度早餐都算好多選擇，中式有粥、有麵、有點心、茶葉蛋、春卷、炸饅頭、蝦餅、炒菜等等！西式有各式包點、自製pancake、薯餅、煙肉、香腸、火腿、烚蛋、或自選奄列。飲品有橙汁、蘋果汁、鮮奶、豆漿、茶、咖啡。個人比較推介自選奄列，我哋揀咗蕃茄、蘑菇、芝士炒奄列，個蛋又滑又香。炒麵彈牙，味道唔太鹹，都好好食。整體食物質素唔錯，選擇又多，食到好飽先走，午餐都唔想再食。

今日真係好開心，朋友跟我慶祝生日，專登挑選了海洋公園萬豪酒店的自助餐，想不到驚喜連連。一開始我就飲了花膠響螺燉湯，望落好清，但是飲落好濃烈，感覺到十分滋潤。當天每位送一個扇貝，亦有無限量龍蝦及燒蠔供應。此外，牛扒及羊假超鬆軟及很多汁，比我想像中好味。而雪糕亦有大概六款可以選擇，感覺上還可以。座位寬敞，環境舒適。服務生亦十分友善，感覺良好。

 沙律 (Salad) The presentation was vibrant and appetizing, with a beautiful assortment of fresh, crisp vegetables. The salad dressing was a perfect balance of tangy and sweet, enhancing the natural flavors of the greens. The addition of nuts and seeds provided a pleasant crunch, while the diced fruits infused a burst of juiciness. It was a refreshing and healthy choice, ideal for those seeking a light yet satisfying option. 水果 (Fruit) platter. This was a real treat for the eyes and the palate. The

餐廳：海灣餐廳及海灣咖啡室地點：香港海洋公園萬豪酒店菜式：自助早餐價錢：一晚Staycation經Klook訂購，星期五入住$2187，包普通房間，雙人自助早餐，同$800指定餐廳餐飲券。自助早餐分三個時段入座，分別係：07:00 - 08:15（可訂定）08:30 - 09:45（可訂定）10:00 - 11:15（只可walk in）我地一早預約左08:30 - 09:45時段，早幾分鐘都可以入去。海灣餐廳及海灣咖啡室地方好大，食物分放唔同地方，大部份食物都唔洗排隊。西式食物有豬肉腸，雞肉腸，麵醬三文魚，蜜糖火腿，車厘茄，茄汁焗豆，咖哩薯餅，奄列，水煮蛋，茶葉蛋，煎蛋，煙肉，薯餅，炒蛋，牛奶麥皮，選擇都算係咁。麵醬三文魚算係全場最好食，係鹹左少少。車厘茄都幾好。咖哩薯餅外脆內滑，咖哩味剛好。奄列有多款配料，我揀嗰個配搭有少少拉絲芝士同好香辣椒味，好好味。隔離中式食物有炒時蔬，蔬菜炒麵，上海菜飯，煎蘿蔔糕，炸饅頭，印度煎餅，選擇就好麻麻，全部都係素菜或者碳水化合物。遠方就有點心，有牛肉燒賣，蜜汁叉燒包，素餃，小籠包。小籠包皮厚肉可以，都多汁。牛肉燒賣好實，麻麻地。素餃塊皮一夾就爛皮。

今晚令長者門過咗一個愉快嘅晚上，每個長者都對食物讚不絕口，尤其係龍蝦非常美味，好多謝海洋公園萬豪酒店有半價優惠，座位又安排得好好，等佢哋可以可以傾吓講吓享受美食

好耐無寫食評，今日真係心心不忿咁對依間酒店嘅自助餐作出反應，話說今日生日，諗住試下新野去依度食自助餐，上網睇左好多人介紹話好多野食，同食物質素都吾錯，點知，全部都係假象。Book位時見到宣傳話做緊BBQ燒烤，有鴨肝多士，有蒸鮑魚，有西班牙乳豬，蟹粥等等，去到原來全部都無，門口海報都有寫明有以上食品，真係想問下經理到底發生過什麼事，現場係無上述食品供應。現場只見啲全部都係普通野，凍海鮮只有好瘦嘅蟹腳，好細隻嘅蜆，無味嘅青口，無咩肉嘅麵包蟹；凍肉就只得兩款選擇，同切到好薄嘅哈蜜瓜；刺生區應該全場最好嘅食物，有油甘魚，甜蝦，帶子，池魚，北寄貝，同少量壽司，無選擇下，我只好攞左兩轉刺身；最多人排隊嘅就係龍蝦，我無食，所有無得俾評價，之後有啲熱盤，包括奇怪嘅桃膠煮菜，薑蔥焗蠔，蒸魚，柚皮鴨掌；另外有啲串燒，都係得啲燒雞翼，雞軟骨同豬腩肉，另外有兩款咖喱同啲好核突嘅簿餅；仲有燒牛扒同燒羊肉，我食左燒牛扒，好韌同無味，我吾食羊肉，所以吾知好吾好味；燒味部就只得叉燒同豉油雞，見到賣相就吾想食，之後就係麵檔，無試；最後就係燉湯同所謂片皮鴨。。。燉湯都可以，夠清甜，片皮鴨好鞋口，吾好食；甜品就有好多款，試

一到週末，就想輕輕鬆鬆同屋企人嘆吓個靚早餐。我們住了海洋公園內的酒店， 所以嘆海洋公園海灣餐廳琴海灣咖啡的早餐。這家餐廳的早餐菜品非常豐富多樣，每道菜品都有風味和特色。首先是燒賣，這道菜品非常有水準，燒賣的皮薄餡多，口感鮮美。而且燒賣的餡料非常豐富，有豬肉、蝦仁等多種食材，讓人覺得在中式酒樓來吃的一樣。接下來是其他的菜品，例如煎蛋、煙肉、香腸、烤土司等等，每道菜品都做得非常用心。其中煙肉的口感非常香脆，煎蛋的口感鮮嫩，香腸的味道濃郁，烤土司的口感鬆軟，正啦。除了菜品之外，咖啡的咖啡也非常值得一試，雖然都係即磨咖啡機，它的口感濃郁，香氣撲鼻，提神一流。而且餐廳的環境非常舒適，可以欣賞到美麗的泳池景，非常relax。

上一次到訪有很多不同種類的食物，中式西式都有，食過一次印象很好，但今次到訪卻非常差！中式食物只有炒菜、炒很老的牛柳粒，蒸比目魚、燒味，最大的部份是湯麵以前的蒸鮑魚沒有了，剩下全部都是下價食材，最好的就是燉湯。西式食物幾乎沒有，訂購時寫明的鴨肝沒有，從來沒有通知，只有炸牛扒、炆牛尾、烤豬柳和煮茄子，這麼少的選擇實在太失望。甜品比以前難食，焦糖燉蛋的焦糖成吋厚，叫了一盒pancake，煎到好似脆片，廚師住既時候仲大大聲話「噢，太薄添」但仍然將那份給我！服務不知道應該說好還是不好，在你吃完的一剎那，就有人立刻將你的碟收走！有無咁趕？

今次想食buffet睇左幾間最後決定book海洋公園萬豪酒店 海灣餐廳既dinner buffet, 因為佢有清蒸龍蝦食! (平時d buffet多數係凍龍蝦, 但我地中意食熱同熟個d多d!)♦️第一round一開波就梗係拎龍蝦! 🦞 - 有3隻醬可以揀: 牛油蒜蓉醬, 芝士醬, 同辣椒豉油. 個人覺得牛油蒜蓉最好味😍 龍蝦肉質好彈牙, 仲好大隻, 膏就一般冇乜味可以唔食, 肉既味道好好🤭 合符期望😋可以任食黎講算好好!🔹燉湯 - 呢個本身冇諗住拎, 係拎鮑魚個陣個姨姨以為我想拎俾埋我, 點知飲落好有驚喜! 勁清甜好味, 如果唔係怕飽得滯直程想飲多碗😛♦️果皮鮑魚 - 唔算好鮮甜, 不過我食個陣冇另外拎豉油黎點, 有豉油吊下味可能會好d🔹魚生 - 普通buffet貨色, 唔會話好鮮甜, 不過唔會腥♦️串燒 - 呢到仲有個area係燒串燒或者爐端燒, 本身睇到我覺得勁吸引, 拎左雞軟骨同雞翼試下點知又凍又乾又硬又冇味🥲失望🔹北京填鴨 - 好食, 仲可以唔要餅皮🤣♦️其他海鮮類熟食有蟹餅, 青💰口, 魚柳等等 - 味道都算唔錯, 今次就冇食凍食既海鮮啦🔹其他肉類熟食有鵝肝多士, 燒牛肉, 燒味等

人生第一次寫的食評，卻是描述一次不快的經歷 ...提前了足足一個星期預約 4 月 10 日的復活節 Lunch buffet, Open rice 早鳥優惠 8 折後仍超過 $500 一位。復活節未能安排外遊，所以一直很期待這一天帶老婆阿囝過來吃這一餐復活節自助餐，而且還是慶祝囝囝生日的一餐，結果換來的卻是極度失望！中午 12 點準時入座，餐廳大概只有約 20% 的入座率，開始感覺有點不對勁 ... 先到日式魚生部，被告之沒有三文魚及呑拿魚，大感失望！從沒想過超過 $500 嘅自助餐竟沒三文魚，印象中是首次吧，款式還相當少。接下來再到海鮮冷盤部，有長腳蟹、凍蝦、青口等，心想總算像樣一點了吧，一吃之下就感覺出來應是昨晚淨下來的，一點都不新鮮，顏色暗淡，青口吃第二只已是臭的，吐都來不及吐出來。之後有燒牛扒，乾乾的，黑椒汁不是黑椒味，非常怪！飲品選擇也很少，凍檸茶竟沒茶味，非常的淡！其他大部份的食物，都是無甚質數可言 ...原本是希望享受復活節最後一天假期，結果吃了不到半小時已經想有離開的感覺，在我來說還真是首次！老婆和阿囝均告訴我，全場最好食的，竟然是豆腐花，真是無言！之前是聽朋友試過自助